San Lucas 12:45 - New Testament in Mazatec Huautla

⁴⁵ To⁴nca³ tsa² je² cho⁴ˀnta³ coi⁴tso⁴jin³ ni⁴ma⁴-le⁴: Je² nai³-na⁴ cˀoa⁴čhjin³-le⁴ nca³ cjoa⁴ˀai¹, cˀoa⁴ cˀoe⁴²tsˀia⁴cao⁴ nca³ si⁴²qui²ˀaon³ cho⁴ˀnta³ xi³ xˀin⁴ cao⁴ xi³ ya¹nchjin¹, cˀoa⁴ coa⁴cjen⁴, scˀoi¹, coan⁴chˀi⁴.

San Lucas 12:45 ပူးပေါင်းရင်းမြစ်များ

San Mateo 22:6

Xi³cˀa³ qui³tsoa³ cho⁴ˀnta³-le⁴, chˀao³ qui³si³cao⁴, cˀoa⁴ qui³si³cˀen³.

San Lucas 12:44

Xi³ cjoa⁴qui²xi⁴ xi³ xin³-no³, nca³ je² nai³-le⁴ si⁴²cˀe¹jna³ˀnta³ nca³yi³je³ tso³jmi²-le⁴.

San Lucas 12:46

Cjoa⁴ˀai¹ nai³-le⁴ cho⁴ˀnta³-ve⁴ cˀia⁴ ni⁴čhjin³ nca³ tsi² ti¹co³ya³-le⁴, cˀoa⁴ jme³ hora nca³ tsi² tsa² ve³, coa⁴²-le⁴ sa³ˀnta³ coa⁴te³nca³ yao³-le⁴, cˀoa⁴ sˀe⁴-le⁴ cjoa⁴ñˀain³ cao⁴ je² xi³ tsi² tsa² si¹cji³tjo³son².

San Lucas 21:34

Ti⁴coi²ntao⁴³ yao³-no³ nca³ tsi² tsa² coi³ ai¹ sca⁴-le⁴ ni⁴ma⁴-no³ cao⁴ cjoa⁴chi⁴nca⁴ cao⁴ cjoa⁴chˀi⁴, cˀoa⁴ cao⁴ nca³yi³je³ cjoa⁴ xi³ ai¹ xi³ tsˀe⁴ i⁴ son³ˀnte³-vi⁴. Cˀia⁴ je² ni⁴čhjin³ cˀia⁴ nca³ tsi² tsa² cjia³to³con²³, cjoa⁴ˀai¹ne²-no³ jo³-ni³ tsa² chen⁴.

San Juan 2:10

Cˀoi⁴qui³tso²-le⁴: Nca³tsˀi³ cho⁴ta⁴ ti¹tjon² tsjoa¹ vino xi³ nqui²sa⁴ nta³. Cˀia⁴ nca³ je³qui³tse³, cˀia⁴ tsjoa¹ xi³ li²coi³ to⁴jo³ nta³. To⁴nca³ ji³ to⁴tsa³cˀe²jna³tjao²-ni¹ je² vino xi³ nqui²sa⁴ nta³ sa³ˀnta³ ntˀai⁴.

Hechos de los Apóstoles 2:18

Xi³ cjoa⁴qui²xi⁴, cˀia⁴ ni⁴čhjin³-ve⁴ je² cho⁴ˀnta³-na⁴ xi³ xˀin⁴ cao⁴ xi³ ya¹nchjin¹ si³cˀa³vi¹son²-le⁴ Espíritu Santo-na⁴. Cˀoa⁴-sˀin² coi⁴nchja⁴ya³.

Romanos 16:18

Je² cho⁴ta⁴ xi³ cˀoa⁴cjoan³ a³li²coi³ Nai³-na¹ Jesucristo si¹xa¹tˀa³-le⁴ jo³-ni³ cho⁴ˀnta³, to⁴nca³ to⁴yao³-le⁴ si¹xa¹ntjai². Cjai¹ ntsjen¹ en¹ xi³ nchja⁴, cˀoa⁴ cjai¹nca³ ma³-le⁴ nchja⁴. Cˀoa⁴-sˀin² vˀa³na⁴cha⁴-le⁴ ni⁴ma⁴-le⁴ xi³ tsi²coi³ ve³.

2 Corintios 11:20

Nca⁴ ni²cjain¹-lao⁴³ tsa² jnco³ xi³ to⁴cho⁴ˀnta³ cjoa⁴nˀion¹ sˀin⁴²-no³, tsa² jnco³ xi³ cjoa⁴chˀa²na⁴cha⁴ tsoa⁴-ni³no³, tsa² jnco³ xi³ si¹che¹tˀa³-no³, tsa² jnco³ xi³ je³ya³ vˀa³sje³ yao³-le⁴, tsa² jnco³ xi³ ncjaon¹³ cˀoe⁴²ˀa³.

1 Tesalonicenses 5:7

Je² xi³ fa³yo³fe², fa³yo³fe² nca³ njion², cˀoa⁴ je² xi³ chˀi⁴, chˀi⁴ nca³ njion².

2 Pedro 2:13

Cˀoa⁴-sˀin² tjoe¹-le⁴ chji¹-le⁴ nca³ tsin²-le⁴ cjoa⁴qui²xi⁴-jin². Cˀoa⁴-sˀin² tsjoa³ ma³-le⁴, si¹ña³con³ yao³-le⁴ nta³ tsa² ni⁴čhjin³. Je² cho⁴ta⁴-ve⁴ jnti¹, tsen³ chˀao³ cjoan³. Tjin¹-le⁴ cjoa⁴tsjoa³ nca³ vˀa³na⁴cha⁴ cˀia⁴ nca³ tjio¹cjen²cao⁴-no³.

2 Pedro 2:19

Si¹sˀe³nqui³-le⁴ nca³ to⁴sca⁴ni²ntai¹, to⁴nca³ je² cjoa⁴chi⁴nca⁴-le⁴ va³te¹xo³ma³ntsjai²-le⁴. Je² xi³ qui³ni²qui³njen³-le⁴, na³nqui³ ti¹jna³-le⁴, jo³-ni³ cho⁴ˀnta³ ma³-le⁴ je² xi³ qui³si³qui³njen³-le⁴.

Apocalipsis 16:6

Nca⁴ je² xi³ tsa³cˀe¹jten⁴ njin¹-le⁴ cho⁴ta⁴-le⁴ Cristo cao⁴ je² xi³ qui³nchja⁴ya³, cˀoa⁴-ti⁴ ji³ qui³tsˀai²-lai⁴ nca³ qui³tsˀi³ njin¹. Cˀoa⁴-sˀin² va³quin²-le⁴.

Apocalipsis 18:24

Cˀoa⁴ ya⁴ na⁴xi⁴na³nta¹-ve⁴ coan³sjai³ je² njin¹-le⁴ cho⁴ta⁴ xi³ qui³nchja⁴ya³ tˀa³tsˀe⁴ Ni³na¹ cao⁴ xi³ tsˀe⁴ cho⁴ta⁴-le⁴ Cristo, cao⁴ xi³ tsˀe⁴ nca³tsˀi³ xi³ cˀoa⁴-sˀin² je³cˀen³ i⁴ son³ˀnte³-vi⁴.