San Juan 6:57 - New Testament in Mazatec Huautla

⁵⁷ Jo³-sˀin² qui³si³ca³sen¹-na³ Nˀai³-na¹ xi³ ti¹jna³con³, cˀoa⁴ an³ ti²jna⁴coan³ xi³ to⁴tˀa³tsˀe⁴ Nˀai³-na¹, cˀoa⁴-ti⁴sˀin² ˀya³ xi³ an³ squi⁴ne⁴-na³ cˀoe¹jna³con³ xi³ to⁴tˀa³tsˀan⁴.

San Juan 6:57 ပူးပေါင်းရင်းမြစ်များ

San Mateo 16:16

Qui³nchja⁴ Simón Pedro: Ji³ ni¹³ Cristo, xi³ ˀnti¹-le⁴ Ni³na¹ xi³ ti¹jna³con³.

San Juan 14:19

Nqui²jnco³ tjo², cˀia⁴ son³ˀnte³ li²coi³ ti⁴scoe⁴-ni³na³, to⁴nca³ jon² jcha⁴-nao¹³. Coi³ nca³ ti²jna⁴coan³, cˀoa⁴-ti⁴ jon² coi⁴yo³chon³.

San Juan 14:6

Jesús qui³tso²-le⁴: An³ nia¹³ xi³ ntia⁴², an³ nia¹³ xi³ cjoa⁴qui²xi⁴, an³ nia¹³ xi³ cjoa⁴vi³jna³chon³. Ni⁴to⁴ˀya³-jin² xi³ fa³ˀai³con²-le⁴ Nˀai³-na¹, tsa² tsian² nca³ an³.

San Juan 17:21

jme¹-ni³ nca³ to⁴jnco³ coan⁴-si¹ni³ nca³tsˀi³, jo³-ni³ nca³ ji³, Nˀai³, ti³jna³cao⁴-nai¹³, cˀoa⁴ an³ ti²jna⁴cao⁴-le²³. Cˀoa⁴-ti⁴ je² to⁴jnco³ ca²ta³tio²cao⁴-na¹, jme¹-ni³ nca³ cho⁴ta⁴son³ˀnte³ coan⁴cjain¹-si¹ni³le⁴ nca³ ji³ qui³ni²ca³sen¹-nai¹³.

San Juan 3:17

Nca⁴ Ni³na¹ li²coi³ xa¹ qui³si³ca³sen¹-ni³ ˀnti¹-le⁴ nca³ cˀaon⁴ne²-le⁴ cjoa⁴ñˀain³ cho⁴ta⁴son³ˀnte³, to⁴coi⁴² nca³ cˀoa⁴sje³ntjai² cho⁴ta⁴son³ˀnte³.

San Juan 5:26

Jo³sˀin² nca³ Nˀai³-na¹ tjin¹-le⁴ cjoa⁴vi³jna³chon³ xi³ ti⁴tˀa³tsˀe⁴-ni³, cˀoa⁴-ti⁴sˀin²ni³ qui³tsjoa³-le⁴ ˀnti¹-le⁴ nca³ tjin¹-le⁴ cjoa⁴vi³jna³chon³ xi³ ti⁴tˀa³tsˀe⁴-ni³.

San Juan 6:29

Jesús cˀoi⁴qui³tso²-le⁴: Je²-vi⁴ xa¹ xi³ me³-le⁴ Ni³na¹, nca³ cˀoa⁴-sˀin² coan⁴cjain¹-no³ xi³ tˀa³tsˀe⁴ je² Cristo xi³ Ni³na¹ qui³si³ca³sen¹.

San Juan 6:38

Li²coi³ ji²tjo⁴jen³-nia³ ncˀa³jmi³, jme¹-ni³ nca³ cˀoa⁴sˀin³-si¹nia³ jo³-sˀin² me³-na³ nca³ an³, to⁴nca³ jo³-sˀin² nca³ me³-le⁴ je² Nˀai³-na¹ xi³ qui³si³ca³sen¹-na³.

1 Corintios 15:22

Jo³-sˀin² xi³ tˀa³tsˀe⁴ Adán nca³tsˀi³ mˀen³, cˀoa⁴-ti⁴sˀin²ni³ tˀa³tsˀe⁴ Cristo nca³tsˀi³ si⁴cˀe¹yo³con³-ni³.

1 Corintios 15:45

Cˀoa⁴-ti⁴sˀin² tji¹tˀa³: Je² ti¹tjon² xˀin⁴ xi³ Adán ˀmi², coan³ ni⁴ma⁴ xi³ ti¹jna³con³, cˀoa⁴ je² Adán xi³ je³tˀa³-ni³ coan³ espíritu xi³ si¹cˀe¹jna³con³.

2 Corintios 13:4

Qui³sˀe³tˀa³-ni³ cro² to⁴tˀa³tsˀe⁴ cjoa⁴ˀi³nta³-le⁴, to⁴nca³ to⁴tˀa³tsˀe⁴ nca³nˀion¹-le⁴ Ni³na¹ ti¹jna³con³-ni³. Cˀoa⁴-ti⁴ ña¹ cˀoa⁴-sˀin² i³nta³ cjoan³² cao⁴ je², to⁴nca³ cao⁴ je² coi⁴yo³chon³-nia¹ xi³ tˀa³tsaon⁴³ xi³ to⁴tˀa³tsˀe⁴ nca³nˀion¹-le⁴ Ni³na¹.

Gálatas 2:20

Cˀia⁴ nca³ Cristo tsa³cˀe²jna³ cˀen³ ya⁴tˀa³ cro², cˀoa⁴-ti⁴ an³ to⁴jo³ cˀoa⁴-sˀin² tsa³ca²te⁴jna³ cˀen³, to⁴nca³ ti²jna⁴coan³, li²coi³ ti⁴ˀan³-nia³, to⁴nca³ Cristo ti¹jna³con³ ja⁴jin³ ni⁴ma⁴-na⁴. Je² cjoa⁴vi³jna³chon³ xi³ ntˀai⁴-vi⁴ ti²jna⁴con³-nia³ yao³-na⁴, ti²jna⁴coan³ nca⁴ ma³cjain¹-na³ tˀa³tsˀe⁴ je² ˀnti¹-le⁴ Ni³na¹, xi³ coan³tsjoa³que³-na³, xi³ qui³tsjoa³ntjai² yao³-le⁴ xi³ tˀa³tsˀan⁴.

1 Tesalonicenses 1:9

Ti⁴je²ni³ cho⁴ta⁴ vˀe¹ na⁴jmi¹ jo³-sˀin² qui³chjoe¹tjao²-na³jin⁴, jo³-sˀin² qui³ni²cˀo¹fa³ya³tˀa³-lao⁴³ Ni³na¹ nca³ qui³njion²³ xco¹son², jme¹-ni³ nca³ cji³ma³chjen¹-si¹ni³lao⁴³ Ni³na¹ xi³ ti¹jna³con³, xi³ ña³qui³ Ni³na¹.

Hebreos 9:14

je² njin¹-le⁴ Cristo a³li² to⁴cˀoa⁴cji³ nqui²sa⁴ nta³ si¹tsje³-ni³ cjoa⁴fa³ˀai³tsjen³-no³ xa¹ xi³ chˀao³ tjin¹, jme¹-ni³ nca³ si⁴xa¹-si¹ni³lao⁴³ je² Ni³na¹ xi³ ti¹jna³con³. Cristo ti⁴je² qui³tsjoa³tˀa³-ni³le⁴ Ni³na¹ yao³-le⁴ nca³ ña³qui³ tsje³, xi³ to⁴tˀa³tsˀe⁴ espíritu xi³ ti⁴tsˀe⁴-ni³ xi³ nca³ntsjai².

1 Juan 4:9

Cˀoa⁴-sˀin² coan³cho⁴ya³-le⁴ ni⁴ma⁴-na¹ jo³-sˀin² nca³ Ni³na¹ tjao²que³-na¹, nca⁴ qui³si³ca³sen¹ i⁴ son³ˀnte³-vi⁴ je² ˀnti¹-le⁴ xi³ to⁴jnco³ ma³-ni³, jme¹-ni³ nca³ coi⁴yo³chon³-si¹nia¹ xi³ to⁴tˀa³tsˀe⁴.