San Lucas 5:32 - New Testament in Mazatec Huautla

³² Li²coi³ ja²ˀai⁴ nchja²-le⁴ xi³ tjin¹-le⁴ cjoa⁴qui²xi⁴, to⁴je² cho⁴ta⁴ xi³ je¹ tjin¹-le⁴ nca³ si⁴²cˀa³ntjai²ya³ cjoa⁴fa³ˀai³tsjen³-le⁴.

San Lucas 5:32 ပူးပေါင်းရင်းမြစ်များ

San Mateo 18:10

Cho¹tsaon³ nca³ li²coi³ chˀa²sje³nquio³ jnco³ ˀnti¹xti³-vi⁴. Cˀoa⁴xin³-no³ nca³ je² a²ncje⁴-le⁴ ˀnti¹xti³-vi⁴, ya⁴ ncˀa³jmi³ ve³ntsjai² ncjain¹ Nˀai³-na⁴ xi³ ti¹jna³ ncˀa³jmi³.

San Mateo 9:13

Ta⁴nquion¹³, tso²cˀoa⁴, cho¹tˀa³yao³ jo³ tso²-ni³: Cjoa⁴ma⁴ta³con² xi³ me³-na³, a³li² je²-jin² cjoa⁴tjao² xi³ vˀai²tˀa³-nao¹³, nca⁴ tsin² cho⁴ta⁴ xi³ qui²xi⁴-jin² je²ˀe⁴ nchja²³-le⁴, to⁴je² xi³ cho⁴ta⁴je¹, nca³ si⁴²cˀa³ntjai²ya³ cjoa⁴fa³ˀai³tsjen³-le⁴.

San Marcos 15:10

Pilato tjin¹jin³-le⁴ nca³ to⁴cjoa⁴xin²ta³con²³-le⁴ nca³ cho⁴ta⁴ti¹tjon²-le⁴ na⁴ˀmi³ ji³cho² ca³ni¹tˀta³-le⁴ Jesús.

San Marcos 15:7

Ti¹jna³ cjoa⁴ñˀain³ jnco³ cho⁴ta⁴ xi³ Barrabás ˀmi², cao⁴ mi²yo⁴-le⁴ xi³ tsa³qui³so¹tjen⁴ cao⁴ cjoa⁴si³. Qui³si³cˀen³ cˀen³ ja⁴jin³ cjoa⁴si³-ve⁴.

San Marcos 2:17

Cˀia⁴ nca³ Jesús qui³nčhˀoe¹ je²-vi⁴, qui³tso²-le⁴: Je² cho⁴ta⁴ xi³ nta³, a³li² chji⁴ne⁴xqui³-jin² ma³chjen¹-le⁴, to⁴je² xi³ tjio¹mˀen³ xi³ ma³chjen¹-le⁴ chji⁴ne⁴xqui³. A³li²coi³ je²ˀe⁴ nca³ an³ nca³ coi³nchja²³-le⁴ cho⁴ta⁴ xi³ tjin¹-le⁴ cjoa⁴qui²xi⁴, to⁴je² cho⁴ta⁴je¹ xi³ coi³nchja²³-le⁴.

San Lucas 15:10

Cˀoa⁴xin³-no³ nca³ cˀoa⁴-sˀin² tjin¹ cjoa⁴tsjoa³ nqui³xcon⁴ a²ncje⁴-le⁴ Ni³na¹ xi³ tˀa³tsˀe⁴ jnco³ cho⁴ta⁴tsˀen⁴ xi³ si⁴²cˀa³ntjai²ya³ cjoa⁴fa³ˀai³tsjen³-le⁴.

San Lucas 15:7

Cˀoa⁴xin³-no³ nca³ cˀoa⁴-sˀin² nqui²sa⁴ tse³ cjoa⁴tsjoa³ sˀe⁴ ya⁴ ncˀa³jmi³ xi³ tˀa³tsˀe⁴ jnco³ cho⁴ta⁴tsˀen⁴ xi³ si⁴²cˀa³ntjai²ya³ cjoa⁴fa³ˀai³tsjen³-le⁴ cao⁴-ni³ tsa² ño³can³ cao⁴-ni³ čhja³ˀaon²ño³ xi³ tjin¹-le⁴ cjoa⁴qui²xi⁴, xi³ tsi² tsa² ma³chjen¹-le⁴ nca³ si⁴²cˀa³ntjai²ya³ cjoa⁴fa³ˀai³tsjen³-le⁴.

San Lucas 19:10

Nca⁴ je² ˀnti¹-le⁴ cho⁴ta⁴ ja³ˀai³ ca¹sjai³, cˀoa⁴ ja³ˀai³ cˀa³sje³ntjai² je² xi³ qui³cha³.

San Lucas 24:47

cˀoa⁴ nca³ coi⁴no²cjoa⁴ya³jin³-le⁴ nca³tsˀi³ na⁴xi⁴na³nta¹ cao⁴ jan³ˀain¹-le⁴, nca³ ma³chjen¹-le⁴ nca³ si⁴²cˀa³ntjai²ya³ cjoa⁴fa³ˀai³tsjen³-le⁴, cˀoa⁴ jo³-sˀin² nca³ cha⁴tˀa³-le⁴ je¹-le⁴. Coai⁴tsˀia⁴-cjoan²ni³ ya⁴ Jerusalén.

San Lucas 5:31

Jesús qui³tso²-le⁴: Je² xi³ nta³ tjio¹, li²coi³ ma³chjen¹-le⁴ chji⁴ne⁴xqui³, to⁴je² xi³ tjio¹mˀen³ xi³ ma³chjen¹-le⁴.

San Lucas 5:33

Cˀia⁴ je² cho⁴ta⁴-ve⁴ qui³tso²-le⁴ Jesús: A¹-ni³ nca³ cho⁴ta⁴-le⁴ Juan va³tio²nchjan³-ni³ ncjin² cˀa³, cˀoa⁴-ti⁴ vˀe¹tsˀoa³, cˀoa⁴-ti⁴sˀin²ni³ cho⁴ta⁴ fariseos, to⁴nca³ cho⁴ta⁴-li⁴ cjen², cˀoa⁴ ˀvi³-ni³.

Hechos de los Apóstoles 17:30

To⁴nca³ Ni³na¹ li²coi³ qui³si³sin³ je² ni⁴čhjin³ xi³ tsˀe⁴ je² cjoa⁴njion²-vi⁴. To⁴nca³ ntˀai⁴-vi⁴ntai⁴ Ni³na¹ vˀe¹ne²-le⁴ nca³tsˀi³ cho⁴ta⁴ nca³qui³jnta² son³ˀnte³ nca³ ca²ta³si¹cˀa³ntjai²ya³ cjoa⁴fa³ˀai³tsjen³-le⁴.

Hechos de los Apóstoles 2:38

Cˀia⁴ Pedro qui³tso²-le⁴: Ti⁴cˀa³ntjai²yao³ cjoa⁴fa³ˀai³tsjen³-no³, ca²ta³sa³te¹ntao¹³ nca³tsˀio³ nca³ cho⁴ta⁴-le⁴ Cristo coaon⁴³, jme¹-ni³ nca³ cha⁴tˀa³-si¹ni³ je¹-no³, cˀoa⁴ tjoe¹-no³ je² cjoa⁴tjao² xi³ je² Espíritu Santo.

Hechos de los Apóstoles 20:21

Qui³tsjoa³-le⁴ en¹ je² cho⁴ta⁴ judío cao⁴ cho⁴ta⁴ xi³ li² judío-jin² nca³ ca²ta³si¹cˀa³ntjai²ya³ cjoa⁴fa³ˀai³tsjen³-le⁴ xi³ tˀa³tsˀe⁴ Ni³na¹ cˀoa⁴ ca²ta³ma³cjain¹-le⁴ xi³ tˀa³tsˀe⁴ Nai³-na¹ Jesucristo.

Hechos de los Apóstoles 3:19

Ti⁴cˀa³ntjai²yao³ tso²cˀoa⁴ cjoa⁴fa³ˀai³tsjen³-no³, ca²ta³vˀa³ntjai²ya³-nio³, jme¹-ni³ nca³ cha⁴tˀa³-si¹ni³ je¹-no³, jme¹-ni³ nca³ cjoa⁴ˀai¹-si¹ni³ ni⁴čhjin³ nca³ coi⁴njen⁴ nchˀan¹ jo³-sˀin² Ni³na¹ coa⁴te²xo³ma³,

Hechos de los Apóstoles 3:26

Ni³na¹ qui³sco²mi³tjen⁴ ˀnti¹-le⁴. Cˀia⁴ jon² nio¹³ xi³ ti¹tjon²cjoa²la² Ni³na¹ qui³si³ca³sen¹-no³ je² ˀnti¹-le⁴, jme¹-ni³ nca³ si⁴²chi³con³tˀain³-si¹ni³no³ nca³ si⁴²cˀa³ntjai²ya³ ntia⁴²-no³ nca³ jnco¹jnco¹³ nca³ li²coi³ ti⁴cˀoa⁴sˀian⁴-nio³ cjoa⁴tsˀen⁴-no³.

Hechos de los Apóstoles 5:31

Je²-vi⁴ xi³ Ni³na¹ qui³si³quin³ncˀa³ ya⁴ nca³qui²xi⁴-le⁴. Je²-vi⁴ xi³ cho⁴ta⁴ti¹tjon²-na¹, cˀoa⁴ xi³ vˀa³sje³ntjai²-na¹, jme¹-ni³ nca³ tsjoa¹-si¹ni³le⁴ cjoa⁴nta³ cho⁴ta⁴ Israel nca si⁴²cˀa³ntjai²ya³ cjoa⁴fa³ˀai³tsjen³-le⁴, nca³ cha⁴tˀa³-le⁴ je¹-le⁴.

2 Pedro 3:9

Je² Nai³-na¹ li²coi³ si⁴²tse³ya² xi³ qui³si³sˀe³nqui³, jo³-sˀin² si¹cja³ˀai³tsjen³ cˀa³ nca³ ma³tse³ya²-le⁴, to⁴nca³ tjin¹-le⁴ cjoa⁴tse³jta³ xi³ tˀa³tsan⁴². Cai³-le⁴ nca³ jnco³ xi³ cha⁴. To⁴me³-le⁴ nca³ cjoi⁴cho² si¹cˀa³ntjai²ya³ cjoa⁴fa³ˀai³tsjen³-le⁴ nca³tsˀi³.