San Juan 14:20 - New Testament in Mazatec Huautla

²⁰ Cˀoa⁴ coi³ ni⁴čhjin³-ve⁴ jcha⁴-nio¹³ nca³ an³ ti²jna⁴coa⁴ Nˀai³-na¹, cˀoa⁴ jon² ti³yo³cao⁴-nao¹³, cˀoa⁴ an³ ti²jna⁴cao⁴-no³.

San Juan 14:20 ပူးပေါင်းရင်းမြစ်များ

San Juan 10:38

Nta³ tsa² tsi² ma³cjain¹-no³ jo³ xian³, tsa² cˀoa⁴sˀian³ xa¹-le⁴ Nˀai³-na⁴, ca²ta³ma³cjain¹-no³ xi³ to⁴tˀa³tsˀe⁴ xa¹ xi³ sˀian³, jme¹-ni³ nca³ cˀoa⁴-sˀin² jcha⁴-si¹nio³ cˀoa⁴ coan⁴cjain¹-si¹ni³no³ nca³ je² Nˀai³-na¹ ti¹jna³cao⁴-na³ cˀoa⁴ an³ ti²jna⁴coa⁴ Nˀai³-na¹.

San Juan 14:10

A³ tsi² ma³cjain¹-li² nca³ an³ ti²jna⁴coa⁴ Nˀai³-na¹, cˀoa⁴ je² Nˀai³-na¹ ti¹jna³cao⁴-na³. Je² en¹ xi³ an³ fa²cao⁴-no³, a³li² to⁴ˀan³ xi³ cˀoa⁴-sˀin² nchja²³, to⁴nca³ je² Nˀai³-na¹ xi³ ti¹jna³cao⁴-na³, je² xi³ cˀoa⁴sˀin¹ je² xa¹-vi⁴.

San Juan 14:11

Ca²ta³ma³cjain¹-no³ nca³ an³ ti²jna⁴coa⁴ Nˀai³-na¹, cˀoa⁴ je² Nˀai³-na¹ ti¹jna³cao⁴-na³. Tsa² tsi² cˀoa⁴-sˀin², ca²ta³ma³cjain¹-no³ tˀa³tsˀan⁴ xi³ to⁴tˀa³tsˀe⁴ je² xa¹ xi³ ti²sˀian³.

San Juan 16:23

Cˀia⁴ ni⁴čhjin³-ve⁴ ni⁴jme³-jin² xi³ cho⁴na³nqui³-nao¹³. Ña³qui³ cjoa⁴qui²xi⁴ ña³qui³ cjoa⁴qui²xi⁴ xi³ xin³-no³, to⁴jme³-ni³ xi³ si⁴je¹-lao⁴³ Nˀai³-na¹ cao⁴ jan³ˀain¹-na⁴, je² tsjoa¹-no³.

San Juan 16:26

Cˀia⁴ ni⁴čhjin³-ve⁴ si⁴jao¹³ cao⁴ jan³ˀain¹-na⁴. A³li²coi³ cˀoa⁴xin³-no³ nca³ an³ cˀoe³tsˀoa²³-le⁴ Nˀai³-na¹ xi³ tˀa³tsaon⁴³.

San Juan 17:11

Li²coi³ ti⁴ˀi⁴ ti²jna⁴-nia³ i⁴ son³ˀnte³-vi⁴, to⁴nca³ je² i⁴ tjio¹ i⁴ son³ˀnte³-vi⁴. An³ cjoi¹con³-le²³ nca³ ji³. Nˀai³tsje³, nta³ ti⁴ca³tio²tjoa²nqui³ nca³nˀion¹-li⁴ je² xi³ cao⁴ jan³ˀain¹-li⁴ tsa³cˀai²-nai¹³.

San Juan 17:26

Je² cho⁴ta⁴-vi⁴ an³ tsa³ca³co³son²tsen³-le⁴ jo³ cjoain³ nca³ ji³. To⁴jo³ cˀoa⁴-la²sˀin² coa³co³son²tsen³ nqui²sa⁴-le⁴, jme¹-ni³ nca³ sˀe⁴-si¹ni³le⁴ cjoa⁴tsjoa³cha³, jo³-sˀin² nca³ coan³tsjoa³cha³-nai¹³, cˀoa⁴ an³ coa²te⁴jna³jian³ ni⁴ma⁴-le⁴.

San Juan 17:7

Ntˀai⁴-vi⁴ je³tsa³ve³ nca³ nca³yi³je³ cjoa⁴ xi³ tsa³cˀai²-nai¹³ tsi⁴ ni¹³.

San Juan 6:56

Je² xi³ squi⁴ne⁴ yao³-na⁴, cˀoa⁴ xi³ scˀoi¹ njin¹-na⁴, an³ ti¹jna³cao⁴ntsjai²-na³, cˀoa⁴-ti⁴ an³ ti²jna⁴jin³ntsje²³ ni⁴ma⁴-le⁴.

Romanos 16:7

Ti⁴ti²ˀntao³ je² Andrónico cˀoa⁴ cao⁴ Junias, xi³ xi²nquia⁴ xi³ ña³tjen⁴ tsa³qui³yo³ˀyai³-jin⁴ nto⁴ya¹, je² xi³ nta³ ˀya³-le⁴ ya⁴jin³-le⁴ pa²stro⁴-ve⁴, jña³-le⁴ xi³ nqui²sa⁴ ti¹tjon² tsa³ca³tio²tˀa³-le⁴ Cristo cao⁴-ni³ tsa² an³.

Romanos 8:1

Ntˀai⁴-vi⁴ntai⁴ ni⁴jme³-jin² cjoa⁴ñˀain³ xi³ tjin¹ne²-le⁴ je² xi³ tjio¹cao⁴ Cristo Jesús, je² xi³ tsi² tsa² coi³ cˀoa⁴-sˀin² vˀe²tso⁴ma³ jo³-sˀin² nca³ me³-le⁴ yao³-na¹, to⁴-nca³ jo³-sˀin² nca³ me³-le⁴ Espíritu Santo.

1 Corintios 1:30

Tsˀe⁴ Ni³na¹ nio¹³ jon² nca³ ti³yo³cao⁴³ Cristo Jesús. Je² xi³ Ni³na¹ qui³tsjoa³ nca³ cjoa⁴chji⁴ne⁴-na¹ coan³. Je² xi³ qui³si³cje³tˀa³ je¹-na¹, cˀoa⁴ qui³si³tsje³-na¹, cˀoa⁴ tsa³cˀe¹chji¹ntjai²-na¹.

2 Corintios 12:2

ˀve³xcon³-nia¹³ jnco³ cho⁴ta⁴ xi³ fi²tˀa³-le⁴ Cristo, xi³ je³coan³ te³ño³ no¹ qui³ntoa³ nti⁴ton⁴-ni³, sa³ˀnta³ xi³ ma³jan²-ni³ ncˀa³jmi³ (tsa² ti¹jna³jin³ yao³-le⁴, li²coi³ ˀve³, cˀoa⁴ tsa² tsi² ti¹jna³jin³ yao³-le⁴, li²coi³ ˀve³. Ni³na¹ xi³ ve³).

2 Corintios 13:5

Cho¹tˀao³ yao³-no³ nca³ ti⁴jon²-nio³, tsa² nta³ ti³yo³cao⁴³ xi³ ma³cjain¹-no³. Nta³ cho¹tˀao³ yao³-no³ tsa² nta³ cjoaon³. A³ tsi² nta³ ˀya³xcon³-nio³ yao³-no³ nca³ Jesucristo ti¹jna³jin³ ni⁴ma⁴-no³, to⁴nca³ li²coi³ cˀoa⁴-sˀin² ma³ tsa² tsi² nta³ ji²tjo⁴-nio³.

2 Corintios 5:17

Cˀia⁴ tsa² jnco³ xi³ ti¹jna³cao⁴ Cristo, coan³cho⁴tse⁴ya³ nqui²ntia³-ni³. Je² cjoa⁴ nca³sˀa⁴ je³ja³ˀa³to³. Coe⁴-ni³ coan³cho⁴tse⁴ nca³yi³je³ cjoa⁴.

2 Corintios 5:19

Coi³ je²-vi⁴ nca³ Ni³na¹ tsa³cˀe²jna³cao⁴ Cristo, nca³ qui³si³cjao²nta³-ni³ son³ˀnte³ xi³ ti⁴tˀa³tsˀe⁴-ni³. Li²coi³ ya⁴ qui³si³cˀa³ je¹-le⁴, cˀoa⁴ tsa³cˀe¹jna³tˀain³-na³jin⁴ je² en¹ xi³ ni²cjao²nta³-ni³jin⁴.

Gálatas 2:20

Cˀia⁴ nca³ Cristo tsa³cˀe²jna³ cˀen³ ya⁴tˀa³ cro², cˀoa⁴-ti⁴ an³ to⁴jo³ cˀoa⁴-sˀin² tsa³ca²te⁴jna³ cˀen³, to⁴nca³ ti²jna⁴coan³, li²coi³ ti⁴ˀan³-nia³, to⁴nca³ Cristo ti¹jna³con³ ja⁴jin³ ni⁴ma⁴-na⁴. Je² cjoa⁴vi³jna³chon³ xi³ ntˀai⁴-vi⁴ ti²jna⁴con³-nia³ yao³-na⁴, ti²jna⁴coan³ nca⁴ ma³cjain¹-na³ tˀa³tsˀe⁴ je² ˀnti¹-le⁴ Ni³na¹, xi³ coan³tsjoa³que³-na³, xi³ qui³tsjoa³ntjai² yao³-le⁴ xi³ tˀa³tsˀan⁴.

Efesios 2:10

Nca⁴ ña¹ nia¹ xa¹-le⁴ Ni³na¹. Ni³na¹ cˀoa⁴-sˀin² qui³si³nta³-na¹ nca³ ti³yo³coa⁴² Cristo Jesús, jme¹-ni³ nca³ nta³ si⁴xa¹-nia³² jña³-le⁴ xi³ Ni³na¹ to⁴nqui³-ni³ tsa³cˀe¹nta³ nca³ cˀoa⁴-sˀin² coi⁴ma³coa⁴² cjoa⁴-vi⁴.

Colosenses 1:19

Cˀoa⁴-sˀin² coan³me³-le⁴ Ni³na¹ nca³ ña³qui³ cˀoa⁴cjoan³ Cristo nca³ntsjai² jo³ cjoan³ Ni³na¹.

Colosenses 1:27

Ni³na¹ coan³me³-le⁴ nca³ qui³si³cji³nčhˀoe¹ je² cho⁴ta⁴-le⁴ Cristo jo³-sˀin² nˀion¹ tse³ cjoa⁴je³ya³ tjin¹-le⁴ je² cjoa⁴ˀma³-ve⁴ ya⁴jin³-le⁴ cho⁴ta⁴ xi³ li² judío-jin². Je² cjoa⁴ˀma³-ve⁴ je² Cristo xi³ ti¹jna³jin³ ni⁴ma⁴-no³. Coi³ nca³ sˀe⁴-no³ je² cjoa⁴je³ya³ xi³ ti³cho³ya²-lao⁴³.

Colosenses 2:9

Ña³qui³ cˀoa⁴cjoan³ Cristo nca³ntsjai² cao⁴ yao³-le⁴ jo³ cjoan³ Ni³na¹.

1 Juan 4:12

Ni⁴ˀya³-jin² xi³ qui³sco²tsen³-le⁴ Ni³na¹. Tsa² tjao²cha³ coan⁴² xi²nquia⁴², Ni³na¹ ti¹jna³jin³ntsjai² ni⁴ma⁴-na¹, cˀoa⁴ cjoa⁴tjao²cha³-le⁴ ña³qui³ coan³jnco³jin³ ni⁴ma⁴-na¹.