San Mateo 10:2 - New Testament in Mazatec Huautla

² Cˀoi⁴ ˀmi² je² te³jao² cho⁴ta⁴ xi³ pa²stro⁴: Je² xi³ ti¹tjon², Simón, je² xi³ ˀmi²-ni³ Pedro; cˀoa⁴ Andrés xi³ ntsˀe⁴; Jacobo xi³ ˀnti¹-le⁴ Zebedeo; cao⁴ Juan xi³ ntsˀe⁴.

San Mateo 10:2 ပူးပေါင်းရင်းမြစ်များ

San Mateo 17:1

Xi³ coan³ jaon³ ni⁴čhjin³, Jesús qui³cao⁴ Pedro cao⁴ Jacobo cao⁴ Juan xi³ ntsˀe⁴, cˀoa⁴ qui³mi³jon³ tˀa³xin² jnco³ ni³nto³ xi³ nˀion¹ ncˀa³.

San Mateo 20:20

Cˀia⁴ na⁴-le⁴ xti³-le⁴ Zebedeo ji³cho²con³-le⁴ Jesús, cao³ xti³-le⁴, tsa³ca³sen²xco¹nchˀin³tˀa³-le⁴ nca³ tjin¹ xi³ qui³si³je¹-le⁴.

San Mateo 26:37

Qui³cao⁴ Pedro, cao⁴ jao² xti³-le⁴ Zebedeo, tsa³cˀe¹tsˀia⁴ nca³ nˀion¹ coan³fao¹-le⁴, cˀoa⁴ nca³ nˀion¹ qui³si³cjao¹jin³.

San Mateo 4:18

Cˀia⁴ nca³ ja³ˀa³ Jesús ntai³ nta¹chi³con³ ya⁴ Galilea, tsa³ve³ jao² ntsˀe⁴, Simón xi³ Pedro ˀmi²-ni³, cao⁴ Andrés xi³ ti⁴ntsˀe⁴-ni³. Tjio¹si¹cˀa³tjen⁴jin³ na⁴ˀya³-le⁴ nta¹chi³con³, nca⁴ jti⁴ ma³-le⁴ si¹cˀen³.

San Mateo 4:21

Cˀoa⁴ qui³-sa³ ya⁴-ve⁴, nqui²jao² ntsˀe⁴ tsa³ve³, je² Jacobo xi³ ˀnti¹-le⁴ Zebedeo, cao⁴ Juan xi³ ti⁴ntsˀe⁴-ni³ ja⁴ya³ chi³tso³ cao⁴ Zebedeo xi³ nˀai³-le⁴, tjio¹vˀe¹jčho³ na⁴ˀya³-le⁴. Cˀoa⁴ qui³nchja⁴-le⁴.

San Marcos 1:29

Cˀia⁴ ji³tjo³-ni³ Jesús ntˀia³ sinagoga. Ji³nčhoa³ nti⁴ton⁴ ntˀia³-le⁴ Simón cao⁴ Andrés. Ña³tjen⁴ qui³ Jacobo cao⁴ Juan.

San Marcos 13:3

Jesús ya⁴ tsa³cˀe²jna³ ni³nto³ xi³ Olivos ˀmi². Qui³sco²tsen³tˀa³ yo⁴nco⁴. Pedro, Jacobo, Juan, cao⁴ Andrés qui³sco²na³nqui³ tˀa³xin²-le⁴ Jesús.

San Marcos 6:30

Pa²stro⁴ coan³xco¹tˀa³-le⁴ Jesús, tsa³cˀe¹yi³je³-le⁴ na⁴jmi¹ jña³-le⁴ cjoa⁴ xi³ qui³sˀin³, cao⁴ nca³yi³je³ xi³ tsa³ca³co¹ya³.

San Lucas 11:49

Ni³na¹ cao⁴ cjoa⁴ˀi³sen³ta³con²-le⁴ qui³tso²: Si³ca³sen¹-le⁴ cho⁴ta⁴ xi³ coi⁴nchja⁴ya³ tˀa³tsˀan⁴ cao⁴ xi³ pastro. Si⁴²cˀen³ cˀa³ xi³ tsˀe⁴, cˀoa⁴ xi³cˀa³ coai⁴tjen⁴nqui³ co²ntran⁴-le⁴.

San Lucas 22:14

Cˀia⁴ nca³ ji³cho²ca³ hora, Jesús tsa³cˀe²jna³tˀa³ ya¹mi²xa⁴, cˀoa⁴ cao⁴ pa²stro⁴.

San Lucas 22:8

Jesús qui³si³ca³sen¹ Pedro cao⁴ Juan, qui³tso²-le⁴: Ta⁴nquion¹³, tˀe²ntao³ tˀa³tsan⁴² pa²xco⁴, jme¹-ni³ nca³ coi⁴chi³-si¹nia¹.

San Lucas 5:10

Cˀoa⁴-ti⁴sˀin² qui³tsa³cjon¹ Jacobo cao⁴ Juan xi³ ˀnti¹-le⁴ Zebedeo, xi³ xi¹ncjin¹ Simón. Cˀia⁴ Jesús qui³tso²-le⁴ Simón: A³li² jcon³-jin²³, va³se²tsˀia⁴-cjoan²ni³ ntˀai⁴-vi⁴ntai⁴ coi⁴no²cjoa⁴xco¹-lai⁴ cho⁴ta⁴ xi³ tˀa³tsˀan⁴.

San Lucas 9:10

Cˀia⁴ nca³ ja³ˀai³-ni³ pa²stro⁴, tsa³cˀe¹-le⁴ na⁴jmi¹ nca³yi³je³ cjoa⁴ Jesús, jme³ xi³ qui³sˀin³. Cˀia⁴ Jesús qui³cao⁴tˀa³xin² jnco³ ˀnte³ xi³ tsˀe⁴ na⁴xi⁴na³nta¹ xi³ Betsaida ˀmi².

San Juan 12:22

Felipe ja³ˀai³, cˀoa⁴qui³tso²-le⁴ Andrés. Cˀia⁴ Andrés cao⁴ Felipe cˀoa⁴qui³tso²-le⁴ Jesús.

San Juan 13:23

Jnco³ xi³ ti⁴je²-ni³ cho⁴ta⁴-le⁴, je² xi³ Jesús cjai¹nca³ tjao²que³, ti¹jna³tˀa³-le⁴ Jesús.

San Juan 20:2

Cˀia⁴ qui³to²ca³, ja³ˀai³nčhˀoe² Simón Pedro cao⁴ xi³ nqui²jnco³ cho⁴ta⁴-le⁴ xi³ Jesús cjai¹nca³ tsjoa³que³, cˀoi⁴qui³tso²-le⁴: Je³tsˀa³sje³ñai³-ni³ tsjo¹-ve⁴ Nai³-na¹. Li²coi³ ˀyai³⁴-jin⁴ jña³ qui³ ca¹jna³.

San Juan 21:2

Tjio¹ Simón Pedro cao⁴ Tomás xi³ Dídimo ˀmi², cao⁴ Natanael, je² xi³ tsˀe⁴ Caná xi³ nchja⁴-ni³ Galilea, cao⁴ xti³-le⁴ Zebedeo, cao⁴ nqui²jao²-sa³ cho⁴ta⁴-le⁴ Jesús.

San Juan 21:20

Qui³si³cˀo¹fa³ Pedro, qui³sco²tsen³-le⁴ nca³ ti¹fi²tjen⁴nqui³-le⁴ je² cho⁴ta⁴-le⁴ xi³ Jesús cjai¹nca³ tsjoa³que³, xi³ tsa³cˀe²jna³tˀa³-le⁴ Jesús cˀia⁴ nca³ tsa³cjen² nca³ njion², xi³ cˀoi⁴qui³tso²-le⁴: Señor, ˀya¹-ni³ xi³ sca⁴ni²tˀa³-li².

San Juan 21:24

Je²-vi⁴ je² cho⁴ta⁴-le⁴ Jesús xi³ cˀoa⁴-sˀin² tsjoa¹ en¹ xi³ tˀa³tsˀe⁴ nca³yi³je³ cjoa⁴-vi⁴. Je² qui³squi³ je² cjoa⁴-vi⁴, cˀoa⁴ ˀya³-nia¹ nca³ en¹-le⁴ cjoa⁴qui²xi⁴-ni¹.

San Juan 6:67

Cˀia⁴ Jesús qui³tso²-le⁴ xi³ te³jao² pa²stro⁴-le⁴: A³ cˀoa⁴-ti⁴ me³-no³je⁴ nca³ jon² nca³ coa⁴nquion¹³.

San Juan 6:70

Cˀia⁴ Jesús qui³tso²-le⁴: A³ tsi² tsa² an³ qui³scoe²jin³-no³ xi³ te³jao² mao³, to⁴nca³ jnco³ xi³ ti¹jna³jin³-no³ xi³ nai⁴² cjoan³.

San Juan 6:71

Qui³nchja⁴ xi³ tˀa³tsˀe⁴ Judas Iscariote, ˀnti¹-le⁴ Simón, nca⁴ je²-vi⁴ xi³ cˀoe⁴²tˀain³ na⁴jmi¹ xi³ tˀa³tsˀe⁴ Jesús. Je² Judas jnco³ xi³ te³jao² ma³-ni¹ pa²stro⁴-ve⁴.

San Juan 6:8

Cˀia⁴ jnco³ cho⁴ta⁴-le⁴, je² Andrés, ntsˀe⁴ Simón Pedro, cˀoi⁴qui³tso²-le⁴:

Hechos de los Apóstoles 1:13

Ja³ˀa³sˀen³ Jerusalén. Qui³mi³ cuarto xi³ ma³jao²jco³-ni³ jña³ nca³ tjio¹ Pedro, Jacobo, Juan, Andrés, Felipe, Tomás, Bartolomé, Mateo, Jacobo ˀnti¹-le⁴ Alfeo, Simón Zelote, Judas ntsˀe⁴ Jacobo.

Hechos de los Apóstoles 1:26

Qui³si³sca¹cao⁴. Je² Matías qui³njen²-le⁴. Coan³xqui⁴cao⁴ xi³ te³jnco³ pa²stro⁴.

Hechos de los Apóstoles 12:2

Cuchillo qui³si³cˀen³-ni³ Jacobo ntsˀe⁴ Juan.

Hechos de los Apóstoles 3:1

Pedro cao⁴ Juan ña³tjen⁴ qui³mi³ ya⁴ yo⁴nco⁴, choa⁴-le⁴ nca³ vˀe¹tsˀoa³ cho⁴ta⁴, las tres nca³ ma³xon².

1 Corintios 15:7

Coan³scan³-ni³ tsˀa³tsen³-le⁴ Jacobo, coan³scan³-ni³ nca³tsˀi³ pa²stro⁴.

Efesios 4:11

Ti⁴je²-ni³ xi³ qui³tsjoa³-le⁴ cˀa³ nca³ pa²stro⁴ ma³, cˀoa⁴ xi³cˀa³ nca³ vˀe¹ma³ nchja⁴ya³, cˀoa⁴ xi³cˀa³ nca³ vˀe¹ma³son² nca³ tso²ya³ tˀa³tsˀe⁴ Ni³na¹, cˀoa⁴ xi³cˀa³ nca³ pastor ma³, cˀoa⁴ nca³ maestro ma³.

Hebreos 3:1

To⁴coi³ ntsˀe³ xi³ tsje³ cjoaon³, jon² xi³ cˀoa⁴-ti⁴ tsa³cja³ˀa¹jin³-no³ xi³ tˀa³tsˀe⁴ ntia⁴² xi³ tsˀe⁴ ncˀa³jmi³, nta³ ti⁴cja³ˀai³tsjen³jion³ xi³ tˀa³tsˀe⁴ je² Cristo Jesús xi³ pa²stro⁴-le⁴, cˀoa⁴ na⁴ˀmi³ti¹tjon²-le⁴ je² cjoa⁴ xi³ ni²qui²xi⁴ya³nta³-nia¹.

1 Pedro 1:1

An³ nia¹³ Pedro pa²stro⁴-le⁴ Jesucristo. Ti²cji³-no³ nca³tsˀio³ xi³ cho⁴ta⁴xin²na³nquio³, xi³ tsˀa³tji³vi¹son²³ ˀnte³-ve⁴ ya⁴ Ponto, ya⁴ Galacia, ya⁴ Capadocia, ya⁴ Asia, ya⁴ Bitinia.

2 Pedro 1:1

An³ nia¹³ Simón Pedro, cho⁴ˀnta³-le⁴ cˀoa⁴ pa²stro⁴-le⁴ Jesucristo. Ti²cji³-no³ jon² xi³ to⁴nco¹son² ma³cjain¹-no³ jo³-sˀin² ma³cjain¹-na³jin⁴ nca³ jin⁴-jin⁴. Xi³ ma³cjain¹-na¹ nˀion¹ chji¹-le⁴. Cˀoa⁴-sˀin² qui³tsˀai²-na¹ xi³ to⁴tˀa³tsˀe⁴ cjoa⁴qui²xi⁴-le⁴ Jesucristo xi³ Ni³na¹-na¹ cˀoa⁴ xi³ tsa³cˀa³sje³ntjai²-na¹.

2 Juan 1:1

An³ nia¹³ cho⁴ta⁴jchi¹nca³ ti²cji³-no³ ji³ chjon⁴² xi³ qui³tjo³jin³, cˀoa⁴ cao⁴ xti³-li⁴. Xi³ cjoa⁴qui²xi⁴ ma³tsjoa³que⁴-no³ an³, cˀoa⁴ a³li² to⁴ˀan³-jian²³, to⁴nca³ cˀoa⁴-ti⁴ nca³tsˀi³ xi³ tsa³ve³ xi³ cjoa⁴qui²xi⁴, ma³tsjoa³que³-no³.

3 Juan 1:1

An³ nia¹³ cho⁴ta⁴jchi¹nca³ ti²cji³-le²³ Gayo, xi³ nˀion¹ tsjoa³que⁴-le²³. Xi³ cjoa⁴qui²xi⁴ ma³tsjoa³que⁴-le²³ an³.

Apocalipsis 1:1

Ni³na¹ qui³si³cˀa³tsen³-le⁴ Jesucristo, jme¹-ni³ nca³ coa⁴co²-si¹ni³le⁴ cho⁴ˀnta³-le⁴ je² cjoa⁴ xi³ coan⁴ nti⁴ton⁴. Cˀoa⁴-sˀin² qui³si³qui²xi⁴ya³ qui³si³ca³sen¹cao⁴ jnco³ a²ncje⁴. Qui³si³ca³sen¹-le⁴ je² Juan cho⁴ˀnta³-le⁴.

Apocalipsis 1:9

An³ xi³ Juan ˀmi²-na³, xi³ ntsˀao³. To⁴jnco³ ti³chja³ˀa³² cjoa⁴ñˀain³, cˀoa⁴ ti²jna⁴cao⁴-no³ ya⁴ cjoa⁴te¹xo³ma³-le⁴ cao⁴ cjoa⁴tse³jta³-le⁴ Jesucristo. An³ tsa³ca²te⁴jna³ ya⁴ ˀnte³ xi³ ti¹jna³jin³ nta¹chi³con³, ya⁴ jña³ nca³ isla Patmos ˀmi², xi³ tˀa³tsˀe⁴ en¹-le⁴ Ni³na¹, cˀoa⁴ xi³ tˀa³tsˀe⁴ en¹-le⁴ Jesucristo.

Apocalipsis 18:20

Ti⁴tsjoa³ya³-lao⁴³ ta³con²³ xi³ tˀa³tsˀe⁴ na⁴xi⁴na³nta¹-ve⁴, ji³ ncˀa³jmi³, cˀoa⁴ jon² xi³ cho⁴ta⁴-le⁴ Cristo, cˀoa⁴ jon² xi³ pa²stro⁴, cˀoa⁴ jon² xi³ no²cjoa⁴yao³ tˀa³tsˀe⁴ Ni³na¹, nca³ Ni³na¹ cˀoa⁴-sˀin² qui³si³jnta³-le⁴ je² na⁴xi⁴na³nta¹ xi³ to⁴tˀa³tsaon⁴³.

Apocalipsis 22:8

An³ xi³ Juan ˀmi²-na³ qui³nčhˀoe³ cˀoa⁴ tsa³ˀve³ je² cjoa⁴-vi⁴. Coan³scan³-ni³ nca³ je³qui³nčhˀoe³ cˀoa⁴ nca³ tsa³ˀve³, qui³sca³nquia³ ntso⁴co⁴ a²ncje⁴ xi³ tsa³ca³co¹-na³ je² cjoa⁴-vi⁴ nca³ tsa³ˀve³xcoan¹³.