San Juan 6:44 - New Testament in Mazatec Huautla

⁴⁴ Ni⁴ˀya³-jin² xi³ coan⁴ nca³ cjoa⁴ˀai¹con³-na³, tsa² je² Nˀai³-na¹ xi³ qui³si³ca³sen¹-na³ li²coi³ cjoa⁴ˀai¹cao⁴. An³ si³cja³ˀa¹ya³-ni³le⁴ nca³ coi⁴cho³cje³tˀa³ ni⁴čhjin³.

San Juan 6:44 ပူးပေါင်းရင်းမြစ်များ

San Mateo 12:34

Cho⁴ta⁴ xi³ ye⁴ cjoaon³, jo¹-sˀin² coan⁴-no³ coi⁴no²cjoao⁴³ cjoa⁴nta³, nca³ tsˀaon⁴³. Nca⁴ je² xi³ nˀion¹ tjin¹-le⁴ ni⁴ma⁴-na¹, coi³ xi³ nchja⁴-ni³ ntso⁴ˀva³².

San Mateo 16:17

Cˀia⁴ qui³nchja⁴ Jesús: Jo¹ to⁴nta³-li² nca³ ji³, Simón, ˀnti¹-le⁴ Jonás, nca³ tsi² tsa² cho⁴ta⁴son³ˀnte³ xi³ tsa³ca³co¹son²tsen³-li², to⁴je² Nˀai³-na⁴ xi³ ti¹jna³ ncˀa³jmi³.

San Juan 12:32

An³ tsa² tjo¹mi³tjen⁴tˀa³-nia³ na³nqui³, cjoa⁴ˀai¹tˀa³tsˀi³-na³.

San Juan 5:44

Jo¹sˀin² coan⁴cjain¹-no³ nca³ jon² xi³ chjoao¹³ cjoa⁴je³ya³ xi³ cho⁴ta⁴ tsjoa¹-le⁴ xi¹ncjin¹, cˀoa⁴ li²coi³ fa³sjao³ je² cjoa⁴je³ya³ xi³ to⁴jnco³ je² Ni³na¹ tsjoa¹.

San Juan 6:43

Cˀia⁴ Jesús cˀoi⁴qui³tso²-le⁴: A³li² cˀoa⁴-jin²sˀin² cho⁴va²ya³-nio³ xi²nquio⁴³.

San Juan 6:45

Je² xi³ qui³nchja⁴ya³ tˀa³tsˀe⁴ Ni³na¹, cˀoa⁴-sˀin² qui³squi³: Ni³na¹ coa⁴co²ya³-le⁴ nca³tsˀi³. Cˀoa⁴-sˀin²ˀni³ je² nca³tsˀi³ xi³ qui³nčhˀoe¹-le⁴ Nˀai³-na¹, xi³ coan³cho⁴ya³-le⁴, an³ fa³ˀai³con²-na³.

San Juan 6:65

Cˀoi⁴qui³tso² Jesús: Coi³ cˀoa⁴qui³xin³-no³, ni⁴ˀya³-jin² xi³ coan⁴ cjoa⁴ˀai¹con³-na³ tsa² tsi² je² Nˀai³-na¹ xi³ qui³si³ca³sen¹con³-na³.

San Juan 8:43

A¹-ni³ nca³ tsi² tsa² ma³cho⁴ya³-si¹ni³no³ en¹-na⁴. Coi³ nca³ li²coi³ ma³-no³ no²ˀyao²³ en¹-na⁴.

Filipenses 1:29

Jon² tsa³cˀai²-no³ xi³ to⁴tˀa³tsˀe⁴ Cristo, a³li² tsa² to⁴coi³ cjoan² nca³ ma³cjain¹-no³, to⁴nca³ cˀoa⁴-ti⁴ coan⁴-no³ je¹ntjai²-le⁴ xi³ tsˀe⁴.

Colosenses 2:12

To⁴jnco³ qui³sˀe³ñao³ cao⁴ Cristo, nca³ qui³sa³te²ntao¹³. Cˀoa⁴-ti⁴sˀin² ja³ˀa³ya²-ni³no³ cao⁴ je² nca³ coan³cjain¹-no³ tˀa³tsˀe⁴ nca³nˀion¹-le⁴ Ni³na¹ xi³ qui³sco²mi³tjen⁴jin³-le⁴ cˀen³ Cristo.