San Juan 7:28 - New Testament in Mazatec Huautla

²⁸ Cˀia⁴ nˀion¹ qui³nchja⁴ Jesús ya⁴³ yo⁴nco⁴, tsa³ca³co¹ya³, cˀoi⁴qui³tso²: ˀya³xcon³-nao¹³ nca³ an³, ˀya³-nio¹³ jña³-ni³ve⁴ tsˀan⁴. Li²coi³ je²ˀe⁴ xi³ to⁴tˀa³tsˀan⁴, to⁴nca³ je² Nˀai³-na¹ xi³ qui³si³ca³sen¹-na³, je² xi³ cjoa⁴qui²xi⁴. A³li²coi³ ˀya³xcon³ nca³ je².

San Juan 7:28 ပူးပေါင်းရင်းမြစ်များ

San Mateo 11:27

Nca³yi³je³ cjoa⁴ an³ qui³tsjoa³-na³ Nˀai³-na⁴. To⁴je² xi³ Nˀai³ xi³ ve³ jo³ cjoan³ xi³ ˀnti¹, ni⁴ˀya³-jin²sa³ xi³ ve³. To⁴je² xi³ ˀnti¹ xi³ ve³ jo³ cjoan³ xi³ Nˀai³, cˀoa⁴ cao⁴ je² xi³ je² ˀnti¹ me³-le⁴ nca³ coa⁴co²son²tsen³-le⁴.

San Mateo 2:23

Cˀoa⁴ ja³ˀai³, ya⁴ tsa³cˀe²jna³ ya⁴ ciudad xi³ Nazaret ˀmi², jme¹-ni³ nca³ coi⁴tjo³son²-si¹ni³ jo³ qui³tso² je² xi³ qui³nchja⁴ya³ tˀa³tsˀe⁴ Ni³na¹, nca³ cˀoa⁴-sˀin² cˀoin¹-ni³le⁴ cho⁴ta⁴ nazareno.

San Mateo 26:55

Cˀia⁴ hora-ve⁴ Jesús qui³tso²-le⁴ cho⁴ta⁴ncjin²: A³ jo³ni³ che¹ ca²vi²tjo⁴³-nio³ cao⁴ qui⁴cha⁴ cao⁴ ya¹, nca³ coi⁴ntoa⁴-nao¹³. Nchaon³nchaon³ tsa³ca²te⁴jna³cao⁴-no³ nca³ tsa³ca³co³ya²³ ya⁴³yo⁴nco⁴, cˀoa⁴ li²coi³ qui³ntoa³-nao¹³.

San Lucas 10:22

Nca³yi³je³ cjoa⁴ an³ qui³tsjoa³-na³ Nˀai³-na⁴. To⁴je² xi³ Nˀai³ xi³ ve³ jo³ cjoan³ xi³ ˀnti¹, ni⁴ˀya³-jin²sa³ xi³ ve³. To⁴je² xi³ ˀnti¹ xi³ ve³ jo³ cjoan³ xi³ Nˀai³. Cˀoa⁴ ve³ je² xi³ je² ˀnti¹ me³-le⁴ nca³ coa⁴co²son²tsen³-le⁴.

San Lucas 2:11

Ca²tsin³-no³ ntˀai⁴-vi⁴ ya⁴ na⁴xi⁴na³nta¹-le⁴ David, jnco³ xi³ cˀoa⁴sje³ntjai²-no³ xi³ Cristo je² Nai³-na¹.

San Lucas 2:39

Cˀia⁴ nca³ José cao⁴ María qui³si³cji³tjo³son² nca³yi³je³ cjoa⁴ jo³ tso² cjoa⁴te¹xo³ma³-le⁴ Nai³-na¹, qui³ nqui²jnco³cˀa² ya⁴ Galilea ya⁴ na⁴xi⁴na³nta¹ Nazaret.

San Lucas 2:4

Cˀoa⁴-ti⁴ qui³mi³-ni³ José ya⁴ Galilea, ya⁴ na⁴xi⁴na³nta¹ Nazaret, qui³ ya⁴ Judea ya⁴ na⁴xi⁴na³nta¹-le⁴ David xi³ Belén ˀmi², coi³ nca³ tsˀe⁴ ntˀia³-le⁴ cao⁴ ntje⁴-le⁴ David.

San Lucas 2:51

Jesús ja³ˀai³jen³cao⁴ José cao⁴ María, cˀoa⁴ ja³ˀai³ ya⁴ Nazaret. Qui³si³tjo³son²-le⁴. Je² na⁴-le⁴ tsa³cˀe¹jin³con³ ni⁴ma⁴-le⁴ nca³yi³je³ je² cjoa⁴-vi⁴.

San Juan 1:46

Natanael qui³tso²-le⁴: A³ tjin¹ xi³ nta³ xi³ Nazaret fa³ˀai³-ni³. Felipe qui³tso²-le⁴: Nčhoai¹³ cho¹tsain³.

San Juan 10:36

Je² xi³ Nˀai³-na¹ tsa³ca³sen¹ xa¹ cˀoa⁴ qui³si³ca³sen¹ i⁴ son³ˀnte³-vi⁴, jon² vi³xon¹-lao⁴³: Ji³ no²cjoa⁴ˀaon³-lai⁴ Ni³na¹, nca⁴ coi³ qui³xian³, ˀnti¹-le⁴ Ni³na¹ nia¹³.

San Juan 12:49

A³li² to⁴ˀan³ xi³ cˀoa⁴-sˀin² qui³nchja²³, to⁴nca³ je² Nˀai³-na¹ xi³ qui³si³ca³sen¹-na³, je² tsa³ca³te¹xo³ma³-na³ jña³-le⁴ xi³ xian¹³, cˀoa⁴ jña³-le⁴ xi³ coi³nchja²³.

San Juan 14:10

A³ tsi² ma³cjain¹-li² nca³ an³ ti²jna⁴coa⁴ Nˀai³-na¹, cˀoa⁴ je² Nˀai³-na¹ ti¹jna³cao⁴-na³. Je² en¹ xi³ an³ fa²cao⁴-no³, a³li² to⁴ˀan³ xi³ cˀoa⁴-sˀin² nchja²³, to⁴nca³ je² Nˀai³-na¹ xi³ ti¹jna³cao⁴-na³, je² xi³ cˀoa⁴sˀin¹ je² xa¹-vi⁴.

San Juan 14:31

Cˀoa⁴-sˀin² sˀian³ jo³-sˀin² nca³ Nˀai³-na¹ qui³tsjoa³-na³ cjoa⁴te¹xo³ma³, jme¹-ni³ nca³ cˀoa⁴-sˀin² ca²ta³ve³-ni³ son³ˀnte³-vi⁴ nca³ tsjoa³que⁴ Nˀai³-na¹. Ti²so⁴tjaon⁴³ cjoian¹.

San Juan 16:3

Je²-vi⁴ cjoa⁴ cˀoa⁴si⁴²cao⁴-no³, nca⁴ tsi² tsa² ve³xcon³ Nˀai³-na¹ cao⁴ an³.

San Juan 17:25

Nˀai³ xi³ tjin¹-li² cjoa⁴qui²xi⁴, cho⁴ta⁴son³ˀnte³-vi⁴ li²coi³ tsa³ve³-li², to⁴nca³ an³ tsa³ˀve³-le²³. Cˀoa⁴-ti⁴ je² cho⁴ta⁴-na⁴vi⁴ tsa³ve³ nca³ ji³ qui³ni²ca³sen¹-nai¹³.

San Juan 17:3

Je² xi³ cjoa⁴vi³jna³chon³ nca³ntsjai², nca³ cˀoa⁴-sˀin² scoe⁴-li² xi³ to⁴jnco³ ji³ Ni³na¹ xi³ ña³qui³ cjoa⁴qui²xi⁴, cˀoa⁴ scoe⁴ Jesucristo je² xi³ qui³ni²ca³sain¹³.

San Juan 3:2

Je²-vi⁴ ja³ˀai³nčhˀoe² Jesús nca³ njion², cˀoi⁴qui³tso²-le⁴: Rabí, ˀya³-ni¹⁴jin⁴ nca³ ji³ ja²ˀai⁴ jo³-ni³ jnco³ Maestro. Qui³si³ca³sen¹-li² Ni³na¹. Ni⁴ˀya³-jin² xi³ tsjoa¹ choa⁴ xi³ vˀai²³ nca³ ji³, tsa² Ni³na¹ li²coi³ ti¹jna³cao⁴.

San Juan 3:33

Je² xi³ cjoe¹ en¹-le⁴, je²-vi⁴ qui³si³qui²xi⁴ya³nta³ nca³ Ni³na¹ xi³ cjoa⁴qui²xi⁴.

San Juan 5:32

Cja⁴ˀai¹ xi³ tsjoa¹ en¹ xi³ tˀa³tsˀan⁴. ˀve³-nia¹³ nca³ je² xi³ cˀoa⁴tso² xi³ tˀa³tsˀan⁴, ña³qui³ cjoa⁴qui²xi⁴-ni¹ xi³ tso².

San Juan 5:43

Ja²ˀai⁴-nia¹³ cao⁴ jan³ˀain¹-le⁴ Nˀai³-na⁴, to⁴nca³ jon² li²coi³ chjoe¹-nao¹³. Tsa² cja⁴ˀai¹ xi³ cjoa⁴ˀai¹ cao⁴ ti⁴tsˀe⁴-ni³ jan³ˀain¹, cˀoa⁴ to⁴sa³ je² chjoao¹³-ˀni³.

San Juan 6:42

Cho⁴ta⁴ judíos cˀoi⁴qui³tso²: A³ tsi² tsa² je²-vi⁴ Jesús, ˀnti¹-le⁴ José. ˀya³xcon³-nia¹ nˀai³-le⁴ cao⁴ na⁴-le⁴. A¹-ni³ cˀoa⁴tso²-si¹ni³: Ji²tjo⁴jen³-nia³ ncˀa³jmi³.

San Juan 7:14

Cˀia⁴ jin³ sˀoi¹-ve⁴ qui³mi³ Jesús ya⁴ yo⁴nco⁴, cˀoa⁴ tsa³ca³co¹ya³.

San Juan 8:14

Qui³nchja⁴ Jesús cˀoi⁴qui³tso²-le⁴: Nta³ tsa² an³ tsjoa³ en¹-na⁴ xi³ to⁴tˀa³tsˀan⁴, je² en¹-na⁴ cjoa⁴qui²xi⁴-ni¹, nca³ ˀve³ jña³ nca³ ja²ˀai⁴-nia³, cˀoa⁴ jña³ nca³ cjoia¹³, to⁴nca³ jon² li²coi³ ˀyao³ jña³ nca³ ja²ˀai⁴-nia³, cˀoa⁴ jña³ cjoia¹³.

San Juan 8:16

Tsa² an³ co³son²-ni³le⁴, ña³qui³ cˀoa⁴tjin¹ xi³ an³ co³son²-ni³le⁴, nca³ tsi² tsa² to⁴ˀan³-jian²³, to⁴nca³ an³ cao⁴ je² xi³ qui³si³ca³sen¹-na³, je² Nˀai³-na¹.

San Juan 8:19

Cho⁴ta⁴ fariseos cˀoi⁴qui³tso²-le⁴ Jesús: Jña¹ ti¹jna³ Nˀai³-li⁴. Jesús qui³nchja⁴: Sa³ˀnta³ an³ li²coi³ ˀya³xcon³-nao¹³, cˀoa⁴ ni⁴ˀya³xcon³-jion²³ Nˀai³-na⁴. Tsa² ˀya³xcon³-la²ni³nao¹³, cˀoa⁴-ti⁴ ˀya³xcon³ Nˀai³-na⁴.

San Juan 8:26

Cjai¹nca³ ncjin² cjoa⁴ xi³ coi³nchja²³, xi³ sco³son²-ni³le⁴ xi³ tˀa³tsaon⁴³. Je² xi³ qui³si³ca³sen¹-na³, je² xi³ cjoa⁴qui²xi⁴. Je² en¹ xi³ qui³nčhˀoe³-le⁴ nca³ je², ña³qui³ coi³ xi³ nchja²³ i⁴ son³ˀnte³-vi⁴.

San Juan 8:42

Cˀia⁴ Jesús cˀoa⁴qui³tso²-le⁴: Tsa² Ni³na¹ je² nˀai³-no³, ña³qui³ cjoa⁴qui²xi⁴ nca³ coan⁴tsjoa³cha³-nao¹³. An³ ji²tjo⁴-nia³ Ni³na¹, coi³ ja²ˀai⁴-nia³. Li²coi³ je²ˀe⁴ xi³ ti⁴tˀa³tsˀan⁴-nia³, to⁴nca³ je² qui³si³ca³sen¹-na³.

San Juan 9:29

ˀya³-ni¹⁴jin⁴ nca³ Ni³na¹ tsa³cja¹cao⁴ Moisés, to⁴nca³ je²-vi⁴ li²coi³ ˀyai³⁴-jin⁴ jña³ ja³ˀai³-ni³.

Hechos de los Apóstoles 17:23

Cˀia⁴ nca³ ja²ˀa⁴, cjai¹nca³ nta³ tsa³ˀve³ xco¹son²-no³. Cˀoa⁴-ti⁴ qui³sa³co³-na³ jnco³ son²xta² jña³ tji¹tˀa³ xi³ cˀoa⁴tso²: Je² Ni³na¹ xi³ tsi² tsa² ˀya³-le⁴. Je² xi³ ˀya³xcon¹³ nca³ tsi² tsa² ˀyao³, je²-vi⁴ xi³ an³ nchja²ya³jin³-no³.

Romanos 1:28

Cˀoa⁴ jo³-sˀin² nca³ je² tsi²coi³ qui³sa³sen³-le⁴ nca³ Ni³na¹ cjoa⁴ˀai¹tsjen³-le⁴, Ni³na¹ qui³sca³ni¹tˀa³-le⁴ cjoa⁴fa³ˀai³tsjen³ xi³ nˀion¹ chˀao³ tjin¹, jme¹-ni³ nca³ cˀoa⁴sˀin⁴²-si¹ni³ xi³ tsi² tsa² coi³ nta³ tjin¹.

Romanos 3:4

Ni⁴ˀi⁴tse¹-jin². To⁴sa³ ca²ta³ma³ qui²xi⁴ Ni³na¹, to⁴nca³ ca²ta³vi³tjo³ nti³so³ nca³tsˀi³ cho⁴ta⁴, jo³-sˀin² nca³ tji¹tˀa³: Jme¹-ni³ nca³ coi⁴tjo³qui²xi⁴-ni³ jo³ tso² en¹ xi³ vˀai²³, cˀoa⁴ si⁴qui³njain³ cˀia⁴ nca³ sˀe⁴nta³jin³-li².

2 Corintios 1:18

To⁴sa³ Ni³na¹ xi³ cjoa⁴qui²xi⁴ xi³ ti¹ve³ nca³ je² en¹-na⁴jin⁴ xi³ qui³cha²cao⁴-lai²⁴jin⁴ li²coi³ cˀoa⁴jaon³-le⁴ cˀoa⁴mai³-le⁴.

2 Corintios 4:6

Nca⁴ Ni³na¹ xi³ cˀoa⁴qui³tso², je² lˀi¹ ca²ta³ma³ˀi³sen³-ni³ jña³ njion²chon³, cˀoa⁴ je² ni¹ xi³ qui³si³ˀi³sen³jin³ ni⁴ma⁴-na⁴jin⁴. Cˀoa⁴-sˀin² tˀa³tsain⁴-jin⁴ qui³si³ˀi³sen³, jme¹-ni³ nca³ jcha⁴-si¹ni³jin⁴ je² cjoa⁴je³ya³-le⁴ Ni³na¹ xi³ ncjain¹ Jesucristo ma³tsen³-ni³.

Tito 1:2

Je²-vi⁴ xi³ cˀoa⁴coan⁴ nca³ ti³cho³ya²-le⁴² cjoa⁴vi³jna³chon³ nca³ntsjai². Ni³na¹ xi³ li²coi³ vˀa³na⁴cha⁴ qui³si³sˀe³nqui³ je² cjoa⁴vi³jna³chon³-ve⁴ jo³ sa³ˀnta³ nca³ ti¹tjon² nca³ cje³ nčhoa¹-jin² son³ˀnte³.

Hebreos 6:18

jme¹-ni³ nca³ ña¹ xi³ cˀoa⁴-sˀin² tsa³nquin¹ to³ca³ nčhˀoe², nˀion¹ tse³ sˀe⁴-si¹ni³na¹ cjoa⁴nˀion¹ta³con², nca³ chjoe¹ je² xi³ cho³ya²-le⁴² xi³ nčhoa¹-na¹. Coi³ cjoa⁴ nca³ Ni³na¹ xi³ tsi² coan³-le⁴ tsa³cˀe¹nti³so³ jao² cˀa³ qui³tsjoa³ en¹-le⁴ tˀa³tsˀe⁴ cjoa⁴ xi³ tsi² ma³ vˀa³ntjai²ya³.

1 Juan 5:10

Je² xi³ ma³cjain¹-le⁴ tˀa³tsˀe⁴ ˀnti¹-le⁴ Ni³na¹, je² cjoa⁴ xi³ qui³ni²qui²xi⁴ya³ ti¹jna³jin³ ni⁴ma⁴-le⁴. Je² xi³ tsi² ma³cjain¹-le⁴ tˀa³tsˀe⁴ Ni³na¹, tsa³cˀa³sje³ nti³so³ Ni³na¹, nca³ tsi²coi³ coan³cjain¹-le⁴ je² en¹ xi³ Ni³na¹ qui³si³qui²xi⁴ya³ xi³ tˀa³tsˀe⁴ ˀnti¹-le⁴.