Tito 2:14 - New Testament in Mazatec Huautla

¹⁴ Jesucristo qui³tsjoa³ yao³-le⁴ xi³ to⁴tˀa³tsan⁴², jme¹-ni³ nca³ cˀoa⁴-sˀin² tsa³cˀe¹chji¹ntjai²-si¹ni³ nca³yi³je³ je¹-na¹, jme¹-ni³ nca³ qui³si³tsje³ya³-si¹ni³ xi³ tˀa³tsˀe⁴ yao³-le⁴ jnco³ na⁴xi⁴na³nta¹ xi³ ña³qui³ tsˀe⁴. Je² na⁴xi⁴na³nta¹-ve⁴ si¹xi¹ti¹ya³-le⁴ yao³-le⁴ tˀa³tsˀe⁴ xa¹ xi³ nta³ tjin¹.

Tito 2:14 ပူးပေါင်းရင်းမြစ်များ

San Mateo 1:21

Cˀoa⁴ jnco³ ˀnti¹ cˀoe⁴² xi³ Jesús cˀoin¹-lai⁴ jan³ˀain¹-le⁴, nca⁴ je² cˀoa⁴sje³ntjai² na⁴xi⁴na³nta¹-le⁴ xi³ tˀa³tsˀe⁴ je¹-le⁴.

San Mateo 20:28

Ti⁴cˀoa⁴-sˀin²ni³ je² ˀnti¹-le⁴ cho⁴ta⁴ li²coi³ ja³ˀai³ nca³ si⁴xa¹-le⁴, to⁴nca³ je² xi³ si⁴²xa¹, cˀoa⁴ tsjoa¹ ni⁴ma⁴-le⁴ nca³ cˀoe⁴²chji¹ntjai² ncjin² cho⁴ta⁴.

San Mateo 3:12

Je² xi³ vˀe¹ntjao⁴-ni³le⁴ cjia³ ntsja³, cˀoa⁴ si⁴²tsje³ tˀa³na³nqui³, cˀoa⁴ coi⁴ncha³xco¹ trigo ja⁴ya³ ni³ncˀa³-le⁴, cˀoa⁴ tje¹-le⁴ coi⁴ti⁴jin³ lˀi¹ xi³ ni⁴cˀia³-jin² cjoi⁴tsˀao³.

San Juan 10:15

Jo³-sˀin² nca³ ve³xcon³-na³ Nˀai³-na¹, cˀoa⁴-ti⁴ an³ ˀve³xcoan³ Nˀai³-na¹. Tsjoa³ntje²³ ni⁴ma⁴-na⁴ xi³ tˀa³tsˀe⁴ je² ˀnti¹cho⁴va³rre². tjio¹jin³. Cˀoa⁴-ti⁴ je²-ve⁴ ma³chjen¹-na³ nca³ cjoi⁴nčhoa³.

San Juan 6:51

An³ nia¹³ nio⁴xti²la⁴ xi³ ti¹jna³con³, xi³ ji²tjo⁴jen³-nia³ ncˀa³jmi³. Tsa² jnco³ xi³ je² nio⁴xti²la⁴ coa⁴cjen⁴, cˀoe¹jna³con³-ni¹ nca³ntsjai². Je² yao³-na⁴ je² nio⁴xti²la⁴ xi³ an³ tsjoa³. Coi³ xi³ an³ tsjoa³, jme¹-ni³ nca³ coa⁴tio⁴con³-si¹ni³ cho⁴ta⁴son³ˀnte³.

Hechos de los Apóstoles 15:14

Je² Simón cˀoa⁴-sˀin² tsa³cˀe¹ na⁴jmi¹ jo³-sˀin² Ni³na¹ nca³ ti¹tjon² ji³cho²con³-le⁴ cho⁴ta⁴ xi³ li² judío-jin², nca³ cjoa⁴ˀa²jin³ cho⁴ta⁴ xi³ cˀoin¹-le⁴ nca³ tsˀe⁴.

Hechos de los Apóstoles 15:9

Ni³na¹ to⁴nco¹son²-sˀin² qui³cao⁴-na¹ nca³tsˀia³² cao⁴ ña¹ cao⁴ je². Qui³si³tsje³-ni³ ni⁴ma⁴-le⁴ cˀia⁴ nca³ coan³cjain¹-le⁴.

Hechos de los Apóstoles 20:28

Jon² xi³ je² Espíritu Santo tsa³qui³ncha¹nta³-no³ nca³ si⁴coi²ntao⁴³. Jo³-ni³ tsa² va³rre² xi³ tjio¹jtin¹, cˀoa⁴-sˀin² ti⁴coi²ntao⁴³ na⁴xi⁴na³nta¹-le⁴ Nai³-na¹ xi³ je² Nai³-na¹ qui³njen²-le⁴ xi³ ti⁴tˀa³tsˀe⁴-ni³ cao⁴ njin¹-le⁴.

Hechos de los Apóstoles 9:36

Ya⁴ Jope ti¹jna³ jnco³ chjon⁴² xi³ cˀoa⁴-ti⁴ cho⁴ta⁴-le⁴ Cristo. Tabita ˀmi², xi³ tso²-ni³ Dorcas. A³li² to⁴cˀoa⁴cji³ nta³ chjon⁴² je²-vi⁴. Cjai¹nca³ nta³ tjin¹ xa¹-le⁴, cˀoa⁴ tse³ limosna xi³ tsjoa¹.

Gálatas 1:4

Je² Jesucristo xi³ ti⁴je² qui³tsjoa-ni³ yao³-le⁴ tˀa³tsˀe⁴ je¹-na¹, jme¹-ni³ nca³ cˀoa⁴sje³ntjai²-si¹ni³na¹ coi³ ni⁴čhjin³ je²-vi⁴ xi³ chˀao³ tjin¹, jo³-sˀin² nca³ me³-le⁴ Ni³na¹ Nˀai³-na¹.

Gálatas 2:20

Cˀia⁴ nca³ Cristo tsa³cˀe²jna³ cˀen³ ya⁴tˀa³ cro², cˀoa⁴-ti⁴ an³ to⁴jo³ cˀoa⁴-sˀin² tsa³ca²te⁴jna³ cˀen³, to⁴nca³ ti²jna⁴coan³, li²coi³ ti⁴ˀan³-nia³, to⁴nca³ Cristo ti¹jna³con³ ja⁴jin³ ni⁴ma⁴-na⁴. Je² cjoa⁴vi³jna³chon³ xi³ ntˀai⁴-vi⁴ ti²jna⁴con³-nia³ yao³-na⁴, ti²jna⁴coan³ nca⁴ ma³cjain¹-na³ tˀa³tsˀe⁴ je² ˀnti¹-le⁴ Ni³na¹, xi³ coan³tsjoa³que³-na³, xi³ qui³tsjoa³ntjai² yao³-le⁴ xi³ tˀa³tsˀan⁴.

Gálatas 3:13

Je² Cristo tsa³cˀe¹chji¹ntjai²-na³jin⁴ tˀa³tsˀe⁴ cjoa⁴ñˀain³-le⁴ cjoa⁴te¹xo³ma³, nca³ je² tsa³cˀe²jna³ne²-le⁴ cjoa⁴ñˀain³-na⁴jin⁴. Nca⁴ tji¹tˀa³: Ña³qui³ cjoa⁴ñˀain³ ti¹jna³ne²-le⁴ to⁴ˀya³-ni³ xi³ ya⁴ tsjen³tjen⁴vˀa³nqui³tˀa³ ya¹.

Efesios 1:11

To⁴coi³ nca³ Cristo ti³yo³coa⁴², tsa³cja³ˀa¹jin³-na¹, cˀoa⁴ tsa³ca³sen¹-na¹ jo³-sˀin² nca³ to⁴nqui³-ni³ qui³sco³son²-ni³le⁴ je² xi³ vˀe¹nta³ nca³yi³je³ jo³-sˀin² si¹cja³ˀai³tsjen³, nca³ cˀoa⁴-sˀin² me³-le⁴.

Efesios 2:10

Nca⁴ ña¹ nia¹ xa¹-le⁴ Ni³na¹. Ni³na¹ cˀoa⁴-sˀin² qui³si³nta³-na¹ nca³ ti³yo³coa⁴² Cristo Jesús, jme¹-ni³ nca³ nta³ si⁴xa¹-nia³² jña³-le⁴ xi³ Ni³na¹ to⁴nqui³-ni³ tsa³cˀe¹nta³ nca³ cˀoa⁴-sˀin² coi⁴ma³coa⁴² cjoa⁴-vi⁴.

Efesios 5:2

Cao⁴ cjoa⁴tjao²cha³ ti⁴ma³cao⁴³ xi²nquio⁴³, jo³-sˀin² Cristo coan³tsjoa³que³-na¹, qui³tsjoa³ntjai²-na¹ yao³-le⁴, jo³-ni³ jnco³ cjoa⁴tjao², cˀoa⁴ jo³-ni³ xi³ qui³tsˀai²ntjai²-na¹ xi³ na³sca¹ njen⁴ nqui³xcon⁴ Ni³na¹.

1 Timoteo 1:15

Je² en¹-vi⁴ xi³ ña³qui³ cˀoa⁴tjin¹, xi³ va³quin²-le⁴ nca³ chjo¹ve¹ nca³tsˀia³²: Cristo Jesús ja³ˀai³ i⁴ son³ˀnte³-vi⁴, ja³ˀai³ cˀa³sje³ntjai² cho⁴ta⁴je¹. An³ nia¹³ xi³ cho⁴ta⁴je¹ti¹tjoan²³.

1 Timoteo 2:10

To⁴sa³ ca²ta³sˀin¹ xa¹ xi³ nta³, jo³-sˀin² va³quin²-le⁴ ya¹nchjin¹ xi³ tso² nca³ ve³xcon¹ Ni³na¹.

1 Timoteo 2:6

Je² xi³ qui³tsjoa³ yao³-le⁴ jo³-ni³ chji¹-le⁴ xi³ tsa³cˀe¹chji¹ntjai² nca³tsˀi³. Qui³tsˀai² en¹ xi³ tˀa³tsˀe⁴ je²-vi⁴ nca³ ji³cho² ni⁴čhjin³ nca³ tsˀa³cao⁴-le⁴.

1 Timoteo 6:18

Je² cho⁴ta⁴nchi⁴na¹-ve⁴ cjoa⁴nta³ ca²ta³sˀin¹, nˀion¹ tse³ cjoa⁴nta³ ca²ta³sˀe³-le⁴, ca²ta³si¹tjao²cha³ xi³ yo⁴ma⁴, nca³ sin³ nca³ nta³ ca²ta³tsjoa¹.

Tito 2:7

Ta⁴co²cho⁴yai³ xa¹-li⁴ jña³-le⁴ nca³yi³je³ xa¹ xi³ nta³ tjin¹. Cˀia⁴ nca³ va³co²yai³, nˀion¹ nta³ ta⁴co²yai³ xi³ tsje³ tjin¹, xi³ tsi² to⁴xquia⁴ sˀin¹.

Tito 3:8

En¹ xi³ cjoa⁴qui²xi⁴ je²-vi⁴. Me³-na³ nca³ nˀion¹ nta³ si⁴qui²xi⁴yai³ je² cjoa⁴-vi⁴, jme¹-ni³ nca³ nta³ si⁴²sin³-si¹ni³le⁴ xa¹ xi³ nta³ tjin¹ je² cho⁴ta⁴ xi³ je³coan³cjain¹-le⁴ tˀa³tsˀe⁴ Ni³na¹. Cjai¹nca³ nta³ je² cjoa⁴-vi⁴, cˀoa⁴ cjai¹nca³ nta³ ma³chjen¹-le⁴ nca³tsˀi³ cho⁴ta⁴.

Hebreos 1:3

Ti⁴je²-ni³ Jesucristo xi³ qui³si³cˀa³tsen³ cjoa⁴je³ya³-le⁴ Ni³na¹. Cˀoa⁴-ti⁴ cjoan³-ni³ Cristo ti⁴je²-ni³ sen¹-le⁴ jo³ cjoan³ Ni³na¹. Cˀoa⁴ je² Cristo va³sen²nˀion¹-ni³ nca³yi³je³ cjoa⁴ cao⁴ en¹ xi³ tsˀe⁴ nca³nˀion¹-le⁴. Cˀia⁴ nca³ je³qui³si³tsje³ je¹-na¹, tsa³cˀe²jna³tˀa³-le⁴ ntsja³ nca³ qui²xi⁴ je² xi³ ti¹jna³je³ya³ ncˀa³jmi³.

Hebreos 10:24

Cˀoa⁴ si⁴cja³ˀai³tsjen³jin³-nia¹ xi²nquia⁴² nca³ jnco¹jncoa¹, nca³ si⁴nˀion¹jian³² xi²nquia⁴², nca³ sˀe⁴-na¹ cjoa⁴tjao²cha³, cˀoa⁴ nca³ cˀoa⁴sˀian⁴² xa¹ xi³ nta³.

Hebreos 9:14

je² njin¹-le⁴ Cristo a³li² to⁴cˀoa⁴cji³ nqui²sa⁴ nta³ si¹tsje³-ni³ cjoa⁴fa³ˀai³tsjen³-no³ xa¹ xi³ chˀao³ tjin¹, jme¹-ni³ nca³ si⁴xa¹-si¹ni³lao⁴³ je² Ni³na¹ xi³ ti¹jna³con³. Cristo ti⁴je² qui³tsjoa³tˀa³-ni³le⁴ Ni³na¹ yao³-le⁴ nca³ ña³qui³ tsje³, xi³ to⁴tˀa³tsˀe⁴ espíritu xi³ ti⁴tsˀe⁴-ni³ xi³ nca³ntsjai².

Santiago 4:8

Ti⁴čhian³tˀa³-lao⁴³ Ni³na¹, cˀia⁴ cˀoa⁴-ti⁴ je² si⁴²čhian³tˀa³-no³ nca³ jon². Xi³ cho⁴ta⁴jao¹³, ti⁴tsjao³ ntsao⁴³, cˀoa⁴ jon² xi³ jao² vˀao²-ta³con²³ ti⁴tsjao³ ni⁴ma⁴-no³.

1 Pedro 1:18

Je³ˀyao³ nca³ coan³chji¹ntjao²³ jo³-sˀin² nca³ chˀao³ tsa³qui³yo³, xi³ cˀoa⁴-sˀin² qui³sˀe³-no³ jo³-ni³ tsa² cjoa⁴tjao²-le⁴ xi³jcha¹-no³. Li² tsa² coan³chji¹ntjai²-jion²³ cao⁴ tso³jmi² xi³ fi³tson³, ni⁴ cao⁴ taon⁴si³ne²-jin², ni⁴ cao⁴ taon⁴čhoa³-jin²,

1 Pedro 1:22

Qui³ni²tsjao³ ni⁴ma⁴-no³ nca³ qui³ni²tjo³son²-lao⁴³ xi³ cjoa⁴qui²xi⁴ xi³ to⁴tˀa³tsˀe⁴ je² Espíritu Santo, nca³ ña³qui³ cjoa⁴qui²xi⁴ ma³tsjoa³chao³ ntsˀao³. Nˀion¹ nta³ ca²ta³ma³tsjoa³chao³ xi²nquio⁴³ cao⁴ ni⁴ma⁴-no³ xi³ tsje³ tjin¹.

1 Pedro 2:12

Nta³ ta³nquin¹cao⁴³ yao³-no³ ya⁴jin³-le⁴ cho⁴ta⁴ xi³ li² judío-jin². Nta³ tsa² jo³-ni³ cho⁴ta⁴tsˀen⁴ ve³con³-no³, cˀia⁴ tsa² scoe⁴ nca³ nta³ xa¹-no³, cˀoa⁴sje³je³ya³ Ni³na¹ coi³ ni⁴čhjin³ nca³ Ni³na¹ cjoa⁴ˀai¹con³-le⁴.

1 Pedro 2:9

Jon² nio¹³ na⁴xi⁴na³nta¹ xi³ qui³tjo³jion³. Jon² nio¹³ na⁴ˀmi³ xi³ ncˀa³ xa¹-le⁴. Jon² nio¹³ na⁴xi⁴na³nta¹ xi³ tsje³, na⁴xi⁴na³nta¹ tˀa³tsˀe⁴ Ni³na¹, jme¹-ni³ nca³ coi⁴no²cjoa⁴ya³-nio³ cjoa⁴nta³ xi³ tsˀe⁴ Ni³na¹ xi³ qui³nchja⁴-no³ jña³ nca³ i³sen³xcon¹, ji²tjo⁴³ jña³ nca³ njion².

1 Pedro 3:18

Cˀoa⁴-ti⁴ to⁴jnco³ cˀa², ntia³ tsa³cja³ˀa¹nˀion¹ cjoa⁴ñˀain³ Cristo xi³ to⁴tˀa³tsˀe⁴ cjoa⁴tsˀen⁴. Je² xi³ tjin¹-le⁴ cjoa⁴qui²xi⁴ tsa³cja³ˀa¹ cjoa⁴ñˀain³ xi³ tˀa³tsˀe⁴ xi³ tsin²-le⁴ cjoa⁴qui²xi⁴, jme¹-ni³ nca³ coai⁴cao⁴-si¹ni³na¹ Ni³na¹. Ña³qui³ cˀen³ jo³ cjoan³ yao³-le⁴, to⁴nca³ qui³ni²cˀe¹jna³con³ jo³ cjoan³ espíritu-le⁴.

1 Juan 1:7

Cˀia⁴ tsa² jña³ nca³ i³sen³ ma³nquian¹, jo³-sˀin² jña³ nca³ i³sen³ ti¹jna³ nca³ je², cˀoa⁴-sˀin² ti³yo³cjoa³² xi²nquia⁴², cˀoa⁴ njin¹-le⁴ Jesucristo ˀnti¹-le⁴ Ni³na¹ si¹tsje³ya³-na¹ nca³yi³je³ je¹-na¹.

1 Juan 1:9

Tsa² ni²qui²xi⁴ya³nta³² je¹-na¹, Ni³na¹ nˀion¹tˀa³con³, cˀoa⁴ tjin¹-le⁴ cjoa⁴qui²xi⁴, si¹cha³tˀa³ je¹-na¹, cˀoa⁴ si¹tsje³-na¹ nca³yi³je³ xi³ li²coi³ nta³ tjin¹.

1 Juan 3:2

Jon² xi³ cjai¹nca³ tsjoa³que⁴-no³, ntˀai⁴-vi⁴ ˀnti¹-le⁴ Ni³na¹ nia¹ nca³ ña¹. Cje³-sa³ ma³tsen³-jin² jo³ coan⁴ cjoan³², to⁴nca³ ˀya³-nia¹ cˀia⁴ nca³ coan⁴tsen³ nca³ je², cˀoa⁴-ti⁴ cˀoa⁴coan⁴ cjoan³² jo³ cjoan³ nca³ je², nca⁴ cˀoa⁴-sˀin² jcha⁴² jo³ cjoan³ nca³ je².

Apocalipsis 1:5

cˀoa⁴ Jesucristo je² testigonta³, je² xi³ ti¹tjon² ja³ˀa²ya³jin³-ni³le⁴ cˀen³, je² xi³ nca³jco⁴-le⁴ cho⁴ta⁴ti¹tjon² xi³ i⁴ tjio¹ son³ˀnte³-vi⁴. Je² xi³ coan³tsjoa³que³-na¹. Je² xi³ tsa³ca³ne¹ya³-ni³ cao⁴ njin¹-le⁴ je² je¹-na¹.

Apocalipsis 5:9

Cˀoa⁴ qui³se³ jnco³ jnta³ cho⁴tse⁴, tso²: Va³quin²-li² nca³ chjoai¹³ je² xon⁴, cˀoa⁴ nca³ chˀa⁴sje³tˀai³ sello-le⁴. Nca⁴ ji³ qui³ni²cˀen³-li², nca³ cao⁴ njin¹-li⁴ ji³ tsa³cˀe²chji¹ntjai²n-a³jin⁴ xi³ tˀa³tsˀe⁴ Ni³na¹, nca³ ja²ˀai⁴-ni³jin⁴ nca³yi³je³ ntje⁴, nca³yi³je³ en¹, nca³yi³je³ na⁴xi⁴na³nta¹, nca³yi³je³ ˀnte³.