San Lucas 6:21 - New Testament in Mazatec Huautla

²¹ Jo¹ to⁴nta³-no³ jon² xi³ vao³-no³ ntˀai⁴-vi⁴, nca⁴ jon² coan⁴squio³. Jo¹ to⁴nta³-no³ jon² xi³ chi¹ˀntao¹³, nca⁴ coi⁴jno³.

San Lucas 6:21 ပူးပေါင်းရင်းမြစ်များ

San Mateo 5:4

Jo¹ to⁴nta³-le⁴ je² xi³ cji³ˀntia¹, nca⁴ je² xi³ coan⁴je³con³.

San Mateo 5:6

Jo¹ to⁴nta³-le⁴ je² xi³ vao³-le⁴, cˀoa⁴ xi³ fa³ti²-le⁴ cjoa⁴ xi³ cjoa⁴qui²xi⁴, nca⁴ coan⁴squi³.

San Lucas 1:53

Je² cho⁴ta⁴ xi³ vao³-le⁴ qui³si³tse³-le⁴ tso³jmi²nta³, cˀoa⁴ je² xi³ nchi⁴na¹ qui³sca³ni¹cji³tia³.

San Lucas 6:20

Cˀia⁴ Jesús qui³sco²tsen³ˀa³ cho⁴ta⁴-le⁴, qui³tso²: Jo¹ to⁴nta³-no³ jon² xi³ yo⁴ma⁴, nca⁴ tsaon⁴³ nio¹³ je² cjoa⁴te¹xo³ma³-le⁴ Ni³na¹.

San Lucas 6:22

Jo¹ to⁴nta³-no³ cˀia⁴ nca³ cho⁴ta⁴ chˀao³ ve³-no³, cˀia⁴ nca³ fa³ˀa¹xin²-no³, cˀia⁴ nca³ nchja⁴ˀaon³-no³, cˀia⁴ nca³ vˀa³sje³nqui³ jan³ˀain¹-no³ jo³-ni³ tsa² tsˀen⁴, xi³ to⁴tˀa³tsˀe⁴ ˀnti¹-le⁴ cho⁴ta⁴.

San Lucas 6:25

Ma⁴-xo¹nio³ jon² xi³ ti³yo³qui³tsao³, nca⁴ coan⁴vao³-no³. Ma⁴-xo¹nio³ jon² xi³ ntˀai⁴-vi⁴ vi³jno²³, nca⁴ coan⁴va³-no³, cˀoa⁴ chi¹ˀntao¹³.

San Juan 11:35

Qui³squi³ˀnta¹ Jesús.

San Juan 4:10

Jesús cˀoi⁴qui³tso²-le⁴: Tsa² ˀyai³ cjoa⁴tjao²-le⁴ Ni³na¹ cˀoa⁴ tsa² ˀya³xcoin³ je² xi³ cˀoa⁴tso²-li²: Tˀai²-nai¹³ xi³ scˀoia⁴, ji³ xi³ si⁴je¹-lai⁴ nca³ je², cˀoa⁴ je² tsjoa¹-li² na³nta¹ xi³ ti¹jna³con³.

San Juan 6:35

Jesús qui³tso²-le⁴: An³ nia¹³ je² nio⁴xti²la⁴ xi³ tsjoa¹ cjoa⁴vi³jna³chon³. Je² xi³ fa³ˀai³con²-na³ nca³ an³, a³li² cˀia³ coan⁴vao³-le⁴. Je² xi³ ma³cjain¹-le⁴ xi³ tˀa³tsˀan⁴, a³li² cˀia³ coan⁴fa³ti²-le⁴.

1 Corintios 4:11

Sa³ˀnta³ je² hora-vi⁴ cji³nčha¹-na³jin⁴, cˀoa⁴ fa³ti²-na³jin⁴, cˀoa⁴ tsin²-na³jin⁴ na³jño³-jin², cˀoa⁴ qui³tsin²ˀoain³⁴-jin⁴ nca³ qui³sˀe³-na³jin⁴, cˀoa⁴ to⁴ti³ma³son²-ni¹⁴jin⁴ nca³ tsin²-na³jin⁴ ntˀia³.

2 Corintios 11:27

cao⁴ xa¹nˀion¹ cao⁴ cjoa⁴vi³jta², cao⁴ xi³ ncjin² cˀa³ tsa³ca²te⁴jna³con³ˀnta³, cao⁴ nca³ coan³vao³-na³ coan³fa³ti²-na³, cao⁴ nca³ ncjin² cˀa³ tsa³ca²te⁴jna³nchjan³, cao⁴ nca³ nchˀan¹ coan³-na³, cao⁴ nca³ me³ qui³sˀe³jtia²³.

2 Corintios 12:10

Xi³ tˀa³tsˀe⁴ Cristo to⁴coi³ nta³ tjin¹-coan³ cao⁴ cjoa⁴ˀi³nta³-na⁴, cao⁴ nca³ no²cjoa⁴ˀaon³-na³, cao⁴ cjoa⁴ñˀain³, cao⁴ nca³ fi²tjen⁴nqui³ co²ntran⁴-na³, cao⁴ xi³ li² to⁴jo³ xi³ cji³ ñˀain³ ma³-na³. To⁴cˀia⁴-ni³ nca³ i³nta³ an³, cˀia⁴ tjin¹-na³ nca³nˀion¹.

2 Corintios 6:10

jo³-ni³ xi³ va³-na³jin⁴, to⁴nca³ tsjoa³-na³jin⁴ nca³ntsjai², jo³-ni³ tsa² xi³ yo⁴ma⁴, to⁴nca³ ncjin² xi³ ti³ni²nchi⁴nai¹⁴-jin⁴, jo³-ni³ xi³ tsi² tsa² jme³ xi³ tjin¹-na³jin⁴, to⁴nca³ xi³ nai³-le⁴ mai³⁴-jin⁴ nca³yi³je³.

Santiago 1:12

Jo¹ to⁴nta³-le⁴ cho⁴ta⁴ xi³ si¹cjain¹-le⁴ cjoa⁴ñˀain³. Cˀia⁴ nca³ je³qui³cho²tˀa³-le⁴, coi⁴njen⁴-le⁴ cjoa⁴vi³jna³chon³ xi³ jo³-ni³ jnco³ corona, xi³ Ni³na¹ qui³tsjoa³ tsˀoa³ nca³ tsjoa¹-le⁴ je² xi³ tsjoa³que³ nca³ je².

Apocalipsis 21:3

Qui³nčhˀoe³jncoa³ jta⁴ nˀion¹ ya⁴ ncˀa³jmi³, xi³ qui³tso²: Coe⁴-ni³ je² ni³ˀya³-le⁴ Ni³na¹ qui³jna³jin³-le⁴ cho⁴ta⁴, cˀoa⁴ Ni³na¹ cˀoe¹jna³cao⁴. Cho⁴ta⁴ na⁴xi⁴na³nta¹-le⁴ coan⁴. Ti⁴je²-ni³ Ni³na¹ Ni³na¹-le⁴ coan⁴.

Apocalipsis 7:16

Ni⁴cˀia³-jin² ti⁴coan⁴vao³-ni³le⁴, ni⁴coan⁴fa³ti²-jin²le⁴. Cˀoa⁴ je² tsˀoi¹ li²coi³ ti⁴sca⁴ne²-ni³le⁴, cˀoa⁴ ni⁴jme³-jin² xi³ ti⁴coan⁴sjoe²-ni³le⁴.