San Juan 8:52 - New Testament in Mazatec Huautla

⁵² Cˀia⁴ cho⁴ta⁴ judíos qui³tso²-le⁴: ˀya³-ni¹⁴jin⁴ ntai⁴ nca³ ji³ cho⁴ta⁴nai⁴². Ne³ Abraham cˀen³-ni¹ cao⁴ je² xi³ qui³nchja⁴ya³ tˀa³tsˀe⁴ Ni³na¹, to⁴nca³ ji³ si³-ni¹³: Je² xi³ si¹qui³tjo³son² en¹-na⁴, ni⁴to⁴cˀia³-jin² nca³ coi⁴cho³-le⁴ cjoa⁴vi³ya³.

San Juan 8:52 ပူးပေါင်းရင်းမြစ်များ

San Mateo 11:18

Nca⁴ ja³ˀai³ Juan xi³ ni⁴tsa³cjen²-jin², ni⁴qui³tsˀi³-jin². Cˀoa⁴ tso² cho⁴ta⁴: Nai⁴² xi³ nta³jin³ ti¹jna³jin³ ni⁴ma⁴-le⁴.

San Juan 1:19

Je²-vi⁴ en¹ xi³ qui³tsjoa³ Juan, cˀia⁴ nca³ cho⁴ta⁴ judíos qui³si³ca³sen¹ xa¹ je² na⁴ˀmi³ cao⁴ cho⁴ta⁴ levitas tsˀe⁴ Jerusalén, jme¹-ni³ nca³ sco¹na³nqui³-si¹ni³le⁴ Juan: Ji³, ˀya¹-ni³.

San Juan 14:23

Jesús qui³tso²-le⁴: Je² xi³ tsjoa³que³-na³, si⁴²qui³tjo³son² en¹-na⁴. Nˀai³-na⁴ tsjoa³que³ nca³ je², cjoa²ˀai⁴chon³-lai⁴jin⁴, cˀoa⁴ coi⁴yo³coai⁴-jin⁴.

San Juan 15:20

Nta³ ca²ta³fa³ˀai³tsjen³-no³ je² en¹ xi³ qui³xin³-no³: Je² xi³ cho⁴ˀnta³ ma³, a³li² je²-jin² ti¹tjon²-le⁴ nai³-le⁴. Tsa² an³ chˀao³ qui³si³cao⁴-na³, cˀoa⁴-ti⁴ jon² chˀao³ si⁴²cao⁴-no³. Tsa² qui³si³qui³tjo³son² en¹-na⁴, cˀoa⁴-ti⁴ si⁴²qui³tjo³son² tsaon⁴³.

San Juan 17:6

Je² cho⁴ta⁴ xi³ tsa³cˀai²-nai¹³ i⁴ son³ˀnte³-vi⁴, an³ tsa³ca³co³son²tsen³-le⁴ jo³ cjoain³ nca³ ji³. Tsi⁴ ni¹³, cˀoa⁴ ji³ tsa³cˀai²-nai¹³. Qui³si³qui³tjo³son² en¹-li⁴.

San Juan 7:20

Cho⁴ta⁴-ve⁴ cˀoi⁴qui³tso²: Cho⁴ta⁴nai⁴²-lai⁴. ˀya¹ xi³ me³-le⁴ nca³ si⁴²cˀen³-li².

San Juan 8:22

Cˀia⁴ cˀoi⁴qui³tso² cho⁴ta⁴ judíos: A³ ti⁴je² si⁴²cˀen³-ni³ yao³-le⁴ nca³ cˀoa⁴ tso²: Jña³ nca³ cjoia¹³ nca³ an³, jon² li²coi³ coan⁴ coa⁴nquion¹³.

San Juan 8:48

Cˀia⁴ cho⁴ta⁴ judíos cˀoi⁴qui³tso²-le⁴ Jesús: A³ tsi² tsa² nta³ vi³xoin¹⁴-jin⁴ nca³ ji³ cho⁴ta⁴ samaritano, nca³ cho⁴ta⁴nai⁴²-lai⁴.

San Juan 8:51

Ña³qui³ cjoa⁴qui²xi⁴ ña³qui³ cjoa⁴qui²xi⁴ xi³ xin³-no³: Je² xi³ si¹qui³tjo³son² en¹-na⁴, ni⁴cˀia³-jin² scoe⁴ cjoa⁴vi³ya³.

San Juan 8:55

Jon² li²coi³ ˀya³xcon³ nca³ je², to⁴nca³ an³ ˀve³xcoan³. Tsa² cˀoi⁴xian¹³ a³li²coi³ ˀve³xcoan³, to⁴ya⁴² coan⁴nco¹son²-nia³ˀni³ cao⁴ jon² xi³ nti³so³. To⁴nca³ an³ ˀve³xcon³-nia¹³, cˀoa⁴-sˀin² si³qui³tjo³soan²³ en¹-le⁴.

San Juan 9:24

Nqui²ntia³ ti⁴qui³no²cjoa⁴-nca¹ni³le⁴ xi³ xca⁴ cji³, cˀoi⁴qui³tso²-le⁴: Chˀa⁴sje³je³yai³ Ni³na¹. Jin⁴-jin⁴ ˀya³-ni¹⁴jin⁴ nca³ cho⁴ta⁴je¹ je² cho⁴ta⁴xˀin⁴-vi⁴.

Hebreos 11:13

To⁴jo³ coan³cjain¹-le⁴ cˀia⁴ nca³ cˀen³ nca³tsˀi³ je²-vi⁴. Li²coi³ qui³scoe¹ je² cjoa⁴ni²sˀe³nqui³, to⁴cjin³ qui³sco²tsen³-ni³le⁴, cˀoa⁴ coan³tsjoa³-le⁴ jo³-ni³ tsa² qui³cˀa¹ya³ntia³. Qui³si³qui²xi⁴ya³ nca³ to⁴tsa³cˀa³mjen³son² i⁴ son³ˀnte³-vi⁴ nca⁴ xin² ˀnte³-le⁴.

Hebreos 2:9

To⁴nca³ ˀya³-nia¹ je² Jesús xi³ qui³tsˀai²-le⁴ cjoa⁴je³ya³ cao⁴ cjoa⁴ncˀa³ jo³-ni³ tsa² corona-le⁴, nca⁴ tsa³cja³ˀa¹ cjoa⁴ñˀain³ nca³ cˀen³. Je² Jesús xi³ to⁴jnco³ tjo² nqui²sa⁴ na³nqui³ coan³ cao⁴-ni³ tsa² a²ncje⁴, jme¹-ni³ nca³ to⁴cjoa⁴nta³-le⁴ Ni³na¹ qui³sco²tˀa³-si¹ni³ cjoa⁴vi³ya³ xi³ tˀa³tsˀe⁴ nca³tsˀi³.