San Lucas 18:22 - New Testament in Mazatec Huautla

²² Cˀia⁴ nca³ Jesús qui³nčhˀoe¹ je²-vi⁴, qui³tso²-le⁴: Nqui²jnco³-sa³ cjoa⁴ xi³ cha³-li². Ta⁴te²nai³ nca³yi³je³ xi³ tjin¹-li², tˀai²-lai⁴ je² xi³ yo⁴ma⁴, cˀoa⁴ sˀe⁴²-li² cjoa⁴nchi⁴na¹ ncˀa³jmi³, cˀoa⁴ nčhoa¹tˀa³-nai¹³.

San Lucas 18:22 ပူးပေါင်းရင်းမြစ်များ

San Mateo 19:21

Jesús qui³tso²-le⁴: Tsa² me³-li² nca³ ña³qui³ coan⁴jncoi³, tˀin³ ta⁴te²nai³ nca³yi³je³ xi³ tjin¹-li², cˀoa⁴ tˀai²-lai⁴ je² xi³ yo⁴ma⁴. Cˀoa⁴ sˀe⁴-li² cjoa⁴nchi⁴na¹ ya⁴ ncˀa³jmi³. Cˀoa⁴ nčhoai¹³, nčhoa¹tˀa³-nai¹³.

San Lucas 10:42

To⁴jnco³ cjoa⁴ xi³ ma³chjen¹. María tsa³cja³ˀa¹jin³ xi³ nta³ tjin¹, xi³ tsi² tsa² tjo¹ˀa³-ni³le⁴.

San Lucas 12:33

Ta⁴te²nao³ xi³ tjin¹-no³, cˀoa⁴ tˀai² cjoa⁴tjao²-lao⁴³ xi³ yo⁴ma⁴. Ti⁴ntao³ xi³jtsa³taon⁴ xi³ tsi² tsa² coan⁴jchi¹nca³, cjoa⁴nchi⁴na¹ xi³ ti¹jna³tjao² ya⁴ ncˀa³jmi³, xi³ ni⁴cˀia³-jin² cha⁴, jña³ tsin² cho⁴ta⁴che¹-jin², ni⁴cho⁴qui³xo³-jin² si¹qui³tson¹.

San Lucas 16:9

An³ cˀoa⁴xin³-no³: Mi²yo⁴ tˀiaon⁴³ xi³ tˀa³tsˀe⁴ cjoa⁴nchi⁴na¹ xi³ chˀao³ tjin¹. Cˀoa⁴-sˀin² tsjoa¹ˀnte³-no³ ya⁴ jña³ si⁴cja¹yao³ nca³ntsjai² ni⁴čhjin³ cˀia⁴ nca³ cha⁴ cjoa⁴nchi⁴na¹-no³.

San Lucas 18:21

Cˀia⁴ je² qui³tso²: Nca³yi³je³ cjoa⁴ je²-vi⁴, cˀoa⁴-sˀin² ti²si³cji³tjo³soan²³ jo³ sa³ˀnta³ nca³ xtia³.

San Lucas 18:23

Cˀia⁴ nca³ je² qui³nčhˀoe¹ je²-vi⁴, cjai¹nca³ to⁴fao¹ coan³-le⁴, nca⁴ cjai¹nca³ nchi⁴na¹.

San Lucas 9:23

Cˀia⁴ Jesús qui³tso²-le⁴ nca³tsˀi³: To⁴ˀya³-ni³ve⁴ xi³ me³-le⁴ nca³ cho⁴ta⁴-na⁴ coan⁴, ca²ta³tsjion¹con³ yao³-le⁴, ca²ta³vˀa³mi³ cro²-le⁴ nca³ xqui⁴ ni⁴čhjin³, nta³ ca²ta³fi²tˀa³-na³.

Filipenses 3:13

ˀnti¹ntsˀe³, an³ nia¹³ xi³ ˀve³ nca³ cje³ fi³cho³ nčhˀoe²³-jian²³, to⁴nca³ jnco³ cjoa⁴ ti²sˀian³. Ña³qui³ ti²si³cha³jian³ je² xi³ je³ja³ˀa³to³, to⁴nca³ vˀa³sje³-nia¹³ nca³nˀion¹, jme¹-ni³ nca³ cjoi³cho³ nčhˀoe²-si¹nia³ xi³ sˀa⁴ nčhoa¹.

2 Pedro 3:8

To⁴nca³ jon² xi³ tsjoa³que⁴-no³, a³li² ni²cha³jin³-jion²³ cjoa⁴-vi⁴, nca³ jnco³ ni⁴čhjin³ jnco³ jmi³ no¹ ma³-le⁴ Nai³-na¹, cˀoa⁴ jnco³ jmi³ no¹ jnco³ ni⁴čhjin³ ma³-le⁴ Nai³-na¹.