San Lucas 21:23 - New Testament in Mazatec Huautla

²³ Ma⁴-xo¹ni³ je² xi³ ˀnti¹ yˀa³, cˀoa⁴ je² xi³ si¹ca³qui³ coi³ ni⁴čhjin³-ve⁴, nca⁴ sˀe⁴ cjoa⁴ñˀain³ xi³ nˀion¹ i⁴ son³ˀnte³-vi⁴, cˀoa⁴ cjoa⁴ñˀain³ cjoa⁴ˀa² je² na⁴xi⁴na³nta¹-vi⁴ xi³ to⁴tˀa³tsˀe⁴ cjoa⁴jti³-le⁴ Ni³na¹.

San Lucas 21:23 ပူးပေါင်းရင်းမြစ်များ

San Mateo 21:16

Qui³tso²-le⁴ Jesús: A³ no²ˀya²-ni¹ xi³ je²-vi⁴ tjio¹tso². Jesús qui³tso²-le⁴: Jaon³. A³ ni⁴cˀia³-jin² tsa³cˀe²xquiao⁴³: Tsˀoa³-ni³ ˀnti¹xti³, cˀoa⁴ cao⁴ xi³ tjio¹va³qui³, qui³chˀa²sje³-ni³ cjoa⁴nta³ xi³ ña³qui³ cˀoa⁴tjin¹.

San Mateo 21:41

Cho⁴ta⁴ qui³tso²-le⁴ Jesús: Je² cho⁴ta⁴tsˀen⁴-ve⁴ ña³qui³ si⁴²cha³. Cˀoa⁴ je² tso³jmi²ntj²-le⁴ tsjoa¹son²-le⁴ cja⁴ˀai¹ cho⁴ta⁴si¹xa¹ xi³ cˀoe⁴²chji¹son²-le⁴ cao⁴ xca⁴to³tse⁴² xi³ ma³jcha¹ cˀia⁴ nca³ ni⁴čhjin³-le⁴.

San Mateo 21:44

Je² xi³ sca³son² la⁴jao⁴-vi⁴, cˀoa⁴-sˀin² coan⁴xcoa⁴. Cˀoa⁴ tsa² ˀya³ xi³ la⁴jao⁴-vi⁴ sca³ne²-le⁴, cˀoa⁴-sˀin² coan⁴chao³.

San Mateo 24:19

To⁴nca³ ma⁴xo¹ni³ je² xi³ yˀa³ ˀnti¹, cˀoa⁴ je² xi³ si¹ca³qui³ coi³ ni⁴čhjin³-ve⁴.

San Marcos 13:17

Ma⁴-xo¹ni³ je² ya¹nchjin¹ xi³ ˀnti¹ yˀa³, cˀoa⁴ je² xi³ ˀnti¹ si¹ca³qui³ coi³ ni⁴čhjin³-ve⁴.

San Lucas 19:27

Cˀoa⁴-ti⁴ je² xi³ co²ntran⁴-na⁴ xi³ tsi² coi³ me³-le⁴ nca³ an³ coa³te³xo³ma²³-le⁴ nca³ je², nčhoa¹cao⁴³ i⁴-vi⁴, ti⁴cha¹sion³ i⁴ nqui³xcoan³-vi⁴.

San Lucas 19:43

Cjoa⁴ˀai¹ne²-li² ni⁴čhjin³ nca³ je² co²ntran⁴-li⁴ cˀoe⁴²jna³-li² jnco³ nchˀoa¹ni³ˀnte³, cjoa⁴ˀai¹ca³tio²ntai³-li², cˀoa⁴ to⁴jña³-ni³ nca³qui³jnta² si⁴²cˀe²jna³ˀncho²nˀion¹-li².

San Lucas 23:29

Coe⁴-ni³ cjoa⁴ˀai¹ ni⁴čhjin³ cˀia⁴ nca³ coi⁴tso⁴: Jo¹ to⁴nta³-le⁴ xi³ ˀnti⁴, je² tsˀoa⁴ xi³ tsi² ˀnti¹ tsa³cˀa³, cˀoa⁴ je² chi³qui³ xi³ tsi² ˀnti¹ qui³si³jcha¹.

1 Corintios 7:26

To⁴tˀa³tsˀe⁴ je² cjoa⁴ñˀain³ xi³ tjin¹ ntˀai⁴-vi⁴, si³cja³ˀai³tsjen³-nia¹³ nca³ nta³-ni³ tsa² cho⁴ta⁴ cˀoa⁴-sˀin² ca²ta³tio² jo³-sˀin² tjio¹.

1 Tesalonicenses 2:16

Va³te¹chjoa²-na³jin⁴ nca³ chja²coai⁴-jin⁴ cho⁴ta⁴ xi³ li² judío-jin², jme¹-ni³ nca³ coi⁴tjo³ntjai²-si¹ni³. To⁴tjio¹ma³ si¹tse³ je¹-le⁴ nca³ntsjai². Xi³ fe³tˀa³-ni³ ja³ˀai³ne²-le⁴ cjoa⁴jti³-le⁴ Ni³na¹.

Hebreos 13:16

A³li² ni²cha³jin³-jion²³ nca³ nta³ sˀiaon⁴³, cˀoa⁴ nca³ coi⁴ncha³cao⁴³ xi³cˀa³, nca⁴ coi³ cjoa⁴tjao² xi³ sa³sen¹-le⁴ Ni³na¹.

Santiago 5:1

Coe⁴-ni³ ntˀai⁴-vi⁴ jon² xi³ cho⁴ta⁴nchi⁴nao¹³, chi¹ˀntao¹³ chi¹ˀntia¹vao³ to⁴tˀa³tsˀe⁴ cjoa⁴ñˀain³ xi³ cjoa⁴ˀai¹-no³.

1 Pedro 4:17

Je³ji³cho² ni⁴čhjin³ nca³ cˀoe⁴²tsˀia⁴cao⁴ nca³ sˀe⁴nta³jin³-le⁴ cho⁴ta⁴-le⁴ Ni³na¹. Tsa² ti¹tjon² cˀoe⁴²tsˀia⁴cao⁴-na¹ nca³ ña¹, jo¹-sˀin² cjoe⁴tˀa³-le⁴ xi³ tsi² tsa² si¹tjo³son²-le⁴ je² en¹nta³-le⁴ Ni³na¹.