San Lucas 17:25 - New Testament in Mazatec Huautla

²⁵ To⁴nca³ ti¹tjon²-cjoa²la² ma³chjen¹ nca³ tse³ cjoa⁴ñˀain³ cjoa⁴ˀa², cˀoa⁴ cho⁴ta⁴ xi³ tjio¹ ntˀai⁴ cˀoa⁴sje³xin²-le⁴.

San Lucas 17:25 ပူးပေါင်းရင်းမြစ်များ

San Mateo 16:21

Sa³ˀnta³ nca³ ti⁴coi³-ni³ ni⁴čhjin³-ve⁴. Jesús tsa³cˀe¹ tsˀia⁴cao⁴ nca³ qui³si³qui²xi⁴ya³-le⁴ cho⁴ta⁴-le⁴ nca³ coan⁴chjen¹-le⁴ nca³ coai⁴ Jerusalén, nca³ tse³ cjoa⁴ñˀain³ cjoa⁴ˀa² xi³ tˀa³tsˀe⁴ cho⁴ta⁴jchi¹nca³, cao⁴ cho⁴ta⁴ti¹tjon²-le⁴ na⁴ˀmi³, cao⁴ cho⁴ta⁴ scribano, cˀoa⁴ nca³ si⁴cˀen³-ni³ nca³ je², to⁴nca³ si⁴cja³ˀa¹ya³-ni³le⁴ xi³ coan⁴jan²-ni³ ni⁴čhjin³.

San Mateo 21:42

Jesús qui³tso²-le⁴: A³ tsi² tsa³cˀe²xquiao⁴³ je² xon⁴ Escritura. Je² la⁴jao⁴ xi³ qui³si³cˀa³tjen⁴ cho⁴ta⁴ xi³ vˀe¹nta³ ni³ˀya³, je²-vi⁴ xi³ coan³ la⁴jao⁴ xi⁴nqui⁴. Je² Nai³-na¹ cˀoa⁴qui³sˀin³ je²-vi⁴. Ña¹ to⁴ma³xcon¹-ni³na¹ nca³ ˀya³².

San Marcos 10:33

Coe⁴-ni³, ma³nquin¹mia³² ya⁴ na⁴xi⁴na³nta¹ Jerusalén. Cho⁴ta⁴ti¹tjon²-le⁴ na⁴ˀmi³ cao⁴ cho⁴ta⁴ scribano scoe¹ ˀnti¹-le⁴ cho⁴ta⁴, tsjoa¹-le⁴ cjoa⁴ñˀain³ xi³ tsˀe⁴ cjoa⁴vi³ya³, cˀoa⁴ sca⁴ni²tˀa³-le⁴ cho⁴ta⁴ xi³ li² Judío-jin².

San Marcos 12:10

A³ tsi² tsa³cˀe²xquiao⁴³ xon⁴ Escritura: Je² la⁴jao⁴ xi³ qui³si³cˀa³tjen⁴ cho⁴ta⁴ xi³ vˀe¹nta³ ni³ˀya³, je²-vi⁴ xi³ coan³ la⁴jao⁴xi⁴nqui⁴.

San Marcos 8:31

Tsa³cˀe¹tsˀia⁴cao⁴ nca³ tsa³ca³co¹ya³-le⁴ nca³ je² ˀnti¹-le⁴ cho⁴ta⁴-ve⁴ tjin¹ne²-le⁴ nca³ cjoa⁴ˀa³ cjoa⁴ñˀain³. Cho⁴ta⁴jchi¹nca³ cao⁴ cho⁴ta⁴ti¹tjon²-le⁴ na⁴ˀmi³, cao⁴ cho⁴ta⁴ scribano taon³ scoe⁴ nca³ je², si⁴cˀen³-ni³ nca³ je², to⁴nca³ xi³ coan³jan²-ni³ ni⁴čhjin³ cjoa⁴ˀa¹ya³-ni³le⁴.

San Marcos 9:31

Jesús tsa³ca³co¹ya³-le⁴ cho⁴ta⁴-le⁴, cˀoa⁴qui³tso²-le⁴: Je² ˀnti¹-le⁴ cho⁴ta⁴ cˀoai⁴tˀa³-le⁴ ntsja³ cho⁴ta⁴. Si⁴²cˀen³ nca³ je². Cˀia⁴ nca³ je³cˀen³, cjoa⁴ˀa¹ya³-ni³le⁴ nca³ coan⁴ jan² ni⁴čhjin³.

San Lucas 18:31

Cˀia⁴ Jesús qui³tˀa³xin²cao⁴ xi³ te³jao² cho⁴ta⁴-le⁴, qui³tso²-le⁴: Coe⁴-ni³ ma³nquin¹mia³² ya⁴ Jerusalén, cˀoa⁴ coi⁴tjo³son² nca³yi³je³ cjoa⁴ xi³ je² cho⁴ta⁴ xi³ qui³nchja⁴ya³ tˀa³tsˀe⁴ Ni³na¹ qui³squi³ tˀa³tsˀe⁴ ˀnti¹-le⁴ cho⁴ta⁴.

San Lucas 18:33

Cˀia⁴ nca³ cjoe⁴ coa⁴²-le⁴, si⁴²cˀen³-ni¹, to⁴nca³ xi³ coan⁴jan²-ni³ ni⁴čhjin³ cjoa⁴ˀa²ya³-ni³le⁴.

San Lucas 24:46

Qui³tso²-le⁴: Cˀoa⁴²-sˀin² tji¹tˀa³ xon⁴, nca³ cˀoa⁴²-sˀin² coan³chjen¹ nca³ je² Cristo tsa³cja³ˀa¹ cjoa⁴ñˀain³, cˀoa⁴ nca³ ja³ˀa³ya²jin³-ni³le⁴ cˀen³ nca³ coan³ jan² ni⁴čhjin³,

San Lucas 9:22

Qui³tso²: Ma³chjen¹-ni¹ nca³ tse³ cjoa⁴ñˀain³ cjoa⁴ˀa³ je² ˀnti¹-le⁴ cho⁴ta⁴, nca³ taon³ scoe⁴ nca³ je² je² cho⁴ta⁴jchi¹nca³ cao⁴ cho⁴ta⁴ti¹tjon²-le⁴ na⁴ˀmi³ cao⁴ cho⁴ta⁴ scribano, si⁴cˀen³-ni³ nca³ je², to⁴nca³ si⁴cja³ˀa¹ya³-ni³le⁴ xi³ coan⁴ jan² ni⁴čhjin³.

San Juan 1:11

Ja³ˀai³ jña³ tsˀe⁴, to⁴nca³ je² cho⁴ta⁴-le⁴ li²coi³ tsa³ve³tjao².

San Juan 12:38

jme¹-ni³ nca³ cˀoa⁴-sˀin² coi⁴tjo³son²-ni³ je² en¹-le⁴ Isaías xi³ qui³nchja⁴ya³ tˀa³tsˀe⁴ Ni³na¹: Señor, ˀya¹-ni³ xi³ coan³cjain¹-le⁴ je² en¹ xi³ ˀmi²yai³⁴-jin⁴. ˀya¹ xi³ coan³tsen³-le⁴ je² čhja³-le⁴ Nai³-na¹.