San Juan 15:22 - New Testament in Mazatec Huautla

²² Tsa² tsi² je²ˀe⁴, cˀoa⁴ tsa² tsi² tsa² tsa³cja³coa⁴, a³li²coi³ je¹ tjin¹-le⁴ˀni³. To⁴nca³ ntˀai⁴-vi⁴ ntai⁴ li²jme³ xqui³ tjin¹-le⁴ xi³ tˀa³tsˀe⁴ je¹-le⁴.

San Juan 15:22 ပူးပေါင်းရင်းမြစ်များ

San Lucas 12:46

Cjoa⁴ˀai¹ nai³-le⁴ cho⁴ˀnta³-ve⁴ cˀia⁴ ni⁴čhjin³ nca³ tsi² ti¹co³ya³-le⁴, cˀoa⁴ jme³ hora nca³ tsi² tsa² ve³, coa⁴²-le⁴ sa³ˀnta³ coa⁴te³nca³ yao³-le⁴, cˀoa⁴ sˀe⁴-le⁴ cjoa⁴ñˀain³ cao⁴ je² xi³ tsi² tsa² si¹cji³tjo³son².

San Juan 12:48

Je² xi³ chˀao³que³-na³, cˀoa⁴ tsi² cjoe¹ en¹-na⁴, tjin¹ xi³ tsjoa¹-le⁴ cjoa⁴ñˀain³. Je² en¹ xi³ qui³nchja²³, coi³ xi³ tsjoa¹-le⁴ cjoa⁴ñˀain³ cˀia⁴ nca³ coi⁴cho³cje³tˀa³ ni⁴čhjin³.

San Juan 15:23

Je² xi³ an³ jti³que³-na³, cˀoa⁴-ti⁴ jti³que³ Nˀai³-na⁴.

San Juan 15:24

Tsa² tsi² cˀoa⁴qui³sˀian³ jin³-le⁴ nca³ je², je² cjoa⁴ xi³ ni⁴ˀya³-jin²sa³ cˀoa⁴qui³sˀin³, a³li²coi³ je¹ tjin¹-le⁴ˀni³. To⁴-nca³ je³tsa³ve³-na³jin⁴, cˀoa⁴ coan³jti³que³-na³jin⁴ an³ cao⁴ Nˀai³-na⁴.

San Juan 16:9

Si⁴²qui²xi⁴ya³-le⁴ je¹-le⁴, nca⁴ tsi² tsa² ma³cjain¹-le⁴ xi³ tˀa³tsˀan⁴.

San Juan 19:11

Qui³nchja⁴ Jesús: Ni⁴to⁴jme³-jin² ˀnte³ tjin¹-li² xi³ tˀa³tsˀan⁴, tsa² tsi² ncˀa¹ qui³tsˀai²-ni³li². Coi³ nca³ je² xi³ ca²tsjoa¹tˀa³-na³ tˀa³tsi⁴ nqui²sa⁴ tse³ je¹ tjin¹-le⁴.

San Juan 9:41

Jesús qui³tso²-le⁴: Tsa² xca⁴ cjoaon³, tsin²-la⁴no³ je¹-jin². To⁴nca³ ntˀai⁴-vi⁴ cˀoi⁴vi³xon¹³: Ma³tsen³-na³jin⁴. Coi³ cjoa⁴ nca³ cˀoa⁴-sˀin² cˀoe¹jna³tˀa³-ni³no³ je¹-no³.

Hechos de los Apóstoles 17:30

To⁴nca³ Ni³na¹ li²coi³ qui³si³sin³ je² ni⁴čhjin³ xi³ tsˀe⁴ je² cjoa⁴njion²-vi⁴. To⁴nca³ ntˀai⁴-vi⁴ntai⁴ Ni³na¹ vˀe¹ne²-le⁴ nca³tsˀi³ cho⁴ta⁴ nca³qui³jnta² son³ˀnte³ nca³ ca²ta³si¹cˀa³ntjai²ya³ cjoa⁴fa³ˀai³tsjen³-le⁴.

Romanos 1:20

Je² cjoa⁴ xi³ tsi²coi³ ma³tsen³ xi³ tsˀe⁴ Ni³na¹, xi³ coi³ nca³nˀion¹-le⁴ xi³ ti¹jna³ntsjai², cˀoa⁴ xi³ coi³ jo³ cjoan³ Ni³na¹, coan³tsen³ sa³ˀnta³ nca³ qui³sˀe³nta³ son³ˀnte³. Je² cjoa⁴-vi⁴ tsa³ˀya³-le⁴ to⁴tˀa³tsˀe⁴ tso³jmi² xi³ qui³sˀe³nta³. Coi³ nca³ ña³qui³ tjin¹-le⁴ je¹ cho⁴ta⁴.

Romanos 2:1

Coi³ nca³ tsin²-li² cjoa⁴qui²xi⁴-jin² jo³-sˀin² nca³ chˀa⁴sje³ntjai² je¹ yao³-li⁴, ji³ cho⁴tai⁴ xi³ ˀya³sin³ cho⁴ta⁴. Cˀia⁴ nca³ ˀya³sin³ cho⁴ta⁴ xi³ cja⁴ˀai¹, ti⁴ji³ ˀya³sin³-ni³ yao³-li⁴, nca⁴ cˀoa⁴²-ti⁴ ti⁴nˀian²-ni³, ji³ xi³ ti³ˀya³sin³.

Santiago 4:17

Je² xi³ ma³-le⁴ nca³ nta³ sˀin¹, to⁴nca³ tsi² tsa² cˀoa⁴sˀin¹, je² xi³ tjin¹-le⁴ je¹.

1 Pedro 2:16

Jon² xi³ cho⁴ta⁴ntai¹ nio¹³. A³li² ni²chjen¹-jion²³ cjoa⁴ntai¹-no³ nca³ cˀoe¹ˀma³ cjoa⁴tsˀen⁴-no³, to⁴nca³ cˀoa⁴tˀiaon⁴³ jo³-ni³ tsa² je² xi³ si¹xa¹-le⁴ Ni³na¹.