San Lucas 24:39 - New Testament in Mazatec Huautla

³⁹ Cho¹tsen³-lao⁴³ ntsa⁴ ntso⁴coa³, nca⁴ ti⁴ˀan³-nia³: Cha¹jon³-nao¹³, cho¹tsaon³, nca⁴ je² xi³ espíritu ˀmi² ni⁴yao³-jin² ni⁴ni³nta³-jin² tjin¹-le⁴, jo³-sˀin² ˀyao³ nca³ tjin¹-na³.

San Lucas 24:39 ပူးပေါင်းရင်းမြစ်များ

San Lucas 23:46

Cˀia⁴ Jesús nˀion¹ qui³nchja⁴, qui³tso²: Nˀai³ ja⁴ya³ ntsai⁴ vˀe³jna²³ espíritu-na⁴ ntˀai⁴. Cˀia⁴ nca³ je³cˀoa⁴qui³tso² qui³cha³jta³.

San Lucas 24:38

To⁴nca³ Jesús qui³tso²-le⁴: A¹-ni³ nca³ ti³yo³xcon¹-si¹ni³no³, a¹-ni³ nca³ nˀion¹ tjio¹si¹cjao¹jin³-si¹ni³ ni⁴ma⁴-no³.

San Lucas 24:40

Cˀia⁴ nca³ cˀoa⁴qui³tso²-le⁴ je²-vi⁴, tsa³ca³co¹-le⁴ ntsja³ cao⁴ ntso⁴co⁴.

San Juan 20:20

Cˀia⁴ nca³ je³cˀoa⁴qui³tso², tsa³ca³co¹-le⁴ ntsja³ cao⁴ ni³nta³ni⁴sin⁴-le⁴. Jo³ coan³tsjoa³-le⁴ cho⁴ta⁴-le⁴ nca³ tsa³ve³ Nai³-na¹.

San Juan 20:25

Je² xi³cˀa³ cho⁴ta⁴-le⁴ Jesús cˀoi⁴qui³tso²-le⁴ Tomás: Ca²ˀya³-ni¹⁴jin⁴ Nai³-na¹. Tomás qui³tso²-le⁴: Tsa² tsi² tsa² scoe³ ntsja³ jña³ nca³ qui³sa³sen³sˀen³ xo², cˀoa⁴ tsa² tsi² tsa² sca³ni³sˀen²³ na⁴jma¹ntsa⁴ jña³ nca³ qui³sˀen³-le⁴ xo², cˀoa⁴ tsa² tsi² tsa² sca³ni³sˀen²³ ntsa⁴ ya⁴ ni³nta³ni⁴sin⁴-le⁴, li²coi³ coan⁴cjain¹-na³.

San Juan 20:27

Nti⁴ton⁴ cˀoi⁴qui³tso²-le⁴ Tomás: Cha⁴ni²sˀain³ na⁴jma¹ntsai⁴ i⁴-vi⁴, cho¹tsen³-lai⁴ ntsa⁴, tja³ntoi³ ntsai⁴ i⁴-vi⁴, cha⁴ni²sˀain³ ni³nta³ni⁴sin⁴-na⁴. A³li² ni²ta²ja⁴jin³-jin², ca²ta³ma³cjain¹-li².

Hechos de los Apóstoles 1:3

Cˀia⁴ nca³ je³tsa³cja³ˀa¹ cjoa⁴ñˀain³, Jesús tsa³ca³co¹-le⁴ yao³-le⁴ nca³ ti¹jna³con³. Li² to⁴cˀoa⁴cji³ ncjin² cjoa⁴ xi³ tsa³ca³co¹, nca³ ña³qui³ cˀoa⁴²tjin¹ nca³ ti¹jna³con³. Ña³chan² ni⁴čhjin³ Jesús coan³tsen³-ni³le⁴ pa²stro⁴-le⁴, cˀoa⁴ tsa³cja¹cao⁴ xi³ tˀa³tsˀe⁴ cjoa⁴te¹xo³ma³-le⁴ Ni³na¹.

1 Tesalonicenses 5:23

Je² Ni³na¹ xi³ tsjoa¹ xi³ nchˀan¹ tjin¹, ti⁴je²-ni³ Ni³na¹ ca²t³si¹tsje³ya³-no³ nca³yi³je³, cˀoa⁴ je² espíritu-no³ cao⁴ ni⁴ma⁴-no³ cao⁴ yao³-no³ ca²ta³ma³coi²nta⁴ nca³ cji³jnco³, nca³ tsi²jme³ je¹ tjin¹-le⁴ cˀia⁴ nca³ cjoa⁴ˀai¹ Nai³-na¹ Jesucristo.

Hebreos 12:9

Nca³tsˀia³² qui³sˀe³-na¹ nˀai³ xi³ tsˀe⁴ yao³-na¹ xi³ qui³tsjoa³-na¹ cjoa⁴ñˀain³, cˀoa⁴ tsa³ˀya³xcoan¹. A³ tsi² tsa² nqui²sa⁴ nta³ si⁴tjo³son²-si¹ni³le⁴² je² Nˀai³-le⁴ ni⁴ma⁴-na¹, cˀoa⁴ coi⁴yo³choan³².

1 Juan 1:1

Je² xi³ ti¹jna³ sa³ˀnta³ nca³ to²tsˀin³-le⁴ cjoa⁴, xi³ qui³no²ˀyai²⁴-jin⁴, xi³ xcoin³⁴-jin⁴ tsa³ˀya³-ni³jin⁴, xi³ qui³cho²tsen³-lai⁴jin⁴, xi³ ntsai⁴-jin⁴ qui³ni²cao⁴-ni³jin⁴, xi³ tˀa³tsˀe⁴ je² en¹ xi³ tsjoa¹ cjoa⁴vi³jna³chon³ nca³ntsjai².