1 Iuwãu 1:4 - Sateré-Mawé

⁴ Miꞌi hap kyewi ti mesuwat urumiwan atipoꞌoro ehewowi uruehay eimowepiit kahato hamuat.

1 Iuwãu 1:4 ပူးပေါင်းရင်းမြစ်များ

Iuwãu 15:11

Eiwoꞌomowepiit hap yn ni atikyꞌesat uiwyriaꞌin e. Miꞌi pote haꞌawyte pyi te worohoꞌonapin kahato e. Atikyꞌesat kahato eiwoꞌomowepiit hap sese uiat uiwepiit hap atikyꞌesat eipyꞌa pe e. Miꞌi pote worohoꞌonapin haꞌawyte pyi eimowepiit hamuat uhepiat einapin nug hamuat e.

Iuwãu 16:24

Haꞌawyte pyi ti uhepe yn ewehẽtup eimikyꞌesat koꞌi maꞌato koitywy pyi aru waku ewehẽtup Uiꞌywot pe uhet wywo uimikyꞌesat ewy. Miꞌi hawyi Uiꞌywot tum aru eimowepiit sese hamuat e. Ewehẽtup miꞌi tã hap ewy pote eweipuẽti aru eimiẽtup eimowepiit kahato hamuat e.

2 Iuwãu 1:12

Iꞌatu kahato ti atiwan neran ewowi mana maꞌato waku ahenoi miꞌi koꞌi uiwẽ pyi areineꞌen ewywo hawyi. Maꞌato yt atunug neran koitywy uhehay uimiwan me. Areto teran ewowi mana hawyi miꞌi tote ahenoi uhehay sese epe mana. Iꞌewyte waku ehenoi ehay uhepe aiwoꞌoewa pe. Miꞌi hap eꞌat pe uimowepiit hap sese toineꞌen.

2 Kuriniu 1:24

Kat pote Eikaꞌiwat sese yt uruto i. Miꞌi hawyi areꞌe uiwanetup hawe -Pyno yt kat hamo i areto are. Kat pote poꞌog waku eweikupteꞌen Eikaꞌiwat sese po pe hawyi yt areto i eiꞌapiheg hamo are.

Ewesu 3:19

Yt karãpe i uruikuap yne kat kupitu kat kupitu urukyꞌe hap Iesui piat hap maꞌato ahẽtup kahato ewowi Tupana etimoherep emohey haria pe tawa Ewesu piaria pe aikotã aikotã Esaꞌyru taꞌatukyꞌe hap ahẽtup epe are. Miꞌi hap taꞌatukuap hawyi teꞌeropyhuꞌat eiam sese wo raꞌyn Tupana are iꞌewyte ereineꞌen no iꞌatuwywo kahato are ahẽtup Tupana pe mỹꞌãtutuk pe pyi mesuwe woꞌopyhik hawe.

Iuwãu 3:29

Pyno iãꞌãkap wuo ahenoi ehepe aikotã areineꞌen Aipotypot uut hap ete e. Karãpe woꞌokyiꞌat hap turan toineꞌen woꞌokyiꞌat hanuat wy ok sese. Miꞌi ti toineꞌen itote mekewat woꞌokyiꞌat hap ekatup hamo. Mekewat eꞌat pe iwy ok hekatup kahato towyꞌok eharyꞌi hap eꞌat putꞌok e hap kape. Tuwanetup kahato turan meiũran woꞌokyiꞌat teran hat ehay toikuap taꞌyn. Miꞌi hawyi iwepiit kahato katupono woꞌokyiꞌat hap yt pya hin i raꞌyn. Miꞌi hawyi woꞌokyiꞌat hanuat putꞌok e hawyi iwyꞌok iwepiit sese raꞌyn e. Miꞌi hap ewy uimowepiit hap topyhuꞌat. Miꞌi hawyi Tupana miium uhepiat nug hamo waku raꞌyn e.

1 Iuwãu 2:1

Pyno uhaꞌyruꞌin koꞌi uhakiꞌytꞌin koꞌi yt atikyꞌesat i ti eweiꞌaparap Tupana pe iꞌewyte miitꞌin me. Miꞌi hap etiatno ti mesup atiwan ehewowi. Maꞌato watiꞌaparap Tupana pe miitꞌin me pote waku wahenoi ahepiat iꞌaparap hap. Miꞌi hawyi Aikaꞌiwat timoherep Toꞌywot pe aimohãpyk hamuat toꞌe.