San Juan 5:46 - New Testament in Mazatec Huautla

⁴⁶ Cˀia⁴ tsa² jon² coan³cjain¹-no³ jo³ qui³tso² Moisés, coan⁴cjain¹-no³ xi³ tˀa³tsˀan⁴ tsa²cai³-ni³, nca⁴ je² xi³ qui³-squi³ xi³ tˀa³tsˀan⁴.

San Juan 5:46 ပူးပေါင်းရင်းမြစ်များ

San Lucas 24:27

Cˀia⁴ Jesús tsa³cˀe¹tsˀia⁴cao⁴ nca³ qui³tso²ya³tsen³-le⁴ nca³yi³je³ xi³ tji¹tˀa³ xon⁴ Escrituras xi³ tˀa³tsˀe⁴, sa³ˀnta³ xi³ tsˀe⁴ Moisés cao⁴ nca³tsˀi³ cho⁴ta⁴ xi³ qui³nchja⁴ya³ tˀa³tsˀe⁴ Ni³na¹.

San Juan 1:45

Felipe qui³sa³te³jin³ Natanael, cˀoa⁴qui³tso²-le⁴: Je³coan³sjai³-na³jin⁴ Jesús, ˀnti¹-le⁴ José, xi³ ya⁴ Nazaret tsˀe⁴, jo³ tso² cjoa⁴te¹xo³ma³ xi³ tsa³ca¹jna³ Moisés cao⁴ cho⁴ta⁴ xi³ qui³nchja⁴ya³ tˀa³tsˀe⁴ Ni³na¹.

San Juan 5:47

Tsa² tsi² tsa² ma³cjain¹-no³ jo³ tso² xon⁴-le⁴ Moisés, jo¹-sˀin²ni³ coan⁴cjain¹-no³ en¹-na⁴.

Hechos de los Apóstoles 26:22

To⁴nca³ Ni³na¹ tsa³ca³sen¹cao⁴-na³. To⁴jo³ cˀoa⁴ti²sˀian³ sa³ˀnta³ ntˀai⁴-vi⁴. Cˀoa⁴-sˀin² ti²tsjoa³-le⁴ en¹-na⁴, nta³ tsa³ cho⁴ta⁴ xi³ tjen⁴nqui³, nta³ tsa² cho⁴ta⁴ti¹tjon². A³li²jme³-sa³ xi³ cja⁴ˀai¹ xi³ xian³, to⁴je² nca³yi³je³ cjoa⁴ xi³ je² cho⁴ta⁴ xi³ qui³nchja⁴ya³ tˀa³tsˀe⁴ Ni³na¹ cao⁴ Moisés cˀoa⁴qui³tso² nca³ cˀoa⁴coan⁴.

Romanos 10:4

Cristo qui³si³cje³tˀa³ cjoa⁴te¹xo³ma³-ve⁴, jme¹-ni³ nca³ sˀe⁴-si¹ni³le⁴ cjoa⁴qui²xi⁴ nca³tsˀi³ xi³ ma³cjain¹-le⁴.

Gálatas 2:19

An³ ti²jna⁴cˀen³ xi³ to⁴tˀa³tsˀe⁴ cjoa⁴te¹xo³ma³. Je³ti²jna⁴cˀen³ xi³ tˀa³tsˀe⁴ cjoa⁴te¹xo³ma³, jme¹-ni³ nca³ coa²te⁴jna³con³-si¹nia³ xi³ tˀa³tsˀe⁴ Ni³na¹.

Gálatas 3:10

Je² nca³tsˀi³ xi³ ma³cjain¹-le⁴ nca³ ma³chjen¹ nca³ cˀoa⁴sˀin¹ jo³ tso² cjoa⁴te¹xo³ma³, to⁴cˀoa⁴-sˀin² ti¹jna³ne²-le⁴ cjoa⁴ñˀain³. Nca⁴ tji¹tˀa³: Ca²ta³vˀe²jna³ne²-le⁴ cjoa⁴ñˀain³ nca³tsˀi³ xi³ tsi² vˀe¹jin³con³ntsjai² nca³yi³je³ cjoa⁴ xi³ tjio¹tˀa³ je² xon⁴ xi³ tsˀe⁴ cjoa⁴te¹xo³ma³, nca³ cˀoa⁴-sˀin² si⁴²tjo³son².

Gálatas 3:13

Je² Cristo tsa³cˀe¹chji¹ntjai²-na³jin⁴ tˀa³tsˀe⁴ cjoa⁴ñˀain³-le⁴ cjoa⁴te¹xo³ma³, nca³ je² tsa³cˀe²jna³ne²-le⁴ cjoa⁴ñˀain³-na⁴jin⁴. Nca⁴ tji¹tˀa³: Ña³qui³ cjoa⁴ñˀain³ ti¹jna³ne²-le⁴ to⁴ˀya³-ni³ xi³ ya⁴ tsjen³tjen⁴vˀa³nqui³tˀa³ ya¹.

Gálatas 3:24

Cˀoa⁴-sˀin² cjoa⁴te¹xo³ma³ jo³-ni³ tsa² cho⁴ˀnta³ coan³, xi³ qui³sca³ni¹tˀa³-na¹ ya⁴ Cristo, jme¹-ni³ nca³ cjoe⁴tˀa³-si¹ni³ je¹-na¹ xi³ to⁴tˀa³tsˀe⁴ nca³ ma³cjain¹-na¹.