San Juan 2:22 - New Testament in Mazatec Huautla

²² Cˀia⁴ nca³ Jesús ja³ˀa³ya²jin³-ni³le⁴ cˀen³, je² cho⁴ta⁴-le⁴ cˀoa⁴sˀin² ja³ˀai³tsjen³-le⁴ nca³ cˀoa⁴qui³tso²-le⁴. Cˀia⁴ coan³cjain¹-le⁴ je² xon⁴ Escritura cao⁴ je² en¹ xi³ Jesús qui³nchja⁴.

San Juan 2:22 ပူးပေါင်းရင်းမြစ်များ

San Lucas 24:26

A³ tsi² tsa² coan³chjen¹ nca³ Cristo tsa³cja³ˀa¹ cjoa⁴ñˀain³ je² cjoa⁴-vi⁴, cˀoa⁴ nca³ ja³ˀa³sˀen³ cjoa⁴je³ya³-le⁴.

San Lucas 24:44

Cˀia⁴ qui³tso²-le⁴: Je²-vi⁴ en¹ xi³ tsa³cja³cao⁴-no³ cˀia⁴ nca³ an³ tsa³ca²te⁴jna³cao⁴-no³, nca³ ma³chjen¹-ni¹ nca³ coi⁴tjo³son² nca³yi³je³ cjoa⁴-ve⁴ xi³ tjio¹tˀa³ xi³ tˀa³tsˀan⁴ ya⁴ cjoa⁴te¹xo³ma³-le⁴ Moisés, cˀoa⁴ ya⁴ xon⁴libro-le⁴ cho⁴ta⁴ xi³ qui³nchja⁴ya³ tˀa³tsˀe⁴ Ni³na¹, cˀoa⁴ ya⁴ xon⁴ xi³ Salmo ˀmi².

San Juan 12:16

Je² en¹-vi⁴ li²coi³ coan³cho⁴ya³-le⁴ cho⁴ta⁴-le⁴ Jesús nca³ ti¹tjon². To⁴nca³ cˀia⁴ nca³ qui³sˀe³-le⁴ cjoa⁴je³ya³ Jesús, cˀia⁴² ja³ˀai³tsjen³-le⁴ nca³ cˀoa⁴-sˀin² tji¹tˀa³ xon⁴ xi³ tˀa³tsˀe⁴, cˀoa⁴ nca³ cˀoa⁴-sˀin² qui³si³cao⁴ Jesús.

San Juan 14:26

Je² Nˀai³-na¹ si⁴²ca³sen¹ nca³jao³-na⁴ je² Espíritu Santo, je² xi³ va³sen¹cao⁴. Je²-vi⁴ xi³ coa⁴co²ya³-no³ nca³yi³je³, cˀoa⁴ si⁴²cja³ˀai³tsjen³-no³ nca³yi³je³ jo³ qui³xin³-no³.

San Juan 16:4

Cˀoa⁴qui³xin³-no³ je² cjoa⁴-vi⁴, jme¹-ni³ nca³ cjoa⁴ˀai¹tsjen³-si¹ni³no³ nca³ je³cˀoa⁴qui³xin³-no³, cˀia⁴ nca³ cjoa⁴ˀai¹ hora je²-ve⁴. A³li²coi³ cˀoa⁴qui³xin³-no³ nca³ ti¹tjon², nca⁴ an³ tsa³ca²te⁴jna³cao⁴-no³.

San Juan 2:11

Je²-vi⁴ choa⁴ xi³ tsa³cˀe²jna³ ti¹tjon²-le⁴ nca³yi³je³ choa⁴ xi³ Jesús qui³tsjoa³ ya⁴ Caná xi³ tsˀe⁴ Galilea. Cˀoa⁴sˀin² tsa³ca³co¹son²tsen³ cjoa⁴je³ya³-le⁴. Cˀia⁴ coan³cjain¹-le⁴ cho⁴ta⁴-le⁴ xi³ tˀa³tsˀe⁴.

San Juan 2:17

Cˀia⁴ ja³ˀai³tsjen³-le⁴ cho⁴ta⁴-le⁴ nca³ tji¹tˀa³ xon⁴: Nˀion¹ sin³-na³ ntˀia³-li⁴ sa³ˀnta³ coan³xcˀen¹jin³-nia¹³.

San Juan 2:2

Cˀoa⁴-ti⁴ qui³no²cjoa⁴-le⁴ Jesús cao⁴ cho⁴ta⁴-le⁴ jña³ chi³xan² cho⁴ta⁴.

Hechos de los Apóstoles 11:16

Cˀia⁴ ja³ˀai³tsjen³-na³ en¹-le⁴ Nai³-na¹, jo³ qui³tso²: Cjoa⁴qui²xi⁴ Juan tsa³ca³te¹nta¹-ni³ cao⁴ na³nta¹, to⁴nca³ jon² sa⁴te¹nta¹-nio³ cao⁴ Espíritu Santo.

Hechos de los Apóstoles 13:33

Coi³ xi³ Ni³na¹ ña³qui³ qui³si³qui³tjo³son²-na¹ xi³ xti³-le⁴ nˀai³jcha¹cjin³-na¹, nca³ qui³si³cja³ˀa¹ya³-ni³le⁴ Jesús, jo³-sˀin² tji¹tˀa³ ya⁴ salmo xi³ ma³jao²-ni³: Ji³ ni¹³ ˀnti¹-na⁴, ntˀai⁴-vi⁴ ji³ xi³ cˀoa⁴-sˀin² ˀnti¹-na⁴ xin³-le²³.