Tito 1:4 - New Testament in Mazatec Huautla

⁴ An³ ti²cji³-le²³ ji³ Tito xi³ ˀnti¹nta³-na⁴ ma³-le²³, jo³-sˀin² nca³ ma³cjain¹-na¹ nca³tsˀia³². Ca²ta³tsjoa¹-li² cjoa⁴nta³, ca²ta³ma³ma⁴que³-li², ca²ta³si¹qui³njen³nchˀan¹jin³ ni⁴ma⁴-li⁴ je² Ni³na¹ Nˀai³-na¹, cao⁴ Nai³-na¹ Jesucristo xi³ vˀa³sje³ntjai²-na¹.

Tito 1:4 ပူးပေါင်းရင်းမြစ်များ

San Lucas 2:11

Ca²tsin³-no³ ntˀai⁴-vi⁴ ya⁴ na⁴xi⁴na³nta¹-le⁴ David, jnco³ xi³ cˀoa⁴sje³ntjai²-no³ xi³ Cristo je² Nai³-na¹.

San Juan 4:42

Cho⁴ta⁴ cˀoa⁴qui³tso²-le⁴ chjon⁴²-ve⁴: A³li² tsa² to⁴coi³ nca³ ma³cjain¹-na³jin⁴ xi³ to⁴tˀa³tsˀe⁴ en¹-li⁴. Cˀoa⁴-ti⁴ je³ca²no²ˀyai²⁴-jin⁴ nca³ jin⁴, cˀoa⁴ ˀya³-ni¹⁴jin⁴ nca³ je² xi³ ña³qui³ cjoa⁴qui²xi⁴ vˀa³sje³ntjai² cho⁴ta⁴, je² Cristo ˀmi².

Romanos 1:12

Coi³ xi³ tso²-le⁴ nca³ to⁴jnco³ si⁴je³ta³coan³² xi²nquia⁴² cao⁴ jo³-sˀin² ma³cjain¹-na¹ cao⁴ jon² cao⁴ an³.

Romanos 1:7

Ti²cji³-no³ nca³tsˀio³ xi³ ti³yo³ ya⁴ Roma, xi³ tsjoa³que³-no³ Ni³na¹, xi³ qui³no²cjoa⁴-no³ nca³ cho⁴ta⁴-le⁴ Cristo coaon⁴³. Ni³na¹ Nˀai³-na¹ cao⁴ Nai³-na¹ Jesucristo ca²ta³tsjoa¹-no³ cjoa⁴nta³, ca²ta³si¹qui³njen³nchˀan¹jin³ ni⁴ma⁴-no³.

2 Corintios 12:18

Tsa³cˀe³ne²³-le⁴ Tito, cˀoa⁴ qui³si³ca³sen¹jncoa³ ntsˀe³² cao⁴ je². A³ cˀoa⁴²-sˀin² tsa³cˀa³na⁴cha⁴-no³ Tito. A³ tsi² tsa² ti⁴coi³-ni³ cjoa⁴fa³ˀai³tsjen³ ti³ma³jin³-ni³jin⁴, cˀoa⁴ ti⁴coi³-ni³ ntia⁴² ti³ma³yai³⁴-jin⁴.

2 Corintios 2:13

to⁴nca³ li²coi³ qui³si³cja¹ya³ ni⁴ma⁴-na⁴, nca³ tsi² tsa² coan³sjai³-na³ ntsˀe³² Tito. Cˀoa⁴-sˀin² qui³si³xa³tˀa³ cho⁴ta⁴ ya⁴-ve⁴, cˀoa⁴ quia³ ya⁴ Macedonia.

2 Corintios 4:13

To⁴nca³ to⁴nco¹son²-sˀin² ma³cjain¹-na³jin⁴ jo³-sˀin² coan³cjain¹-le⁴ je² xi³ cˀoa⁴-sˀin² qui³squi³: Coan³cjain¹-na³, to⁴coi³ cˀoa⁴-sˀin² qui³nchja²³-nia³. Jin⁴-jin⁴ cˀoa⁴-ti⁴sˀin²ni³ ma³cjain¹-na³jin⁴, to⁴coi³ cˀoa⁴-sˀin² no²cjoa⁴-ni³jin⁴.

2 Corintios 7:6

To⁴nca³ Ni³na¹ xi³ si¹je³con³ je² xi³ i³nta³ tjio¹con³, qui³si³je³con³-na³jin⁴ cˀia⁴ nca³ ja³ˀai³ Tito.

2 Corintios 8:16

To⁴nca³ ca²ta³vˀai²-le⁴ cjoa⁴nta³ Ni³na¹ xi³ qui³tsjoa³jin³ ni⁴ma⁴-le⁴ Tito nca³ ti⁴cˀoa⁴-sˀin² qui³si³coi²nta⁴-ni³no³.

2 Corintios 8:23

Ntˀai⁴-vi⁴ je² xi³ vˀa³cao⁴-le⁴ Tito, mi²yo⁴-na⁴ ma³-ni³ xi³ ña³tjen⁴ si¹xa¹cao⁴-na³ tˀa³tsaon⁴³. Cˀoa⁴-ti⁴ je² xi³ vˀa³cao⁴-le⁴ ntsˀe³², je² ni¹ xi³ fi² tsjoa¹ en¹ xi³ tˀa³tsˀe⁴ je² na⁴xi⁴na³nta¹-le⁴ Cristo cˀoa⁴ cˀoa⁴sje³je³ya³ Cristo.

2 Corintios 8:6

Coi³ nca³ cˀoa⁴-sˀin² tsa³cˀe²ne²-lai⁴jin⁴ je² Tito, jo³-sˀin² nca³ tsa³cˀe¹tsˀia⁴cao⁴ nca³ ti¹tjon², cˀoa⁴-ti⁴sˀin² ca²ta³si¹cje³tˀa³-ni³ je² cjoa⁴nta³-vi⁴ ya⁴jin³-no³ nta³ tsa² jon².

Gálatas 2:3

Ni⁴je²-jin² Tito xi³ ya⁴ tsa³cˀe²jna³cao⁴-na³, li²coi³ cjoa⁴nˀion¹ qui³nˀian²-le⁴ nca³ cjoa⁴circuncisión coan³-le⁴, nta³ tsa² cho⁴ta⁴ griego ni¹.

Gálatas 3:26

Xti³-le⁴ Ni³na¹ nio¹³ nca³tsˀio³, xi³ to⁴tˀa³tsˀe⁴ nca³ ma³cjain¹-no³ tˀa³tsˀe⁴ Cristo Jesús.

Gálatas 3:28

Tsin² cho⁴ta⁴ judío-jin², ni⁴cho⁴ta⁴ griego-jin². Tsin² xi³ cho⁴ˀnta³-jin², ni⁴ xi³ tjio¹ntai¹-jin². Tsin² xi³ xˀin⁴-jin², ni⁴ya¹nchjin¹-jin². Nca³tsˀio³ to⁴jnco³-nio¹³ nca³ ti³yo³cao⁴³ Cristo Jesús.

Efesios 1:2

Ni³na¹ nˀai³-na¹ cao⁴ Nai³-na¹ Jesucristo ca²ta³tsjoa¹-no³ cjoa⁴nta³, cˀoa⁴ ca²ta³si¹qui³njen³nchˀan¹jin³ ni⁴ma⁴-no³.

Colosenses 1:2

ti³chji³-lai²⁴jin⁴ jon² xi³ cho⁴ta⁴-le⁴ Cristo, cao⁴ ntsˀe³² xi³ nta³ ma³nquin¹tˀa³-lao⁴³ Cristo, xi³ ti³yo³ ya⁴ Colosas. Ca²ta³tsjoa¹-no³ cjoa⁴nta³, ca²ta³si¹qui³njen³nchˀan¹jin³ ni⁴ma⁴-no³ je² Ni³na¹ Nˀai³-na¹ cao⁴ Nai³-na¹ Jesucristo.

1 Timoteo 1:12

Tsjoa³-le⁴ cjoa⁴nta³ je² xi³ qui³tsjoa³-na³ nca³nˀion¹, Cristo Jesús Nai³-na¹, nca⁴ cˀoa⁴-sˀin² nˀion¹tˀa³con³-na³ nca³ tsa³ca³se¹jna³-na³ je² xa¹-vi⁴.

2 Timoteo 1:1

An³ nia¹³ Pablo, pa²stro⁴-le⁴ Jesucristo nca³ cˀoa⁴-sˀin² coan³me³-le⁴ Ni³na¹. An³ nia¹³ pa²stro⁴ xi³ tˀa³tsˀe⁴ je² cjoa⁴vi³jna³chon³ xi³ Ni³na¹ qui³si³sˀe³nqui³, cˀoa⁴ xi³ Cristo Jesús tsjoa¹.

2 Timoteo 1:2

Ti²cji³-le²³ Timoteo ˀnti¹-na⁴ xi³ tsjoa³que⁴. Ni³na¹ Nˀai³-na¹ cao⁴ Jesucristo Nai³-na¹ ca²ta³tsjoa¹-li² cjoa⁴nta³, ca²ta³ma³ma⁴que³-li², ca²ta³si¹qui³njen³nchˀan¹jin³ ni⁴ma⁴-li⁴.

2 Timoteo 4:10

Je² Demas qui³tsjion³-na³ nca³ coan³tsjoa³que³ cjoa⁴ xi³ tjin¹ ntˀai⁴-vi⁴. Qui³ ya⁴ Tesalónica. Crescente qui³ ya⁴ Galacia. Tito qui³ ya⁴ Dalmacia.

Tito 1:3

Tsa³cˀe¹son²tsen³ en¹-le⁴ nca³ ji³cho² ni⁴čhjin³-le⁴ nca³ qui³no²cjoa⁴ya³-ni³. An³ qui³nchja²ya³ jo³-sˀin² qui³sˀe³ne²-na³, nca³ cˀoa⁴-sˀin² tsa³ca³te¹xo³ma³-na³ Ni³na¹ xi³ vˀa³sje³ntjai²-na¹.

Tito 2:13

Ti³cho³ya²-le⁴² xi³ cjai¹nca³ to⁴nta³ cjoa⁴nta³, cˀia⁴ nca³ coan⁴tsen³ cjoa⁴je³ya³-le⁴ je² Ni³na¹ xi³ nˀion¹ ncˀa³, xi³ vˀa³sje³ntjai²-na¹, xi³ ti⁴je²-ni³ Jesucristo.

2 Pedro 1:1

An³ nia¹³ Simón Pedro, cho⁴ˀnta³-le⁴ cˀoa⁴ pa²stro⁴-le⁴ Jesucristo. Ti²cji³-no³ jon² xi³ to⁴nco¹son² ma³cjain¹-no³ jo³-sˀin² ma³cjain¹-na³jin⁴ nca³ jin⁴-jin⁴. Xi³ ma³cjain¹-na¹ nˀion¹ chji¹-le⁴. Cˀoa⁴-sˀin² qui³tsˀai²-na¹ xi³ to⁴tˀa³tsˀe⁴ cjoa⁴qui²xi⁴-le⁴ Jesucristo xi³ Ni³na¹-na¹ cˀoa⁴ xi³ tsa³cˀa³sje³ntjai²-na¹.

2 Pedro 1:11

Cˀoa⁴-sˀin² cjai¹nca³ to⁴nta³ cˀoai⁴ˀnte³-no³ cˀia⁴ nca³ coi⁴tja¹sˀen³jion³ cao⁴ cjoa⁴je³ya³ je² cjoa⁴te¹xo³ma³ntsjai²-le⁴ Jesucristo xi³ Nai³-na¹ cˀoa⁴ xi³ tsa³cˀa³sje³ntjai²-na¹.

2 Pedro 2:20

Cjoa⁴qui²xi⁴ ni¹, tsa² je² xi³ cˀoa⁴-sˀin² tsa³qui³ncha³xin²tˀa³-le⁴ je² cjoa⁴chˀao³cjoa⁴jnti¹-ve⁴ xi³ tjin¹ i⁴ son³ˀnte³, nca³ je³tsa³ve³ Nai³-na¹ xi³ tsa³cˀa³sje³ntjai²-na¹, je² Jesucristo, tsa² nqui²jnco³cˀa² tjio¹si¹cˀo¹jin³ yao³-le⁴ cjoa⁴chˀao³cjoa⁴jnti¹-ve⁴, je³qui³ni²qui³njen³-le⁴. To⁴nqui²sa⁴ chˀao³sˀin² tjio¹ xi³ fe³tˀa³-ni³ cao⁴-ni³ nca³ to²tsˀin³-le⁴ cjoa⁴.

2 Pedro 3:18

Ca²ta³ma³jcha¹jin³-no³ cjoa⁴nta³-le⁴ cˀoa⁴ cjoa⁴fa³ˀai³tsjen³-le⁴ Nai³-na¹ Jesucristo xi³ tsa³cˀa³sje³ntjai²-na¹. Je² ca²ta³vi³tjo³je³ya³ ntˀai⁴-vi⁴, cˀoa⁴ sa³ˀnta³ nca³ ni⁴čhjin³ xi³ tsi² cjoe⁴tˀa³. Cˀoa⁴ ca²ta³ma³.

2 Pedro 3:2

jme¹-ni³ nca³ cjoa⁴ˀai¹tsjen³-si¹ni³no³ je² en¹ xi³ co²tse³ tsa³ca¹ya³con³ je² cho⁴ta⁴ xi³ tsje³ tsa³ca³tio², xi³ qui³nchja⁴ya³ tˀa³tsˀe⁴ Ni³na¹, cˀoa⁴ nca³ cjoa⁴ˀai¹tsjen³-si¹ni³no³ je³ cjoa⁴te¹xo³ma³-le⁴ Nai³-na¹ xi³ tsa³cˀa³sje³ntjai²-na¹, xi³ qui³tsˀai²-no³ to⁴tˀa³tsˀe⁴ pa²stro⁴-no³.

1 Juan 5:14

Cˀoa⁴-sˀin² nˀion¹tˀa³ta³coan³² ntˀai⁴ nqui³xcon⁴ nca³ je². Tsa² ni²je¹ to⁴jme³-ni³ cjoa⁴ jo³-sˀin² me³-le⁴ nca³ je², je² nčhˀoe¹-na¹.

Judas 1:3

ˀnti¹ntsˀe³ xi³ tsjoa³que⁴, cjai¹nca³ coan³me³-na³ nca³ qui³squi³-no³ tˀa³tsˀe⁴ cjoa⁴vi³tjo³ntjai²-na¹. Cjai¹nca³ coan³chjen¹-na³ nca³ qui³squi³-no³ nca³ cˀoe³ne²³-no³ nca³ nˀion¹ si⁴nchja¹cao⁴-sao³ tˀa³tsˀe⁴ xi³ ma³cjain¹-na¹, xi³ ntia³ tsa³cˀai²-le⁴ cho⁴ta⁴-le⁴ Cristo.