San Lucas 6:23 - New Testament in Mazatec Huautla

²³ Ti⁴tsjoa³ya³-lao⁴³ ta³con²³ coi³ ni⁴čhjin³-ve⁴, tsjoa¹ tˀao²³ta³con²³. Coe⁴-ni³ cjai¹nca³ tse³ coan⁴ je² chji¹-no³ ya⁴ ncˀa³jmi³, nca⁴ nˀai³jcha¹cjin³-le⁴ cˀoa⁴qui³si³cao⁴ je² xi³ qui³nchja⁴ya³ tˀa³tsˀe⁴ Ni³na¹.

San Lucas 6:23 ပူးပေါင်းရင်းမြစ်များ

San Mateo 5:12

Tˀe²tsjoao³-ta³con²³, cˀoa⁴ tˀe²jnco³-ta³con²³, nca⁴ je² chji¹-no³ nˀion¹ tse³ coan⁴ ya⁴ ncˀa³jmi³. Cˀoa⁴-sˀin² qui³tjen⁴nqui³co²ntran⁴-le⁴ je² xi³ qui³nchja⁴ya³ tˀa³tsˀe⁴ Ni³na¹, xi³ ti¹tjon² tjio¹-no³.

San Lucas 1:41

Cˀoa⁴ xi³ coan³-ni³ve⁴, cˀia⁴ nca³ qui³nčhˀoe¹ Elisabet nca³ qui³si³ti²ˀnta³ María, je² ˀnti¹-ve⁴ qui³si³cjan⁴ ya⁴³ tsˀoa⁴. Cˀoa⁴ cjai¹nca³ to⁴qui³sˀe³jin³ ni⁴ma⁴-le⁴ Elisabet je² Espíritu Santo.

San Lucas 1:44

Coe⁴-ni³ cˀia⁴ nca³ qui³nčhˀoe³jta³-le²³ nca³ qui³ni²ti²ˀnta³-nai¹³, je² ˀnti¹ qui³si³cjan⁴ cao⁴ cjoa⁴tsjoa³ ja⁴ya³ ntsˀoa³.

San Lucas 6:35

Ca²ta³ma³tsjoa³chao³ tso²cˀoa⁴ co²ntran⁴-no³, cˀoa⁴ nta³ tˀiaon⁴³, cˀoa⁴ ti⁴quin²yao³ nca³ a³li²jme³-jin² xi³ cho¹ya³-lao⁴³ xi³ tsˀe⁴. Tse³ coan⁴chji¹-no³, cˀoa⁴ coaon⁴³ ˀnti¹-le⁴ Ni³na¹ xi³ nˀion¹ ncˀa³, nca⁴ je² tjin¹-le⁴ cjoa⁴nta³ xi³ tˀa³tsˀe⁴ xi³ ncˀa³con³, cˀoa⁴ xi³ chˀao³ cjoan³.

Hechos de los Apóstoles 14:10

Cˀia⁴ nˀion¹ qui³nchja⁴ Pablo: Ti⁴so¹tjain⁴, ti⁴sen⁴jna³qui²xi⁴-ni³ ntso⁴coi³. Cˀoa⁴ je² cho⁴ta⁴-ve⁴ˀni³ ña³qui³ qui³squi²⁴ncˀa³-ni¹. Coan³ tsˀa³mjen³.

Hechos de los Apóstoles 3:8

Cˀia⁴ qui³squi²⁴ncˀa³, tsa³ca³sen²nto³, tsa³cˀa³mjen³. Ja³ˀa³sˀen³ yo⁴nco⁴ cao⁴ Pedro cao⁴ Juan. Tso²ˀva³, cji²⁴ncˀa³, jo³ vˀa³sje³je³ya³ Ni³na¹.

Hechos de los Apóstoles 5:41

Je² pa²stro⁴-ve⁴ ji³tjo³jin³-le⁴ cho⁴ta⁴junta. Cjai¹nca³ to⁴tsjoa³-le⁴ nca³ cˀoa⁴-sˀin² tsa³quin²-le⁴ nca³ qui³chˀa²sje³nqui³ xi³ tˀa³tsˀe⁴ jan³ˀain¹-le⁴ Jesús.

Romanos 5:3

A³li² tsa² to⁴coi³ je²-vi⁴, to⁴nca³ cˀoa⁴-ti⁴ chˀa²sje³je³ya³² yao³-na¹ tˀa³tsˀe⁴ cjoa⁴ñˀain³ xi³ tjin¹-na¹, nca³ ˀya³² nca³ je² cjoa⁴ñˀain³-ve⁴ si¹jcha¹jin³-na¹ cjoa⁴tse³jta³.

2 Corintios 12:10

Xi³ tˀa³tsˀe⁴ Cristo to⁴coi³ nta³ tjin¹-coan³ cao⁴ cjoa⁴ˀi³nta³-na⁴, cao⁴ nca³ no²cjoa⁴ˀaon³-na³, cao⁴ cjoa⁴ñˀain³, cao⁴ nca³ fi²tjen⁴nqui³ co²ntran⁴-na³, cao⁴ xi³ li² to⁴jo³ xi³ cji³ ñˀain³ ma³-na³. To⁴cˀia⁴-ni³ nca³ i³nta³ an³, cˀia⁴ tjin¹-na³ nca³nˀion¹.

Colosenses 1:24

Ntˀai⁴-vi⁴ntai⁴ cjai¹nca³ ma³tsjoa³-na³ nca³ cˀoi⁴-sˀin² cjoa⁴ñˀain³ ti²fa³ˀa³ xi³ tˀa³tsaon⁴³. Jin³ yao³-na⁴ si³jncoa²³ jme³-sa³ve⁴ xi³ cha³-le⁴ cjoa⁴ñˀain³ xi³ ti²fa³ˀa³ tˀa³tsˀe⁴ Cristo, cˀoa⁴ tˀa³tsˀe⁴ yao³-le⁴ xi³ je² na⁴xi⁴na³nta¹-le⁴.

2 Timoteo 2:12

Tsa² ti¹jcho¹cjoa⁴-na¹ cao⁴ je², cˀoa⁴-ti⁴sˀin² coa⁴te²xo³ma³² cao⁴ je². Tsa² cˀoe¹ˀma³-le⁴², cˀoa⁴-ti⁴ je² cˀoe⁴²ˀma³-na¹.

Hebreos 11:26

Qui³sco³son²-ni³le⁴ nca³ nqui²sa⁴ chji¹-le⁴ cjoa⁴ nca³ qui³no²cjoa⁴ˀaon³-ni³le⁴ tˀa³tsˀe⁴ Cristo cao⁴-ni³ tsa² je² cjoa⁴nchi⁴na¹ xi³ tsˀe⁴ ya⁴ Egipto, nca⁴ qui³sco³ya³ je² chji¹-le⁴ Ni³na¹.

Hebreos 11:6

Tsa² tsi² ma³cjain¹-na¹, li²coi³ nta³ sˀe³con³ Ni³na¹ xi³ tˀa³tsan⁴². Je² xi³ fa³ˀai³con³-le⁴ Ni³na¹, ma³chjen¹ nca³ coan⁴cjain¹-le⁴ nca³ ti¹jna³ Ni³na¹, cˀoa⁴ nca³ Ni³na¹ tsjoa¹ chji¹-le⁴ je² cho⁴ta⁴ xi³ nˀion¹ va¹sjai³ nca³ je².

Santiago 1:2

ˀnti¹ntsˀe³, cjai¹nca³ to⁴nta³ ca²ta³ma³tsjoa³-no³ cˀia⁴ nca³ cja⁴ˀai¹nca¹ cjoa⁴ñˀain³ sˀe⁴-no³.

1 Pedro 4:13

Tsa² chja³ˀa²cao⁴³ cjoa⁴ñˀain³ Cristo, to⁴sa³ nta³ ca²ta³ma³tsjoa³-no³, jme¹-ni³ nca³ cˀoa⁴-sˀin² cjai¹nca³ tsjoa³ coan⁴-si¹ni³no³ cˀia⁴ nca³ coan⁴tsen³ cjoa⁴je³ya³-le⁴ Cristo.

Apocalipsis 2:17

Je² xi³ tjin¹ xo⁴ño³, ca²ti³ncha²ño³-le⁴ jo³ tso²-le⁴ je² na⁴xi⁴na³nta¹-le⁴ Cristo je² Espíritu Santo. Je² xi³ si⁴²qui³njen³, si³cjen²³ nio⁴xti²la⁴ maná xi³ ti¹jna³ˀma³, cˀoa⁴ tsjoa³-le⁴ jnco³ la⁴jao⁴ˀnti¹ xi³ čhoa³ cji³. Cˀoa⁴ tji¹tˀa³ jnco³ jan³ˀain¹ la⁴jao⁴-ve⁴, jña³-le⁴ xi³ ni⁴ˀya³-jin² xi³ ve³, to⁴je² xi³ cjoe¹.

Apocalipsis 2:26

Je² xi³ si⁴²qui³njen³, cˀoa⁴ xi³ si⁴²tjo³son² je² xa¹-na⁴ sa³ˀnta³ nca³ cjoe⁴tˀa³, an³ tsjoa³-le⁴ ˀnte³ nca³ coa⁴te²xo³ma³ na⁴xi⁴na³nta¹-le⁴ son³ˀnte³.

Apocalipsis 2:7

Je² xi³ tjin¹ xo⁴ño³, ca²ti³ncha²ño³-le⁴ jo³ tso²-le⁴ je² na⁴xi⁴na³nta¹-le⁴ Cristo je² Espíritu Santo. Je² xi³ si⁴²qui³njen³, an³ tsjoa³-le⁴ nca³ squi⁴ne⁴ je² to³-le⁴ ya¹ xi³ tsˀe⁴ cjoa⁴vi³jna³chon³, xi³ se¹jna³ nca³va³sen³-le⁴ ˀnte³ xi³ na³sca¹chon³ xi³ tsˀe⁴ Ni³na¹.

Apocalipsis 21:7

Je² xi³ si⁴²qui³njen³ scoe¹cjoa⁴tjao² nca³yi³je³ tso³jmi². An³ coan⁴ Ni³na¹-le⁴, cˀoa⁴ je² coan⁴ ˀnti¹-na⁴.

Apocalipsis 3:12

Je² xi³ si⁴²qui³njen³, an³ coi³ncha³nta³ ya⁴ ntˀia³-le⁴ Ni³na¹-na⁴, cˀoa⁴ ni⁴nqui²jnco³-jin² ni⁴čhjin³ coi⁴tjo³ nti³tsin³. Cˀoa⁴ an³ squi³joan²³ je² jan³ˀain¹-le⁴ Ni³na¹-na⁴, cˀoa⁴ jan³ˀain¹-le⁴ je² na⁴xi⁴na³nta¹ xi³ tsˀe⁴ Ni³na¹-na⁴, je² Jerusalén cho⁴tse⁴, jña³-le⁴ xi³ fa³ˀai³jen³-ni³ ncˀa³jmi³ tsˀe⁴ Ni³na¹-na⁴, cˀoa⁴ jan³ˀain¹ cho⁴tse⁴-na⁴.

Apocalipsis 3:5

Je² xi³ si⁴²qui³njen³, na³jño³čhoa³ coa¹yo³, cˀoa⁴ li²coi³ si³cha²joan³ je² jan³ˀain¹-le⁴ ya⁴tˀa³ xon⁴ xi³ tsˀe⁴ cjoa⁴vi³jna³chon³. Cˀoa⁴ an³ si³qui²xi⁴ya³nta³ jan³ˀain¹-le⁴ nqui³xcon⁴ Nˀai³-na⁴, cˀoa⁴ nqui³xcon⁴ a²ncje⁴-le⁴.