San Juan 3:25 - New Testament in Mazatec Huautla

²⁵ Tsa³cjao¹ya³-ni³ cho⁴ta⁴-le⁴ Juan cao⁴ cho⁴ta⁴ judíos jo³sˀin² nca³ si¹tsje³-ni³.

San Juan 3:25 ပူးပေါင်းရင်းမြစ်များ

San Mateo 3:11

An³-vi⁴ xi³ cjoa⁴qui²xi⁴ va³te³nta¹³-ni³no³ cao⁴ na³nta¹, nca³ qui³ni²cˀa³ntjai²yao³ cjoa⁴fa³ˀai³tsjen³-no³, to⁴nca³ je² xi³ nčhoa¹tjen⁴nqui³-na³, nqui²sa⁴ tse³ nca³nˀion¹ tjin¹-le⁴ cao⁴-ni³ tsa² an³. Je² jte¹-le⁴ an³ li²coi³ va³quin²-na³ nca³ cˀoa³. Je² xi³ coa⁴te²nta¹-ni³no³ cao⁴ Espíritu Santo cˀoa⁴ cao⁴ lˀi¹.

San Marcos 7:8

Qui³njion² cjoa⁴te¹xo³ma³-le⁴ Ni³na¹, ni²tjo³son²-lao⁴³ costumbre-le⁴ cho⁴ta⁴: Nca³ va³ne¹ya³ xo²lo⁴, cao⁴ cho⁴tsin¹ xi³ ˀvi³ya². Ncjin²-sa³ cjoa⁴ xi³ cˀoa⁴-sˀin² nˀiaon²³.

San Juan 2:6

Ya⁴ tjio¹ jaon³ ti⁴² tsian³ xi³ la⁴jao⁴, xi³ na³nta¹ sˀe³ya³, jo³sˀin² si¹tsje³-ni³ cho⁴ta⁴ judíos. Jao² jan²-la⁴ ni³sa³na³nta¹ jcho¹ya³ ti⁴²-ve⁴ nca³ jnco¹jnco¹.

Hebreos 6:2

Li²coi³ ti⁴cjoin³ chˀa²ya³ nqui²jnco³cˀa²-nia³² cjoa⁴fa³ˀai³tsjen³ xi³ tsˀe⁴ cjoa⁴sa³te¹nta¹, cˀoa⁴ xi³ tsˀe⁴ je² cjoa⁴ xi³ va¹jna³son²-le⁴ ntsja³, cˀoa⁴ xi³ tsˀe⁴ cjoa⁴fa³ˀa¹ya³-le⁴ xi³ cˀen³, cˀoa⁴ xi³ tsˀe⁴ nca³ cˀoai⁴-le⁴ cjoa⁴ñˀain³ xi³ sˀe³jna³ntsjai².

Hebreos 9:10

Je² cjoa⁴-vi⁴ cˀoa⁴sˀin¹ to⁴tˀa³tsˀe⁴ xi³ chi³ne³, cˀoa⁴ xi³ ˀyo², cˀoa⁴ je² xi³ cja⁴ˀai¹ cja⁴ˀai¹-sˀin² sa³ne²jon³. Je²-vi⁴ cjoa⁴te¹xo³ma³ ni¹ xi³ to⁴tˀa³tsˀe⁴ je² yao³-na¹, xi³ tjin¹ne²-na¹ sa³ˀnta³ je² ni⁴čhjin³ cˀia⁴ nca³ coan⁴ntjai²ya³-nca¹ni³.

Hebreos 9:23

Coan³chjen¹, tso²cˀoa⁴, nca³ coan³tsje³ je² cjoa⁴ xi³ cˀoa⁴-ti⁴ cji³-ni³ jo³ cji³ xi³ tjio¹ ncˀa³jmi³. Coan³tsje³ cao⁴ je² cjoa⁴ xi³ cˀoa⁴sˀin¹, to⁴nca³ ti⁴je²-ni³ cjoa⁴ xi³ tsˀe⁴ ncˀa³jmi³ cˀoa⁴-sˀin² coan³tsje³ cao⁴ njin¹ xi³ qui³tsjoa³tˀa³, xi³ nqui²sa⁴ nta³ cao⁴-ni³ tsa² je²-ve⁴.

1 Pedro 3:21

Je² na³nta¹-ve⁴ nco³ya³-le⁴ je² xi³ ntˀai⁴-vi⁴ vˀa³sje³ntjai²-na¹, xi³ coi³ cjoa⁴sa³te¹nta¹. Je² cjoa⁴sa³te¹nta¹ li²coi³ fa³ˀa¹xin²-na¹ cjoa⁴tsˀen⁴-le⁴ yao³-na¹. To⁴coi³ xi³ tso² nca³ nta³ cjoa⁴fa³ˀai³tsjen³ tjin¹-na¹ nqui³xcon⁴ Ni³na¹ to⁴tˀa³tsˀe⁴ nca³ ja³ˀa²ya³-ni³le⁴ Cristo.