San Juan 15:16 - New Testament in Mazatec Huautla

¹⁶ A³li² jon²-jion²³ qui³chjoe¹jin³-nao¹³, to⁴nca³ an³ qui³scoe²jin³-no³ nca³ jon². Qui³si³qui³ncha²nta³-no³, jme¹-ni³ nca³ coa⁴nquin¹-nio³, cˀoa⁴ nta³ si⁴xa¹-si¹nio³, cˀoa⁴ je² xa¹-no³ sa⁴tio²-si¹ni³, jme¹-ni³ nca³ Nˀai³-na¹ tsjoa¹-ni³no³ nca³yi³je³ xi³ ni²je¹-lao⁴³ cao⁴ jan³ˀain¹-na⁴.

San Juan 15:16 ပူးပေါင်းရင်းမြစ်များ

San Mateo 21:22

Nca³yi³je³ to⁴jme³-ni³ xi³ ni²jao¹³ nca³ vˀe²tsˀoao³, cˀia⁴ tsa² ma³cjain¹-no³, cˀoa⁴-sˀin² cˀoai⁴-no³.

San Mateo 7:7

Ti⁴jao¹³, cˀoa⁴ cˀoai⁴-no³. Ti⁴jnchi¹sjao³, cˀoa⁴ coan⁴sjai³-no³. Ti⁴cja³ne³tˀao³ xo⁴ntjoa⁴, cˀoa⁴ tjo¹ˀai²-no³.

San Lucas 6:13

Cˀia⁴ nca³ qui³sˀe³sen¹ qui³nchja⁴ma³ña³-le⁴ cho⁴ta⁴-le⁴, cˀoa⁴ tsa³cja³ˀa¹jin³ te³jao² xi³ cˀoa⁴-ti⁴ pa²stro⁴ qui³tso²-le⁴.

San Juan 13:18

A³li² cˀoa⁴-sˀin² nchja²³ xi³ tˀa³tsaon⁴³ nca³tsˀio³. ˀve³nia¹³ jo³ cjoan³ xi³ tsa³cja³ˀa³jian³, to⁴nca³ jme¹-ni³ nca³ cˀoa⁴-sˀin² ca²ta³vi³tjo³son²-ni³ je² xon⁴ Escritura: Je² xi³ cjen²cao⁴-na³ nio⁴xti²la⁴, qui³tsjon²-na³.

San Juan 15:19

Tsa² i⁴ tsaon⁴³ i⁴ son³ˀnte³-vi⁴, je² cho⁴ta⁴son³ˀnte³ tsjoa³que³ xi³ tsˀe⁴. To⁴nca³ jon² li²coi³ i⁴ tsaon⁴³, to⁴sa³ an³ qui³scoe²jin³-ni³no³ cho⁴ta⁴son³ˀnte³. Coi³ nca³ jti³que³-ni³no³ cho⁴ta⁴son³ˀnte³-vi⁴.

San Juan 15:5

An³ nia¹³ ya¹je³, cˀoa⁴ jon² nio¹³ ya¹ntsa⁴. Je² xi³ an³ ti¹jna³cao⁴-na³, cˀoa⁴ an³ ti²jna⁴coa⁴ nca³ je², je²-vi⁴ xi³ cjai¹nca³ to⁴ncjin² to³ va³-le⁴. Li²jme³ xi³ ma³ nˀiaon²³ nca³ jon², tsa² ti³yo³tˀa³xin²-nao¹³.

San Juan 6:70

Cˀia⁴ Jesús qui³tso²-le⁴: A³ tsi² tsa² an³ qui³scoe²jin³-no³ xi³ te³jao² mao³, to⁴nca³ jnco³ xi³ ti¹jna³jin³-no³ xi³ nai⁴² cjoan³.

Hechos de los Apóstoles 1:24

Tsa³cˀe¹tsˀoa³: Ji³ Señor xi³ ˀyai³ ni⁴ma⁴-le⁴ nca³tsˀi³, ta⁴co²-na³jin⁴ jña³-le⁴ xi³ chja³ˀa²jin³ nca³ jao²-vi⁴,

Hechos de los Apóstoles 1:8

To⁴nca³ tjoe¹-no³ nca³nˀion¹ cˀia⁴ nca³ je² Espíritu Santo cjoa⁴ˀai¹-no³. Jon² coaon⁴³ testigo-na⁴ i⁴ Jerusalén, cao⁴ nca³qui³jnta² na³nqui³ Judea, cao⁴ ya⁴ Samaria, cao⁴ jña³ sa³ˀnta³ nca³ fe³tˀa³ son³ˀnte³.

Hechos de los Apóstoles 10:41

A³li²coi³ qui³si³cˀa³tsen³-le⁴ nca³tsˀi³ cho⁴ta⁴ na⁴xi⁴na³nta¹, to⁴jin⁴ qui³si³cˀa³tsen³-na³jin⁴ xi³ testigo tsa³qui³ncha¹-na³jin⁴ nca³sˀa⁴, jin⁴-jin⁴ xi³ tsa³qui³chi³coai⁴-jin⁴, xi³ qui³ˀyo²coai⁴-jin⁴, coan³scan³-ni³ nca³ je³ja³ˀa³ya²jin³-ni³le⁴ cˀen³.

Hechos de los Apóstoles 22:14

Cˀoa⁴ je² Ananías cˀoi⁴qui³tso²: Je² Ni³na¹-le⁴ nˀai³jcha¹cjin³-na¹ tsa³ca³sen¹-li², jme¹-ni³ nca³ jcha⁴-si¹ni³ jo³ tso² nca³ je², jme¹-ni³ nca³ cho¹tsen³-si¹ni³lai⁴ je² xi³ tjin¹-le⁴ cjoa⁴qui²xi⁴, jme¹-ni³ nca³ coi⁴no¹ˀya²-si¹ni³lai⁴ je² en¹-le⁴ tsˀoa³.

Hechos de los Apóstoles 9:15

Cˀia⁴ je² Nai³-na¹ cˀoa⁴qui³tso²-le⁴ Ananías: Tˀin³. Je² cho⁴ta⁴-vi⁴ tsa³cja³ˀa³jian³, nca³ coan⁴chjen¹-na³ jme¹-ni³ nca³ coai⁴cao⁴-ni³ jan³ˀain¹-na⁴ nqui³xcon⁴ cho⁴ta⁴ xi³ li² judío-jin², cao⁴ cho⁴ta⁴ti¹tjon², cao⁴ xti³-le⁴ Israel.

Romanos 1:13

To⁴nca³ me³-na³, ntsˀe³, nca³ jchao⁴³ nca³ ncjin² cˀa³ tsa³ca²te⁴jna³nta³ nca³ cjoi¹con³-no³ (to⁴nca³ sa³ˀnta³ ntˀai⁴-vi⁴ ti¹sˀe³chjoa²-na³), jme¹-ni³ nca³ cˀoa⁴-ti⁴ tjin¹ xi³ si³qui³njen³jin³-si¹ni³no³, jo³-sˀin² nca³ qui³si³qui³njen³jin³-le⁴ xi³cˀa³ cho⁴ta⁴ xi³ li² judío-jin².

Romanos 1:5

Xi³ to⁴tˀa³tsˀe⁴ Cristo qui³scoe²³ cjoa⁴nta³ cao⁴ xa¹-le⁴ pa²stro⁴, jme¹-ni³ nca³ nca³tsˀi³ cho⁴ta⁴ xi³ li² judío-jin² coi⁴tjo³son²-si¹ni³le⁴ nca³ coan⁴cjain¹-le⁴ tˀa³tsˀe⁴ jan³ˀain¹-le⁴ Cristo.

Romanos 15:4

Je² cjoa⁴ qui³chji³tˀa³ nca³sˀa⁴, qui³chji³tˀa³ xi³ tˀa³tsˀe⁴ nca³ coa⁴co²ya³-na¹, jme¹-ni³ nca³ sˀe⁴-si¹ni³na¹ cjoa⁴cho³ya²cao⁴cjoa⁴ xi³ to⁴tˀa³tsˀe⁴ cjoa⁴tse³jta³ cao⁴ cjoa⁴ni²je³ta³con² xi³ tjin¹-le⁴ xon⁴ Escrituras.

Romanos 9:21

A³ tsin²-le⁴ ˀnte³-jin² je² xi³ si¹nta³ ti⁴² nca³ si⁴²nta³-ni³ xi³ ti⁴coi³-ni³ nta¹si³ jnco³ xi³ nˀion¹ nta³ cji³ cˀoa⁴ nqui²jnco³ xi³ to⁴ti⁴²yo⁴ma⁴.

1 Corintios 10:11

Cˀoa⁴ je² cjoa⁴-vi⁴ cˀoa⁴coan³-le⁴ nca³ qui³si³cho⁴ya³-le⁴, to⁴nca³ cˀoa⁴-sˀin² qui³chji³tˀa³ nca³ va³co¹ya³-na¹ nca³ ña¹ xi³ je³ja³ˀai³ne²-na¹ je² ni⁴čhjin³ xi³ fe³tˀa³-ni³.

Gálatas 1:15

To⁴nca³ Ni³na¹ xi³ cˀoa⁴-sˀin² tsa³cjaˀa¹jin³-na³ jo³ sa³ˀnta³ nca³ cje³ tsin³-jian²³, xi³ cao⁴ cjoa⁴nta³-le⁴ qui³nchja⁴-na³. Cˀia⁴ nca³ qui³sa³sen³-le⁴

Efesios 2:10

Nca⁴ ña¹ nia¹ xa¹-le⁴ Ni³na¹. Ni³na¹ cˀoa⁴-sˀin² qui³si³nta³-na¹ nca³ ti³yo³coa⁴² Cristo Jesús, jme¹-ni³ nca³ nta³ si⁴xa¹-nia³² jña³-le⁴ xi³ Ni³na¹ to⁴nqui³-ni³ tsa³cˀe¹nta³ nca³ cˀoa⁴-sˀin² coi⁴ma³coa⁴² cjoa⁴-vi⁴.

Colosenses 1:23

Cˀoa⁴coan⁴ tsa² coa⁴nquin¹-sao⁴³, cˀoa⁴ tsa² coi⁴yo³nˀion¹³ jo³-sˀin² nca³ ma³cjain¹-no³, cˀoa⁴ tsa² tsi² nca³ i⁴ nca³ jan¹ cˀoao¹³-ta³con²³ tˀa³tsˀe⁴ je² cjoa⁴nta³ xi³ ti³cho³ya²-lao⁴³, xi³ tsˀe⁴ je² en¹nta³ tˀa³tsˀe⁴ Cristo xi³ qui³no²ˀyao²³, jña³-le⁴ xi³ qui³no²cjoa⁴ya³jin³-le⁴ nca³tsˀi³ xi³ tjio¹ i⁴ son³ˀnte³-vi⁴. An³ Pablo qui³tjoe¹-na³ coi³ xa¹ tˀa³tsˀe⁴ en¹ je²-vi⁴.

Colosenses 1:6

Je² en¹nta³ xi³ qui³sca³tˀa³-no³, cˀoa⁴-ti⁴sˀin² tso²ˀva³son² son³ˀnte³. Cˀoa⁴-sˀin² ti¹vi³tjo³son², cji³ma³ncjin²ya³ nca³qui³jnta² son³ˀnte³, jo³-sˀin² nca³ ti¹vi³tjo³son²jin³-no³ cji³ma³ncjin²ya³jin³-no³ nca³ jon², jo³ sa³ˀnta³ ni⁴čhjin³ nca³ cjoa⁴qui²xi⁴ qui³no²ˀyao²³ cˀoa⁴ tsa³ˀyao³ cjoa⁴nta³-le⁴ Ni³na¹.

1 Timoteo 2:7

Xi³ tˀa³tsˀe⁴ je² cjoa⁴ an³ qui³si³ca³sen¹jna³-na³ nca³ nchja²ya³ nca³ pa²stro⁴ coan³. (Ña³qui³ cjoa⁴qui²xi⁴ xi³ xian³, a³li²coi³ cjoa⁴nti³so³.) An³ va³co³ya²³-le⁴ cho⁴ta⁴ xi³ li² judío-jin² jo³-sˀin² ma³cjain¹-na¹ cao⁴ xi³ cjoa⁴qui²xi⁴.

2 Timoteo 1:11

Xi³ tˀa³tsˀe⁴ je² en¹nta³-vi⁴ cˀoa⁴-sˀin² qui³sˀe³ne²-na³ nca³ nchja²ya³, nca³ pa²stro⁴ ma³, nca³ maestro ma³-le⁴ cho⁴ta⁴ xi³ li² judío-jin².

2 Timoteo 2:2

Je² xi³ qui³no²ˀya²-nai¹³ nqui³xcon⁴ testigo xi³ ncjin² ma³-ni³, je²-vi⁴ tˀe²ne²-lai⁴ cho⁴ta⁴ xi³ tjio¹jnco³con³, xi³ cˀoa⁴-ti⁴ coan⁴-le⁴ coa⁴co²ya³-le⁴ xi³cˀa³.

Tito 1:5

Coi³ cjoa⁴ nca³ ya⁴ qui³si³cˀe¹jna³-le²³ Creta, jme¹-ni³ nca³ cˀoe¹nta³-si¹ni³ jme³-sa³ xi³ cha³, cˀoa⁴ jme¹-ni³ nca³ si⁴qui³ncha¹-si¹ni³ xa¹ cho⁴ta⁴jchi¹nca³ ya⁴ nca³yi³je³ na⁴xi⁴na³nta¹, jo³-sˀin² tsa³cˀe³ne²³-le²³ nca³ an³.

Hebreos 11:4

Coi³ nca³ coan³cjain¹-le⁴ Abel, je² njin¹ xi³ sˀe³jten⁴ xi³ qui³tsjoa³tˀa³-le⁴ Ni³na¹ nqui²sa⁴ nta³-ni³ cao⁴-ni³ tsa² cjoa⁴tjao²-le⁴ Caín. To⁴coi³ cjoa⁴ nca³ qui³sˀe³jna³ en¹ nca³ cho⁴ta⁴cjoa⁴qui²xi⁴ coan³, nca³ Ni³na¹ qui³tsjoa³ en¹ tˀa³tsˀe⁴ cjoa⁴tjao²-le⁴. Nta³ tsa² cˀen³, to⁴jo³ nchja⁴-sa³ nca⁴ coan³cjain¹-le⁴.

Santiago 3:18

Je² cho⁴ta⁴ xi³ ma³-le⁴ si¹qui³njen³nchˀan¹jin³, je² ni¹ xi³ nchˀan¹-sˀin² vˀe¹ntje² cjoa⁴qui²xi⁴.

1 Pedro 3:15

To⁴nca³ ja⁴jin³ ni⁴ma⁴-no³ jcha⁴xcon¹³ Ni³na¹ xi³ Nai³-na¹. Cao⁴ cjoa⁴ntˀe¹ cao⁴ cjoa⁴xcon¹ta³con² ti⁴yo³ntao³ nca³ntsjai², nca³ coan⁴ coi⁴xon¹ya³-lao⁴³ nca³ jnco¹jnco¹ xi³ sco¹na³nqui³ya³-no³ xi³ tˀa³tsˀe⁴ cjoa⁴ xi³ ti³cho³ya²-lao⁴³.

1 Pedro 3:2

Nca⁴ co³tsen³-no³ nca³ tsje³ ti³yo³cao⁴³ yao³-no³, nca³ vi³jcon³chao³.

1 Juan 4:10

Cˀoi⁴-sˀin² tjin¹ xi³ cjoa⁴tjao²cha³: A³li² coi³-jin² nca³ ña¹ xi³ coan³tsjoa³cha³² Ni³na¹, to⁴nca³ je² Ni³na¹ xi³ coan³tsjoa³que³-na¹ nca³ ña¹. Qui³si³ca³sen¹ ˀnti¹-le⁴ xi³ je¹ntjai²-na¹ coan³-le⁴.

1 Juan 4:19

Ña¹ cjai¹nca³ tjao²cha³² Ni³na¹, nca⁴ je² tjao²que³ coan³-na¹ nca³ ti¹tjon².