San Lucas 11:41 - New Testament in Mazatec Huautla

⁴¹ To⁴nca³ je² xi³ ncha³ya³ tso³jmi²-no³ tˀai²cjoa⁴tjao²-lao⁴³ xi³ yo⁴ma⁴. Coe⁴-ni³ nca³yi³je³ tsje³ coan⁴-no³.

San Lucas 11:41 ပူးပေါင်းရင်းမြစ်များ

San Mateo 26:11

Je² cho⁴ta⁴yo⁴ma⁴ tjio¹cao⁴ntsjai²-no³, to⁴nca³ an³ li²coi³ nca³ntsjai² coa²te⁴jna³cao⁴-no³.

San Mateo 5:42

Tsa² jnco³ xi³ si⁴²je¹-li², tˀai²-lai⁴, cˀoa⁴ tsa² jnco³ xi³ me³-le⁴ scoin³ya³tˀa³-li², a³li² mai³-jin² ˀmi²-lai⁴.

San Marcos 7:19

Li²coi³ fa³ˀa³sˀen³jin³ ni⁴ma⁴-le⁴, to⁴ya⁴ tsˀoa⁴, cˀoa⁴ cˀia⁴ vi³tjo³ nca³ va³jti³. Jesús cˀoa⁴qui³tso² nca³ tsi²jme³ tso³jmi² xi³ ma³chi³ne³ xi³ si¹cji³tson¹ ni⁴ma⁴-na¹.

San Lucas 12:33

Ta⁴te²nao³ xi³ tjin¹-no³, cˀoa⁴ tˀai² cjoa⁴tjao²-lao⁴³ xi³ yo⁴ma⁴. Ti⁴ntao³ xi³jtsa³taon⁴ xi³ tsi² tsa² coan⁴jchi¹nca³, cjoa⁴nchi⁴na¹ xi³ ti¹jna³tjao² ya⁴ ncˀa³jmi³, xi³ ni⁴cˀia³-jin² cha⁴, jña³ tsin² cho⁴ta⁴che¹-jin², ni⁴cho⁴qui³xo³-jin² si¹qui³tson¹.

San Lucas 16:9

An³ cˀoa⁴xin³-no³: Mi²yo⁴ tˀiaon⁴³ xi³ tˀa³tsˀe⁴ cjoa⁴nchi⁴na¹ xi³ chˀao³ tjin¹. Cˀoa⁴-sˀin² tsjoa¹ˀnte³-no³ ya⁴ jña³ si⁴cja¹yao³ nca³ntsjai² ni⁴čhjin³ cˀia⁴ nca³ cha⁴ cjoa⁴nchi⁴na¹-no³.

San Lucas 18:22

Cˀia⁴ nca³ Jesús qui³nčhˀoe¹ je²-vi⁴, qui³tso²-le⁴: Nqui²jnco³-sa³ cjoa⁴ xi³ cha³-li². Ta⁴te²nai³ nca³yi³je³ xi³ tjin¹-li², tˀai²-lai⁴ je² xi³ yo⁴ma⁴, cˀoa⁴ sˀe⁴²-li² cjoa⁴nchi⁴na¹ ncˀa³jmi³, cˀoa⁴ nčhoa¹tˀa³-nai¹³.

San Lucas 19:8

Cˀia⁴ Zaqueo tsa³ca³sen²nto³, qui³tso²-le⁴ Nai³-na¹: Coe⁴-ni³ Señor, va³sen³ tso³jmi² xi³ tjin¹-na³ tsjoa³-le⁴ cho⁴ta⁴yo⁴ma⁴, cˀia⁴ tsa² tjin¹ xi³ tsa³cˀa³na⁴cha⁴-le⁴, tsjoa³-nca¹ni³le⁴ ño³ cˀa³.

Hechos de los Apóstoles 10:15

Nqui²jnco³cˀa² ti⁴qui³nčhˀoe¹-nca¹ni³ je² jta⁴: Je² xi³ Ni³na¹ qui³si³tsje³, a³li² tso³jmi²xcon¹-jin² ˀmi²-lai⁴.

Hechos de los Apóstoles 11:29

Cˀia⁴ je² cho⁴ta⁴-le⁴ Cristo qui³si³cja³ˀai³tsjen³ nca³ tsjoa¹nca³nˀion¹-le⁴ jo³-sˀin² tjin¹-le⁴ nca³ jnco¹jnco¹. Cˀoa⁴-sˀin² tsa³qui³ncha³cao⁴ ntsˀe⁴ xi³ tjio¹ ya⁴ Judea.

Hechos de los Apóstoles 24:17

Ja⁴scan³-ni³ nca³ ncjin² no¹ ja³ˀa³to³, ja²ˀai⁴ca³nia³ limosna cao⁴ cjoa⁴tjao² na⁴xi⁴na³nta¹-na⁴.

2 Corintios 8:12

Tsa² jnco³ xi³ jyo³nti⁴ton⁴-le⁴, cˀoa⁴-sˀin² tjoe¹ jo³ cji³ tjin¹-le⁴, li²coi³ jo³ cji³ xi³ tsin²-le⁴.

Efesios 4:28

Je² xi³ qui³si³che¹, a³li² ti⁴si¹che¹-jin²ni³. To⁴sa³ ca²ta³si¹xa¹, cˀoa⁴-sˀin² ca²ta³si¹xa¹-ni³ ntsja³ xi³ nta³ tjin¹, jme¹-ni³ nca³ sˀe⁴-si¹ni³le⁴ xi³ tsjoa¹-le⁴ xi³ tsi²jme³ tjin¹-le⁴.

Tito 1:15

Nca³yi³je³ cjoa⁴ tsa² ma³chjen¹-ni³le⁴ cho⁴ta⁴ xi³ tsje³, tsje³-ni¹. To⁴nca³ li²coi³ tsje³ nca³yi³je³ cjoa⁴ xi³ ma³chjen¹-ni³le⁴ cho⁴ta⁴ xi³ fi²tˀa³-le⁴ xi³ chˀao³ tjin¹, cˀoa⁴ xi³ ma³chjen¹-ni³le⁴ cho⁴ta⁴ xi³ tsi² tsa² ma³cjain¹-le⁴. To⁴sa³ je² ni⁴ma⁴-le⁴ cao⁴ cjoa⁴fa³ˀai³tsjen³-le⁴ fi²tˀa³-le⁴ xi³ chˀao³ tjin¹.

Hebreos 13:16

A³li² ni²cha³jin³-jion²³ nca³ nta³ sˀiaon⁴³, cˀoa⁴ nca³ coi⁴ncha³cao⁴³ xi³cˀa³, nca⁴ coi³ cjoa⁴tjao² xi³ sa³sen¹-le⁴ Ni³na¹.

Hebreos 6:10

Ni³na¹ tjin¹-le⁴ cjoa⁴qui²xi⁴, li²coi³ cha³jin³-le⁴ xa¹-no³ cao⁴ je² cjoa⁴tjao²cha³ xi³ tsen³ tsa³ˀya³-ni³no³ xi³ tˀa³tsˀe⁴ jan³ˀain¹-le⁴. Coan³tsen³ cjoa⁴tjao²cha³-ve⁴ nca³ qui³ni²sin³-lao⁴³ je² cho⁴ta⁴-le⁴ Cristo, cˀoa⁴ nca³ to⁴jo³ ni²sin³-lao⁴³.

Santiago 1:27

Cˀoa⁴-sˀin² ña³qui³ ˀya³xcoan¹ Ni³na¹ nca³ ma³nquin¹chon³-le⁴² xi³ jchˀan⁴ xi³ cˀen³ xˀin⁴-le⁴, nca³ cjoa⁴ñˀain³ tjio¹fa³ˀai³, cˀoa⁴-ti⁴ nca³ chˀa⁴sje³xin²-le⁴² yao³-na¹ cjoa⁴ xi³ tjin¹ son³ˀnte³-vi⁴. Je²-vi⁴ xi³ cjoa⁴-le⁴ Ni³na¹ xi³ tsje³ tjin¹ xi³ tsi² jma² tjin¹ nqui³xcon⁴ Nˀai³-na¹.