San Lucas 14:15 - New Testament in Mazatec Huautla

¹⁵ Cˀia⁴ nca³ qui³nčhˀoe¹ je²-vi⁴, jnco³ xi³ to⁴ña³ tjio¹tˀa³ ya¹mi²xa⁴, qui³tso²-le⁴: Jo¹ to⁴nta³-le⁴ je² xi³ coa⁴cjen⁴ ya⁴ cjoa⁴te¹xo³ma³-le⁴ Ni³na¹.

San Lucas 14:15 ပူးပေါင်းရင်းမြစ်များ

San Mateo 25:10

Tjen⁴ nca³ qui³ca³tse³ nca³ je², ja³ˀai³ xˀin⁴-ve⁴. Je² xi³ tjio¹nta³, ja³ˀa³sˀen³ cao⁴ je² ya⁴ cjoa⁴vi³xan³, cˀia⁴ qui³sˀe³chjoa² xo⁴ntjoa⁴.

San Mateo 8:11

Cˀoa⁴xin³-no³ nca³ ncjin² cjoa⁴ˀai¹-ni³ ya⁴ jña³ nca³ tjo³-ni³ tsˀoi¹, cˀoa⁴ ya⁴ jña³ nca³ ca³ntjai²-ni³, cˀoa⁴ to⁴jnco³ coa⁴tio⁴tˀa³ cao⁴ Abraham, cao⁴ Isaac, cao⁴ Jacob ya⁴ cjoa⁴te¹xo³ma³-le⁴ ncˀa³jmi³.

San Lucas 12:37

Jo¹ to⁴nta³-le⁴ je² cho⁴ˀnta³-ve⁴ xi³ je² nai³-le⁴ sa⁴te¹jin³ nca³ tjio¹co³ˀnta³, cˀia⁴ nca³ cjoa⁴ˀai¹. Xi³ cjoa⁴qui²xi⁴ xi³ xin³-no³, je² nai³-le⁴ cˀoe⁴²xco¹nqui³ cja¹ntia³-le⁴ na³jño³-le⁴, si⁴²cˀe¹jna³tˀa³ ya¹mi²xa⁴ cho⁴ˀnta³-le⁴, cjoa⁴ˀai¹, cˀoe⁴²ya³-le⁴.

San Lucas 13:29

Cho⁴ta⁴ cjoi⁴nčhoa³-ni³ ya⁴jña³ tjo³-ni³ tsˀoi¹, cˀoa⁴ ya⁴ jña³ ca³ntjai²-ni³ tsˀoi¹, cˀoa⁴ nca³qui²xi⁴, cˀoa⁴ nca³scon¹-le⁴ son³ˀnte³, cˀoa⁴ cˀoe¹yo³tˀa³ ya¹mi²xa⁴ ya⁴ cjoa⁴te¹xo³ma³-le⁴ Ni³na¹.

San Lucas 22:16

Cˀoa⁴xin³-no³ nca³ tsi² tsa² ti⁴squi²ne⁴-sa³nia³ pa²xco⁴ sa³ˀnta³ nca³ coi⁴tjo³son² ya⁴ cjoa⁴te¹xo³ma³-le⁴ Ni³na¹.

San Lucas 22:30

jme¹-ni³ nca³ coi⁴chi³-si¹nio³, sˀio⁴-si¹nio³ tˀa³ ya¹mi²xa⁴-na⁴, ya⁴ jña³ va³te³xo³ma²³, cˀoa⁴ coi⁴yo³son²-si¹nio³ ya¹xi²le⁴, cˀoa⁴ si⁴²coi²ntao⁴³ xi³ te³jao² ntje⁴-le⁴ Israel.

Apocalipsis 19:9

Cˀoa⁴ qui³tso²-na³: Chji¹³: Jo¹ to⁴nta³-le⁴ je² xi³ cˀoa⁴-sˀin² qui³no²cjoa⁴-le⁴ cjoa⁴vi³xan³-le⁴ nca³ coa⁴cjen⁴cao⁴ je² Va³rre². Cˀoa⁴ qui³tso²-na³: Je² en¹-le⁴ Ni³na¹ xo⁴tso²-vi⁴ ña³qui³ cjoa⁴qui²xi⁴-ni¹.