San Juan 3:19 - New Testament in Mazatec Huautla

¹⁹ Je² lˀi¹ ja³ˀai³ i⁴ son³ˀnte³, to⁴nca³ cho⁴ta⁴son³ˀnte³ nqui²sa⁴ coan³tsjoa³que³ cjoa⁴njion² cao⁴-ni³ lˀi¹, nca⁴ cjoa⁴tsˀen⁴ xi³ qui³sˀin³. Coi³ nca³ ti¹jna³ne²-le⁴ cjoa⁴ñˀain³.

San Juan 3:19 ပူးပေါင်းရင်းမြစ်များ

San Lucas 12:47

Nˀion¹ coa⁴²-le⁴ je² cho⁴ˀnta³ xi³ tsa³ve³ jo³-sˀin² coan³me³-le⁴ nai³-le⁴, cˀoa⁴ li²coi³ tsa³cˀe²jna³nta³, ni⁴cˀoa⁴-jin² qui³sˀin³ jo³-sˀin² nca³ me³-le⁴.

San Lucas 16:14

Cˀoa⁴-ti⁴ qui³nčhˀoe¹ nca³yi³je³ je² cjoa⁴-vi⁴ je² cho⁴ta⁴ fariseos xi³ tsjoa³que³ taon⁴, to⁴tsa³qui³jno²que³ Jesús.

San Juan 1:4

Je² xi³ tjin¹-le⁴ cjoa⁴vi³jna³chon³. Je² cjoa⁴vi³jna³chon³ je² lˀi¹ xi³ si¹ˀi³sen³-le⁴ cho⁴ta⁴.

San Juan 1:5

Je² lˀi¹ si¹ˀi³sen³ jña³ nca³ njion²-na¹, to⁴nca³ je² cjoa⁴njion² li²coi³ coan³cho⁴ya³-le⁴ tˀa³tsˀe⁴ lˀi¹-ve⁴.

San Juan 12:31

Ntˀai⁴-vi⁴ ntai⁴ cho¹son²-ni³le⁴ jo³ cjoan³ cho⁴ta⁴son³ˀnte³. Ntˀai⁴-vi⁴ je² nai⁴² xi³ va³te¹xo³ma³ son³ˀnte³-vi⁴ coi⁴chon³sje³-ni³.

San Juan 12:43

Nqui²sa⁴ coan³tsjoa³que³ cjoa⁴je³ya³ xi³ cho⁴ta⁴ tsjoa¹-le⁴ cao⁴-ni³ tsa² cjoa⁴je³ya³ xi³ Ni³na¹ tsjoa¹.

San Juan 12:46

An³ je²ˀe⁴ son³ˀnte³-vi⁴ jo³-ni³ lˀi¹, jme¹-ni³ nca³ nca³tsˀi³-si¹ni³ xi³ ma³cjain¹-le⁴ xi³ tˀa³tsˀan⁴, a³li²coi³ jin³njion² coa⁴tio⁴ntsjai².

San Juan 5:44

Jo¹sˀin² coan⁴cjain¹-no³ nca³ jon² xi³ chjoao¹³ cjoa⁴je³ya³ xi³ cho⁴ta⁴ tsjoa¹-le⁴ xi¹ncjin¹, cˀoa⁴ li²coi³ fa³sjao³ je² cjoa⁴je³ya³ xi³ to⁴jnco³ je² Ni³na¹ tsjoa¹.

San Juan 7:17

Je² xi³ me³-le⁴ nca³ sˀin¹ jo³-sˀin² me³-le⁴ Ni³na¹, cˀoa⁴-sˀin² scoe⁴ je² en¹ xi³ ti²va³co³ya²³, tsa² tsˀe⁴ Ni³na¹, cˀoa⁴ tsa² an³ nchja²³ xi³ to⁴tsˀan⁴.

San Juan 7:7

Je² cho⁴ta⁴son³ˀnte³ li²coi³ ma³ nca³ jon² chˀao³ ve³-no³, to⁴nca³ an³ chˀao³ ve³-na³, nca⁴ an³ tsjoa³ en¹-na⁴ xi³ tˀa³tsˀe⁴ nca³ li²coi³ nta³ sˀin¹.

San Juan 8:12

Jesús cˀoi⁴qui³tso²-nca¹ni³le⁴ cho⁴ta⁴ fariseos: An³ nia¹³ lˀi¹ xi³ si¹ˀi³sen³ son³ˀnte³. Je² xi³ fi²tˀa³-na³ li²coi³ cˀoa¹mjen³ jña³ nca³ njion², to⁴nca³ sˀe⁴-le⁴ je² lˀi¹ xi³ tsjoa¹ cjoa⁴vi³-jna³chon³.

San Juan 9:5

Tjen⁴ ti²jna⁴ i⁴ son³ˀnte³-vi⁴, an³ nia¹³ lˀi¹ xi³ si¹ˀi³sen³ son³ˀnte³.

Romanos 1:32

Nta³ tsa² ve³ jme³ cjoa⁴qui²xi⁴ xi³ tsjoa¹ Ni³na¹, nca³ je² xi³ cˀoa⁴sˀin¹ va³quin²-le⁴ cjoa⁴vi³ya³, a³li² to⁴coi³-jin² nca³ cˀoa⁴sˀin¹, to⁴nca³ cˀoa⁴-ti⁴ to⁴jnco³ ma³tsjoa³ya³-le⁴ cao⁴ je² xi³ cˀoa⁴sˀin¹.

Romanos 2:8

To⁴nca³ je² xi³ me³-le⁴ si¹qui³njen³ tˀa³tsˀe⁴ yao³-le⁴, xi³ tsi² si¹tjo³son²-le⁴ xi³ cjoa⁴qui²xi⁴, to⁴nca³ si¹tjo³son²-le⁴ xi³ cjoa⁴tsˀen⁴, Ni³na¹ nˀion¹ tsjoa¹-le⁴ cjoa⁴jti³ cao⁴ cjoa⁴jti³ xi³ nˀion¹,

2 Tesalonicenses 2:12

jme¹-ni³ nca³ sˀe⁴-ni³le⁴ cjoa⁴ñˀain³ nca³tsˀi³ xi³ tsi² tsa² coan³cjain¹-le⁴ xi³ cjoa⁴qui²xi⁴, xi³ to⁴sa³ qui³sa³sen³-le⁴ cjoa⁴tsˀen⁴.

1 Pedro 2:8

cˀoa⁴ la⁴jao⁴ xi³ sa⁴te¹nqui³, cˀoa⁴ la⁴jao⁴ˀnti¹ xi³ si¹jti³-le⁴ je² xi³ sa³te¹nqui³ to⁴tˀa³tsˀe⁴ je² en¹-le⁴ Ni³na¹ nca⁴ tsˀa³ntjai²cjoa⁴, nca³ cˀoa⁴-sˀin² tsa³cˀai²-ni³le⁴.

2 Pedro 3:3

Ti¹tjon² ma³chjen¹ nca³ ca²ta³ˀyao³ je²-vi⁴, nca³ je² ni⁴čhjin³ xi³ cjoe⁴tˀa³ cjoa⁴ˀai¹ xi³ tsjoa³-le⁴ vi³jno²que³, xi³ ti⁴tsˀe⁴-ni³ cjoa⁴chi⁴nca⁴-le⁴ cˀoe¹ma³jin³.