San Mateo 18:3 - New Testament in Mazatec Huautla

³ Qui³tso²: Xi³ cjoa⁴qui²xi⁴ xi³ xin³-no³, tsa² tsi² cˀoa⁴ntjai²yao³ nca³ coaon⁴³ jo³-ni³ xti³, li²coi³ coan⁴ coi⁴tja¹sˀaon³ ya⁴ cjoa⁴te¹xo³ma³-le⁴ ncˀa³jmi³.

San Mateo 18:3 ပူးပေါင်းရင်းမြစ်များ

San Mateo 13:15

Nca⁴ je² ni⁴ma⁴-le⁴ na⁴xi⁴na³nta¹-vi⁴ je³nˀion¹ coan³nchja¹, cˀoa⁴ xo⁴ño³ ñˀain³ nčhˀoe¹-ni³, cˀoa⁴ xcon⁴ to⁴sa³-sa³ tsa³cˀe¹chjoa²nqui³-ni³, jme¹-ni³ nca³ tsi² scoe⁴-ni³ xcon⁴, cˀoa⁴ jme¹-ni³ nca³ tsi² cjoi⁴nčhˀoe¹-ni³ xo⁴ño³, cˀoa⁴ jme¹-ni³ nca³ tsi² coan⁴cho⁴ya³-ni³le⁴ ni⁴ma⁴-le⁴, cˀoa⁴ jme¹-ni³ nca³ tsi² si⁴²cˀo¹fa³tˀa³-ni³le⁴ Ni³na¹, cˀoa⁴ an³ si³nta³-nia³.

San Mateo 18:2

Cˀoa⁴ Jesús qui³nchja⁴-le⁴ jnco³ ˀnti¹ti³, qui³si³ca³sen¹jna³ ˀncho²va³sen³-le⁴.

San Mateo 18:4

Cˀoa⁴-sˀin² nca³ to⁴ˀya³-ni³ xi³ na³nqui³ vˀa³sje³ yao³-le⁴ jo³-ni³ je² ˀnti¹ti³-ve⁴, je²-vi⁴ xi³ nqui²sa⁴ ti¹tjon² ya⁴ cjoa⁴te¹xo³ma³-le⁴ ncˀa³jmi³.

San Mateo 19:14

To⁴nca³ Jesús qui³tso²: Tˀai²ˀnte³-lao⁴³, ca²tji³nčhoa¹con³-na³ ˀnti¹xti³-ve⁴, a³li² vˀe²chjoa¹-jin²lao⁴³, nca⁴ cˀoa⁴-sˀin² cjoan³ je² xi³ tsˀe⁴ cjoa⁴te¹xo³ma³-le⁴ ncˀa³jmi³.

San Mateo 19:23

Cˀia⁴ Jesús qui³tso²-le⁴ cho⁴ta⁴-le⁴: Xi³ cjoa⁴qui²xi⁴ xi³ xian³, nca³ nˀion¹ ñˀain³ coan⁴-le⁴ jnco³ xi³ nchi⁴na¹ nca³ cjoa⁴ˀa³sˀen³jin³ cjoa⁴te¹xo³ma³-le⁴ ncˀa³jmi³.

San Mateo 5:18

Xi³ cjoa⁴qui²xi⁴ xi³ xin³-no³, jo³ sa³ˀnta³ nca³ cjoe⁴tˀa³ ncˀa³jmi³ cao⁴ son³ˀnte³, ni⁴jnco³-jin² letra, ni⁴jnco³-jin² choa⁴ xi³ cha⁴ xi³ tsˀe⁴ cjoa⁴te¹xo³ma³-vi⁴, sa³ˀnta³ nca³ coan⁴jnco³ cjoa⁴te¹xo³ma³-vi⁴ nca³yi³je³.

San Mateo 5:20

Nca⁴ cˀoa⁴²xin³-no³, tsa² je² cjoa⁴qui²xi⁴-no³ xi³ tsi² tsa² nqui²sa⁴ tse³ coan⁴ cao⁴-ni³ tsa² xi³ tsˀe⁴ cho⁴ta⁴ scribano cao⁴ cho⁴ta⁴ fariseos, ni⁴cˀia⁴-jin² coi⁴tja¹sˀaon³ ya⁴ cjoa⁴te¹xo³ma³-le⁴ ncˀa³jmi³.

San Mateo 6:16

Cˀia⁴ nca³ vi³yo³nchjaon³, a³li² cˀoa⁴-jin² nˀiaon²³ jo³ sˀin¹ xi³ jao² ncjain¹ nca³ va³-le⁴ ncjain¹. Je² si¹cˀa³ntjai²ya³ ncjain¹, nca³ me³-le⁴ nca³ cˀoa⁴coan⁴ cjoan³ jo³-sˀin² cho⁴ta⁴ xi³ tsi² tsa² cjen². Xi³ cjoa⁴qui²xi⁴ xi³ xin³-no³, nca³ je³tjin¹-le⁴ chji¹-le⁴.

San Mateo 6:2

Cˀia⁴ nca³ cˀoai⁴cjoa⁴tjao²-lai⁴ limosna, a³li² čhjao³-jin² ni²cja³ne³ ti¹tjon²-lai⁴ yao³-li⁴, jo³ sˀin¹ cho⁴ta⁴ xi³ jao² ncjain¹ ya⁴ ni³ˀya³ xi³ sinagoga ˀmi², cˀoa⁴ ya⁴jin³ nti⁴tsin⁴, jme¹-ni³ nca³ cho⁴ta⁴ cˀoa⁴sje³je³ya³-si¹ni³. Xi³ cjoa⁴qui²xi⁴ xi³ xin³-no³, nca³ je³tjin¹-le⁴ chji¹-le⁴.

San Mateo 6:5

Cˀia⁴ nca³ vˀe²tsˀoai³, a³li² cˀoa⁴-jin² nˀiain²³ jo³ sˀin¹ xi³ jao² ncjain¹, nca⁴ je² xi³ ma³tsjoa³que³ xi³ vˀe²tsˀoa³ ˀmi² ya⁴ ni³ˀya³ sinagoga, cˀoa⁴ ya⁴ cro²-le⁴ calle, jme¹-ni³ nca³ cˀoa⁴-sˀin² scoe⁴-si¹ni³ cho⁴ta⁴. Xi³ cjoa⁴qui²xi⁴ xi³ xin³-no³, nca³ je³tjin¹-le⁴ chji¹-le⁴.

San Marcos 4:12

jme¹-ni³ nca³ li²coi³ scoe⁴-si¹ni³, nta³ tsa² nta³ sco¹tsen³, cˀoa⁴ jme¹-ni³ nca³ li²coi³ coan⁴cho⁴ya³-si¹ni³le⁴ nta³ tsa² nta³ cjoi⁴nčhˀoe¹, cˀoa⁴ jme¹-ni³ nca³ tsi² si⁴²cˀo¹fa³ya³tˀa³-si¹ni³le⁴ yao³-le⁴, nca³ tsi² tsa² coi³ cha⁴tˀa³-si¹ni³le⁴ je¹-le⁴.

San Lucas 13:24

Chˀa²sjao³ nca³nˀion¹-no³ nca³ coi⁴tja¹sˀaon³ xo⁴ntjoa⁴ xi³ nčhˀoe²ya³. Cˀoa⁴xin³-no³ nca³ jon²-vi⁴ nca³ cjai¹ ncjin² xi³ coa⁴sjai³ nca³ cjoa⁴ˀa³sˀen³, to⁴nca³ li²coi³ coan⁴-le⁴.

San Lucas 22:32

To⁴nca³ an³ tsa³cˀe³tsˀoa²ntjai²-le²³, jme¹-ni³ nca³ tsi² tsa² ntia³² cha⁴ xi³ ma³cjain¹-li², cˀoa⁴ ji³, cˀia⁴ nca³ cjoe⁴cˀo¹fa³ya³-ni³, ti⁴nˀioin¹³-con³ ntsˀai³.

San Juan 1:51

Qui³tso²-le⁴: Ña³qui³ cjoa⁴qui²xi⁴ ña³qui³ cjoa⁴qui²xi⁴ xi³ xin³-no³: Ni⁴čhjin³ xi³ fi²-sa³ni³ jcha⁴-nio¹³ ncˀa³jmi³ nca³ ti⁴xˀa⁴ cao⁴ je² a²ncje⁴ xi³ tsˀe⁴ Ni³na¹, xi³ fi²mi³, xi³ vi³tjo³jen³tˀain³-le⁴ je² ˀnti¹-le⁴ cho⁴ta⁴, je² Jesús.

San Juan 3:3

Cˀia⁴ Jesús cˀoi⁴qui³tso²: Ña³qui³ cjoa⁴qui²xi⁴ ña³qui³ cjoa⁴qui²xi⁴ xi³ xin³-le²³, je² xi³ tsi² jtsin¹ nqui²jnco³ cˀa², li²coi³ coan⁴ scoe⁴ cjoa⁴te¹xo³ma³-le⁴ Ni³na¹.

San Juan 3:5

Jesús qui³nchja⁴: Ña³qui³ cjoa⁴qui²xi⁴ ña³qui³ cjoa⁴qui²xi⁴ xi³ xin³-le²³, je² xi³ tsi² qui³tsin³ tˀa³tsˀe⁴ na³nta¹ cˀoa⁴ tˀa³tsˀe⁴ Espíritu Santo, li²coi³ coan⁴ cjoa⁴ˀa³sˀen³ cjoa⁴te¹xo³ma³-le⁴ Ni³na¹.

Hechos de los Apóstoles 14:22

Qui³tsjoa³-le⁴ nca³nˀion¹ ni⁴ma⁴-le⁴ cho⁴ta⁴-le⁴ Cristo. Tsa³cˀe¹ne²-le⁴ nca³ cˀoa⁴-sˀin² ca²ta³tio²cao⁴-ntsjai² xi³ ma³cjain¹-le⁴. Qui³tso²-le⁴ nca³ cjai¹nca³ ma³chjen¹ nca³ tse³ cjoa⁴ñˀain³ chja⁴ˀa² nca³ coi⁴tja¹sˀen³² ya⁴ cjoa⁴te¹xo³ma³-le⁴ Ni³na¹.

Hechos de los Apóstoles 28:27

Je² ni⁴ma⁴-le⁴ je² cho⁴ta⁴ na⁴xi⁴na³nta¹-vi⁴ to⁴ña³qui³ tjio¹ta²ja³-ni¹. Xo⁴ño³ to⁴ˀya³ qui³nčhˀoe¹-ni³. Xcon⁴ tsa³cˀe¹chjoa²nqui³, jme¹-ni³ nca³ tsi² ve³-ni³ xcon⁴, nca³ tsi² nčhˀoe¹-ni³ xo⁴ño³, nca³ tsi² coan⁴cho⁴ya³-ni³le⁴ ni⁴ma⁴-le⁴, nca³ tsi² si⁴²cˀa³ntjai²ya³ yao³-le⁴ nca³ si⁴²cˀo¹fa³ya³tˀa³-na³, nca³ an³ si³xqui³-le⁴.

Hechos de los Apóstoles 3:19

Ti⁴cˀa³ntjai²yao³ tso²cˀoa⁴ cjoa⁴fa³ˀai³tsjen³-no³, ca²ta³vˀa³ntjai²ya³-nio³, jme¹-ni³ nca³ cha⁴tˀa³-si¹ni³ je¹-no³, jme¹-ni³ nca³ cjoa⁴ˀai¹-si¹ni³ ni⁴čhjin³ nca³ coi⁴njen⁴ nchˀan¹ jo³-sˀin² Ni³na¹ coa⁴te²xo³ma³,

1 Corintios 14:20

Ntsˀe³ a³li² cˀoa⁴-jin²sˀin² to⁴ˀnti¹ mao³ tˀa³tsˀe⁴ cjoa⁴fa³ˀai³tsjen³-no³, to⁴nca³ ˀnti¹ ca²ta³mao³ tˀa³tsˀe⁴ cjoa⁴tsˀen⁴, to⁴nca³ jchi¹nca³ ca²ta³mao³ tˀa³tsˀe⁴ cjoa⁴fa³ˀai³tsjen³-no³.

1 Pedro 2:2

Jo³-ni³ ˀnti¹le³ xi³ sˀa⁴ ca²tsin³, ca²ta³ma³me³-no³ je² nta¹chi³qui³ xi³ tˀa³tsˀe⁴ ni⁴ma⁴-no³, xi³ ña³qui³ nta³, jme¹-ni³ nca³ cˀoa⁴-sˀin² coan⁴jcha¹-si¹nio³ nca³ coi²tjo⁴ntjao²³.

2 Pedro 1:11

Cˀoa⁴-sˀin² cjai¹nca³ to⁴nta³ cˀoai⁴ˀnte³-no³ cˀia⁴ nca³ coi⁴tja¹sˀen³jion³ cao⁴ cjoa⁴je³ya³ je² cjoa⁴te¹xo³ma³ntsjai²-le⁴ Jesucristo xi³ Nai³-na¹ cˀoa⁴ xi³ tsa³cˀa³sje³ntjai²-na¹.