San Marcos 3:7 - New Testament in Mazatec Huautla

⁷ To⁴nca³ Jesús tsa³ca³sen²xin² cao⁴ cho⁴ta⁴-le⁴. Qui³ ya⁴ ja⁴ntai³-le⁴ nta¹chi³con³. Qui³tjen⁴nqui³-le⁴ ncjin² cho⁴ta⁴ xi³ tsˀe⁴ Galilea, cao⁴ xi³ tsˀe⁴ Judea,

San Marcos 3:7 ပူးပေါင်းရင်းမြစ်များ

San Mateo 10:23

To⁴nca³ cˀia⁴ nca³ coi⁴yo³tjen⁴nqui³ co²ntran⁴-no³ i⁴ na⁴xi⁴na³nta¹-vi⁴, ti⁴yo¹³ jña³ xin² na⁴xi⁴na³nta¹. Cjoa⁴qui²xi⁴ xi³ xin³-no³, nca³ ti¹tjon² cjoa⁴ˀai¹ je² ˀnti¹-le⁴ cho⁴ta⁴, ti⁴cje³ fe³tˀa³-jin²ni³no³ nca³ coi⁴tso⁴mao⁴³ nca³qui³jnta² na⁴xi⁴na³nta¹ xi³ tsˀe⁴ Israel.

San Mateo 12:15

To⁴nca³ tsa³ve³ Jesús, tsa³ca³sen²xin²-le⁴ ya⁴-ve⁴, cˀoa⁴ ncjin² cho⁴ta⁴ qui³tjen⁴nqui³-le⁴. Qui³si³nta³ nca³tsˀi³.

San Mateo 12:16

Cˀoa⁴ je² nˀion¹ tsa³cˀe¹ne²-le⁴ nca³ tsi² tsa² jme³ xi³ coa⁴co²son²tsen³ xi³ tˀa³tsˀe⁴,

San Mateo 4:25

Ncjin² cho⁴ta⁴ xi³ tsˀe⁴ Galilea qui³tjen⁴nqui³-le⁴, cˀoa⁴ xi³ tsˀe⁴ Decápolis, cˀoa⁴ xi³ tsˀe⁴ Jerusalén, cˀoa⁴ xi³ tsˀe⁴ Judea, cˀoa⁴ xi³ tsˀe⁴ ya⁴ xi³ncoa³tˀa³ Jordán.

San Marcos 1:39

Qui³nchja⁴ya³ ya⁴ ntˀia³ xi³ sinagoga ˀmi². Tsa³cˀa³mjen³jin³jnta² Galilea. Tsa³cˀa³sje³xin²-le⁴ je² nai⁴² xi³ nta³jin³ xi³ tjio¹jin³ ni⁴ma⁴-le⁴ cho⁴ta⁴.

San Marcos 1:45

To⁴nca³ je² cho⁴ta⁴-ve⁴ qui³. Cˀoa⁴ tsa³cˀe¹tsˀia⁴ nca³ qui³nchja⁴ ncjin² en¹. Qui³sca³ni¹son² cjoa⁴nta³-le⁴ Jesús, sa³ˀnta³ li²coi³ ti⁴coan³-ni³le⁴ nca³ ja³ˀa³sˀen³tsen³ ya⁴jin³ na⁴xi⁴na³nta¹. To⁴ ya⁴ jña³ tˀa³xin²tˀa³ tsa³cˀe²jna³. Ya⁴² ja³ˀai³con³-le⁴ nca³tsˀi³.

San Marcos 3:20

Coan³xco¹-nca¹ni³ cho⁴ta⁴ncjin², sa³ˀnta³ li²coi³ coan³ tsa³cjen².

San Marcos 4:1

Nqui²jnco³cˀa² Jesús tsa³cˀe¹tsˀia⁴cao⁴ nca³ tsa³ca³co¹ya³ ya⁴ ntai³ nta¹chi³con³. Ncjin² cho⁴ta⁴ coan³xco¹tˀa³-le⁴ sa³ˀnta³ Jesús ja³ˀa³sˀen³ jnco³ chi³tso³ xi³ tsa³cˀe²jna³ya³ ja⁴jin³ nta¹chi³con³. Nca³tsˀi³ cho⁴ta⁴ tsa³ca³tio² jña³ nca³ qui³jna³ na³nqui³ ja⁴ntai³ nta¹chi³con³.

San Lucas 23:5

To⁴nca³ qui³nchja⁴qui³ti³-ni¹, qui³tso²: Vˀe¹tsˀia⁴ cjoa⁴-si³ nca³ va³co¹ya³ nca³qui³jnta² na³nqui³ Judea, vˀe¹tsˀia⁴cao⁴-cjoan²ni³ na³nqui³ Galilea sa³ˀnta³ i⁴-vi⁴.

San Lucas 6:12

Coi³ ni⁴čhjin³-ve⁴ Jesús qui³ nqui³jña¹ nca³ qui³cˀe¹tsˀoa³. Tsˀa³ni⁴tjen⁴ tsa³cˀe¹tsˀoa³-le⁴ Ni³na¹.

San Lucas 6:17

Cˀoa⁴ ji³tjo³jen³ cao⁴ je², ya⁴ jnco³ ˀnte³ jña³ nca³son² tsa³cˀe²jna³ cao⁴ ncjin² cho⁴ta⁴-le⁴ cao⁴ nˀion¹ ncjin² ma³-ni³ xi³ tsˀe⁴ nca³yi³je³ Judea, cao⁴ Jerusalén, cao⁴ xi³ tsˀe⁴ ntai³-le⁴ nta¹chi³con³ ya⁴ Tiro cao⁴ Sidón. Coi³ xa¹ ja³ˀai³ nca³ nčhˀoe¹-le⁴, cˀoa⁴ nca³ coan⁴nta³ chˀin³ xi³ tjin¹-le⁴.

San Juan 7:41

Cja⁴ˀai¹-sa³ xi³ cˀoi⁴qui³tso²: Je²-vi⁴ Cristo. To⁴nca³ tjin¹ cˀa³ xi³ qui³tso²: A³ ya⁴ Galilea cjoa⁴ˀai¹-ni³ Cristo.

San Juan 7:52

Cho⁴ta⁴ fariseos qui³tso²-le⁴ Nicodemo: A³ cˀoa⁴-ti⁴ ya⁴² tsi⁴ ya⁴ Galilea. Tja³sjai³jin³, cˀoa⁴ cho¹tsian³ nca³ ni⁴cˀia³-jin² ja³ˀai³-ni³ ya⁴ Galilea jnco³ xi³ nchja⁴ya³ tˀa³tsˀe⁴ Ni³na¹.

Hechos de los Apóstoles 17:10

Cˀia⁴ nca³ njion² je² ntsˀe⁴ qui³sca³ni¹ nti⁴ton⁴ Pablo cao⁴ Silas ya⁴ Berea. Cˀia⁴ nca³ ji³cho², ja³ˀa³sˀen³ ntˀia³ sinagoga xi³ tsˀe⁴ cho⁴ta⁴ judío.

Hechos de los Apóstoles 17:14

To⁴nca³ je² ntsˀe⁴ qui³sca³ni¹ nti⁴ton⁴ Pablo ntai³ nta¹chi³con³. Silas cao⁴ Timoteo ya⁴ tsa³ca³tio² ya⁴ Berea.