San Lucas 10:40 - New Testament in Mazatec Huautla

⁴⁰ To⁴nca³ Marta nca³ i⁴ nca³ jan¹ tse³ xa¹ si¹ca¹jon³-le⁴ yao³-le⁴. Qui³con³-le⁴ Jesús, qui³tso²-le⁴: Señor, a³ tsi² cˀoa⁴ma³-li² nca³ je² ti²chja³ si¹cˀe¹jna³-na³ nca³ si³xa¹³ nca³ to⁴jnco³ an³. Cˀoa⁴tˀin²-lai⁴ˀni³ nca³ ca²ta³sen²cao⁴-na³.

San Lucas 10:40 ပူးပေါင်းရင်းမြစ်များ

San Mateo 14:15

Cˀoa⁴ cˀia⁴ nca³ je³coan³xon², cho⁴ta⁴-le⁴ ji³cho²con³-le⁴, qui³tso²: Je² ˀnte³-vi⁴ cjai¹ to⁴tˀa³xin²tˀa³, cˀoa⁴ je³coan³xon². Cˀoa⁴tˀin²-lai⁴ ca²ta³fi² cho⁴ta⁴, jme¹-ni³ nca³ coai⁴-si¹ni³ ya⁴ na⁴xi⁴na³nta¹ˀnti¹, cˀoa⁴ ca²ta³va³tse³-le⁴ yao³-le⁴ jme³ xi³ squi⁴ne⁴.

San Mateo 16:22

Cˀoa⁴ Pedro qui³cao⁴ tˀa³xin², tsa³cˀe¹tsˀia⁴ nca³ qui³nchja⁴ti³cao⁴ qui³tso²: Señor, Ni³na¹ ca²ta³vˀe¹chjoa²-le⁴ cjoa⁴-vi⁴ tˀa³tsi⁴. Ni⁴cˀia³-jin² nca³ cˀoa⁴coan⁴tˀain³.

San Marcos 3:21

Cˀia⁴ nca³ qui³nčhˀoe¹ xi¹ncjin¹ Jesús, ji³nčhoa³tsoa³ nca³ qui³tso²: A³li²coi³ nta³ tjin¹³con³.

San Lucas 10:38

Cˀia⁴ nca³ ti¹fi² Jesús, ja³ˀa³sˀen³ jnco³ na⁴xi⁴na³nta¹ ˀnti¹. Jnco³ chjon⁴² xi³ Marta ˀmi² qui³tsjoa³-le⁴ ˀnte³ ya⁴ ntˀia³-le⁴.

San Lucas 10:41

To⁴nca³ Jesús qui³tso²-le⁴: Marta, Marta, ni²jti³-lai⁴ yao³-li⁴, cjai¹nca³ ncjin² cjoa⁴ sa⁴te¹tˀai³.

San Lucas 12:29

Jon²-ˀni³, a³li² vi³jnchi³sjai³-jion²³ jme³ xi³ chi⁴nao⁴³, jme³ xi³ sˀio⁴³, ni⁴coi³-jin² si⁴cjao¹jion³.

San Lucas 9:55

Jesús qui³si³cˀo¹fa³ya³ˀa³ nca³ je², tsa³ca³te³cja¹ya³-le⁴, qui³tso²-le⁴: Jon²-vi⁴ li²coi³ ˀyao³ ˀya¹ tsˀe⁴ espíritu xi³ tsaon⁴³.

San Juan 11:1

Cˀia⁴ jnco³ xi³ ti¹mˀen³ xi³ Lázaro ˀmi², ya⁴ Betania tsˀe⁴, ya⁴ na⁴xi⁴na³nta¹-le⁴ María cao⁴ Marta nti³chja³.

San Juan 11:5

Jesús cjai¹nca³ tjao²que³ Marta cao⁴ nti³chja³ cao⁴ Lázaro.

San Juan 12:2

Ya⁴ qui³si³cjen² Jesús nca³ njion². Je² Marta tsa³cˀe¹ya³-le⁴. Je² Lázaro cˀoa⁴-ti⁴ jnco³ xi³ ti⁴je²-ni³ xi³ tsa³ca³tio²tˀa³ ya¹mi²xa⁴ cao⁴ Jesús.

San Juan 6:27

Ti⁴xao¹³ a³li² to⁴tˀa³tsˀe⁴ je² xi³ vi³cha³² xi³ fi³tson³, to⁴nca³ tˀa³tsˀe⁴ je² xi³ vi³cha³² xi³ ti¹jna³ntsjai² xi³ tsjoa¹ cjoa⁴vi³jna³chon³ nca³ntsjai², xi³ je² ˀnti¹-le⁴ Ni³na¹ tsjoa¹-no³. Je² ˀnti¹-le⁴ xi³ Nˀai³-na¹ Ni³na¹ tsa³cˀe¹choa⁴.