San Lucas 23:25 - New Testament in Mazatec Huautla

²⁵ Qui³si³cˀe¹jna³ntai¹-le⁴ je² cho⁴ta⁴ xi³ qui³cha³ni² nto⁴ya¹ xi³ to⁴cjoa⁴-le⁴ cjoa⁴si³ xi³ ji³tjo³mi³tjen⁴, cˀoa⁴ nca³ cˀen³ qui³si³cˀen³. Cˀia⁴ qui³sca³ni¹tˀa³-le⁴ Jesús nca³ cˀoa⁴si⁴²cao⁴ jo³-sˀin² me³-le⁴.

San Lucas 23:25 ပူးပေါင်းရင်းမြစ်များ

San Mateo 27:26

Cˀia⁴ qui³si³cˀe¹jna³ntai¹-le⁴ Barrabás, cˀoa⁴ nca³ je³tsa³ca¹-le⁴ Jesús, qui³sca³ni¹tˀa³, jme¹-ni³ nca³ sˀe⁴tˀa³-si¹ni³ cro².

San Marcos 15:15

Pilato me³-le⁴ si¹ña³con³ cho⁴ta⁴na⁴xi⁴na³nta¹, coi³ cjoa⁴-vi⁴ qui³si³cˀe¹jna³ntai¹-le⁴ Barrabás. Cˀoa⁴ cˀia⁴ nca³ je³tsa³ca¹-le⁴ Jesús, qui³sca³ni¹tˀa³ jme¹-ni³ nca³ sˀe⁴tˀa³-si¹ni³ cro².

San Lucas 23:2

Tsa³cˀe¹tsˀia⁴cao⁴ nca³ tsa³ca¹nqui³, qui³tso²: Je²-vi⁴ coan³sjai³-na³jin⁴ nca³ xin²ntia⁴² fi²cao⁴ na⁴xi⁴na³nta¹-na⁴jin⁴, nca³ vˀe¹chjoa²-na³jin⁴ nca³ vˀai²-lai⁴jin⁴ taon⁴sa¹ César, nca³ tso² nca³ ti⁴je² ni¹ Cristo je² cho⁴ta⁴ti¹tjon².

San Lucas 23:24

Cˀia⁴ Pilato tsa³ca³te¹xo³ma³ nca³ ca²tji³tjo³son² jña³-le⁴ xi³ qui³si³je¹ nca³ je².

San Lucas 23:26

Cˀia⁴ nca³ qui³cao⁴ Jesús, qui³tsoa³ jnco³ cho⁴ta⁴ xi³ Simón ˀmi², xi³ cho⁴ta⁴ cireneo, xi³ ti¹nčhoa¹-ni³ nqui³chao³. Tsa³ca¹jna³ne²-le⁴ cro² nca³ coai⁴cao⁴ jton³-le⁴ Jesús.

San Lucas 23:5

To⁴nca³ qui³nchja⁴qui³ti³-ni¹, qui³tso²: Vˀe¹tsˀia⁴ cjoa⁴-si³ nca³ va³co¹ya³ nca³qui³jnta² na³nqui³ Judea, vˀe¹tsˀia⁴cao⁴-cjoan²ni³ na³nqui³ Galilea sa³ˀnta³ i⁴-vi⁴.

San Juan 18:40

Cˀia⁴ nca³tsˀi³ nˀion¹ qui³nchja⁴ nqui²jnco³ cˀa²: A³li² je²-vi⁴, to⁴nca³ je² Barrabás. Je² Barrabás cho⁴ta⁴che¹ ni¹.

San Juan 19:16

Cˀia⁴ Pilato qui³sca³ni¹tˀa³-le⁴ cho⁴ta⁴ judíos Jesús, jme¹-ni³ nca³ coa⁴²tˀa³-si¹ni³ cro². Qui³scoe¹ Jesús, qui³cao⁴.

Hechos de los Apóstoles 3:14

Jon² tsa³cˀe²ˀmao³ je² xi³ tsje³, xi³ tjin¹-le⁴ cjoa⁴qui²xi⁴. Qui³ni²jao¹³ nca³ qui³tsˀai²-no³ jnco³ cho⁴ta⁴ xi³ cˀen³ qui³tjen⁴-le⁴.