San Lucas 13:28 - New Testament in Mazatec Huautla

²⁸ Ya⁴ chi¹ˀntao¹³ tsao⁴nao²³ ni⁴ˀño³ cˀia⁴ nca³ jchao³ Abraham, Isaac, Jacob, cao⁴ nca³tsˀi³ xi³ qui³nchja⁴ya³ tˀa³tsˀe⁴ Ni³na¹, xi³ ya⁴ tjio¹ ya⁴ cjoa⁴te¹xo³ma³-le⁴ Ni³na¹. Cˀoa⁴ jon² tˀa³xin²-nio¹³.

San Lucas 13:28 ပူးပေါင်းရင်းမြစ်များ

San Mateo 13:42

Cˀoa⁴ ya⁴ nca⁴ja¹ jña³ ti¹ti², si⁴²cˀa³tsao³jin³. Ya⁴ squi¹ˀntia¹, cˀoa⁴ ya⁴ tsao⁴cjao³ ni⁴ˀño⁴.

San Mateo 13:50

Cˀoa⁴ ya⁴ nca⁴ja¹ jña³ nca³ ti¹ti² si⁴²cˀa³tsao³jin³. Ya⁴ squi¹ˀntia¹, cˀoa⁴ ya⁴ tsao⁴cjao³ ni⁴ˀño⁴.

San Mateo 22:13

Cˀia⁴ je² cho⁴ta⁴ti¹tjon²-le⁴ qui³tso²-le⁴ je² xi³ tjio¹vˀe¹ya³: Ti⁴ntoao⁴³ tˀe²tˀa³nˀion¹³ ntso⁴co⁴ cao⁴ ntsja³, cˀoa⁴ ti⁴chˀaon³sje³ tˀa³xion²³ jña³ nca³ njion². Ya⁴ squi¹ˀnta¹, cˀoa⁴ tsao⁴cjao² ni⁴ˀño⁴.

San Mateo 24:51

Coa³te³nca³ yao³-le⁴, cˀoa⁴ sca⁴ni²jin³-le⁴ xi³ jao² ncjain¹. Ya⁴ squi¹ˀntia¹, cˀoa⁴ ya⁴ tsao⁴cjao² ni⁴ˀño⁴.

San Mateo 25:30

Cˀoa⁴ je² cho⁴ˀnta³ xi³ tsi²jme³ chji¹-le⁴, ti⁴cˀa³tjaon⁴³ nti³tsin³ jña³ njion². Ya⁴ squi¹ˀntia¹, cˀoa⁴ ya⁴ tsao⁴cjao² ni⁴ˀño⁴.

San Lucas 10:15

Cˀoa⁴ ji³ Capernaum, a³ mi³ncˀa³-ni¹ sa³ˀnta³ ncˀa³jmi³. Sa³ˀnta³ ˀnte³cjoa⁴ñˀain³ sca⁴jin³.

San Lucas 14:15

Cˀia⁴ nca³ qui³nčhˀoe¹ je²-vi⁴, jnco³ xi³ to⁴ña³ tjio¹tˀa³ ya¹mi²xa⁴, qui³tso²-le⁴: Jo¹ to⁴nta³-le⁴ je² xi³ coa⁴cjen⁴ ya⁴ cjoa⁴te¹xo³ma³-le⁴ Ni³na¹.

San Lucas 16:23

Cˀoa⁴ ya⁴ ˀnte³ cjoa⁴ñˀain³ cho⁴ta⁴nchi⁴na¹-ve⁴ ti¹fa³ˀa¹ cjoa⁴ñˀain³. Qui³sco²mi³xcon⁴, tsa³ve³ Abraham nca³ cjin³tˀa³, cˀoa⁴ Lázaro ya⁴ ti¹jna³tˀa³-le⁴.

2 Tesalonicenses 1:5

Cˀoa⁴sˀin² cji³ma³tsen³ nca³ Ni³na¹ vˀe¹nta³jin³ xi³ ña³qui³ cˀoa⁴tjin¹, jme¹-ni³ nca³ coa⁴quin²-ni³no³ cjoa⁴te¹xo³ma³-le⁴ Ni³na¹, nca³ tˀa³tsˀe⁴ ti³chja³ˀao²³ cjoa⁴ñˀain³.

2 Pedro 1:11

Cˀoa⁴-sˀin² cjai¹nca³ to⁴nta³ cˀoai⁴ˀnte³-no³ cˀia⁴ nca³ coi⁴tja¹sˀen³jion³ cao⁴ cjoa⁴je³ya³ je² cjoa⁴te¹xo³ma³ntsjai²-le⁴ Jesucristo xi³ Nai³-na¹ cˀoa⁴ xi³ tsa³cˀa³sje³ntjai²-na¹.

Apocalipsis 21:8

To⁴nca³ je² xi³ tsa³cjon¹, je² xi³ tsi² ma³cjain¹-le⁴, cˀoa⁴ je² xi³ chˀao³ cjoan³, je² xi³ si¹cˀen³, cao⁴ xi³ si¹cha³jnqui³, cao⁴ xi³ vˀe¹nta³, cao⁴ xi³ xco¹son² ve³xcon¹, cao⁴ nca³tsˀi³ xi³ nti³so³, ya⁴ ˀnte³-le⁴ coan⁴ ya⁴ jnčho¹lˀi¹ xi³ ti¹ti² cao⁴ azufre, je² cjoa⁴vi³ya³ xi³ ma³jao²-ni³.

Apocalipsis 22:15

To⁴nca³ ya⁴ nti³tsin³-le⁴ coa⁴tio⁴ nia¹, cao⁴ xi³ vˀe¹nta³, cao⁴ xi³ si¹cha³jnqui³, cao⁴ xi³ si¹cˀen³, cao⁴ xi³ ve³xcon¹ xco¹son², cao⁴ to⁴ˀya³-ni³ xi³ tsjoa³que³ cjoa⁴nti³so³.