San Juan 5:23 - New Testament in Mazatec Huautla

²³ jme¹-ni³ nca³ cˀoa⁴sˀin² nca³tsˀi³ scoe⁴xcon¹-si¹ni³ ˀnti¹-le⁴ jo³sˀin² ve³xcon¹ Nˀai³-na¹. Je² xi³ tsi² ve³xcon¹ ˀnti¹-le⁴, cˀoa⁴-ti⁴ tsi² ve³xcon¹ Nˀai³-na¹ xi³ qui³si³ca³sen¹ ˀnti¹-le⁴.

San Juan 5:23 ပူးပေါင်းရင်းမြစ်များ

San Mateo 10:37

Je² xi³ nqui²sa⁴ tsjoa³que³ nˀai³-le⁴ cao⁴ na⁴-le⁴ cao⁴-ni³ tsa² an³, li²coi³ va³quin²-le⁴ nca³ je² xi³ tsˀan⁴. Cˀoa⁴ je² xi³ nqui²sa⁴ tsjoa³que³ ˀnti¹-le⁴ a³xo⁴ tso²ti³-le⁴ cao⁴-ni³ tsa² an³, li²coi³ va³quin²-le⁴ nca³ je² xi³ tsˀan⁴.

San Mateo 11:27

Nca³yi³je³ cjoa⁴ an³ qui³tsjoa³-na³ Nˀai³-na⁴. To⁴je² xi³ Nˀai³ xi³ ve³ jo³ cjoan³ xi³ ˀnti¹, ni⁴ˀya³-jin²sa³ xi³ ve³. To⁴je² xi³ ˀnti¹ xi³ ve³ jo³ cjoan³ xi³ Nˀai³, cˀoa⁴ cao⁴ je² xi³ je² ˀnti¹ me³-le⁴ nca³ coa⁴co²son²tsen³-le⁴.

San Mateo 12:21

Cˀoa⁴ xi³ tˀa³tsˀe⁴ jan³ˀain¹-le⁴ sˀe⁴-le⁴ cjoa⁴cho⁴ya³cao⁴cjoa⁴ cho⁴ta⁴ xi³ li² judío-jin².

San Mateo 15:8

Je² na⁴xi⁴na³nta¹ cao⁴ en¹-le⁴ ve³xcon¹-na³, to⁴nca³ ni⁴ma⁴-le⁴ xin² tjio¹-na³.

San Mateo 28:19

Ta⁴nquion¹³, ti⁴ncha³ˀao³ nca³tsˀi³ na⁴xi⁴na³nta¹, ti⁴qui³njaon³ cho⁴ta⁴ tˀa³tsˀan⁴, ta⁴te²ntao¹³ cao⁴ jan³ˀain¹-le⁴ Nˀai³, cao⁴ tsˀe⁴ ˀnti¹, cˀoa⁴ cao⁴ tsˀe⁴ Espíritu Santo.

San Lucas 10:16

Je² xi³ nčhˀoe¹-no³ an³ xi³ nčhˀoe¹-na³, cˀoa⁴ je² xi³ jon² vˀa³sje³xin²-no³ an³ xi³ vˀa³sje³xin²-na³. Je² xi³ vˀa³sje³xin²-na³ nca³ an³, vˀa³sje³xin² je² xi³ qui³si³ca³sen¹-na³.

San Juan 14:1

A³li² aon³-jin² ma³-le⁴ ni⁴ma⁴-no³. Ma³cjain¹-no³ xi³ tˀa³tsˀe⁴ Ni³na¹, cˀoa⁴-ti⁴ ca²ta³ma³cjain¹-no³ xi³ tˀa³tsˀan⁴.

San Juan 16:14

Je² xi³ cˀoa⁴sje³je³ya³-na³, nca⁴ scoe¹ xi³ tsˀan⁴, cˀoa⁴ si⁴²cji³nčhˀoe¹-no³.

San Juan 17:10

Je² nca³tsˀi³ xi³ tsˀan⁴, tsi⁴ ni¹³. Cˀoa⁴ je² xi³ tsi⁴, tsˀan⁴ nia¹³. Ji²tjo⁴je³ya³-nia¹³ xi³ to⁴tˀa³tsˀe⁴.

Romanos 1:7

Ti²cji³-no³ nca³tsˀio³ xi³ ti³yo³ ya⁴ Roma, xi³ tsjoa³que³-no³ Ni³na¹, xi³ qui³no²cjoa⁴-no³ nca³ cho⁴ta⁴-le⁴ Cristo coaon⁴³. Ni³na¹ Nˀai³-na¹ cao⁴ Nai³-na¹ Jesucristo ca²ta³tsjoa¹-no³ cjoa⁴nta³, ca²ta³si¹qui³njen³nchˀan¹jin³ ni⁴ma⁴-no³.

Romanos 15:12

Cˀoa⁴ nqui²jnco³cˀa² tso² Isaías: Jtsˀen¹-le⁴ Isaí cjoi⁴nčhoa³-ni¹, cˀoa⁴ je² xi³ coi⁴so¹tjen⁴ nca³ coa⁴te²xo³ma³-le⁴ cho⁴ta⁴ xi³ li² judío-jin². Je² cho⁴ta⁴ xi³ li² judío-jin² sco¹ya³cao⁴cjoa⁴-le⁴ nca³ je².

Romanos 6:22

To⁴nca³ ntˀai⁴-vi⁴ntai⁴ nca³ je³ji²tjo⁴ntai¹-lao⁴³ je¹, cˀoa⁴ cho⁴ˀnta³-le⁴ Ni³na¹ coaon³, cˀoa⁴-sˀin² cji³ma³jcha¹jin³-no³ xi³ coan⁴tsje³jin³-ni³no³. Cˀoa⁴ xi³ cjoe⁴tˀa³-ni³ je²-vi⁴ cjoa⁴vi³jna³chon³ nca³ntsjai² ni¹.

Romanos 8:9

To⁴nca³ jon² li²coi³ yao³-no³ ti³yo³-nio³, to⁴nca³ Espíritu Santo ti³yo³-nio³, tsa² cjoa⁴qui²xi⁴ nca³ je² Espíritu Santo xi³ tsˀe⁴ Ni³na¹ ti¹jna³jin³ ni⁴ma⁴-no³. To⁴nca³ tsa² jnco³ xi³ tsin²-le⁴ je² Espíritu xi³ tsˀe⁴ Cristo, a³li² tsˀe⁴ Cristojin²ˀni³.

1 Corintios 1:3

Ca²ta³tsjoa¹-no³ cjoa⁴nta³, ca²ta³si¹qui³njen³nchˀan¹jin³ ni⁴ma⁴-no³ Ni³na¹ je² Nˀai³-na¹ cao⁴ Nai³-na¹ Jesucristo.

1 Corintios 10:31

Tsa² vi³cho³, cˀoa⁴ tsa² ˀyo²³, tsa² to⁴jme³-ni³ve⁴ xi³ nˀiaon²³, cˀoa⁴tˀiaon⁴³ nca³yi³je³ xi³ tˀa³tsˀe⁴ cjoa⁴je³ya³-le⁴ Ni³na¹.

1 Corintios 16:22

Tsa² jnco³ xi³ tsi² tsjoa³que³ Nai³-na¹ Jesucristo, nai⁴² ca²ta³fi²cao⁴. Nai³-na¹ cjoa⁴ˀai¹.

1 Corintios 6:19

A³xo⁴ tsi² tsa² ˀyao³ nca³ je² yao³-no³ ntˀia³-le⁴ Espíritu Santo ni¹, je² xi³ ti¹jna³jin³-no³ nca³ jon², jña³-le⁴ xi³ tsˀe⁴ Ni³na¹ tjin¹-ni³no³, cˀoa⁴ nca³ tsi² ti⁴tsaon⁴³-nio³ nca³ jon².

2 Corintios 1:9

Cˀoa⁴-sˀin² coan³-na³jin⁴ jo³-ni³ tsa² xi³ cjoa⁴vi³ya³ qui³sˀe³ne²-le⁴, jme¹-ni³ nca³ tsi² nta³ ˀya³ta³con²-si¹ni³jin⁴ yao³-na⁴jin⁴ xi³ ti⁴jin⁴-ni³jin⁴, to⁴nca³ Ni³na¹ xi³ nta³ ˀya³ta³coin²⁴-jin⁴, xi³ si¹cja³ˀa¹ya³-le⁴ xi³ cˀen³.

2 Corintios 13:14

Je² cjoa⁴nta³-le⁴ Nai³-na¹ Jesucristo, cˀoa⁴ je² cjoa⁴tjao²cha³-le⁴ Ni³na¹ cˀoa⁴-sˀin² ca²tˀe²yo³jin³-no³ nca³tsˀio³ cjoa⁴-vi⁴, cˀoa⁴ nca³ ña³tjen⁴ coi⁴yo³cao⁴³ Espíritu Santo. Cˀoa⁴ ca²ta³ma³.

2 Corintios 5:14

Je² cjoa⁴tjao²cha³-le⁴ Cristo cjoa⁴nˀion¹ sˀin¹-na³jin⁴, nca³ je³qui³ni²cja³ˀai³tsjain³-jin⁴ je²-vi⁴, nca³ jnco³ xi³ cˀen³ xi³ tˀa³tsˀe⁴ nca³tsˀi³, coi³ tjio¹cˀen³-ni³ nca³tsˀi³.

2 Corintios 5:19

Coi³ je²-vi⁴ nca³ Ni³na¹ tsa³cˀe²jna³cao⁴ Cristo, nca³ qui³si³cjao²nta³-ni³ son³ˀnte³ xi³ ti⁴tˀa³tsˀe⁴-ni³. Li²coi³ ya⁴ qui³si³cˀa³ je¹-le⁴, cˀoa⁴ tsa³cˀe¹jna³tˀain³-na³jin⁴ je² en¹ xi³ ni²cjao²nta³-ni³jin⁴.

Efesios 6:24

Cjoa⁴nta³ ca²ta³sˀe³-le⁴ nca³tsˀi³ xi³ tsjoa³que³ Nai³-na¹ Jesucristo cao⁴ cjoa⁴tjao²cha³ xi³ ni⁴cˀia³-jin² cjoe⁴. Cˀoa⁴ ca²ta³ma³.

2 Timoteo 1:12

Coi³ cjoa⁴ cˀoi⁴-sˀin² ti²fa³ˀa³-nia³ cjoa⁴ñˀain³-vi⁴, to⁴nca³ li²coi³ ma³soa³-na³ nca³ ˀve³-nia¹³ Cristo xi³ je³coan³cjain¹-na³ tˀa³tsˀe⁴. Ña³qui³ tjin¹jin³-na³ nca³ to⁴je²-sa³ xi³ tjin¹-le⁴ nca³nˀion¹ nca³ cˀoe⁴²tjao² xi³ an³ qui³sca³ni²-le⁴ sa³ˀnta³ cˀia⁴ ni⁴čhjin³-ve⁴.

Hebreos 1:6

Cˀia⁴ nca³ va³sen¹va³sen³ je² ˀnti¹tjon² i⁴ son³ˀnte³, nqui²jnco³cˀa² tso²: Nca³tsˀi³ a²ncje⁴-le⁴ Ni³na¹, ca²ta³ve³xcon¹ nca³ je².

2 Pedro 1:1

An³ nia¹³ Simón Pedro, cho⁴ˀnta³-le⁴ cˀoa⁴ pa²stro⁴-le⁴ Jesucristo. Ti²cji³-no³ jon² xi³ to⁴nco¹son² ma³cjain¹-no³ jo³-sˀin² ma³cjain¹-na³jin⁴ nca³ jin⁴-jin⁴. Xi³ ma³cjain¹-na¹ nˀion¹ chji¹-le⁴. Cˀoa⁴-sˀin² qui³tsˀai²-na¹ xi³ to⁴tˀa³tsˀe⁴ cjoa⁴qui²xi⁴-le⁴ Jesucristo xi³ Ni³na¹-na¹ cˀoa⁴ xi³ tsa³cˀa³sje³ntjai²-na¹.

2 Pedro 3:18

Ca²ta³ma³jcha¹jin³-no³ cjoa⁴nta³-le⁴ cˀoa⁴ cjoa⁴fa³ˀai³tsjen³-le⁴ Nai³-na¹ Jesucristo xi³ tsa³cˀa³sje³ntjai²-na¹. Je² ca²ta³vi³tjo³je³ya³ ntˀai⁴-vi⁴, cˀoa⁴ sa³ˀnta³ nca³ ni⁴čhjin³ xi³ tsi² cjoe⁴tˀa³. Cˀoa⁴ ca²ta³ma³.

1 Juan 2:23

To⁴ˀya³-ni³ve⁴ xi³ tso² nca³ Jesús li²coi³ ˀnti¹-le⁴ Ni³na¹, je²-vi⁴ cˀoa⁴-ti⁴ tsin²-le⁴ Nˀai³-na¹. To⁴ˀya³-ni³ve⁴ xi³ vˀe¹tsen³ en¹ nca³ Jesús ˀnti¹-le⁴ Ni³na¹, je²-vi⁴ cˀoa⁴-ti⁴ tjin¹-le⁴ Nˀai³-na¹.

2 Juan 1:9

To⁴ˀya³-ni³ xi³ fa³ˀa³ntjai²-le⁴, cˀoa⁴ xi³ li²coi³ vˀe¹yo³jin³con³ cjoa⁴fa³ˀai³tsjen³-le⁴ Cristo, li²coi³ tjin¹-le⁴ Ni³na¹. Cˀoa⁴ je² xi³ vˀe¹yo³jin³con³ cjoa⁴fa³ˀai³tsjen³-le⁴ Cristo, tjin¹-le⁴ Nˀai³-na¹ cao⁴ ˀnti¹-le⁴.