San Lucas 17:30 - New Testament in Mazatec Huautla

³⁰ Jo³-ni³ tsa² je²-vi⁴, cˀoa⁴-sˀin² coan⁴ chon³ je² ni⁴čhjin³ cˀia⁴ nca³ je² ˀnti¹-le⁴ cho⁴ta⁴ coan⁴tsen³son²tsen³.

San Lucas 17:30 ပူးပေါင်းရင်းမြစ်များ

San Mateo 16:27

Nca⁴ je² ˀnti¹-le⁴ cho⁴ta⁴ sˀa⁴ cjoa⁴ˀai¹cao⁴ cjoa⁴je³ya³-le⁴ Nˀai³-le⁴ cao⁴ a²ncje⁴-le⁴, cˀoa⁴ cˀia⁴ cˀoe⁴²chji¹ nca³ jnco¹jnco¹ jo³-sˀin² si¹xa¹.

San Mateo 24:3

Cˀia⁴ nca³ Jesús tsa³cˀe²jna³jon³ ya⁴ ni³nto³ xi³ ˀmi² Olivos, cho⁴ta⁴-le⁴ ji³cho²con³ tˀa³xin²-le⁴, qui³tso²: Cˀoa⁴tˀin²-na³jin⁴, cˀia¹-ni³ve⁴ nca³ cˀoa⁴ coan⁴ je² cjoa⁴-vi⁴. Jme¹ choa⁴ xi³ sˀe⁴ cˀia⁴ nca³ cjoa²ˀai⁴, cˀoa⁴ nca³ cjoe⁴tˀa³ son³ˀnte³-vi⁴.

San Mateo 24:37

To⁴nca³ jo³ coan³chon³ ni⁴čhjin³-le⁴ Noé, cˀoa⁴-ti⁴sˀin² coan⁴ cˀia⁴ nca³ cjoa⁴ˀai¹ je² ˀnti¹-le⁴ cho⁴ta⁴.

San Mateo 24:39

Cho⁴ta⁴ li²coi³ tsa³ve³ sa³ˀnta³ nca³ ja³ˀai³ je² jtsi¹nˀion¹-ve⁴ xi³ qui³cao⁴ nca³tsˀi³. Cˀoa⁴-ti⁴sˀin² coan⁴chon³ cˀia⁴ nca³ cjoa⁴ˀai¹ je² ˀnti¹-le⁴ cho⁴ta⁴.

San Mateo 26:64

Jesús qui³tso²-le⁴: Ji³ xi³ cˀoa⁴ca²si³. To⁴nca³ an³ xin³-no³, nca³ sa³ˀnta³ ntˀai⁴-vi⁴, cˀoa⁴ xi³ fi²-sa³ni³ jchao⁴³ je² ˀnti¹-le⁴ cho⁴ta⁴ nca³ ti¹jna³ nca³qui²xi⁴-le⁴ nca³nˀion¹-le⁴ Ni³na¹, cˀoa⁴ nca³ cjoa⁴ˀai¹jin³-ni³ yo³jvi³ ya⁴ ncˀa³jmi³.

San Marcos 13:26

Cˀia⁴ scoe⁴ je² ˀnti¹-le⁴ cho⁴ta⁴ xi³ cjoa⁴ˀai¹jin³-ni³ yo³jvi³, cao⁴ tse³ nca³nˀion¹ cao⁴ cjoa⁴je³ya³.

San Lucas 17:24

Jo³-ni³ tsa² lˀi¹chˀaon⁴ xi³ si¹cja³te³ sa³ˀnta³ nca³qui³jnta² ncˀa¹, cˀoa⁴-ti⁴sˀin² coan⁴ ˀnti¹-le⁴ cho⁴ta⁴ coi³ ni⁴čhjin³-le⁴.

San Lucas 17:29

To⁴nca³ je² ni⁴čhjin³ nca³ Lot ji³tjo³-ni³ ˀnte³ Sodoma, tsˀa³-ni³ ncˀa³jmi³ lˀi¹ cao⁴ chao³ azufre xi³ qui³si³cˀen³ nca³tsˀi³.

San Lucas 21:22

Nca⁴ je² ni⁴čhjin³-le⁴ cjoa⁴nca³jao³, jme¹-ni³ nca³ coi⁴tjo³son²-ni³ nca³yi³je³ cjoa⁴ xi³ tji¹tˀa³ xon⁴.

San Lucas 21:27

Cˀia⁴² scoe⁴ ˀnti¹-le⁴ cho⁴ta⁴ xi³ cjoa⁴ˀai¹jin³ yo³jvi³ cao⁴ nca³nˀion¹-le⁴, cˀoa⁴ cao⁴ tse³ cjoa⁴je³ya³.

1 Corintios 1:7

Ni⁴jme³-jin² cjoa⁴tjao² xi³ cha³-no³, nca³ ti³cho³ya²-lao⁴³ nca³ cjoa⁴ˀai¹ cˀa³tsen³ je² Nai³-na¹ Jesucristo.

1 Corintios 1:8

Jesucristo coa⁴sen⁴nˀion¹-no³ sa³ˀnta³ nca³ cjoe⁴tˀa³, jme¹-ni³ nca³ tsi²jme³ je¹ sˀe⁴-si¹ni³no³ cˀia⁴ ni⁴čhjin³-le⁴ je² Nai³-na¹ Jesucristo.

Colosenses 3:4

Cˀia⁴ nca³ Cristo, ti⁴je²-ni³ cjoa⁴vi³jna³chon³-no³, sa⁴sen¹jna³va³sen³, cˀoa⁴-ti⁴ jon²-ˀni³ si⁴ncha¹va³saon³ cao⁴ je² cao⁴ cjoa⁴je³ya³.

2 Tesalonicenses 1:7

Cˀoa⁴-ti⁴ cˀoe⁴²chji¹-no³ nca³ jon² xi³ cjoa⁴ñˀain³ ti³chja³ˀao²³, nca³ si⁴²cˀe¹yo³cja¹ya³-no³ cao⁴ jin⁴-jin⁴ cˀia⁴ nca³ coan⁴tsen³ Nai³-na¹ Jesús, nca³ cjoi⁴nčhoa¹-ni³ ncˀa³jmi³ cao⁴ a²ncje⁴ xi³ va³co¹ nca³nˀion¹-le⁴.

1 Pedro 1:13

Coi³ cjoa⁴-vi⁴ ti⁴ca³tio¹ntao³ cjoa⁴fa³ˀai³tsjen³-no³, to⁴jvi³ ti⁴yo³, ña³qui³ nta³ cho¹ya³-lao⁴³ je² cjoa⁴nta³ xi³ cjoa⁴ˀai¹-no³ cˀia⁴ nca³ coan⁴tsen³-no³ Jesucristo.

1 Pedro 1:7

Cˀoa⁴-sˀin² ti¹cho²tˀa³ xi³ ma³cjain¹-no³, jme¹-ni³ nca³ nta³ tjo¹sje³-ni³, tjo¹sje³je³ya³-ni³, jcha⁴xcon¹-ni³le⁴ cˀia⁴ nca³ coan⁴tsen³ Jesucristo. Je² xi³ ma³cjain¹-no³ nqui²sa⁴ to⁴nta³ chji¹-le⁴ cao⁴-ni³ tsa² taon⁴si³ne² xi³ fi³tson³, nta³ tsa² cho²tˀa³-ni³ lˀi¹.

1 Pedro 4:13

Tsa² chja³ˀa²cao⁴³ cjoa⁴ñˀain³ Cristo, to⁴sa³ nta³ ca²ta³ma³tsjoa³-no³, jme¹-ni³ nca³ cˀoa⁴-sˀin² cjai¹nca³ tsjoa³ coan⁴-si¹ni³no³ cˀia⁴ nca³ coan⁴tsen³ cjoa⁴je³ya³-le⁴ Cristo.

1 Juan 2:28

Ntˀai⁴-vi⁴, ˀnti¹xti³, cˀoa⁴-sˀin² ti⁴yo³cjao³ntsjao²³ cao⁴ Cristo, jme¹-ni³ nca³ nta³ nˀion¹tˀa³ta³con²-si¹nia³² cˀia⁴ nca³ coan⁴tsen³ nqui²jnco³cˀa² nca³ je², cˀoa⁴ jme¹-ni³ nca³ li²coi³ coan⁴soa³-si¹ni³na¹ nqui³xcon⁴ nca³ je² cˀia⁴ nca³ cjoa⁴ˀai¹.

1 Juan 3:2

Jon² xi³ cjai¹nca³ tsjoa³que⁴-no³, ntˀai⁴-vi⁴ ˀnti¹-le⁴ Ni³na¹ nia¹ nca³ ña¹. Cje³-sa³ ma³tsen³-jin² jo³ coan⁴ cjoan³², to⁴nca³ ˀya³-nia¹ cˀia⁴ nca³ coan⁴tsen³ nca³ je², cˀoa⁴-ti⁴ cˀoa⁴coan⁴ cjoan³² jo³ cjoan³ nca³ je², nca⁴ cˀoa⁴-sˀin² jcha⁴² jo³ cjoan³ nca³ je².

Apocalipsis 1:7

Coe⁴-ni³ yo³jvi³ cjoi⁴nčhoa³jin³, cˀoa⁴ scoe⁴-ni³ xcon⁴ cho⁴ta⁴ nca³tsˀi³, cao⁴ xi³ qui³si³qui²ˀaon³-le⁴. Nca³tsˀi³ cho⁴ta⁴ xi³ jnco¹jnco¹ ntje⁴-le⁴ xi³ i⁴ tjio¹ son³ˀnte³-vi⁴ squi¹ˀnta¹tˀain³ nca³ je². Cˀoa⁴-sˀin² ca²ta³sˀe³. Cˀoa⁴ ca²ta³ma³.