San Lucas 10:42 - New Testament in Mazatec Huautla

⁴² To⁴jnco³ cjoa⁴ xi³ ma³chjen¹. María tsa³cja³ˀa¹jin³ xi³ nta³ tjin¹, xi³ tsi² tsa² tjo¹ˀa³-ni³le⁴.

San Lucas 10:42 ပူးပေါင်းရင်းမြစ်များ

San Marcos 8:36

Jme¹ xi³ coi⁴njen⁴-le⁴ cho⁴ta⁴ tsa² si⁴²cha³ ni⁴ma⁴-le⁴, nta³ tsa² coi⁴njen⁴-le⁴ nca³yi³je³ son³ˀnte³.

San Lucas 10:39

Je²-vi⁴ tjin¹-le⁴ jnco³ nti³chja³ xi³ María ˀmi², xi³ tsa³cˀe¹jna³nqui³ tˀa³ntso⁴co⁴ Jesús, nca³ ti¹nčhˀoe¹-le⁴ en¹-le⁴.

San Lucas 11:1

Jesús ti¹jna³ jnco³ ˀnte³, ti¹vˀe¹tsˀoa³. Cˀia⁴ nca³ je³tˀa³-le⁴, jnco³ cho⁴ta⁴-le⁴ qui³tso²-le⁴: Señor, ta⁴co²ya³-na³jin⁴ jo³-sˀin² cˀoe¹tsˀoai³⁴-jin⁴, jo³ nca³ qui³sˀin³ Juan nca³ tsa³ca³co¹ya³-le⁴ cho⁴ta⁴-le⁴.

San Lucas 12:20

To⁴nca³ Ni³na¹ qui³tso²-le⁴: Chi⁴coin¹³, je² ni⁴tjen⁴-vi⁴ cjoa⁴ˀai¹ si¹je¹-nca¹ni³ ni⁴ma⁴-li⁴, cˀoa⁴ nca³yi³je³ xi³ to⁴nqui³-ni³ tjio¹nta³-li², ˀya¹ tsˀe⁴ coan⁴.

San Lucas 12:33

Ta⁴te²nao³ xi³ tjin¹-no³, cˀoa⁴ tˀai² cjoa⁴tjao²-lao⁴³ xi³ yo⁴ma⁴. Ti⁴ntao³ xi³jtsa³taon⁴ xi³ tsi² tsa² coan⁴jchi¹nca³, cjoa⁴nchi⁴na¹ xi³ ti¹jna³tjao² ya⁴ ncˀa³jmi³, xi³ ni⁴cˀia³-jin² cha⁴, jña³ tsin² cho⁴ta⁴che¹-jin², ni⁴cho⁴qui³xo³-jin² si¹qui³tson¹.

San Lucas 16:2

Nai³-ve⁴ qui³nchja⁴-le⁴: Jme¹-ni³ je²-vi⁴ xi³ ti²nčhˀoe³-le²³vi⁴. Tˀai² coi²nta⁴ xi³ tˀa³tsˀe⁴ tso³jmi² xi³ qui³ni²cˀe²jna³ˀnta³-li², nca⁴ li²coi³ ti⁴coan⁴ coi⁴jna³ˀnta³-ni³.

San Lucas 16:25

Abraham qui³tso²-le⁴: ˀnti¹, nta³ ti⁴cja³ˀai³tsjain³ nca³ nˀion¹ qui³tjoe¹-li² tso³jmi² xi³ nta³ tjin¹ cˀia⁴ nca³ tsa³qui³jna³choin³, cˀoa⁴ Lázaro qui³scoe¹ xi³ chˀao³ tjin¹. To⁴nca³ ntˀai⁴-ntai⁴ je² ma³tsjoa³ya³-le⁴ i⁴-vi⁴, cˀoa⁴ ji³ cjoa⁴ñˀain³ ti³chja³ˀai².

San Lucas 18:22

Cˀia⁴ nca³ Jesús qui³nčhˀoe¹ je²-vi⁴, qui³tso²-le⁴: Nqui²jnco³-sa³ cjoa⁴ xi³ cha³-li². Ta⁴te²nai³ nca³yi³je³ xi³ tjin¹-li², tˀai²-lai⁴ je² xi³ yo⁴ma⁴, cˀoa⁴ sˀe⁴²-li² cjoa⁴nchi⁴na¹ ncˀa³jmi³, cˀoa⁴ nčhoa¹tˀa³-nai¹³.

San Lucas 8:18

Ti⁴coi²ntao⁴³ tso²cˀoa⁴ jo³-sˀin² no²ˀyao²³. To⁴ˀya³-ni³ve⁴ xi³ tjin¹-le⁴, cˀoai⁴-sa³le⁴. Cˀoa⁴ je² xi³ li²jme³ xi³ tjin¹-le⁴, tjo¹xin²-le⁴ sa³ˀnta³ je² xi³ tjin¹-le⁴, ma³-le⁴.

San Juan 11:1

Cˀia⁴ jnco³ xi³ ti¹mˀen³ xi³ Lázaro ˀmi², ya⁴ Betania tsˀe⁴, ya⁴ na⁴xi⁴na³nta¹-le⁴ María cao⁴ Marta nti³chja³.

San Juan 11:19

Cjai¹nca³ to⁴ncjin² cho⁴ta⁴ judíos ja³ˀai³nčhˀoe² Marta cao⁴ María. Ja³ˀai³ si¹je³con³ nca³ cˀen³ ntsˀe⁴.

San Juan 12:3

Cˀia⁴ María qui³scoe¹ jnco³ libra xqui³xi¹ne¹ xi³ ˀmi² nardo xi³ cjai¹nca³ chji¹. Qui³si³ca³jon³ ntso⁴co⁴ Jesús, cao⁴ ntsja⁴-le⁴ qui³si³xi²-ni³ ntso⁴co⁴. A³li² to⁴jo³ xi³ qui³njen³ ja⁴ya³ ni³ˀya³.

San Juan 17:3

Je² xi³ cjoa⁴vi³jna³chon³ nca³ntsjai², nca³ cˀoa⁴-sˀin² scoe⁴-li² xi³ to⁴jnco³ ji³ Ni³na¹ xi³ ña³qui³ cjoa⁴qui²xi⁴, cˀoa⁴ scoe⁴ Jesucristo je² xi³ qui³ni²ca³sain¹³.

San Juan 4:14

To⁴nca³ je² xi³ scˀoi¹ je² na³nta¹ xi³ an³ tsjoa³-le⁴, ni⁴cˀia³-jin² ti⁴coan⁴fa³ti²-ni³le⁴. Je² na³nta¹ xi³ an³ tsjoa³-le⁴, to⁴ya⁴² sˀe³jna³jin³-le⁴ jo³-ni³ na³nta¹ xi³ cji²⁴ncˀa³jin³-le⁴, xi³ tsjoa¹ cjoa⁴vi³jna³chon³ nca³ntsjai².

San Juan 5:24

Ña³qui³ cjoa⁴qui²xi⁴ ña³qui³ cjoa⁴qui²xi⁴ xi³ xin³-no³: Je² xi³ nčhˀoe¹ en¹-na⁴, cˀoa⁴ xi³ ma³cjain¹-le⁴ tˀa³tsˀe⁴ je² xi³ qui³si³ca³sen¹-na³, tjin¹-le⁴ cjoa⁴vi³jna³chon³ nca³ntsjai². Li²jme³ cjoa⁴ñˀain³ sˀe⁴-le⁴, to⁴nca³ je³ji³tjo³-ni³ cjoa⁴vi³ya³, je³tjin¹-le⁴ cjoa⁴vi³jna³chon³.

San Juan 6:27

Ti⁴xao¹³ a³li² to⁴tˀa³tsˀe⁴ je² xi³ vi³cha³² xi³ fi³tson³, to⁴nca³ tˀa³tsˀe⁴ je² xi³ vi³cha³² xi³ ti¹jna³ntsjai² xi³ tsjoa¹ cjoa⁴vi³jna³chon³ nca³ntsjai², xi³ je² ˀnti¹-le⁴ Ni³na¹ tsjoa¹-no³. Je² ˀnti¹-le⁴ xi³ Nˀai³-na¹ Ni³na¹ tsa³cˀe¹choa⁴.

1 Corintios 13:3

Cˀoa⁴ nta³ tsa² si³cˀa³via¹³ nca³yi³je³ xi³ tjin¹-na³, jme¹-ni³ nca³ si³cjen²-si¹nia³ je² xi³ yo⁴ma⁴, cˀoa⁴ nta³ tsa² tsjoa³tˀa³ yao³-na⁴ nca³ cˀoa⁴-sˀin² coi⁴ti⁴, tsa² tsin²-na³ cjoa⁴tjao²cha³, li²jme³ chji¹-na³.

Gálatas 5:6

Nca⁴ ti³yo³coa⁴² Cristo Jesús, ni⁴je²-jin² cjoa⁴circuncisión chji¹-le⁴, ni⁴je²-jin² xi³ tsi² cjoa⁴circuncisión, to⁴je² jo³-sˀin² ma³cjain¹-na¹ xi³ nta³ ma³chjen¹ to⁴tˀa³tsˀe⁴ nca³ tsjoa³cha³².