San Juan 4:36 - New Testament in Mazatec Huautla

³⁶ Je² xi³ vˀe¹xco¹ ntje⁴, ma³chji¹-le⁴. Vˀe¹xco¹ ntje⁴ xi³ tˀa³tsˀe⁴ cjoa⁴vi³jna³chon³ nca³ntsjai², jme¹-ni³ nca³ cˀoa⁴-ti⁴ je² xi³ vˀe¹ntje² tjin¹-si¹ni³le⁴ cjoa⁴tsjoa³ cao⁴ je² xi³ vˀe¹xco¹ ntje⁴.

San Juan 4:36 ပူးပေါင်းရင်းမြစ်များ

San Mateo 19:29

To⁴ˀya³-ni³ve⁴ xi³ tˀa³tsˀe⁴ jan³ˀain¹-na⁴ qui³si³cˀe¹jna³ ntˀia³-le⁴, a³xo⁴ ntsˀe⁴, a³xo⁴ nti³chja³, a³xo⁴ nˀai³-le⁴, a³xo⁴ na⁴-le⁴, a³xo⁴ chjon⁴²-le⁴, a³xo⁴ ˀnti¹xti³, a³xo⁴ na³nqui³, nqui²jnco³ ciento cˀoa⁴tjin¹ cˀoai⁴-le⁴, cˀoa⁴ sˀe⁴-le⁴ cjoa⁴tjao² xi³ cjoa⁴vi³jna³chon³ nca³ntsjai².

San Juan 3:36

Je² xi³ ma³cjain¹-le⁴ tˀa³tsˀe⁴ ˀnti¹-le⁴ Ni³na¹, tjin¹-le⁴ cjoa⁴vi³jna³chon³ nca³ntsjai². Je² xi³ tsi² ma³cjain¹-le⁴ tˀa³tsˀe⁴ ˀnti¹-le⁴ Ni³na¹, li²coi³ scoe⁴ cjoa⁴vi³jna³chon³, to⁴nca³ je² cjoa⁴ñˀain³ xi³ Ni³na¹ tsjoa¹-le⁴ ti¹jna³ne²-le⁴.

San Juan 4:14

To⁴nca³ je² xi³ scˀoi¹ je² na³nta¹ xi³ an³ tsjoa³-le⁴, ni⁴cˀia³-jin² ti⁴coan⁴fa³ti²-ni³le⁴. Je² na³nta¹ xi³ an³ tsjoa³-le⁴, to⁴ya⁴² sˀe³jna³jin³-le⁴ jo³-ni³ na³nta¹ xi³ cji²⁴ncˀa³jin³-le⁴, xi³ tsjoa¹ cjoa⁴vi³jna³chon³ nca³ntsjai².

San Juan 5:24

Ña³qui³ cjoa⁴qui²xi⁴ ña³qui³ cjoa⁴qui²xi⁴ xi³ xin³-no³: Je² xi³ nčhˀoe¹ en¹-na⁴, cˀoa⁴ xi³ ma³cjain¹-le⁴ tˀa³tsˀe⁴ je² xi³ qui³si³ca³sen¹-na³, tjin¹-le⁴ cjoa⁴vi³jna³chon³ nca³ntsjai². Li²jme³ cjoa⁴ñˀain³ sˀe⁴-le⁴, to⁴nca³ je³ji³tjo³-ni³ cjoa⁴vi³ya³, je³tjin¹-le⁴ cjoa⁴vi³jna³chon³.

Romanos 1:13

To⁴nca³ me³-na³, ntsˀe³, nca³ jchao⁴³ nca³ ncjin² cˀa³ tsa³ca²te⁴jna³nta³ nca³ cjoi¹con³-no³ (to⁴nca³ sa³ˀnta³ ntˀai⁴-vi⁴ ti¹sˀe³chjoa²-na³), jme¹-ni³ nca³ cˀoa⁴-ti⁴ tjin¹ xi³ si³qui³njen³jin³-si¹ni³no³, jo³-sˀin² nca³ qui³si³qui³njen³jin³-le⁴ xi³cˀa³ cho⁴ta⁴ xi³ li² judío-jin².

Romanos 2:7

Je² cho⁴ta⁴ xi³ va¹sjai³ cjoa⁴je³ya³ cao⁴ cjoa⁴xcon¹ta³con² cao⁴ xi³ ni⁴cˀia³-jin² cjoi⁴tson¹, nca³ tse³jta³ nta³ ncha³ sˀin¹, Ni³na¹ tsjoa¹-le⁴ cjoa⁴vi³jna³chon³ nca³ntsjai².

Romanos 6:22

To⁴nca³ ntˀai⁴-vi⁴ntai⁴ nca³ je³ji²tjo⁴ntai¹-lao⁴³ je¹, cˀoa⁴ cho⁴ˀnta³-le⁴ Ni³na¹ coaon³, cˀoa⁴-sˀin² cji³ma³jcha¹jin³-no³ xi³ coan⁴tsje³jin³-ni³no³. Cˀoa⁴ xi³ cjoe⁴tˀa³-ni³ je²-vi⁴ cjoa⁴vi³jna³chon³ nca³ntsjai² ni¹.

Romanos 6:23

Nca⁴ je² chji¹-le⁴ je¹ cjoa⁴vi³ya³ ni¹, to⁴nca³ je² cjoa⁴tjao²-le⁴ Ni³na¹ cjoa⁴vi³jna³chon³ nca³ntsjai² ni¹, xi³ to⁴tˀa³tsˀe⁴ Cristo Jesús Nai³-na¹.

1 Corintios 9:17

Tsa² cˀoa⁴sˀian³ nca⁴ cˀoa⁴-sˀin² me³-na³, sˀe⁴ chji¹-na⁴, to⁴nca³ tsa² tsi² cˀoa⁴-sˀin² me³-na³, to⁴jo³ cˀoa⁴-sˀin² cjoa⁴nˀion¹ qui³sˀe³ne²-na³ xa¹-ve⁴.

1 Corintios 9:18

Jña¹-le⁴ tso²cˀoa⁴ je² xi³ chji¹-na⁴. Coi³, cˀia⁴ nca³ an³ coi³nchja²ya³ je² en¹nta³ xi³ tˀa³tsˀe⁴ Cristo, cˀoe³jna²cjoa⁴tjoa²³ je² en¹nta³ tˀa³tsˀe⁴ Cristo, jme¹-ni³ nca³ tsi² chˀao³-sˀin² si³chjen¹-si¹nia³ je² ˀnte³ xi³ tjin¹-na³ xi³ tˀa³tsˀe⁴ je² en¹nta³ tˀa³tsˀe⁴ Cristo.

1 Tesalonicenses 2:19

Jme¹-ni³ xi³ ti³cho³ya²-lai⁴jin⁴. Jme¹ cjoa⁴tsjoa³ xi³ sˀe⁴-na³jin⁴. Jme¹ corona xi³ sca⁴ni²ncˀa³-na³jin⁴. A³tsi² tsa² coi³ nca³ jon² xi³ coi⁴nchao³ nqui³xcon⁴ Nai³-na¹ Jesucristo nca³ cjoa⁴ˀai¹-ni³.

1 Timoteo 4:16

Ti⁴coi²ntai⁴ yao³-li⁴, cˀoa⁴ ti⁴coi²ntai⁴ je² xi³ ti³va³co²yai³. Ña³qui³ cˀoa⁴-sˀin² nta³ tˀin³cao⁴-sai³. Cˀia⁴ nca³ cˀoa⁴nˀiain²³ nca³yi³je³ je²-vi⁴, cˀoa⁴sˀin² coi²tjo⁴ntjai²³ nca³ ti⁴ji³-ni³, cˀoa⁴-ti⁴ je² xi³ nčhˀoe¹-li².