San Lucas 9:35 - New Testament in Mazatec Huautla

³⁵ Jnco³ jta⁴ qui³no²ˀya²-le⁴ ya⁴jin³ yo³jvi³-ve⁴ xi³ qui³tso²: Je²-vi⁴ ˀnti¹-na⁴ xi³ tsjoa³que⁴. Ti⁴no¹ˀya²-lao⁴³ nca³ je².

San Lucas 9:35 ပူးပေါင်းရင်းမြစ်များ

San Mateo 12:18

Coe⁴-ni³ je² cho⁴ˀnta³-na⁴ xi³ tsa³cja³ˀa³jian³. Je² xi³ tsjoa³que⁴, jña³-le⁴ xi³ ma³tsjoa³jin³-le⁴ ni⁴ma⁴-na⁴. Cˀoe³jna³son²-le⁴ je² espíritu-na⁴, cˀoa⁴ je² xi³ coi⁴nchja⁴ya³jin³-le⁴ cho⁴ta⁴ xi³ li² judío-jin² xi³ tˀa³tsˀe⁴ cjoa⁴qui²xi⁴.

San Mateo 3:17

Coe⁴-ni³ jnco³ jta⁴ qui³no²ˀya²-ni³le⁴ ncˀa³jmi³ xi³ cˀoa⁴tso²: Je²-vi⁴ ˀnti¹-na⁴ xi³ tsjoa³que⁴, jo³ nta³ sˀe³coan³ xi³ tˀa³tsˀe⁴.

San Marcos 1:11

Jnco³ jta⁴ qui³no²ˀya²-ni³le⁴ ncˀa³jmi³ xi³ cˀoa⁴tso²: Ji³ ni¹³ xi³ ˀnti¹-na⁴ xin³-le²³. Ji³ ni¹³ xi³ tsjoa³que⁴-le²³, jo³ nta³ sˀe³coan³ xi³ tˀa³tsi⁴.

San Lucas 3:22

Cˀoa⁴ ji³tjo³jen³ne²-le⁴ Jesús je² Espíritu Santo xi³ cˀoa⁴cji³ jo³ cji³ ni⁴se³ paloma. Jnco³ jta⁴ qui³no²ˀya²-ni³le⁴ ncˀa³jmi³ xi³ qui³tso²: Ji³ ni¹³ ˀnti¹-na⁴ xi³ tsjoa³que⁴-le²³, jo³ nta³ sˀe³coan³ xi³ tˀa³tsi⁴.

San Lucas 9:34

Cˀia⁴ nca³ cˀoa⁴-sˀin² ti¹nchja⁴ je²-vi⁴, ja³ˀai³ jnco³ yo³jvi³ xi³ ja³ˀa³ne²-le⁴. Cˀoa⁴ je² qui³tsa³cjon¹ cˀia⁴ nca³ ja³ˀa³jin³ yo³jvi³.

San Juan 12:28

Nˀai³-na⁴, chˀa⁴sje³je³yai³ jan³ˀain¹-li⁴. Cˀia⁴ qui³no²ˀya²-ni³le⁴ jnco³ jta⁴ ncˀa³jmi³: Je³tsˀa³sje³je³ya²³ jan³ˀain¹-na⁴, cˀoa⁴ cˀoa⁴-sˀin² cˀoa³sje³je³ya³-nca¹nia³.

San Juan 3:16

Nca⁴ Ni³na¹ cˀoa⁴sˀin² coan³tsjca³que³ son³ˀnte³ nca³ qui³tsjoa³ je² xi³ to⁴jnco³ ˀnti¹-le⁴, jme¹-ni³ nca³ nca³tsˀi³-si¹ni³ xi³ ma³cjain¹-le⁴ tˀa³tsˀe⁴, li²coi³ cha⁴, to⁴nca³ tjin¹-le⁴ cjoa⁴vi³jna³chon³ nca³ntsjai².

Hebreos 2:3

jo¹-sˀin² coi²tjo⁴ntje² nca³ ña¹, tsa² tsi² ma³cjain¹-na¹ cjoa⁴-le⁴ cjoa⁴vi³tjo³ntjai² xi³ nˀion¹ tse³. Je² Nai³-na¹ coan³ti¹tjon² nca³ qui³nchja⁴ya³ tˀa³tsˀe⁴ je² cjoa⁴vi³tjo³ntjai². Je² xi³ qui³nčhˀoe¹-le⁴, je²-vi⁴ qui³si³qui²xi⁴ya³-na¹.

Hebreos 3:15

To⁴tjen⁴ nca³ cˀoa⁴tso²: Tsa² ntˀai⁴-vi⁴ntai⁴ coi⁴no¹ˀya²-lao⁴³ jta⁴-le⁴ Ni³na¹, a³li² ta²ja³-jin² vˀe²yo³ ni⁴ma⁴-no³, jo³-ni³ cˀia⁴ nca³ tsa³nquin¹ co²ntran⁴-nao¹³.

Hebreos 5:9

Cˀia⁴ nca³ ña³qui³ cjoa⁴qui²xi⁴ je³ji³tjo³son²-le⁴, cˀia⁴ coan³ nai³-le⁴ cjoa⁴vi³tjo³ntjai² nca³ntsjai² xi³ tˀa³tsˀe⁴ nca³tsˀi³ xi³ si¹tjo³son²-le⁴.