San Lucas 6:49 - New Testament in Mazatec Huautla

⁴⁹ To⁴nca³ je² xi³ qui³nčhˀoe¹ en¹-na⁴, xi³ li²coi³ si¹cji³tjo³-son², to⁴nco¹son² cjoan³ je² cho⁴ta⁴ xi³ tsa³cˀe¹nta³ ntˀia³-le⁴ ya⁴jin³ na³nqui³, cˀoa⁴ li²coi³ tsa³cˀe¹jna³ xjao¹ja⁴ma⁴. Je² xo⁴nca¹-ve⁴ qui³sca³tˀa³nˀion¹ qui³sca³ nti⁴ton⁴. Qui³so³co³ cjoa⁴xcon¹ chi³xo²jen³yi³je³ ni³ˀya³-le⁴.

San Lucas 6:49 ပူးပေါင်းရင်းမြစ်များ

San Mateo 23:3

Nca³yi³je³ xi³ cˀoa⁴coi⁴tso⁴-no³ cˀoa⁴sˀiaon⁴³, cˀoa⁴-sˀin² si⁴qui³tjo³son²³. To⁴nca³ li² cˀoa⁴-jin² nˀiaon²³ jo³-sˀin² sˀin¹ nca³ je², nca⁴ cˀoa⁴tso², to⁴nca³ li²coi³ cˀoa⁴sˀin¹.

San Mateo 24:10

Cˀia⁴ ncjin² xi³ coa⁴tio⁴ tˀa³xin², cˀoa⁴ tsjoa¹tˀa³ xi¹-ncjin¹, cˀoa⁴ chˀao³ scoe⁴con³ xi¹ncjin¹.

San Marcos 4:17

To⁴nca³ tsin²-le⁴ ja⁴ma⁴-jin². To⁴xqui⁴ ni⁴čhjin³ ma³tse³-le⁴. Cˀia⁴ nca³ fa³ˀai³ cjoa⁴si³, a³xo⁴ cˀia⁴ nca³ fa³ˀa¹ cjoa⁴ñˀain³ xi³ tˀa³tsˀe⁴ en¹nta³-vi⁴, nti⁴ton⁴ tsjion¹ ntia⁴²-le⁴ Ni³na¹.

San Lucas 12:47

Nˀion¹ coa⁴²-le⁴ je² cho⁴ˀnta³ xi³ tsa³ve³ jo³-sˀin² coan³me³-le⁴ nai³-le⁴, cˀoa⁴ li²coi³ tsa³cˀe²jna³nta³, ni⁴cˀoa⁴-jin² qui³sˀin³ jo³-sˀin² nca³ me³-le⁴.

San Lucas 19:14

To⁴nca³ cho⁴ta⁴na⁴xi⁴na³nta¹-le⁴ coan³jti³que³, cˀoa⁴ qui³si³ca³sen¹tjen⁴nqui³-le⁴ cho⁴ta⁴ xi³ xa¹ yˀa³, qui³tso²: Li²coi³ me³-na³jin⁴ nca³ je² coa⁴te²xo³ma³-na³jin⁴.

San Lucas 19:27

Cˀoa⁴-ti⁴ je² xi³ co²ntran⁴-na⁴ xi³ tsi² coi³ me³-le⁴ nca³ an³ coa³te³xo³ma²³-le⁴ nca³ je², nčhoa¹cao⁴³ i⁴-vi⁴, ti⁴cha¹sion³ i⁴ nqui³xcoan³-vi⁴.

San Lucas 6:46

A¹-ni³ nca³ no²cjoa⁴-si¹ni³nao¹³ Nai³-na⁴, Nai³-na⁴, cˀoa⁴ li²coi³ ni²cji³tjo³son²³ jo³ xin³-no³.

San Lucas 6:48

To⁴nco¹son² cjoan³ je² cho⁴ta⁴ xi³ vˀe¹nta³ jnco³ ntˀia³, cjai¹nca³ na⁴nca⁴ tsa³ˀnqui³, tsa³cˀe¹jna³ xjao¹ja⁴ma⁴ ya⁴son² na⁴xi⁴. Cˀia⁴ nca³ nˀion¹ tsˀa³ jtsi¹, je² xo⁴nca¹-ve⁴ qui³-sca³tˀa³nˀion¹ ni³ˀya³-ve⁴, to⁴nca³ li²coi³ coan³ qui³tin²ya³-le⁴ nca³ ya⁴ ti¹jna³son²nˀion¹ na⁴xi⁴-ve⁴.

San Lucas 7:1

Cˀia⁴ nca³ je³qui³nchja⁴ nca³yi³je³ en¹-le⁴ xi³ tjio¹nčhˀoe¹-le⁴ cho⁴ta⁴na⁴xi⁴na³nta¹, Jesús ja³ˀa³sˀen³ ya⁴ Capernaum.

San Juan 15:2

Nca³yi³je³ ya¹ntsa⁴ xi³ tsi² tsa² va³-le⁴ to³, fa³ˀa¹xin². Nca³yi³je³ ya¹ntsa⁴ xi³ va³-le⁴ to³, va³te³tˀa³cˀa³, jme¹-ni³ nca³ nqui²sa⁴ to⁴ncjin² to³ coa⁴-si¹ni³le⁴.

Hechos de los Apóstoles 20:29

ˀve³-nia¹³ nca³ an³ nca³ coan⁴scan³-ni³ nca³ cjoia¹³, cjoa⁴ˀa³sˀen³jin³-no³ jo³-ni³ tsa² tsen⁴² xi³ nˀion¹ toan¹, xi³ li²coi³ si⁴²cha³tˀa³-le⁴ cho⁴ta⁴-le⁴ Cristo xi³ jo³-ni³ tsa² va³rre² tjio¹jtin¹.

Hechos de los Apóstoles 26:11

Cjai¹nca³ to⁴ncjin² cˀa³ tsa³ca¹-le⁴ nca³qui³jnta² ja⁴ya³ ntˀia³ sinagoga, sa³ˀnta³ cjoa⁴nˀion¹ qui³sˀin³-le⁴ nca³ nchja⁴ˀaon³-le⁴ Ni³na¹. A³li² to⁴cˀoa⁴cji³ jti³ coan³-na³ xi³ co²ntran⁴ tsˀe⁴. Ña³qui³ cˀoa⁴-sˀin² qui³ co²ntran⁴-le⁴ nta³ tsa² sa³ˀnta³ jña³ nca³ xin² na⁴xi⁴na³nta¹.

1 Tesalonicenses 3:5

Xi³ coi³ nca³ cˀoa⁴-ti⁴ an³ li²coi³ qui³sco³ya²-sa³nia³ qui³si³ca³sen¹³-nia³ nca³ scoe³-no³, jo³-sˀin² tjio¹ta³con² nca³ ma³cjain¹-no³, tsa² tsi² tsa² ya⁴ chˀao³ ti¹si¹cao⁴-no³ Satanás, tsa² tsi² tsa² to⁴cjoa⁴tjao² qui³ni²xai¹⁴-jin⁴.

2 Pedro 2:20

Cjoa⁴qui²xi⁴ ni¹, tsa² je² xi³ cˀoa⁴-sˀin² tsa³qui³ncha³xin²tˀa³-le⁴ je² cjoa⁴chˀao³cjoa⁴jnti¹-ve⁴ xi³ tjin¹ i⁴ son³ˀnte³, nca³ je³tsa³ve³ Nai³-na¹ xi³ tsa³cˀa³sje³ntjai²-na¹, je² Jesucristo, tsa² nqui²jnco³cˀa² tjio¹si¹cˀo¹jin³ yao³-le⁴ cjoa⁴chˀao³cjoa⁴jnti¹-ve⁴, je³qui³ni²qui³njen³-le⁴. To⁴nqui²sa⁴ chˀao³sˀin² tjio¹ xi³ fe³tˀa³-ni³ cao⁴-ni³ nca³ to²tsˀin³-le⁴ cjoa⁴.

1 Juan 2:19

Ji³tjo³sje³jin³-na¹, to⁴nca³ li² tsan⁴²-jian² cho⁴ta⁴-ve⁴. Tsa² tsan⁴² tsa²cai³, ña³qui³ i⁴-jin² tsa³ca³tio²ntsjai²cao⁴-na¹ tsa²cai³. Coi³ cˀoa⁴-sˀin² ji³tjo³sje³jin³-na¹, nca³ cˀoa⁴-sˀin² coan⁴tsen³ nca³ li² nca³tsˀi³-jin² cho⁴ta⁴ tsan⁴².