San Marcos 6:3 - New Testament in Mazatec Huautla

³ A³ tsi² tsa² je²-vi⁴ xi³ chji⁴ne⁴ya¹, xi³ ˀnti¹-le⁴ María, xi³ ntsˀe⁴ Jacobo, cao⁴ José, cao⁴ Judas, cao⁴ Simón. A³ tsi² tsa² cˀoa⁴-ti⁴ i⁴ tjio¹cao⁴-na¹vi⁴ je² nti³chja³. To⁴ jti³ coan³-le⁴ cho⁴ta⁴ xi³ tˀa³tsˀe⁴ Jesús.

San Marcos 6:3 ပူးပေါင်းရင်းမြစ်များ

San Mateo 11:6

Jo¹ to⁴nta³-le⁴ je² xi³ tsi² ni²qui³tson¹ya³ cjoa⁴fa³ˀai³tsjen³-le⁴ xi³ to⁴tˀa³tsˀan⁴.

San Mateo 12:46

Cˀia⁴ nca³ to⁴jo³ ti¹fa¹cao⁴ cho⁴ta⁴ Jesús, coe⁴-ni³ na⁴-le⁴ cao⁴ ntsˀe⁴ tjio¹nti³tsin³, nca³ me³-le⁴ nca³ cjoa⁴²cao⁴.

San Marcos 15:40

Cˀoa⁴-ti⁴ tjio¹ cˀa³ ya¹nchjin¹ xi³ cjin³ tjio¹co³tsen³-ni³le⁴. María Magdalena, cˀoa⁴ María xi³ na⁴-le⁴ Jacobo xi³ ma³ˀnti¹ cao⁴ José, cˀoa⁴ Salomé tjio¹ jin³-le⁴ nca³ je².

San Marcos 3:18

cao⁴ Andrés, cao⁴ Felipe, cao⁴ Bartolomé, cao⁴ Mateo, cao⁴ Tomás, cao⁴ Jacobo xi³ ti³-le⁴ Alfeo, cao⁴ Tadeo, cao⁴ Simón xi³ cho⁴ta⁴ cananita,

San Lucas 2:34

Simeón qui³si³chi³con³tˀain³ José cao⁴ María, qui³tso²-le⁴ María na⁴-le⁴ Jesús: Coe⁴-ni³ je² ˀnti¹ qui³sˀe³jna³ va³sen³ xi³ tˀa³tsˀe⁴ ncjin² xi³ tsˀe⁴ Israel xi³ tsao³nqui³, cˀoa⁴ xi³ tjo¹mi³tjen⁴-ni³, cˀoa⁴ jo³-ni³ tsa² jnco³ choa⁴ xi³ cho⁴ta⁴ coi⁴nchja⁴ˀaon³-le⁴.

San Lucas 7:23

Jo¹ to⁴nta³-le⁴ je² xi³ tsi² tsa² ni²qui³tson¹ya³ cjoa⁴fa³ˀai³tsjen³-le⁴ xi³ to⁴tˀa³tsˀan⁴.

San Lucas 8:20

Ji³cho² ni²cji³nčhˀoe², qui³cˀin²-le⁴: Na⁴-li⁴ cao⁴ ntsˀai³ tjio¹ nti³tsian³², me³-xo¹le⁴ nca³ sco¹tsen³-li².

San Juan 14:22

Judas, a³li² je² xi³ Iscariote ˀmi², qui³tso²-le⁴: Señor, jme¹ xi³ coan³ nca³ jin⁴ coa⁴co²son²tsen³-na³jin⁴ yao³-li⁴, nca³ tsi² scoe⁴-ni³ nca³tsˀi³ cho⁴ta⁴.

San Juan 6:42

Cho⁴ta⁴ judíos cˀoi⁴qui³tso²: A³ tsi² tsa² je²-vi⁴ Jesús, ˀnti¹-le⁴ José. ˀya³xcon³-nia¹ nˀai³-le⁴ cao⁴ na⁴-le⁴. A¹-ni³ cˀoa⁴tso²-si¹ni³: Ji²tjo⁴jen³-nia³ ncˀa³jmi³.

Hechos de los Apóstoles 1:13

Ja³ˀa³sˀen³ Jerusalén. Qui³mi³ cuarto xi³ ma³jao²jco³-ni³ jña³ nca³ tjio¹ Pedro, Jacobo, Juan, Andrés, Felipe, Tomás, Bartolomé, Mateo, Jacobo ˀnti¹-le⁴ Alfeo, Simón Zelote, Judas ntsˀe⁴ Jacobo.

Hechos de los Apóstoles 12:17

To⁴nca³ Pedro qui³sco²mi³tjen³ ntsja³ nca³ jyo¹ ca²ta³tio². Tsa³cˀe¹ na⁴jmi¹ jo³-sˀin² tsˀa³sje³-ni³ nto⁴ya¹ Nai³-na¹. Cˀoa⁴qui³tso²: Cˀoa⁴-sˀin² tˀe²-lao⁴³ na⁴jmi¹ Jacobo cao⁴ nca³tsˀi³ ntsˀe³². Cˀia⁴ ji³tjo³ qui³ jña³ nca³ xin².

1 Corintios 1:23

to⁴nca³ ña¹-vi⁴ no²cjoa⁴ya³² tˀa³tsˀe⁴ Cristo nca³ qui³sˀe³tˀa³ cro². Xi³ to⁴tˀa³tsˀe⁴ coi³-vi⁴ sa³te¹nqui³ cho⁴ta⁴ judío, cˀoa⁴ to⁴cjoa⁴sca¹ ma³ xi³ tˀa³tsˀe⁴ je² cho⁴ta⁴ xi³ li² judío-jin².

1 Corintios 9:4

A³ tsi² tsa² tjin¹-na³jin⁴ ˀnte³ nca³ sˀoi⁴-jin⁴ nca³ coi⁴chi³-jin⁴.

Gálatas 1:19

Li²coi³ ti⁴tsa³ˀve³-nia³ xi³ cja⁴ˀai¹ pa²stro⁴, to⁴je² Jacobo ntsˀe⁴ je² Nai³-na¹ xi³ tsa³ˀve³.

1 Pedro 2:4

Ti⁴čhian³tˀa³-lao⁴³ yao³-no³ Nai³-na¹, je² jo³-ni³ la⁴jao⁴ xi³ ti¹jna³con³, xi³ cho⁴ta⁴ tsa³cja³ˀa¹xin², to⁴nca³ xi³ Ni³na¹ tsa³cja³ˀa¹jin³ nca³ nˀion¹ chji¹-le⁴.

Judas 1:1

An³ nia¹³ Judas, cho⁴ˀnta³-le⁴ Jesucristo, ntsˀe⁴ Jacobo, ti²cji³-no³ xi³ qui³no²cjoa⁴-no³, xi³ Ni³na¹ Nˀai³-na¹ qui³si³tsje³-no³, xi³ qui³ni²cˀe¹yo³tjao²-no³ tˀa³tsˀe⁴ Jesucristo.