San Lucas 8:35 - New Testament in Mazatec Huautla

³⁵ Cho⁴ta⁴ ji³tjo³ co³tsen³-le⁴ cjoa⁴ xi³ coan³, cˀoa⁴ ja³ˀai³con²-le⁴ Jesús. Coan³sjai³-le⁴ je² cho⁴ta⁴xˀin⁴-ve⁴ xi³ ji³tjo³-le⁴ nai⁴² xi³ nta³jin³, nca³ ti¹jna³tˀa³ nqui³ntso⁴co⁴ Jesús. Yˀa³cja¹ na³jño³, cˀoa⁴ nta³ tjin¹con³. Qui³tsa³cjon¹ cho⁴ta⁴-ve⁴.

San Lucas 8:35 ပူးပေါင်းရင်းမြစ်များ

San Mateo 4:24

Cˀoa⁴-sˀin² tsa³nca³va³son² en¹ xi³ tˀa³tsˀe⁴ Jesús nca³qui³jnta² Siria, cˀoa⁴ ja³ˀai³cao⁴-le⁴ nca³tsˀi³ xi³ tjio¹mˀen³, je² xi³ ncjin² jco⁴ya³ tjin¹-le⁴, xi³ tse³ cjoa⁴ñˀain³ tjio¹fa³ˀa¹, xi³ nai⁴² tjio¹jin³ ni⁴ma⁴-le⁴, xi³ chˀin³xin¹ tjin¹-le⁴, xi³ to⁴cjio³ ya¹, cˀoa⁴ qui³si³nta³-ni¹.

San Marcos 5:15

Cho⁴ta⁴ ja³ˀai³con³-le⁴ Jesús. Tsa³ve³ je² xi³ qui³sˀe³-le⁴ nai⁴² xi³ nta³jin³. To⁴nca³ ntˀai⁴ ti¹jna³, yˀa³cja¹ na³jño³-le⁴, nta³ tjin¹con³. Cho⁴ta⁴ qui³tsa³cjon¹.

San Lucas 10:39

Je²-vi⁴ tjin¹-le⁴ jnco³ nti³chja³ xi³ María ˀmi², xi³ tsa³cˀe¹jna³nqui³ tˀa³ntso⁴co⁴ Jesús, nca³ ti¹nčhˀoe¹-le⁴ en¹-le⁴.

San Lucas 15:17

Cˀia⁴ nca³ je³coan³nta³ya³-ni³ cjoa⁴fa³ˀai³tsjen³-le⁴, qui³tso²: Jo¹ tjin¹ ma³-ni³ cho⁴ˀnta³-le⁴ nˀai³-na⁴ xi³ cjai¹nca³ tjin¹-le⁴ nio⁴xti²la⁴ sa³ˀnta³ njen³nqui³-le⁴, cˀoa⁴ an³-ˀni³ ti²vi³ya³-nia¹³ cji³nčha¹ i⁴-vi⁴.

San Lucas 2:46

Cˀoa⁴ xi³ coan³ jan² ni⁴čhjin³ coan³sjai³-le⁴ ya⁴³ yo⁴nco⁴ nca³ ti¹jna³jin³-le⁴ cho⁴ta⁴ xi³ va³co¹ya³ cjoa⁴te¹xo³ma³, ti¹nčhˀoe¹-le⁴, cˀoa⁴ ti¹vi³na³nqui³-le⁴.

San Lucas 8:27

Ji³tjo³jen³-ni³ chi³tso³ Jesús. Ja³ˀa³tˀa³ na³nqui³. Ji³nčhoa³ sa³te¹cjao² jnco³ cho⁴ta⁴ xi³ tsˀe⁴ na⁴xi⁴na³nta¹-ve⁴, xi³ je³co²tse³ tjin¹-le⁴ nai⁴² xi³ nta³jin³. Li²coi³ vˀa³cja¹ na³jño³, ni⁴ntˀia³-jin² vˀe²jna³ya³, to⁴ti¹jna³jin³ tsjo¹.

San Lucas 8:34

Tsa³nca³ je² xi³ tjio¹co³ˀnta³ je² cho⁴-ve⁴, cˀia⁴ nca³ tsa³ve³ cjoa⁴ xi³ coan³. Qui³si³cji³nčhˀoe¹ ya⁴ na⁴xi⁴na³nta¹-ve⁴, cˀoa⁴ ya⁴ nqui³chao³-ve⁴.

Hechos de los Apóstoles 22:3

An³-vi⁴ ña³qui³ cjoa⁴qui²xi⁴ ni¹ cho⁴ta⁴ judío ˀmi²-na³. Ya⁴ Tarso qui³tsian³, tsˀe⁴ na³nqui³ Cilicia. I⁴ coan³jcha¹ na⁴xi⁴na³nta¹-vi⁴. Je² Gamaliel qui³tso²ya³-na³ jña³-le⁴ xi³ ña³qui³ cjoa⁴qui²xi⁴ xi³ tˀa³tsˀe⁴ cjoa⁴te¹xo³ma³-le⁴ nˀai³jcha¹cjin³-na¹. Cjai¹nca³ nta³ qui³tˀa³-le⁴ Ni³na¹ nca³ an³, jo³-ni³ nca³ jon² nca³tsˀio³ ntˀai⁴-vi⁴.

1 Juan 3:8

Je² xi³ ma³jnqui³ je¹, tsˀe⁴ nai⁴², nca⁴ je² nai⁴² ma³jnqui³ je¹ jo³ sa³ˀnta³ nca³ to²tsˀin³-le⁴ cjoa⁴. Coi³ nca³ tsˀa³tsen³-ni³ ˀnti¹-le⁴ Ni³na¹, jme¹-ni³ nca³ si⁴²qui³xo¹ya³-si¹ni³ xa¹-le⁴ nai⁴².