San Marcos 5:12 - New Testament in Mazatec Huautla

¹² Nca³tsˀi³ nai⁴² xi³ nta³jin³ tsa³cˀe¹tsˀoa³-le⁴ Jesús, qui³tso²-le⁴: Ya⁴ ti⁴cja³ˀa³sˀen³jin³-na³jin⁴ chi⁴nca⁴-ve⁴, jme¹-ni³ nca³ ya⁴ coi⁴tja¹sˀen³jin³-si¹ni³lai⁴jin⁴.

San Marcos 5:12 ပူးပေါင်းရင်းမြစ်များ

San Mateo 4:24

Cˀoa⁴-sˀin² tsa³nca³va³son² en¹ xi³ tˀa³tsˀe⁴ Jesús nca³qui³jnta² Siria, cˀoa⁴ ja³ˀai³cao⁴-le⁴ nca³tsˀi³ xi³ tjio¹mˀen³, je² xi³ ncjin² jco⁴ya³ tjin¹-le⁴, xi³ tse³ cjoa⁴ñˀain³ tjio¹fa³ˀa¹, xi³ nai⁴² tjio¹jin³ ni⁴ma⁴-le⁴, xi³ chˀin³xin¹ tjin¹-le⁴, xi³ to⁴cjio³ ya¹, cˀoa⁴ qui³si³nta³-ni¹.

San Mateo 7:6

A³li² nia¹-jin² vˀai²-lai⁴ je² xi³ tsje³, ni⁴ ya⁴-jin² ni²cˀa³tsao³-lao⁴³ to³fa³nqui³-no³ chi⁴nca⁴, jme¹-ni³ nca³ tsi² tsa² coi⁴ncha²ne²-si¹ni³ ntso⁴co⁴, cˀoa⁴ tsa² si⁴²cˀo¹fa³ya³ nca³ si⁴²na³ˀño¹-no³ nca³ jon².

San Marcos 5:11

Ncjin² chi⁴nca⁴ xi³ tjio¹ma³cjen² ya⁴ tjio¹xco¹-le⁴ čhian³-le⁴ ni³nto³-ve⁴.

San Marcos 5:13

Jesús qui³tsjoa³ˀnte³ nti⁴ton⁴-le⁴. Ji³tjo³ je² nai⁴² xi³ nta³jin³, ya⁴ ja³ˀa³sˀen³-le⁴ chi⁴nca⁴-ve⁴. Ña³jtin¹ chi⁴nca⁴-ve⁴ tsa³nca³jen³nqui³ na⁴xi⁴-ve⁴, qui³tsao³jin³ nta¹chi³con³. Jao² jmi³-la⁴ ma³-ni³ chi⁴nca⁴-ve⁴ xi³ ya⁴ cˀen³jin³ nta¹chi³con³.

2 Corintios 2:11

jme¹-ni³ nca³ tsi² si⁴²qui³njen³-si¹ni³na¹ Satanás, nca³ ˀya³-nia¹ cjoa⁴fa³ˀai³tsjen³ma²ña⁴-le⁴.

1 Pedro 5:8

To⁴jvi³ to⁴ˀi³nta³ ti⁴yo³, ti⁴yo³chon³ˀntao³, nca⁴ je² co²ntran⁴-no³, je² nai⁴², jo³-ni³ tsa² xa³ xi³ ti¹va³te¹, ti¹si¹cˀo¹tji³ntai³-no³, ti¹va¹sjai³ ˀya³ xi³ squi⁴ne⁴.