San Juan 15:8 - New Testament in Mazatec Huautla

⁸ Coi³-vi⁴ xi³ cˀoa⁴-sˀin² vˀa³sje³je³ya³ Nˀai³-na⁴, nca³ cˀoa⁴-sˀin² to⁴ncjin² to³ coa⁴-no³. Cˀoa⁴-sˀin² jcha⁴qui²xi⁴-no³ nca³ cho⁴ta⁴-na⁴ mao³.

San Juan 15:8 ပူးပေါင်းရင်းမြစ်များ

San Mateo 5:16

Cˀoa⁴-sˀin² ca²ta³ma³ˀi³sen³-le⁴ lˀi¹-no³ nqui³xcon⁴ cho⁴ta⁴, jme¹-ni³ nca³ scoe⁴-si¹ni³ xa¹nta³-no³, cˀoa⁴ cˀoa⁴sje³je³ya³-si¹ni³ Nˀai³-no³ xi³ ti¹jna³ ncˀa³jmi³.

San Mateo 5:44

To⁴nca³ an³ xin³-no³: Ca²ta³ma³tsjoa³chao³ xi³ jti³que³-no³, ti⁴chi³con³tˀaon³ xi³ nchja⁴ˀaon³-no³, nta³ ti⁴cao⁴³ xi³ chˀao³ ve³con³-no³, tˀe²tsˀoa³ntjao²³ xi³ chˀao³ si¹cao⁴-no³, cˀoa⁴ xi³ fi²tjen⁴nqui³ co²ntran⁴-no³,

San Mateo 9:8

Cˀia⁴ nca³ tsa³ve³ cho⁴ta⁴ jo³ to⁴coan³xcon¹-le⁴, tsa³cˀa³sje³je³ya³ Ni³na¹ xi³ cˀoa⁴-sˀin² tse³ nca³nˀion¹ qui³tsjoa³-le⁴ cho⁴ta⁴.

San Lucas 6:35

Ca²ta³ma³tsjoa³chao³ tso²cˀoa⁴ co²ntran⁴-no³, cˀoa⁴ nta³ tˀiaon⁴³, cˀoa⁴ ti⁴quin²yao³ nca³ a³li²jme³-jin² xi³ cho¹ya³-lao⁴³ xi³ tsˀe⁴. Tse³ coan⁴chji¹-no³, cˀoa⁴ coaon⁴³ ˀnti¹-le⁴ Ni³na¹ xi³ nˀion¹ ncˀa³, nca⁴ je² tjin¹-le⁴ cjoa⁴nta³ xi³ tˀa³tsˀe⁴ xi³ ncˀa³con³, cˀoa⁴ xi³ chˀao³ cjoan³.

San Juan 13:35

Cˀoi⁴-sˀin² scoe⁴ nca³tsˀi³ nca³ jon² nio¹³ cho⁴ta⁴-na⁴, tsa² cˀoa⁴-sˀin² ma³tsjoa³chao³ xi²nquio⁴³.

San Juan 15:5

An³ nia¹³ ya¹je³, cˀoa⁴ jon² nio¹³ ya¹ntsa⁴. Je² xi³ an³ ti¹jna³cao⁴-na³, cˀoa⁴ an³ ti²jna⁴coa⁴ nca³ je², je²-vi⁴ xi³ cjai¹nca³ to⁴ncjin² to³ va³-le⁴. Li²jme³ xi³ ma³ nˀiaon²³ nca³ jon², tsa² ti³yo³tˀa³xin²-nao¹³.

San Juan 8:31

Jesús cˀoi⁴qui³tso²-le⁴ cho⁴ta⁴ judíos xi³ coan³cjain¹-le⁴: Tsa² en¹-na⁴ si⁴qui³tjo³son²ntsjao²³, jon² nio¹³ xi³ ña³qui³ cho⁴ta⁴-na⁴.

1 Corintios 10:31

Tsa² vi³cho³, cˀoa⁴ tsa² ˀyo²³, tsa² to⁴jme³-ni³ve⁴ xi³ nˀiaon²³, cˀoa⁴tˀiaon⁴³ nca³yi³je³ xi³ tˀa³tsˀe⁴ cjoa⁴je³ya³-le⁴ Ni³na¹.

1 Corintios 6:20

Chji¹ tsa³qui³nta³-ni³no³. Chˀa⁴sje³je³yao³ Ni³na¹ tso²cˀoa⁴. Chˀa⁴sje³je³yao³ cao⁴ yao³-no³ cˀoa⁴ cao⁴ espíritu-no³, jña³-le⁴ xi³ coi³ tsˀe⁴ Ni³na¹.

Filipenses 1:11

Vˀe³tsˀoa²ntjai²³-no³ nca³ nˀion¹ nta³ cˀoa⁴sˀiaon⁴³ je² cjoa⁴qui²xi⁴ xi³ nčhoa¹-ni³ Jesucristo. Cˀoa⁴-sˀin² chˀa⁴sje³je³yao³, cˀoa⁴ nta³ chˀa⁴sjao³ Ni³na¹.

Tito 2:10

A³li² si¹che¹tˀa³-jin²le⁴ nai³-le⁴, to⁴sa³ ña³qui³ nta³ ca²ta³fi²tˀa³-le⁴, jme¹-ni³ nca³ si¹nˀion¹tˀa³con³-si¹ni³ cao⁴ nca³yi³je³ xa¹-le⁴ je² cjoa⁴fa³ˀai³tsjen³-le⁴ Ni³na¹ xi³ vˀa³sje³ntjai²-na¹.

Tito 2:5

Ca²ta³va³co¹ya³-le⁴ nca³ nta³ cjoa⁴fa³ˀai³tsjen³ ca²ta³sˀe³-le⁴, nca³ tsje³ ca²ta³va³tio². Nta³ ca²ta³si¹coi²nta⁴ ni³ˀya³-le⁴. Cho⁴ta⁴nta³ ca²ta³ma³. Na³nqui³ ca²ta³va³tio²-le⁴ xˀin⁴-le⁴, jme¹-ni³ nca³ tsi² ˀya³ xi³ en¹-le⁴ Ni³na¹ coi⁴nchja⁴ˀaon³-si¹ni³le⁴.

1 Pedro 2:12

Nta³ ta³nquin¹cao⁴³ yao³-no³ ya⁴jin³-le⁴ cho⁴ta⁴ xi³ li² judío-jin². Nta³ tsa² jo³-ni³ cho⁴ta⁴tsˀen⁴ ve³con³-no³, cˀia⁴ tsa² scoe⁴ nca³ nta³ xa¹-no³, cˀoa⁴sje³je³ya³ Ni³na¹ coi³ ni⁴čhjin³ nca³ Ni³na¹ cjoa⁴ˀai¹con³-le⁴.

1 Pedro 4:11

Tsa² jnco³ xi³ nchja⁴, ca²ta³nchja⁴ jo³ tso² en¹-le⁴ Ni³na¹. Tsa² jnco³ xi³ si¹xa¹cao⁴, ca²ta³si¹xa¹cao⁴ jo³ tjin¹ nca³nˀion¹ xi³ tsjoa¹ Ni³na¹, jme¹-ni³ nca³ coi⁴tjo³je³ya³-si¹ni³ Ni³na¹ cao⁴ nca³yi³je³ cjoa⁴ xi³ to⁴tˀa³tsˀe⁴ Jesucristo. Tsˀe⁴ ni¹ cjoa⁴je³ya³ cao⁴ cjoa⁴te¹xo³ma³ xi³ ni⁴cˀia³-jin² cjoe⁴tˀa³. Cˀoa⁴ ca²ta³ma³.