San Juan 5:19 - New Testament in Mazatec Huautla

¹⁹ Cˀia⁴ Jesús cˀoi⁴qui³tso²-le⁴: Ña³qui³ cjoa⁴qui²xi⁴ ña³qui³ cjoa⁴qui²xi⁴ xi³ xin³-no³: Li²jme³ xi³ ma³ sˀin¹ ˀnti¹ nca³ to⁴je²-ni¹, to⁴coi³ xi³ je² ve³ jo³ sˀin¹ Nˀai³-na¹. Je² nca³yi³je³ xi³ sˀin¹ Nˀai³-na¹, cˀoa⁴-ti⁴ sˀin¹ ˀnti¹-le⁴.

San Juan 5:19 ပူးပေါင်းရင်းမြစ်များ

San Mateo 26:39

Jesús qui³ti¹tjon² i⁴tse¹-sa³ tsa³ca²jna³tsa³cjan² tˀa³na³nqui³, tsa³cˀe¹tsˀoa³ qui³tso²: Nˀai³-na⁴, tsa² coan⁴-ni³ cha³ˀa²xin²-nai¹³ je² cjoa⁴ñˀain³-vi⁴, to⁴nca³ li²coi³ jo³-sˀin² nca³ me³-na³, to⁴jo³-sˀin² nca³ me³-li² nca³ ji³.

San Lucas 21:15

Nca⁴ an³ tsjoa³-no³ en¹ cao⁴ cjoa⁴ncjin²to³con² xi³ tsi² tsa² coi³ coan⁴-le⁴ cˀoe⁴²tˀa³-no³, ni⁴cˀoe⁴²cjao²ˀa²cao⁴-jin²no³ nca³tsˀi³ xi³ co²ntran⁴ coai⁴-no³.

San Juan 10:18

Ni⁴to⁴ˀya³-jin² xi³ cjoa⁴ˀa²xin²-na³ ni⁴ma⁴-na⁴, to⁴ˀan³ cˀoa⁴-sˀin² tsjoa³ntje²³ ni⁴ma⁴-na⁴. Tjin¹-na³ ˀnte³ nca³ cˀoa⁴sˀian³, cˀoa⁴ tjin¹-na³ ˀnte³ nca³ nqui²ntia³ scoe¹-nia³ ni⁴ma⁴-na⁴. Coi³ cjoa⁴te¹xo³ma³ xi³ tsa³cˀe¹ne²-na³ Nˀai³-na⁴.

San Juan 12:49

A³li² to⁴ˀan³ xi³ cˀoa⁴-sˀin² qui³nchja²³, to⁴nca³ je² Nˀai³-na¹ xi³ qui³si³ca³sen¹-na³, je² tsa³ca³te¹xo³ma³-na³ jña³-le⁴ xi³ xian¹³, cˀoa⁴ jña³-le⁴ xi³ coi³nchja²³.

San Juan 12:50

ˀve³-nia¹³ nca³ je² cjoa⁴te¹xo³ma³-le⁴ je² xi³ tsjoa¹ cjoa⁴vi³jna³chon³ nca³ntsjai². Je² en¹ xi³ nchja²³, cˀoa⁴-sˀin² nchja²³ jo³-sˀin² qui³tso²-na³ Nˀai³-na¹.

San Juan 14:10

A³ tsi² ma³cjain¹-li² nca³ an³ ti²jna⁴coa⁴ Nˀai³-na¹, cˀoa⁴ je² Nˀai³-na¹ ti¹jna³cao⁴-na³. Je² en¹ xi³ an³ fa²cao⁴-no³, a³li² to⁴ˀan³ xi³ cˀoa⁴-sˀin² nchja²³, to⁴nca³ je² Nˀai³-na¹ xi³ ti¹jna³cao⁴-na³, je² xi³ cˀoa⁴sˀin¹ je² xa¹-vi⁴.

San Juan 2:19

Cˀia⁴ Jesús qui³tso²-le⁴: Ti⁴qui³xo¹yao³ je² yo⁴nco⁴-vi⁴, to⁴jan² ni⁴čhjin³ cˀoe³nta³-nia³.

San Juan 3:3

Cˀia⁴ Jesús cˀoi⁴qui³tso²: Ña³qui³ cjoa⁴qui²xi⁴ ña³qui³ cjoa⁴qui²xi⁴ xi³ xin³-le²³, je² xi³ tsi² jtsin¹ nqui²jnco³ cˀa², li²coi³ coan⁴ scoe⁴ cjoa⁴te¹xo³ma³-le⁴ Ni³na¹.

San Juan 5:21

Jo³sˀin² je² Nˀai³-na¹ cjo³mi³tjen⁴ cˀen³, tsjoa¹-le⁴ cjoa⁴vi³jna³chon³, cˀoa⁴-ti⁴sˀin²ni³ ˀnti¹-le⁴ tsjoa¹-le⁴ cjoa⁴vi³jna³chon³ ˀya³ xi³ me³-le⁴.

San Juan 6:38

Li²coi³ ji²tjo⁴jen³-nia³ ncˀa³jmi³, jme¹-ni³ nca³ cˀoa⁴sˀin³-si¹nia³ jo³-sˀin² me³-na³ nca³ an³, to⁴nca³ jo³-sˀin² nca³ me³-le⁴ je² Nˀai³-na¹ xi³ qui³si³ca³sen¹-na³.

San Juan 8:28

Cˀia⁴ Jesús cˀoi⁴qui³tso²-le⁴: Cˀia⁴ nca³ cho¹mi³tjaon⁴³ ˀnti¹-le⁴ cho⁴ta⁴, cˀia⁴² coan⁴cho⁴ya³-no³ nca³ an³ nia¹³ ˀnti¹-le⁴ cho⁴ta⁴. Ni⁴jme³-jin² xi³ sˀian³ nca³ to⁴ˀan³-nia¹³. Jo³-sˀin² qui³tso²ya³-na³ Nˀai³-na¹, cˀoa⁴-sˀin² nchja²³.

San Juan 9:4

Cjai¹nca³ to⁴ma³chjen¹-na³ nca³ si³qui³tjo³soan²³ xa¹ xi³ tsˀe⁴ je² xi³ qui³si³ca³sen¹-na³, ntˀai⁴ ti⁴ˀa³-ni³ nca³ cje³ ma³njion²-jin². Nčhoa¹ ma³njion² cˀia⁴ nca³ li²ˀya³ xi³ ti⁴coan⁴ si⁴²xa¹-ni³.

Hechos de los Apóstoles 2:24

Je² Jesús Ni³na¹ qui³sco²mi³tjen⁴, tsa³cja³ˀa¹xin²-le⁴ je² cjoa⁴ñˀain³ xi³ tsˀe⁴ cjoa⁴vi³ya³. Li²coi³ coan³ nca³ ntia³ qui³sˀe³jna³nˀion¹ cjoa⁴vi³ya³ Jesús.

Romanos 6:4

To⁴jnco³ qui³sˀe³ñai³-nia¹ cao⁴ je² nca³ cˀoa⁴-sˀin² qui³sa³te³nta¹tˀa³² cjoa⁴vi³ya³-le⁴, jme¹-ni³ nca³ cˀoa⁴-ti⁴sˀin²ni³ ña¹-vi⁴ coi⁴tso⁴ma²coa⁴² cjoa⁴vi³jna³chon³, jo³-sˀin² nca³ Cristo ja³ˀa²ya³jin³-ni³le⁴ cˀen³ xi³ to⁴tˀa³tsˀe⁴ cjoa⁴je³ya³-le⁴ Nˀai³-na¹.

Romanos 8:11

Cˀoa⁴ tsa² je² Espíritu Santo xi³ tsˀe⁴ Ni³na¹ xi³ qui³si³cja³ˀa¹ya³jin³-ni³le⁴ cˀen³ Cristo, tsa² coi³ Espíritu ti¹jna³jin³ ni⁴ma⁴-no³, je² xi³ qui³si³cja³ˀa¹ya³jin³-ni³le⁴ cˀen³ Cristo Jesús, cˀoa⁴-ti⁴ tsjoa¹-le⁴ cjoa⁴vi³jna³chon³ yao³-no³ xi³ vi³ya³, xi³ to⁴tˀa³tsˀe⁴ je² Espíritu Santo-le⁴ xi³ ti¹jna³jin³ ni⁴ma⁴-no³.

1 Corintios 15:12

To⁴nca³ tsa² Cristo cˀoa⁴-sˀin² no²cjoa⁴ya³-ni³ nca³ qui³ni²cja³ˀa¹ya²jin³-ni³le⁴ je² xi³ cˀen³, a³ coan⁴ cˀa³-le⁴ nca³ jon² nca³ cˀoi⁴coi⁴tso⁴ nca³ tsin² cjoa⁴fa³ˀa¹ya³ xi³ tsˀe⁴ cˀen³.

2 Corintios 4:14

ˀya³qui²xi⁴-ni¹⁴jin⁴ nca³ je² xi³ qui³si³cja³ˀa¹ya³-le⁴ Nai³-na¹ Jesús, cˀoa⁴-ti⁴ jin⁴-jin⁴ si⁴²cja³ˀa¹ya³-na³jin⁴ cao⁴ Jesús, cˀoa⁴ si⁴²ca³tio¹va³sen³-na³jin⁴ cao⁴ jon².

2 Corintios 5:10

Cjoa⁴nˀion¹ coi⁴yoa³² nca³tsˀia³² nqui³xcon⁴ cjoa⁴te¹xo³ma³-le⁴ Cristo, jme¹-ni³ nca³ jnco¹jnco¹ cˀoai⁴-si¹ni³na¹ jo³-sˀin² qui³nˀian³² cao⁴ yao³-na¹, tsa² nta³ tjin¹ a³xo⁴ tsa² chˀao³ tjin¹.

Efesios 2:5

Nta³ tsa² ña¹ xi³ jo³-ni³ tsa² xi³ ti³yo³cˀen³² xi³ to⁴tˀa³tsˀe⁴ cjoa⁴tsˀen⁴-na¹, to⁴jnco³ cao⁴ Cristo qui³si³cˀe¹yo³con³-na¹. To⁴tˀa³tsˀe⁴ cjoa⁴nta³-le⁴ ji²tjo⁴ntjai²-nio³.

Efesios 3:16

Cˀoa⁴-sˀin² to⁴tˀa³tsˀe⁴ je² Espíritu Santo-le⁴ ca²ta³tsjoa¹jin³ ni⁴ma⁴-no³ xi³ tse³ nca³nˀion¹, jo³-sˀin² nca³ nˀion¹ tse³ cjoa⁴je³ya³-le⁴.

Filipenses 3:21

Je² ni¹ xi³ si⁴²cˀa³ntjai²ya³ yao³yo⁴ma⁴-na¹, jme¹-ni³ nca³ coan⁴nco¹son²-si¹nia³² jo³-sˀin² tsen³ya² cji³ yao³-le⁴ nca³ je². Ti⁴coi³ nca³nˀion¹-le⁴ si⁴²chjen¹-ni³ jo³-sˀin² si¹chjen¹ nca³ va³te¹xo³ma³ nca³yi³je³.

Filipenses 4:13

Nca³yi³je³ coan⁴-na³ nca⁴ ti²jna⁴coa⁴ Cristo xi³ tsjoa¹-na³ nca³nˀion¹.

Colosenses 1:11

Ña³qui³ tse³ nca³nˀion¹ ca²ta³sˀe³-no³, jo³-sˀin² nca³nˀion¹-le⁴ cjoa⁴je³ya³-le⁴ Ni³na¹, jme¹-ni³ nca³ tse³ jcho¹cjoa⁴-si¹ni³no³, cˀoa⁴ jme¹-ni³ nca³ sˀe⁴-ni³no³ cjoa⁴tse³ta³con².

Colosenses 1:16

Je² tsa³cˀe¹nta³ nca³yi³je³ xi³ tjin¹ ncˀa³jmi³, cao⁴ xi³ tjin¹ i⁴ son³ˀnte³, cao⁴ xi³ ma³tsen³, cˀoa⁴ cao⁴ xi³ tsi² ma³tsen³, tsa² nca³jco⁴-le⁴, tsa² xi³ va³te¹xo³ma³, tsa² xi³ tjio¹ ti¹tjon², tsa² xi³ xa¹ tjin¹-le⁴. Ña³qui³ je² tsa³cˀe¹nta³ nca³yi³je³, cˀoa⁴-ti⁴ nca³yi³je³ qui³sˀe³nta³ xi³ tˀa³tsˀe⁴.

1 Tesalonicenses 4:14

Cˀia⁴ tsa² ma³cjain¹-na¹ nca³ Jesús cˀen³, cˀoa⁴ ja³ˀa²ya³-ni³le⁴, cˀoa⁴-ti⁴sˀin² ma³cjain¹-na¹ nca³ Ni³na¹ si⁴²cji³nčhoa¹cao⁴ Jesús je² xi³ cjio³fe² nca³ tjio¹cao⁴ Jesús.

1 Pedro 3:18

Cˀoa⁴-ti⁴ to⁴jnco³ cˀa², ntia³ tsa³cja³ˀa¹nˀion¹ cjoa⁴ñˀain³ Cristo xi³ to⁴tˀa³tsˀe⁴ cjoa⁴tsˀen⁴. Je² xi³ tjin¹-le⁴ cjoa⁴qui²xi⁴ tsa³cja³ˀa¹ cjoa⁴ñˀain³ xi³ tˀa³tsˀe⁴ xi³ tsin²-le⁴ cjoa⁴qui²xi⁴, jme¹-ni³ nca³ coai⁴cao⁴-si¹ni³na¹ Ni³na¹. Ña³qui³ cˀen³ jo³ cjoan³ yao³-le⁴, to⁴nca³ qui³ni²cˀe¹jna³con³ jo³ cjoan³ espíritu-le⁴.

Apocalipsis 2:23

Si³cˀen²-nia¹³ ˀnti¹xti³-le⁴ cao⁴ cjoa⁴vi³ya³. Nca³tsˀi³ na⁴xi⁴na³nta¹-le⁴ Cristo scoe⁴ nca³ an³ xi³ va³sjai³jian³ cjoa⁴fa³ˀai³tsjen³-le⁴ cao⁴ ni⁴ma⁴-le⁴. Tsjoa³-le⁴ nca³ jnco¹jnco¹ nca³ jon² jo³-sˀin² xa¹ xi³ qui³nˀiaon²³.