San Juan 15:11 - New Testament in Mazatec Huautla

¹¹ Je² en¹-vi⁴ tsa³cja²cao⁴-no³, jme¹-ni³ nca³ je² cjoa⁴tsjoa³-na⁴ sˀe⁴jna³jin³-si¹ni³ ni⁴ma⁴-no³, cˀoa⁴ je² cjoa⁴tsjoa³-no³ coan⁴tse³ya³-si¹ni³.

San Juan 15:11 ပူးပေါင်းရင်းမြစ်များ

San Lucas 15:23

Nčhoa¹cao⁴³ nčha⁴ja⁴ˀnti¹ xi³ nchja¹, ti⁴cˀaon³. Chi⁴ne⁴², cˀoa⁴ sˀoi¹ coi⁴no⁴sje³².

San Lucas 15:32

To⁴nca³ ma³chjen¹ nca³ sˀoi¹ coi⁴no⁴sje³², cˀoa⁴ cˀoai⁴-le⁴² cjoa⁴tsjoa³ yao³-na¹, nca⁴ je² ntsˀai³-vi⁴ je³cˀen³ tsa²cai³, cˀoa⁴ ti¹jna³con³ nqui²jnco³cˀa²-nca¹ni³. Je³qui³cha³ tsa²cai³, to⁴nca³ je³coan³sjai³-ni³ˀni³.

San Lucas 15:5

Cˀia⁴ nca³ coan⁴sjai³-le⁴, coa⁴²ntjai²čhja³ cao⁴ cjoa⁴tsjoa³.

San Lucas 15:9

Cˀia⁴ nca³ je³coan³sjai³-le⁴, coi⁴nchja⁴ma³ña³-le⁴ mi²yo⁴-le⁴ cao⁴ ya¹nchjin¹ xi³ čhian³ ntˀia³-le⁴, coi⁴tso⁴-le⁴: Ca²ta³ma³tsjoa³-no³ cao⁴ an³, nca⁴ je³ca²ma³sjai³-na³ je² ˀnti¹taon⁴čhoa³-vi⁴ xi³ qui³si³cha²³.

San Juan 16:24

Sa³ˀnta³ ntˀai⁴-vi⁴ ni⁴jme³-jin² xi³ ti³ma³ni²jao¹³ cao⁴ jan³ˀain¹-na⁴. Ti⁴jao¹³, cˀoa⁴-sˀin² cˀoai⁴-no³, jme¹-ni³ nca³ cˀoa⁴-sˀin² cjoa⁴tsjoa³-no³ coan⁴tse³ya³-si¹ni³.

San Juan 16:33

Je² cjoa⁴-vi⁴ je³qui³xin³-no³, jme¹-ni³ nca³ cao⁴ an³ coi⁴njen³nchˀan¹jin³-si¹ni³no³. I⁴ son³ˀnte³-vi⁴ cjoa⁴ñˀain³ chja⁴ˀao²³, to⁴nca³ ca²ta³ma³nˀion¹-ta³con²³. An³ je³qui³si³qui³njen³-le⁴ son³ˀnte³.

San Juan 17:13

To⁴nca³ ntˀai⁴-vi⁴ cjoi¹con³-le²³. Je² en¹-vi⁴ xi³ nchja²³ i⁴ son³ˀnte³-vi⁴, jme¹-ni³ nca³ cˀoa⁴-sˀin² coan⁴tse³ya³-si¹ni³ je² cjoa⁴tsjoa³-na⁴ ja⁴jin³ ni⁴ma⁴-le⁴.

San Juan 3:29

Je² xi³ tjin¹-le⁴ chjon⁴² je² xˀin⁴-le⁴. To⁴nca³ je² mi²yo⁴-le⁴ xˀin⁴-le⁴ xi³ se¹jna³tˀa³, nčhˀoe¹-le⁴, cjai¹nca³ to⁴ma³tsjoa³-le⁴ jo³ tso² xˀin⁴-ve⁴. Cˀoa⁴sˀin² cjoa⁴tsjoa³-na⁴ coan⁴tse³ya³.

Romanos 15:13

Cˀoa⁴ je² Ni³na¹ xi³ tsjoa¹ cjoa⁴cho³ya²cao⁴cjoa⁴, ca²ta³si¹tse³-no³ cao⁴ nca³yi³je³ cjoa⁴tsjoa³, cˀoa⁴ cao⁴ cjoa⁴nchˀan¹ta³con² nca³ ma³cjain¹-no³, jme¹-ni³ nca³ coan⁴ncjin²ya³-si¹ni³no³ cjoa⁴cho³ya²cao⁴cjoa⁴ xi³ to⁴tˀa³tsˀe⁴ nca³nˀion¹-le⁴ je² Espíritu Santo.

2 Corintios 1:24

Li²coi³ nca³ jin⁴-jin⁴ va³te²xo³ma³-lai²⁴jin⁴ je² xi³ ma³cjain¹-no³, to⁴nca³ jin⁴ xi³ vi³ncha³cao⁴-lai²⁴jin⁴ xi³ tˀa³tsˀe⁴ cjoa⁴tsjoa³-no³, nca⁴ xi³ tˀa³tsˀe⁴ xi³ ma³cjain¹-no³ nˀion¹ ti³yo³-nio³.

Efesios 5:18

A³li² yao³-no³jin² ni²chˀi⁴-nio³ vino, nca³ cˀoa⁴-sˀin² si¹qui³xo²ya³-ni³ cjoa⁴, to⁴nca³ ca²ta³tse³jin³ ni⁴ma⁴-no³ je² Espíritu Santo.

Filipenses 1:25

Nta³ ˀve³-coan³ je²-vi⁴. ˀve³-nia¹³ nca³ coa²te⁴jna³-sa³, nca³ to⁴jo³ coa²te⁴jna³jin³-sa³no³ nca³tsˀio³, jme¹-ni³ nca³ sˀe⁴-sa³ni³no³ cjoa⁴tsjoa³, cˀoa⁴ jme¹-ni³ nca³ coa⁴nquin¹ti¹tjon² cao⁴ nqui²sao⁴³ jo³-sˀin² ma³cjain¹-no³.

1 Tesalonicenses 5:16

Tsjoa³ ca²ta³ma³-no³ nca³ntsjai².

1 Pedro 1:8

A³li²coi³ tsa³ˀyao³ Jesucristo, to⁴nca³ tjao²cha³-nio¹³. Ma³cjain¹-no³ xi³ tˀa³tsˀe⁴ nca³ je², nta³ tsa² tsi² ti³ˀyao³ ntˀai⁴-vi⁴. Cji³ma³tsjoa³-no³ cao⁴ jnco³ cjoa⁴tsjoa³ xi³ ni⁴ˀya³-jin² xi³ ve³, xi³ nˀion¹ tjin¹-le⁴ cjoa⁴je³ya³.

1 Juan 1:4

Je² cjoa⁴-vi⁴ cˀoa⁴-sˀin² chji³-lai²⁴jin⁴, jme¹-ni³ nca³ coan⁴tse³ya³-si¹ni³ cjoa⁴tsjoa³-no³.

2 Juan 1:12

Nta³ tsa² tse³ cjoa⁴ xi³ tjin¹-na³ xi³ squi³-no³, li²coi³ coan³me³-na³ nca³ si³cji³nčhˀoe²-no³ cao⁴ xon⁴ cao⁴ nta¹jin¹, to⁴nca³ sco³ya²-nia¹³ nca³ cjoi¹con³-no³, cˀoa⁴ nca³ cjoa³cao⁴nca³ˀa³-no³, jme¹-ni³ nca³ je² cjoa⁴tsjoa³-na¹ coan⁴tse³ya³-si¹ni³.