San Mateo 1:1 - New Testament in Mazatec Huautla

¹ Je² libro xi³ cho⁴ta⁴jchi¹nca³-le⁴ Jesucristo, ˀnti¹-le⁴ David, cˀoa⁴ ˀnti¹-le⁴ Abraham.

San Mateo 1:1 ပူးပေါင်းရင်းမြစ်များ

San Mateo 1:18

Cˀia⁴ nca³ qui³tsin³ Jesucristo cˀoi⁴ coan³: María xi³ na⁴-le⁴ tji¹nˀion¹-le⁴ cjoa⁴chi³con³ cao⁴ José. Cˀia⁴ nca³ cje³ va³tio²cao⁴-jin² xi¹ncjin¹, María coan³sjai³-le⁴ nca³ yˀa³ ˀnti¹ xi³ tsˀe⁴ Espíritu Santo.

San Mateo 1:2

Abraham nˀai³-le⁴ Isaac, cˀoa⁴ Isaac nˀai³-le⁴ Jacob, cˀoa⁴ Jacob nˀai³-le⁴ Judá cao⁴ ntsˀe⁴.

San Mateo 15:22

Coe⁴-ni³ jnco³ chjon⁴² cananita ji³tjo³-ni³ ya⁴ ˀnte³-ve⁴ nˀion¹ qui³nchja⁴-le⁴ Jesús: Señor, ˀnti¹-le⁴ David, jcha⁴ma⁴ta³con²-nai¹³. Je² tso²ti³-na⁴ cjai¹ tse³ cjoa⁴ñˀain³ ti¹fa³ˀa¹ nca³ nai⁴² xi³ nta³jin³ ti¹jna³jin³ ni⁴ma⁴-le⁴.

San Mateo 3:16

Cˀoa⁴ Jesús, coan³scan³-ni³ nca³ je³qui³sa³te²nta¹, ji³nčhoa³mi³ jin³nti⁴ton⁴-ni³ na³nta¹. Coe⁴-ni³ je² ncˀa³jmi³ qui³tjo³ˀai²-le⁴, cˀoa⁴ tsa³ve³ je³ Espíritu-le⁴ Ni³na¹ xi³ ji³nčhoa³jen³-ni³ jo³-ni³ ni⁴se³ paloma, ja³ˀai³jen³ne²-le⁴ Jesús.

San Mateo 9:27

Cˀoa⁴ nca³ ja³ˀa³-ni³ Jesús ya⁴-ve⁴, jao² cho⁴ta⁴ xi³ xca⁴ cjio³ qui³tjen⁴nqui³-le⁴, nˀion¹ qui³nchja⁴, qui³tso²: Jcha⁴ma⁴ta³con²-na³jin⁴, ji³ ˀnti¹-le⁴ David.

San Lucas 1:33

Je² coa⁴te²xo³ma³ ntsjai²-le⁴ cho⁴ta⁴ ntˀia³-le⁴ Jacob. Cˀoa⁴ je² cjoa⁴te¹xo³ma³-le⁴ li²coi³ cjoe⁴tˀa³.

San Juan 7:42

A³ tsi² tsa² cˀoa⁴tso² xon⁴ Escritura nca³ Cristo cjoa⁴ˀai¹-ni³ ntje⁴-le⁴ David ya⁴ na⁴xi⁴na³nta¹ Belén, jña³ nca³ tsˀe⁴ David.

Hechos de los Apóstoles 2:30

Je² David xi³ qui³nchja⁴ya³ tsa³ve³ nca³ cˀoa⁴-sˀin² Ni³na¹ qui³tsjoa³ tsˀoa³ nca³ ña³qui³ cjoa⁴qui²xi⁴ cˀoe¹jna³ne² ya¹xi²le⁴-le⁴ jnco³ xi³ cjoi⁴nčhoa³-ni³ ntje⁴-le⁴, je² Cristo.

Romanos 1:3

Je² en¹nta³-vi⁴ xi³ nchja⁴-ni³ Jesucristo Nai³-na¹ xi³ ˀnti¹-le⁴ Ni³na¹, xi³ ji³nčhoa³-ni³ ntje⁴-le⁴ David jo³ cjoan³ yao³-le⁴.

Romanos 4:13

Nca⁴ Ni³na¹ qui³si³sˀe³nqui³-le⁴ Abraham cao⁴ ntje⁴-le⁴ nca³ sˀe⁴-le⁴ cjoa⁴tjao² son³ˀnte³-vi⁴, a³li² to⁴tˀa³tsˀe⁴-jin² cjoa⁴te¹xo³ma³, to⁴nca³ to⁴tˀa³tsˀe⁴ je² cjoa⁴qui²xi⁴ xi³ qui³sˀe³-le⁴ nca³ coan³cjain¹-le⁴.

Romanos 9:5

Je² xi³ nˀai³jcha¹cjin³ tsˀe⁴ ni¹, cˀoa⁴²-ti⁴ je² Cristo jo³ cjoan³ yao³-le⁴ ji³nčhoa³-ni³ ntje⁴-le⁴. Je² xi³ Ni³na¹ xi³ va³te¹xo³ma³-le⁴ nca³yi³je³ cjoa⁴, ca²ta³chi³con³tˀain³ nca³ntsjai² ni⁴čhjin³. Cˀoa⁴ ca²ta³ma³.

Gálatas 3:16

Je² Abraham xi³ cˀoa⁴-sˀin² qui³ni²sˀe³nqui³-le⁴, cao⁴ ntje⁴-le⁴. A³li²coi³ tso²: Tˀa³tsˀe⁴ nca³tsˀi³ ntje⁴, jo³-ni³ tsa² ncjin² ma³ ntje⁴, to⁴nca³ jo³-ni³ tsa² to⁴jnco³ ma³, tso²: Tˀa³-tsˀe⁴ je² to⁴jnco³ ntje⁴ xi³ tsi⁴, je² ni¹ xi³ Cristo.

1 Timoteo 2:5

Jnco³ ma³-ni³ Ni³na¹, cˀoa⁴-ti⁴ jnco³ ma³-ni³ xi³ chji⁴ne⁴ˀen¹, Jesucristo cho⁴ta⁴xˀin⁴ xi³ si¹cjao²nta³ Ni³na¹ cao⁴ cho⁴ta⁴son³ˀnte³.

2 Timoteo 2:8

Ti⁴cja³ˀai³tsjain³ tˀa³tsˀe⁴ Jesucristo xi³ ji³nčhoa³-ni³ ntje⁴-le⁴ David. Ja³ˀa²ya³jin³-ni³le⁴ cˀen³ jo³ tso² je² en¹nta³ xi³ nchja²ya³.

Apocalipsis 22:16

An³ Jesús qui³si³ca³sen¹³ a²ncje⁴-na⁴ nca³ tsjoa¹-no³ en¹ xi³ tˀa³tsˀe⁴ je² cjoa⁴-vi⁴ ya⁴jin³-le⁴ na⁴xi⁴na³nta¹-na⁴. An³ nia¹³ xi²nquia⁴ cˀoa⁴ ntje⁴-le⁴ David, je² ni³ño³tse³ xi³ ta⁴njion²ya³ tjo³.