San Lucas 7:21 - New Testament in Mazatec Huautla

²¹ Ti⁴coi³-ni³ hora qui³si³nta³ ncjin² xi³ tjio¹mˀen³, xi³ chˀin³tao¹, chˀin³ˀvi³ tjin¹-le⁴, xi³ ntjao⁴ xi³ nta³jin³ tjin¹-le⁴, cˀoa⁴ ncjin² cho⁴ta⁴xca⁴ qui³sco³ˀai²nqui³ xcon⁴.

San Lucas 7:21 ပူးပေါင်းရင်းမြစ်များ

San Mateo 4:23

Cˀoa⁴ Jesús tsa³cˀa³mjen³jin³jnta² Galilea, tsa³ca³co¹ya³ ya⁴ ntˀia³ xi³ sinagoga ˀmi² xi³ tsˀe⁴, cˀoa⁴ qui³nchja⁴ya³jin³-ni³ en¹nta³ xi³ tˀa³tsˀe⁴ cjoa⁴te¹xo³ma³-le⁴ ncˀa³jmi³. Qui³si³nta³ nca³yi³je³ chˀin³, cˀoa⁴ nca³tsˀi³ xi³ aon³-le⁴ ya⁴ na⁴xi⁴na³nta¹-ve⁴.

San Mateo 4:24

Cˀoa⁴-sˀin² tsa³nca³va³son² en¹ xi³ tˀa³tsˀe⁴ Jesús nca³qui³jnta² Siria, cˀoa⁴ ja³ˀai³cao⁴-le⁴ nca³tsˀi³ xi³ tjio¹mˀen³, je² xi³ ncjin² jco⁴ya³ tjin¹-le⁴, xi³ tse³ cjoa⁴ñˀain³ tjio¹fa³ˀa¹, xi³ nai⁴² tjio¹jin³ ni⁴ma⁴-le⁴, xi³ chˀin³xin¹ tjin¹-le⁴, xi³ to⁴cjio³ ya¹, cˀoa⁴ qui³si³nta³-ni¹.

San Marcos 3:10

Nca⁴ Jesús qui³si³nta³ ncjin² cho⁴ta⁴. Coi³ cjoa⁴ nca³tsˀi³ xi³ tjio¹mˀen³ qui³si³cˀe¹jna³ˀncho²nˀion¹ jme¹-ni³ nca³ si⁴²cao⁴-si¹ni³ Jesús nca³tsˀi³.

San Marcos 5:29

Nti⁴ton⁴ qui³sa³te³chjoa²-le⁴ njin¹-le⁴. Chjon⁴²-ve⁴ ña³qui³ tsen³ coan³-le⁴ yao³-le⁴ nca³ coan³nta³-ni³ chˀin³-le⁴.

San Marcos 5:34

Jesús cˀoa⁴qui³tso²-le⁴: ˀnti¹ na⁴², coi³ nca³ coan³cjain¹-li², ca²ma³nta³-ni³. Tˀin³-la²na¹ ntai³, ca²ta³ma³ntai³ chˀin³-li⁴.

San Lucas 7:20

Cˀia⁴ nca³ je² cho⁴ta⁴ ja³ˀai³con²-le⁴ Jesús, qui³tso²: Je² Juan Bautista qui³si³ca³sen¹-na³jin⁴ xi³ tˀa³tsi⁴, qui³tso²: A³ ji³ ni¹³ je² xi³ cjoi⁴nčhoa³ a³xo⁴ cho¹ya³-lai⁴jin⁴ xi³ cja⁴ˀai¹.

Hebreos 12:6

Je² Nai³-na¹ tsjoa¹-le⁴ cjoa⁴ñˀain³ je² xi³ tsjoa³que³, cˀoa⁴ va¹-le⁴ nca³tsˀi³ ˀnti¹-le⁴ xi³ cjoe¹tjao².