San Lucas 11:13 - New Testament in Mazatec Huautla

¹³ Cˀia⁴ tsa² ma³-no³ jon²-vi⁴ xi³ chˀao³ cjoaon³ nca³ nta³ vˀai²cjoa⁴tjao²-lao⁴³ je² xti³-no³, je² Nˀai³-no³ xi³ ti¹jna³ ya⁴ ncˀa³jmi³, a³ tsi² nqui²sa⁴-sa³ tsjoa¹-le⁴ je² Espíritu Santo je² xi³ si⁴²je¹-le⁴ nca³ je².

San Lucas 11:13 ပူးပေါင်းရင်းမြစ်များ

San Mateo 5:16

Cˀoa⁴-sˀin² ca²ta³ma³ˀi³sen³-le⁴ lˀi¹-no³ nqui³xcon⁴ cho⁴ta⁴, jme¹-ni³ nca³ scoe⁴-si¹ni³ xa¹nta³-no³, cˀoa⁴ cˀoa⁴sje³je³ya³-si¹ni³ Nˀai³-no³ xi³ ti¹jna³ ncˀa³jmi³.

San Mateo 5:45

jme¹-ni³ nca³ coan⁴-si¹nio³ ˀnti¹-le⁴ Nˀai³-no³ xi³ ti¹jna³ ncˀa³jmi³. Nca⁴ je² xi³ si¹cji³tjo³son² tsˀoi¹-le⁴ xi³ tˀa³tsˀe⁴ xi³ tsˀen⁴ cˀoa⁴ xi³ tˀa³tsˀe⁴ xi³ nta³. Vˀa³ne²-le⁴ jtsi¹ ja⁴son²-le⁴ je² xi³ qui²xi⁴ cˀoa⁴ xi³ tsi² qui²xi⁴ tjio¹ma³.

San Mateo 6:14

Cˀia⁴ tsa² jon² si⁴cha³tˀa³-lao⁴³ je¹-le⁴ cho⁴ta⁴, je² Nˀai³-no³ xi³ ti¹jna³ ncˀa³jmi³ cˀoa⁴-ti⁴sˀin² si⁴²cha³tˀa³-no³.

San Mateo 6:30

Cˀoa⁴ tsa² Ni³na¹ cˀoa⁴-sˀin² si¹cˀa³cja¹ je² xca⁴jña¹ xi³ tjio¹ ntˀai⁴-vi⁴, cˀoa⁴ nchaon³-li⁴ sˀe⁴tsao³ya³ nca⁴ja¹ˀnti¹, a³ tsi² si⁴²cˀa³cja¹-no³ jon², cho⁴ta⁴ xi³ to⁴choa³ ma³cjain¹-no³.

San Mateo 6:32

Nca⁴ je² cho⁴ta⁴ xi³ li² judío-jin² xi³ va¹sjai³ je² cjoa⁴ xo⁴tjin¹-vi⁴. Je² Nˀai³-no³ xi³ ti¹jna³ ncˀa³jmi³ ve³ nca³ ma³chjen¹-no³ nca³yi³je³ cjoa⁴ je²-vi⁴.

San Mateo 7:11

Tsa² jon² xi³ chˀao³ cjoaon³, ma³-no³ nca³ nta³ vˀai²cjoa⁴tjao²-lao⁴³ xti³-no³, je² Nˀai³-no³ xi³ ti¹jna³ ncˀa³jmi³, a³ tsi² nqui²sa⁴-sa³ tse³ tsjoa¹-le⁴ cjoa⁴tjao²nta³ je² xi³ si¹je¹-le⁴.

San Lucas 11:12

Tsa² si⁴²je¹-no³ chjao⁴², a³ cho⁴na³ˀya¹ cˀoai⁴-lao⁴³.

San Lucas 11:2

Jesús qui³tso²-le⁴: Cˀia⁴ nca³ vˀe²tsˀoao³, cˀoi⁴ ti⁴xon¹³: Nˀai³-na⁴jin⁴ xi³ ti³jnai³ ncˀa³jmi³, ca²ta³ˀya³xcon¹ jan³ˀain¹-li⁴. Ca²tji³nčhoa¹ cjoa⁴te¹xo³ma³-li⁴. Cˀoa⁴ca²ta³sˀin¹ jo³-sˀin² nca³ me³-li², jo³-ni³ ya⁴ ncˀa³jmi³ cˀoa⁴-ti⁴sˀin² i⁴ son³ˀnte³.

San Lucas 18:7

Cˀoa⁴ Ni³na¹ a³ tsi² cˀoe⁴²nta³jin³-le⁴ xi⁴ tsˀe⁴ cho⁴ta⁴ xi³ tsa³cja³ˀa¹jin³ xi³ nˀion¹ nchja⁴-le⁴ ni⁴čhjin³ cao⁴ ni⁴tjen⁴, a³ tsin²-le⁴ cjoa⁴tse³jta³ xi³ tˀa³tsˀe⁴.

San Juan 4:10

Jesús cˀoi⁴qui³tso²-le⁴: Tsa² ˀyai³ cjoa⁴tjao²-le⁴ Ni³na¹ cˀoa⁴ tsa² ˀya³xcoin³ je² xi³ cˀoa⁴tso²-li²: Tˀai²-nai¹³ xi³ scˀoia⁴, ji³ xi³ si⁴je¹-lai⁴ nca³ je², cˀoa⁴ je² tsjoa¹-li² na³nta¹ xi³ ti¹jna³con³.

Hechos de los Apóstoles 2:38

Cˀia⁴ Pedro qui³tso²-le⁴: Ti⁴cˀa³ntjai²yao³ cjoa⁴fa³ˀai³tsjen³-no³, ca²ta³sa³te¹ntao¹³ nca³tsˀio³ nca³ cho⁴ta⁴-le⁴ Cristo coaon⁴³, jme¹-ni³ nca³ cha⁴tˀa³-si¹ni³ je¹-no³, cˀoa⁴ tjoe¹-no³ je² cjoa⁴tjao² xi³ je² Espíritu Santo.

Romanos 5:17

Cˀia⁴ tsa² to⁴tˀa³tsˀe⁴ jnco³ cjoa⁴tsˀa³ntjai²cjoa⁴ xi³ tsˀe⁴ jnco³ cho⁴ta⁴-ve⁴, cjoa⁴vi³ya³ tsa³ca³te¹xo³ma³, nqui²sa⁴ to⁴nˀion¹ coa⁴te²xo³ma³ je² cho⁴ta⁴ xi³ cjoe¹ xi³ nˀion¹ tse³ cjoa⁴nta³ cˀoa⁴ je² cjoa⁴tjao² nca³ je³tˀa³ je¹-le⁴. Coa⁴te²xo³ma³ nca³ cˀoe¹jna³con³ntsjai² xi³ to⁴tˀa³tsˀe⁴ jnco³ xi³ Jesucristo.

Romanos 7:18

Cˀoa⁴ ˀve³-nia³ an³ nca³ tsi²jme³ xi³ nta³ tjin¹ xi³ ti¹jna³jin³-na³ (xi³ ti²xian³ xi³ ti¹jna³jin³ xi³ to⁴xa¹ yao³-na⁴ ni¹). Tjin¹-na³ cjoa⁴me³ta³con² nca³ cˀoa⁴²sˀian³ je² xi³ nta³ tjin¹, to⁴nca³ li²coi³ coi³cho²tjen⁴nqui³-le⁴ nca³ cˀoa⁴²sˀian³.

Romanos 8:32

Je² xi³ li²coi³ tsa³cˀe¹chjoa²-le⁴ nca³ qui³sˀe³-le⁴ cjoa⁴ñˀain³, nta³ tsa² ti⁴tsˀe⁴-ni³ ˀnti¹-le⁴, to⁴nca³ qui³tsjoa³tˀa³ xi³ tˀa³tsan⁴² nca³tsˀia³², a³ tsi² cˀoa⁴-ti⁴ tsjoa¹cjoa⁴tjao²-na¹ nca³yi³je³ cjoa⁴ cao⁴ Cristo.

Tito 3:3

Cˀoa⁴-ti⁴ ña¹ nca³sˀa⁴ cjai¹ qui³cha³-na¹ cjoa⁴fa³ˀai³tsjen³, tsˀa³ntjai²cjoa⁴ coan³², to⁴xin² qui³cha³ni²-na¹, qui³ni²chjen¹ xi³ to⁴cjoa⁴chi⁴nca⁴ cao⁴ xi³ to⁴cjoa⁴sca¹ya³. Cjoa⁴tsˀen⁴ cao⁴ cjoa⁴xin²ta³con² tsa³qui³yo²coa⁴². Cho⁴ta⁴ coan³jti³que³-na¹. Ña¹ coan³jti³cha³² nca³ˀi⁴ nca³jan¹ xi²nquia⁴².