San Lucas 9:48 - New Testament in Mazatec Huautla

⁴⁸ Cˀoa⁴qui³tso²-le⁴: To⁴ˀya³-ni³ xi³ scoe¹tjao² xi³ tˀa³tsˀan⁴ jnco³ ˀnti¹, an³ xi³ scoe¹tjao²-na³. To⁴ˀya³-ni³ xi³ scoe¹tjao²-na³ nca³ an³, cˀoa⁴-ti⁴ scoe¹tjao² nca³ je² xi³ qui³si³ca³sen¹-na³. Je² xi³ nqui²sa⁴ na³nqui³ ti¹jna³jin³-no³, je²-vi⁴ xi³ je³ya³ ma³.

San Lucas 9:48 ပူးပေါင်းရင်းမြစ်များ

San Mateo 18:10

Cho¹tsaon³ nca³ li²coi³ chˀa²sje³nquio³ jnco³ ˀnti¹xti³-vi⁴. Cˀoa⁴xin³-no³ nca³ je² a²ncje⁴-le⁴ ˀnti¹xti³-vi⁴, ya⁴ ncˀa³jmi³ ve³ntsjai² ncjain¹ Nˀai³-na⁴ xi³ ti¹jna³ ncˀa³jmi³.

San Mateo 18:14

Cˀoa⁴²-sˀin² li²coi³ me³-le⁴ Nˀai³-no³ xi³ ti¹jna³ ya⁴ ncˀa³jmi³ nca³ cha⁴ jnco³ xi³ je² ˀnti¹xti³-vi⁴.

San Mateo 19:28

Jesús qui³tso²-le⁴: Xi³ cjoa⁴qui²xi⁴ xi³ xin³-no³, jon² xi³ je³ji³nčhoa³tˀa³-nao¹³, cˀia⁴ nca³ coan⁴cho⁴tse⁴ya³ nca³yi³je³ cˀia⁴ nca³ je² ˀnti¹-le⁴ cho⁴ta⁴ cˀoe¹jna³son² ya¹xi²le⁴-le⁴ cjoa⁴je³ya³-le⁴, cˀoa⁴-ti⁴ jon² coi⁴yo³son² te³jao² ya¹xi²le⁴, nca³ coa⁴te²xo³ma³-lao⁴³ je² te³jao² ntje⁴-le⁴ Israel.

San Mateo 25:40

Cˀia⁴ je² cho⁴ta⁴ti¹tjon² coi⁴tso⁴-le⁴: Xi³ cjoa⁴qui²xi⁴ xi³ xin³-no³, cˀia⁴ nca³ cˀoa⁴qui³ni²cao⁴³ jnco³ xi³ je² ntsˀe³-vi⁴ xi³ nqui²sa⁴ na³nqui³ tjio¹, cˀoa⁴-ti⁴ an³ xi³ cˀoa⁴qui³ni²cao⁴-nao¹³.

San Mateo 25:45

Cˀia⁴ coi⁴tso⁴-le⁴: Xi³ cjoa⁴qui²xi⁴ xi³ xin³-no³, cˀia⁴ nca³ tsi² cˀoa⁴qui³ni²cao⁴³ jnco³ xi³ je²-vi⁴ xi³ nqui²sa⁴ na³nqui³ tjio¹, ni⁴ˀan³-jian²³ cˀoa⁴qui³ni²cao⁴-nao¹³.

San Marcos 9:37

Je² xi³ scoe¹tjao² jnco³ ˀnti¹ xi³ tˀa³tsˀan⁴, an³ xi³ scoe¹tjao²-na³, cˀoa⁴ je² xi³ scoe¹tjao²-na³ nca³ an³, a³li² an³-jian²³ xi³ scoe¹tjao²-na³, to⁴nca³ scoe¹tjao² je² xi³ qui³si³ca³sen¹-na³.

San Lucas 10:16

Je² xi³ nčhˀoe¹-no³ an³ xi³ nčhˀoe¹-na³, cˀoa⁴ je² xi³ jon² vˀa³sje³xin²-no³ an³ xi³ vˀa³sje³xin²-na³. Je² xi³ vˀa³sje³xin²-na³ nca³ an³, vˀa³sje³xin² je² xi³ qui³si³ca³sen¹-na³.

San Lucas 14:11

Nca³tsˀi³ xi³ ncˀa³ vˀa³sje³ yao³-le⁴, cjai¹nca³ na³nqui³ coan⁴-ni³, cˀoa⁴ je² xi³ na³nqui³ vˀa³sje³ yao³-le⁴, ncˀa³ coi⁴tjo³-ni³.

San Lucas 22:26

To⁴nca³ jon²-vi⁴ a³li² coi³-jion²³, to⁴sa³ je² xi³ ti¹tjon² jin³-no³, ca²ta³ma³ jo³-ni³ tsa² je² xi³ ma³ˀnti¹. Cˀoa⁴ je² xi³ cho⁴ta⁴ti¹tjon², ca²ta³ma³ jo³-ni³ tsa² je² xi³ si¹xa¹.

San Lucas 22:30

jme¹-ni³ nca³ coi⁴chi³-si¹nio³, sˀio⁴-si¹nio³ tˀa³ ya¹mi²xa⁴-na⁴, ya⁴ jña³ va³te³xo³ma²³, cˀoa⁴ coi⁴yo³son²-si¹nio³ ya¹xi²le⁴, cˀoa⁴ si⁴²coi²ntao⁴³ xi³ te³jao² ntje⁴-le⁴ Israel.

San Lucas 7:28

Cˀoa⁴xin³-no³ nca³ ja⁴jin³-le⁴ cho⁴ta⁴son³ˀnte³ tsin² xi³ nqui²sa⁴ ti¹tjon² ma³ cao⁴-ni³ tsa² Juan Bautista. To⁴nca³ je² xi³ nqui²sa⁴ na³nqui³ ma³ ya⁴ cjoa⁴te¹xo³ma³-le⁴ ncˀa³jmi³ nqui²sa⁴ ti¹tjon² ma³ cao⁴-ni³ tsa² Juan.

San Juan 13:20

Ña³qui³ cjoa⁴qui²xi⁴ ña³qui³ cjoa⁴qui²xi⁴ xi³ xin³-no³: Je² xi³ cjoe¹tjao² xi³ an³ si³ca³sen¹³, an³ xi³ cjoe¹tjao²-na³. Cˀoa⁴ je² xi³ an³ cjoe¹tjao²-na³, cjoe¹tjao² xi³ qui³si³ca³sen¹-na³.

San Juan 14:21

Je² xi³ tjin¹-le⁴ cjoa⁴te¹xo³ma³-na⁴, xi³ si¹qui³tjo³son² coi³ cjoa⁴te¹xo³ma³-vi⁴, je²-vi⁴ xi³ tsjoa³que³-na³. Je² xi³ tsjoa³que³-na³ nca³ an³, cˀoa⁴-sˀin² Nˀai³-na⁴ tsjoa³que³ nca³ je², cˀoa⁴ an³ tsjoa³que⁴ nca³ je². Cˀoa⁴-ti⁴ coa³co³son²tsen³-le⁴ yao³-na⁴.

1 Tesalonicenses 4:8

Je² xi³ taon³ ve³, li²coi³ taon³ ve³ cho⁴ta⁴son³ˀnte³, to⁴je² Ni³na¹ xi³ taon³ ve³, je² xi³ cˀoa⁴-ti⁴ qui³tsjoa³-na¹ Espíritu Santo-le⁴.

1 Pedro 5:6

So³ma⁴tˀa³nqui³-lao⁴³ ntsja³ Ni³na¹ xi³ tjin¹-le⁴ nca³nˀion¹, jme¹-ni³ nca³ je² si⁴²quin³ncˀa³-si¹ni³no³ cˀia⁴ nca³ coi⁴cho³ ni⁴čhjin³-ve⁴.

Apocalipsis 21:14

Cˀoa⁴ čhjao¹lao⁴-le⁴ na⁴xi⁴na³nta¹-ve⁴ tjin¹-le⁴ te³jao² čhjao¹ja⁴ma⁴. Ya⁴ tjio¹tˀa³ te³jao² jan³ˀain¹-le⁴ je² xi³ te³jao² pa²stro⁴ xi³ tsˀe⁴ Va³rre².

Apocalipsis 3:21

Je² xi³ si⁴²qui³njen³, an³ tsjoa³-le⁴ nca³ cˀoe¹jna³tˀa³-na³ ya⁴ ya¹xi²le⁴-na⁴, cˀoa⁴-sˀin² jo³-sˀin² nca³ je³qui³si³qui³njen³ nca³ an³, cˀoa⁴ je³tsa³ca²te⁴jna³tˀa³-le⁴ Nˀai³-na⁴ ya⁴ ya¹xi²le⁴-le⁴.