San Juan 17:23 - New Testament in Mazatec Huautla

²³ An³ ti²jna⁴coa⁴ je² cho⁴ta⁴-na⁴, cˀoa⁴ ji³ ti³jna³cao⁴-nai¹², jme¹-ni³ nca³ ña³qui³ to⁴jnco³ coan⁴-si¹ni³, jme¹-ni³ nca³ cˀoa⁴-sˀin² scoe⁴-si¹ni³ cho⁴ta⁴son³ˀnte³ nca³ ji³ qui³ni²ca³sen¹-nai¹³, cˀoa⁴ nca³ ji³ coan³tsjoa³chai³ nca³ je², jo³-sˀin² nca³ cˀoa⁴-ti⁴ coan³tsjoa³cha³-nai¹³ nca³ an³.

San Juan 17:23 ပူးပေါင်းရင်းမြစ်များ

San Juan 10:38

Nta³ tsa² tsi² ma³cjain¹-no³ jo³ xian³, tsa² cˀoa⁴sˀian³ xa¹-le⁴ Nˀai³-na⁴, ca²ta³ma³cjain¹-no³ xi³ to⁴tˀa³tsˀe⁴ xa¹ xi³ sˀian³, jme¹-ni³ nca³ cˀoa⁴-sˀin² jcha⁴-si¹nio³ cˀoa⁴ coan⁴cjain¹-si¹ni³no³ nca³ je² Nˀai³-na¹ ti¹jna³cao⁴-na³ cˀoa⁴ an³ ti²jna⁴coa⁴ Nˀai³-na¹.

San Juan 13:35

Cˀoi⁴-sˀin² scoe⁴ nca³tsˀi³ nca³ jon² nio¹³ cho⁴ta⁴-na⁴, tsa² cˀoa⁴-sˀin² ma³tsjoa³chao³ xi²nquio⁴³.

San Juan 14:10

A³ tsi² ma³cjain¹-li² nca³ an³ ti²jna⁴coa⁴ Nˀai³-na¹, cˀoa⁴ je² Nˀai³-na¹ ti¹jna³cao⁴-na³. Je² en¹ xi³ an³ fa²cao⁴-no³, a³li² to⁴ˀan³ xi³ cˀoa⁴-sˀin² nchja²³, to⁴nca³ je² Nˀai³-na¹ xi³ ti¹jna³cao⁴-na³, je² xi³ cˀoa⁴sˀin¹ je² xa¹-vi⁴.

San Juan 14:23

Jesús qui³tso²-le⁴: Je² xi³ tsjoa³que³-na³, si⁴²qui³tjo³son² en¹-na⁴. Nˀai³-na⁴ tsjoa³que³ nca³ je², cjoa²ˀai⁴chon³-lai⁴jin⁴, cˀoa⁴ coi⁴yo³coai⁴-jin⁴.

San Juan 15:9

Jo³-sˀin² nca³ tsjoa³que³-na³ Nˀai³-na¹, cˀoa⁴-sˀin² tsjoa³que⁴-no³. Ti⁴yo³cao⁴³ cjoa⁴tsjoa³cha³-na⁴.

San Juan 16:27

Ti⁴je²-ni³ Nˀai³-na¹ tsjoa³que³-no³ nca⁴ je³coan³tsjoa³cha³-nao¹³, cˀoa⁴ je³coan³cjain¹-no³ nca³ ya⁴ ji²tjo⁴-nia³ Ni³na¹.

San Juan 17:11

Li²coi³ ti⁴ˀi⁴ ti²jna⁴-nia³ i⁴ son³ˀnte³-vi⁴, to⁴nca³ je² i⁴ tjio¹ i⁴ son³ˀnte³-vi⁴. An³ cjoi¹con³-le²³ nca³ ji³. Nˀai³tsje³, nta³ ti⁴ca³tio²tjoa²nqui³ nca³nˀion¹-li⁴ je² xi³ cao⁴ jan³ˀain¹-li⁴ tsa³cˀai²-nai¹³.

San Juan 17:21

jme¹-ni³ nca³ to⁴jnco³ coan⁴-si¹ni³ nca³tsˀi³, jo³-ni³ nca³ ji³, Nˀai³, ti³jna³cao⁴-nai¹³, cˀoa⁴ an³ ti²jna⁴cao⁴-le²³. Cˀoa⁴-ti⁴ je² to⁴jnco³ ca²ta³tio²cao⁴-na¹, jme¹-ni³ nca³ cho⁴ta⁴son³ˀnte³ coan⁴cjain¹-si¹ni³le⁴ nca³ ji³ qui³ni²ca³sen¹-nai¹³.

San Juan 17:24

Nˀai³, coi³ xi³ me³-na³, nca³ je² cho⁴ta⁴ xi³ ji³ tsa³cˀai²-nai¹³, cˀoa⁴-ti⁴ ya⁴ coa⁴tio⁴cao⁴-na³ jña³ nca³ an³ ti²jna⁴, jme¹-ni³ nca³ cˀoa⁴-sˀin² scoe⁴-si¹ni³ cjoa⁴je³ya³-na⁴ xi³ ji³ tsa³cˀai²-nai¹³, nca⁴ coan³tsjoa³cha³-nai¹³ to⁴nqui³-ni³ nca³ cje³ sˀe³nta³-jin² son³ˀnte³.

San Juan 17:26

Je² cho⁴ta⁴-vi⁴ an³ tsa³ca³co³son²tsen³-le⁴ jo³ cjoain³ nca³ ji³. To⁴jo³ cˀoa⁴-la²sˀin² coa³co³son²tsen³ nqui²sa⁴-le⁴, jme¹-ni³ nca³ sˀe⁴-si¹ni³le⁴ cjoa⁴tsjoa³cha³, jo³-sˀin² nca³ coan³tsjoa³cha³-nai¹³, cˀoa⁴ an³ coa²te⁴jna³jian³ ni⁴ma⁴-le⁴.

San Juan 17:3

Je² xi³ cjoa⁴vi³jna³chon³ nca³ntsjai², nca³ cˀoa⁴-sˀin² scoe⁴-li² xi³ to⁴jnco³ ji³ Ni³na¹ xi³ ña³qui³ cjoa⁴qui²xi⁴, cˀoa⁴ scoe⁴ Jesucristo je² xi³ qui³ni²ca³sain¹³.

San Juan 17:8

Nca⁴ je² en¹ xi³ tsa³cˀai²-nai¹³ cˀoa⁴-sˀin² qui³tsjoa³-le⁴, cˀoa⁴ je² qui³scoe¹. Tsa³ve³ nca³ cjoa⁴qui²xi⁴ nca³ ja²ˀai⁴-nia³ xi³ tˀa³tsi⁴. Cˀoa⁴-sˀin² coan³cjain¹-le⁴ nca³ ji³ qui³ni²ca³sen¹-nai¹³.

San Juan 3:17

Nca⁴ Ni³na¹ li²coi³ xa¹ qui³si³ca³sen¹-ni³ ˀnti¹-le⁴ nca³ cˀaon⁴ne²-le⁴ cjoa⁴ñˀain³ cho⁴ta⁴son³ˀnte³, to⁴coi⁴² nca³ cˀoa⁴sje³ntjai² cho⁴ta⁴son³ˀnte³.

San Juan 6:56

Je² xi³ squi⁴ne⁴ yao³-na⁴, cˀoa⁴ xi³ scˀoi¹ njin¹-na⁴, an³ ti¹jna³cao⁴ntsjai²-na³, cˀoa⁴-ti⁴ an³ ti²jna⁴jin³ntsje²³ ni⁴ma⁴-le⁴.

1 Corintios 1:30

Tsˀe⁴ Ni³na¹ nio¹³ jon² nca³ ti³yo³cao⁴³ Cristo Jesús. Je² xi³ Ni³na¹ qui³tsjoa³ nca³ cjoa⁴chji⁴ne⁴-na¹ coan³. Je² xi³ qui³si³cje³tˀa³ je¹-na¹, cˀoa⁴ qui³si³tsje³-na¹, cˀoa⁴ tsa³cˀe¹chji¹ntjai²-na¹.

2 Corintios 5:21

Je² xi³ tsi² tsa³jnqui³ je¹, Ni³na¹ qui³si³nta³-ni³ je¹ xi³ tˀa³tsan⁴², jme¹-ni³ nca³ ña¹ cˀoa⁴coan³ cjoan³-nia³² je² cjoa⁴qui²xi⁴-le⁴ Ni³na¹, nca³ ti³yo³coa⁴² Cristo.

Gálatas 3:28

Tsin² cho⁴ta⁴ judío-jin², ni⁴cho⁴ta⁴ griego-jin². Tsin² xi³ cho⁴ˀnta³-jin², ni⁴ xi³ tjio¹ntai¹-jin². Tsin² xi³ xˀin⁴-jin², ni⁴ya¹nchjin¹-jin². Nca³tsˀio³ to⁴jnco³-nio¹³ nca³ ti³yo³cao⁴³ Cristo Jesús.

Filipenses 3:15

Nca³tsˀia³² xi³ je³qui³sca³son² no¹-na¹, ca²ta³sˀe³-na¹ je² cjoa⁴fa³ˀai³tsjen³. Tsa² cja⁴ˀai¹ cja⁴ˀai¹ cˀoao¹³-ta³con²³ cˀoa⁴-ti⁴ coa⁴co²-no³ je²-vi⁴ Ni³na¹.

Colosenses 1:28

Je² Cristo xi³ no²cjoa⁴yai³⁴-jin⁴, nca³ ti³vi³ncha³ˀai²⁴-jin⁴ nca³tsˀi³, cˀoa⁴ ti³va³co²ya³-lai⁴jin⁴ cao⁴ nca³yi³je³ cjoa⁴ˀi³sen³-ta³con², jme¹-ni³ nca³ si⁴qui³ncha³-si¹ni³jin⁴ nca³tsˀi³ nca³ ña³qui³ coan³jcha¹ tˀa³tsˀe⁴ Cristo.

Colosenses 2:2

jme¹-ni³ nca³ cˀoa⁴-sˀin² nta³ ca²ta³sˀe³-ni³con³ ni⁴ma⁴-le⁴, nca³ si⁴²jnco³ yao³-le⁴ nca³ tjao²que³ xi¹ncjin¹, sa³ˀnta³ ña³qui³ coan⁴cho⁴ya³yi³je³-le⁴. Cˀoa⁴-sˀin² ña³qui³ nta³ scoe⁴ Cristo xi³ je² cjoa⁴ˀma³ xi³ tsˀe⁴ Ni³na¹, cˀoa⁴ xi³ tsˀe⁴ Nˀai³-na¹.

Colosenses 3:14

Je² nca³ ti¹tjon²-le⁴ nca³yi³je³ cjoa⁴-vi⁴, ca²ta³ma³tsjoa³chao³ xi²nquio⁴³, nca³ je² cjoa⁴tjao²cha³ xi³ nta³ vˀe¹cjao²-na¹, cˀoa⁴ si¹jnco³-na¹.

1 Pedro 5:10

To⁴nca³ Ni³na¹ xi³ tjin¹yi³je³-le⁴ cjoa⁴nta³, xi³ qui³nchja⁴-na¹ xi³ to⁴tˀa³tsˀe⁴ Jesucristo, nca³ sˀe⁴-na¹ cjoa⁴je³ya³-le⁴ xi³ ti¹jna³ nca³ntsjai². Cˀia⁴ nca³ je³qui³chja³ˀa² jnco³tjo²³ cjoa⁴ñˀain³, coan⁴scan³-ni³ je² soa³ Ni³na¹ si⁴²nta³ya³-no³, si⁴²cˀe¹jna³nta³-no³, tsjoa¹-no³ nca³nˀion¹, nta³ si⁴²cˀe¹yo³-no³.

1 Juan 1:3

Je² xi³ tsa³ˀyai³⁴-jin⁴ xi³ qui³no²ˀyai²⁴-jin⁴, je²-vi⁴ xi³ cˀoa⁴-ti⁴sˀin² no²cjoa⁴ya³jin³-lai²⁴jin⁴, jme¹-ni³ nca³ cˀoa⁴-ti⁴ jon² coi⁴yo³cjao³-si¹nio³ cao⁴ jin⁴-jin⁴. Xi³ ña³qui³ cjoa⁴qui²xi⁴ jin⁴-jin⁴ ti³yo³cjoai³⁴-jin⁴ Nˀai³-na¹ cao⁴ ˀnti¹-le⁴ Jesucristo.

1 Juan 3:1

Ne² cˀoa⁴tjin¹ cjoa⁴tjao²cha³ xi³ qui³tsjoa³-na¹ Nˀai³-na¹, jme¹-ni³ nca³ ˀnti¹-le⁴ Ni³na¹ ˀmi²-si¹ni³na¹. Coi³ nca³ i⁴ son³ˀnte³ li²ˀya³ xi³ ve³-na¹, nca³ tsi²coi³ tsa³ve³ Ni³na¹.

1 Juan 4:19

Ña¹ cjai¹nca³ tjao²cha³² Ni³na¹, nca⁴ je² tjao²que³ coan³-na¹ nca³ ti¹tjon².

Apocalipsis 3:9

Coe⁴-ni³, an³ cjoa⁴nˀion¹ sˀin³-le⁴ je² cho⁴ta⁴ xi³ ma³ña³ ya⁴ ntˀia³sinagoga xi³ tsˀe⁴ Satanás, je² xi³ judío tso²-le⁴ yao³-le⁴, cˀoa⁴ li²coi³ coan³-ni³, to⁴xo⁴cˀoa⁴²qui³tso². An³ cjoa⁴nˀion¹ sˀin³-le⁴ nca³ cjoi⁴nčhoa³ cˀoa⁴ nca³ scoe⁴xcon¹ coi⁴ncha³xco¹nchˀin³tˀa³-le⁴ ntso⁴co³, cˀoa⁴ nca³ scoe⁴ nca³ an³ coan³tsjoa³que⁴-no³.