San Juan 15:18 - New Testament in Mazatec Huautla

¹⁸ Tsa² cho⁴ta⁴son³ˀnte³ jti³que³-no³, ˀya³-nio¹³ nca³ an³ ti¹tjon² coan³jti³que³-na³.

San Juan 15:18 ပူးပေါင်းရင်းမြစ်များ

San Mateo 10:22

Cˀoa⁴ coan⁴jti³que³-no³ nca³tsˀi³ xi³ to⁴tˀa³tsˀan⁴, to⁴nca³ je² xi³ jcho¹cjoa⁴-le⁴ jo³ sa³ˀnta³ nca³ cjoe⁴tˀa³-ni³, je²-vi⁴ coi⁴tjo³ntjai²-ni¹.

San Mateo 24:9

Cˀia⁴ sca⁴ni²tˀa³-no³ nca³ cˀoa⁴-sˀin² si⁴²cja³ˀa¹-no³ cjoa⁴ñˀain³, si⁴²cˀen³-no³, chˀao³ scoe⁴con³-no³ nca³tsˀi³ na⁴xi⁴-na³nta¹ xi³ tˀa³tsˀan⁴.

San Mateo 5:11

Jo¹ to⁴nta³-no³ cˀia⁴ nca³ no²cjoa⁴ˀaon³-no³, cˀia⁴ nca³ fi²tjen⁴nqui³ co²ntran⁴-no³, cˀoa⁴ nca³ coi⁴tso⁴-no³ nca³yi³je³ xi³ chˀao³ tjin¹ xi³ tˀa³tsˀan⁴, nca³ en¹nti³so³ nchja⁴.

San Marcos 13:13

Nca³tsˀi³ cho⁴ta⁴ coan⁴jti³que³-no³ xi³ to⁴tˀa³tsˀan⁴, to⁴nca³ je² xi³ jcho¹cjoa⁴-le⁴ sa³ˀnta³ xi³ cjoe⁴tˀa³-ni³, je²-vi⁴ coi⁴tjo³ntjai²-ni¹.

San Lucas 6:22

Jo¹ to⁴nta³-no³ cˀia⁴ nca³ cho⁴ta⁴ chˀao³ ve³-no³, cˀia⁴ nca³ fa³ˀa¹xin²-no³, cˀia⁴ nca³ nchja⁴ˀaon³-no³, cˀia⁴ nca³ vˀa³sje³nqui³ jan³ˀain¹-no³ jo³-ni³ tsa² tsˀen⁴, xi³ to⁴tˀa³tsˀe⁴ ˀnti¹-le⁴ cho⁴ta⁴.

San Juan 16:1

Je² cjoa⁴-vi⁴ tsa³cja³cao⁴-no³, jme¹-ni³ nca³ tsi² tsao⁴tˀa³xin²-si¹nio³.

San Juan 16:33

Je² cjoa⁴-vi⁴ je³qui³xin³-no³, jme¹-ni³ nca³ cao⁴ an³ coi⁴njen³nchˀan¹jin³-si¹ni³no³. I⁴ son³ˀnte³-vi⁴ cjoa⁴ñˀain³ chja⁴ˀao²³, to⁴nca³ ca²ta³ma³nˀion¹-ta³con²³. An³ je³qui³si³qui³njen³-le⁴ son³ˀnte³.

San Juan 3:20

Je² nca³tsˀi³ xi³ cjoa⁴tsˀen⁴ sˀin¹, ma³jti³que³ lˀi¹, li²coi³ ya⁴ nčhoa¹ jña³ tjin¹ lˀi¹, jme¹-ni³ nca³ tsi²coi³ coan⁴tsen³-si¹ni³ je² cjoa⁴tsˀen⁴ xi³ sˀin¹.

San Juan 7:7

Je² cho⁴ta⁴son³ˀnte³ li²coi³ ma³ nca³ jon² chˀao³ ve³-no³, to⁴nca³ an³ chˀao³ ve³-na³, nca⁴ an³ tsjoa³ en¹-na⁴ xi³ tˀa³tsˀe⁴ nca³ li²coi³ nta³ sˀin¹.

Hechos de los Apóstoles 14:22

Qui³tsjoa³-le⁴ nca³nˀion¹ ni⁴ma⁴-le⁴ cho⁴ta⁴-le⁴ Cristo. Tsa³cˀe¹ne²-le⁴ nca³ cˀoa⁴-sˀin² ca²ta³tio²cao⁴-ntsjai² xi³ ma³cjain¹-le⁴. Qui³tso²-le⁴ nca³ cjai¹nca³ ma³chjen¹ nca³ tse³ cjoa⁴ñˀain³ chja⁴ˀa² nca³ coi⁴tja¹sˀen³² ya⁴ cjoa⁴te¹xo³ma³-le⁴ Ni³na¹.

Hebreos 12:2

Nta³ cho¹tsen³-le⁴² Jesús, xi³ tjen⁴ ti¹tjon²-na¹, cˀoa⁴ ña³qui³ si¹jnco³ jo³-sˀin² ma³cjain¹-na¹. Qui³cho²cjoa⁴cao⁴-le⁴ cro² xi³ tˀa³tsˀe⁴ je² cjoa⁴tsjoa³ xi³ qui³sˀe³jna³ nqui³xcon⁴, a³li²coi³ qui³si³sin³-le⁴ cjoa⁴soa³. Tsa³cˀe²jna³ nca³qui²xi⁴-le⁴ je² ya¹xi²le⁴-le⁴ Ni³na¹.

Santiago 4:4

Jon² xi³ xˀion⁴³, xi³ ya¹nchjon¹³, xi³ qui³njion²³ ntia⁴²-le⁴ Ni³na¹, a³ tsi² tsa² ˀyao³ nca³ je² xi³ mi²yo⁴-le⁴ cjoa⁴son³-ˀnte³ co²ntran⁴-le⁴ Ni³na¹ ni¹. To⁴ˀya³-ni³ xi³ me³-le⁴ si¹mi²yo⁴ cjoa⁴son³ˀnte³, co²ntran⁴-le⁴ Ni³na¹ ma³.

1 Juan 3:1

Ne² cˀoa⁴tjin¹ cjoa⁴tjao²cha³ xi³ qui³tsjoa³-na¹ Nˀai³-na¹, jme¹-ni³ nca³ ˀnti¹-le⁴ Ni³na¹ ˀmi²-si¹ni³na¹. Coi³ nca³ i⁴ son³ˀnte³ li²ˀya³ xi³ ve³-na¹, nca³ tsi²coi³ tsa³ve³ Ni³na¹.

1 Juan 3:13

Nca³tsˀio³ ˀnti¹ntsˀe³, a³li² ma³xcon¹-jin²no³ tsa² cho⁴ta⁴son³ˀnte³ chˀao³que³-no³.

1 Juan 3:3

Nca³tsˀi³ xi³ tjin¹-le⁴ cjoa⁴tsjoa³ nca³ sco¹ya³-le⁴ nca³ je², coan⁴tsje³ ni⁴ma⁴-le⁴ jo³-sˀin² tsje³ cjoan³ nca³ je².