Tito 3:1 - New Testament in Mazatec Huautla

¹ Ti⁴cja³ˀai³tsjen³-lai⁴ nca³ na³nqui³ ca²ta³va³tio²-le⁴ cho⁴ta⁴ti¹tjon² cao⁴ cho⁴ta⁴xa¹, ca²ta³si¹tjo³son²-le⁴, ca²ta³va³tio²nta³ to⁴jme³ xa¹-ni³ xi³ nta³.

Tito 3:1 ပူးပေါင်းရင်းမြစ်များ

San Mateo 22:21

Qui³tso²-le⁴: Tsˀe⁴ César. Cˀia⁴ Jesús qui³tso²-le⁴: Tˀai²-lao⁴³ tso²cˀoa⁴ César je² xi³ tsˀe⁴ César, cˀoa⁴ tˀai²-lao⁴³ Ni³na¹ je² xi³ tsˀe⁴ Ni³na¹.

1 Corintios 15:58

Cˀoa⁴-sˀin², ntsˀe³ xi³ tsjoa³que⁴-no³, qui²xi⁴ ti⁴yo³. A³li² ni²cˀa³ntjai²ya³-jion²³. Nqui²sa⁴ tse³ ti⁴xa¹sa³lao⁴³ Nai³-na¹ nca³ntsjai², nca⁴ ˀya³-nio¹³ nca³ je² xa¹-no³ nca³ ti³yo³cao⁴³ Nai³-na¹ a³li² to⁴cjoa⁴tjao²-jin².

Efesios 2:10

Nca⁴ ña¹ nia¹ xa¹-le⁴ Ni³na¹. Ni³na¹ cˀoa⁴-sˀin² qui³si³nta³-na¹ nca³ ti³yo³coa⁴² Cristo Jesús, jme¹-ni³ nca³ nta³ si⁴xa¹-nia³² jña³-le⁴ xi³ Ni³na¹ to⁴nqui³-ni³ tsa³cˀe¹nta³ nca³ cˀoa⁴-sˀin² coi⁴ma³coa⁴² cjoa⁴-vi⁴.

Filipenses 1:11

Vˀe³tsˀoa²ntjai²³-no³ nca³ nˀion¹ nta³ cˀoa⁴sˀiaon⁴³ je² cjoa⁴qui²xi⁴ xi³ nčhoa¹-ni³ Jesucristo. Cˀoa⁴-sˀin² chˀa⁴sje³je³yao³, cˀoa⁴ nta³ chˀa⁴sjao³ Ni³na¹.

Colosenses 1:10

jme¹-ni³ nca³ cˀoa⁴-sˀin² coi⁴ma³-nio³ jo³-sˀin² nca³ va³quin²-le⁴ Nai³-na¹, jña³-le⁴ nca³yi³je³ xi³ sa³sen¹-le⁴ nca³ je². Nqui²sa⁴ tse³ ca²ti³tjo³son²-no³ jña³-le⁴ xa¹ xi³ nta³ tjin¹, nca³ nqui²sa⁴ nta³ jchao⁴³ Ni³na¹.

1 Timoteo 2:2

xi³ tˀa³tsˀe⁴ cho⁴ta⁴ti¹tjon² cao⁴ nca³tsˀi³ xi³ ncˀa³ tjio¹, jme¹-ni³ nca³ nchˀan¹ coi⁴yo³-si¹nia³², cˀoa⁴ jme¹-ni³ nca³ to⁴jvi³ coa⁴nquin¹cao⁴-si¹nia³² yao³-na¹ nca³ jcha⁴xcoan¹ Ni³na¹ nca³ jcha⁴xcoan¹ cjoa⁴.

1 Timoteo 4:6

Tsa² je² cjoa⁴-vi⁴ cˀoa⁴cˀoin¹-lai⁴ ntsˀe³², cjai¹nca³ nta³ si⁴xa¹-lai⁴ Jesucristo. Coan³jcha¹coai⁴ en¹ xi³ ma³cjain¹-na¹ cao⁴ xi³ nta³ cjoa⁴fa³ˀai³tsjen³ xi³ ji³cho²tjen⁴nqui³-lai⁴.

1 Timoteo 5:10

xi³ nta³ tsa³ˀya³-le⁴ xi³ to⁴tˀa³tsˀe⁴ xa¹-le⁴ xi³ nta³, tsa² qui³si³jcha¹ xti³, tsa² qui³si³sin³-le⁴ xi³ ja³ˀai³con³-le⁴, tsa² tsa³ca³ne¹jon³ ntso⁴co⁴ cho⁴ta⁴-le⁴ Cristo, tsa² tsa³qui³ncha²cao⁴ xi³ cjoa⁴va³ tjin¹-le⁴, tsa² cˀoa⁴-sˀin² nta³ qui³si³xa¹ nca³yi³je³ cjoa⁴.

2 Timoteo 1:6

Xi³ coi³-vi⁴ si³cja³ˀai³tsjen³-le²³ nca³ cˀoe¹tse³-sai³ je² cjoa⁴tjao²-le⁴ Ni³na¹ xi³ je³ti¹jna³jin³-li² nca³ an³ tsa³ca³son²-le²³ ntsa⁴.

2 Timoteo 2:14

Ti⁴cja³ˀai³tsjen³-lai⁴ je²-vi⁴, tˀe²ne²-lai⁴ nqui³xcon⁴ Nai³-na¹ nca³ tsi² fao¹ya³-ni³ en¹-ve⁴ xi³ ni⁴to⁴jme³-jin² chji¹-le⁴. To⁴sa³ si¹sca¹ya³-le⁴ xi³ tjio¹nčhˀoe¹.

2 Timoteo 2:21

Tsa² jnco³ xi³ coi³ cjoa⁴ si¹tsje³-ni³ yao³-le⁴, cˀoa⁴cjoan³ jo³-ni³ tsa² cho⁴tsin¹ xi³ ˀya³xcoan¹, xi³ je³coan³tsje³, xi³ coan⁴ coan⁴chjen¹-le⁴ Nai³-na¹, nca³ ti¹jna³nta³ to⁴jme³ xa¹ xi³ nta³ tjin¹.

Tito 1:16

Cˀoa⁴²tso² nca³ ve³xcon¹ Ni³na¹, to⁴nca³ je² jña³-le⁴ xa¹ xi³ sˀin¹, cja⁴ˀai¹-sˀin² tso²ya³-ni³. Cjai¹nca³ chˀao³ cjoan³, cˀoa⁴ tsˀa³ntjai²cjoa⁴, li²jme³ chji¹-le⁴ tˀa³tsˀe⁴ xa¹ xi³ nta³ tjin¹.

Tito 2:14

Jesucristo qui³tsjoa³ yao³-le⁴ xi³ to⁴tˀa³tsan⁴², jme¹-ni³ nca³ cˀoa⁴-sˀin² tsa³cˀe¹chji¹ntjai²-si¹ni³ nca³yi³je³ je¹-na¹, jme¹-ni³ nca³ qui³si³tsje³ya³-si¹ni³ xi³ tˀa³tsˀe⁴ yao³-le⁴ jnco³ na⁴xi⁴na³nta¹ xi³ ña³qui³ tsˀe⁴. Je² na⁴xi⁴na³nta¹-ve⁴ si¹xi¹ti¹ya³-le⁴ yao³-le⁴ tˀa³tsˀe⁴ xa¹ xi³ nta³ tjin¹.

Tito 3:14

Cˀoa⁴-ti⁴sˀin² ca²ta³co³tˀa³ya² xi³ tsan⁴² cho⁴ta⁴, nca³ nta³ ca²ta³si¹sin³-le⁴ xa¹ xi³ nta³ tjin¹, jme¹-ni³ nca³ coi⁴ncha³cao⁴-si¹ni³ je² xi³ ma³chjen¹-le⁴, jme¹-ni³ nca³ coan⁴ncjin²ya³-si¹ni³le⁴ cjoa⁴nta³-le⁴.

Tito 3:8

En¹ xi³ cjoa⁴qui²xi⁴ je²-vi⁴. Me³-na³ nca³ nˀion¹ nta³ si⁴qui²xi⁴yai³ je² cjoa⁴-vi⁴, jme¹-ni³ nca³ nta³ si⁴²sin³-si¹ni³le⁴ xa¹ xi³ nta³ tjin¹ je² cho⁴ta⁴ xi³ je³coan³cjain¹-le⁴ tˀa³tsˀe⁴ Ni³na¹. Cjai¹nca³ nta³ je² cjoa⁴-vi⁴, cˀoa⁴ cjai¹nca³ nta³ ma³chjen¹-le⁴ nca³tsˀi³ cho⁴ta⁴.

Hebreos 13:21

Ni³na¹ ca²ta³si¹jnco³cao⁴-no³ nca³yi³je³ xi³ nta³, jme¹-ni³ nca³ cˀoa⁴sˀian⁴-si¹nio³ jo³-sˀin² nca³ me³-le⁴ nca³ je², nca³ si¹xa¹jin³-no³ je² cjoa⁴ xi³ nqui²sa⁴ nta³ sa³sen¹-le⁴ nqui³xcon⁴ nca³ je², xi³ to⁴tˀa³tsˀe⁴ Jesucristo. Je²-vi⁴ xi³ ca²ta³sˀe³-le⁴ cjoa⁴je³ya³ xi³ nca³ntsjai² nca³ntsjai². Cˀoa⁴ ca²ta³ma³.

2 Pedro 1:12

Coi³ cjoa⁴ li²coi³ coa²te⁴jna³jyoa¹³ nca³ si³cja³ˀai³tsjen³ ntsjai²-no³ je² cjoa⁴-vi⁴, nta³ tsa² je³ˀyao³, nta³ tsa² je³ti³yo³nˀion¹jin³-lao⁴³ je² cjoa⁴qui²xi⁴ xi³ je³tjin¹-no³.

Judas 1:5

Me³-na³, tso²cˀoa⁴, nca³ si³cja³ˀai³tsjen³ nqui²jnco³cˀa²-no³, nta³ tsa² je³tsa³ˀyao³ je²-vi⁴, nca³ je² Nai³-na¹ tsa³cˀa³sje³ntjai²-ni³ na³nqui³ Egipto na⁴xi⁴na³nta¹-le⁴. Coan³scan³-ni³ qui³si³cha³ je² xi³ tsi² coan³cjain¹-le⁴.