San Juan 14:17 - New Testament in Mazatec Huautla

¹⁷ Je² xi³ Nˀai³-na¹ tsjoa¹-no³, je² Espíritu Santo xi³ ña³qui³ cjoa⁴qui²xi⁴, xi³ cho⁴ta⁴son³ˀnte³-vi⁴ li²coi³ ma³-le⁴ cjoe¹tjao² nca³ tsi² tsa² coi³ ve³, ni⁴ve³xcon³-jin². To⁴nca³ jon² ˀya³xcon³-nio¹³, nca⁴ ti¹jna³cao⁴-no³, cˀoa⁴ cjoa⁴ˀa³sˀen³jin³ ni⁴ma⁴-no³.

San Juan 14:17 ပူးပေါင်းရင်းမြစ်များ

San Mateo 10:20

nca⁴ tsi² tsa² jon² xi³ coi⁴no²cjoao⁴³, to⁴je² Espíritu-le⁴ Nˀai³-no³ xi³ nchja⁴jin³-no³ nca³ jon².

San Juan 14:16

Cˀoa⁴-sˀin² cˀoe³tsˀoa²³-le⁴ Nˀai³-na¹, cˀoa⁴ je² tsjoa¹ nqui²jnco³-no³ xi³ coa⁴sen⁴cao⁴-no³, jme¹-ni³ nca³ cˀoe¹jna³cao⁴ntsjai²-si¹ni³no³.

San Juan 14:23

Jesús qui³tso²-le⁴: Je² xi³ tsjoa³que³-na³, si⁴²qui³tjo³son² en¹-na⁴. Nˀai³-na⁴ tsjoa³que³ nca³ je², cjoa²ˀai⁴chon³-lai⁴jin⁴, cˀoa⁴ coi⁴yo³coai⁴-jin⁴.

San Juan 15:26

To⁴nca³ cˀia⁴ nca³ cjoa⁴ˀai¹ je² xi³ va³sen¹cao⁴, xi³ an³ si³ca³sen¹³-no³ tˀa³tsˀe⁴ Nˀai³-na¹, je² Espíritu Santo xi³ ña³qui³ cjoa⁴qui²xi⁴, xi³ ya⁴ fa³ˀai³-ni³ Nˀai³-na¹, je² xi³ tsjoa¹ en¹-le⁴ xi³ tˀa³tsˀan⁴.

San Juan 16:13

Cˀia⁴ nca³ cjoa⁴ˀai¹ je² Espíritu Santo xi³ ña³qui³ cjoa⁴qui²xi⁴, je² xi³ si⁴²qui³ncha¹ya³ntia³-no³ nca³yi³je³ xi³ ña³qui³ cjoa⁴qui²xi⁴, nca⁴ tsi² tsa² to⁴je² xi³ cˀoa⁴-sˀin² coi⁴nchja⁴, to⁴cˀoa⁴-sˀin² coi⁴nchja⁴ jña³-le⁴ xi³ cjoi⁴nčhˀoe¹, cˀoa⁴-sˀin² si⁴²cji³nčhˀoe¹-no³ jme³-sa³ni³ cjoa⁴ xi³ cjoa⁴ˀai¹.

San Juan 6:40

Cˀoa⁴ coi³ xi³ me³-le⁴ je² xi³ qui³si³ca³sen¹-na³, nca³ je² nca³tsˀi³ xi³ ve³ ˀnti¹-le⁴, cˀoa⁴ xi³ ma³cjain¹-le⁴ tˀa³tsˀe⁴, ca²ta³sˀe³-le⁴ cjoa⁴vi³jna³chon³ nca³ntsjai². Cˀoa⁴ an³ si³cja³ˀa¹ya³-ni³le⁴ nca³ coi⁴cho³cje³tˀa³ ni⁴čhjin³.

1 Corintios 14:15

Jme¹-ni³ tso²cˀoa⁴. Cˀoe³tsˀoa²³ cao⁴ espíritu-na⁴, to⁴nca³ cˀoa⁴-ti⁴ cˀoe³tsˀoa²³ cao⁴ cjoa⁴fa³ˀai³tsjen³-na⁴. Se³ cao⁴ espíritu-na⁴, to⁴nca³ cˀoa⁴-ti⁴ se³ cao⁴ cjoa⁴fa³ˀai³tsjen³-na⁴.

1 Corintios 2:14

Je² cho⁴ta⁴ xi³ to⁴xa¹ cjoan³-ni³ li²coi³ cjoe¹ je² cjoa⁴ xi³ tsˀe⁴ Espíritu Santo xi³ tsˀe⁴ Ni³na¹, nca³ to⁴cjoa⁴sca¹ ma³-le⁴. Li²coi³ ma³ ma³cho⁴ya³-le⁴ nca⁴ to⁴cao⁴ Espíritu Santo cho²tˀa³jin³ je² cjoa⁴-ve⁴.

1 Corintios 3:16

A³ tsi² tsa² ˀyao³ nca³ jon² xi³ ntˀia³-le⁴ Ni³na¹ ˀmi²-no³, cˀoa⁴ je² Espíritu Santo xi³ tsˀe⁴ Ni³na¹ ti¹jna³jin³ ni⁴ma⁴-no³.

1 Corintios 6:19

A³xo⁴ tsi² tsa² ˀyao³ nca³ je² yao³-no³ ntˀia³-le⁴ Espíritu Santo ni¹, je² xi³ ti¹jna³jin³-no³ nca³ jon², jña³-le⁴ xi³ tsˀe⁴ Ni³na¹ tjin¹-ni³no³, cˀoa⁴ nca³ tsi² ti⁴tsaon⁴³-nio³ nca³ jon².

2 Corintios 13:5

Cho¹tˀao³ yao³-no³ nca³ ti⁴jon²-nio³, tsa² nta³ ti³yo³cao⁴³ xi³ ma³cjain¹-no³. Nta³ cho¹tˀao³ yao³-no³ tsa² nta³ cjoaon³. A³ tsi² nta³ ˀya³xcon³-nio³ yao³-no³ nca³ Jesucristo ti¹jna³jin³ ni⁴ma⁴-no³, to⁴nca³ li²coi³ cˀoa⁴-sˀin² ma³ tsa² tsi² nta³ ji²tjo⁴-nio³.

2 Corintios 6:16

Jo¹-sˀin² to⁴nco¹son² va³tio²-ni³ je² ntˀia³-le⁴ Ni³na¹ cao⁴ je² xco¹son². Nca⁴ jon² nio¹³ ntˀia³-le⁴ Ni³na¹ xi³ ti¹jna³con³, jo³ qui³tso² Ni³na¹: Coa²te⁴jna³coa⁴, cˀoa⁴ cˀoa³mjen³jin³-le⁴ nca³ je². Cˀoa⁴ an³ coan⁴ Ni³na¹-le⁴, cˀoa⁴ je² coan⁴ na⁴xi⁴na³nta¹-na⁴.

Gálatas 4:6

Ni³na¹ qui³si³ca³sen¹jin³ ni⁴ma⁴-no³ je² Espíritu-le⁴ ˀnti¹-le⁴, je² xi³ cˀoi⁴tso²: Abba, Nˀai³, nca⁴ jon² nio¹³ xti³-le⁴.

Efesios 2:22

Cˀoa⁴-ti⁴ jon², nca³ ti³yo³cao⁴³ Nai³-na¹, cˀoa⁴-ti⁴sˀin² sˀe⁴cjao³nˀion¹ cao⁴ xi²nquio⁴³, jme¹-ni³ nca³ ntˀia³-le⁴ Ni³na¹ coan⁴-si¹nio³ to⁴tˀa³tsˀe⁴ je² Espíritu Santo.

Efesios 3:17

Nta³ ca²ta³vˀe²jna³jin³ ni⁴ma⁴-no³ Cristo nca³ ma³cjain¹-no³. Vˀe³tsˀoa²³ nca³ nˀion¹ coi⁴yo³cao⁴³ nca³ nˀion¹tˀa³ coaon⁴³ cjoa⁴tjao²cha³,

Colosenses 1:27

Ni³na¹ coan³me³-le⁴ nca³ qui³si³cji³nčhˀoe¹ je² cho⁴ta⁴-le⁴ Cristo jo³-sˀin² nˀion¹ tse³ cjoa⁴je³ya³ tjin¹-le⁴ je² cjoa⁴ˀma³-ve⁴ ya⁴jin³-le⁴ cho⁴ta⁴ xi³ li² judío-jin². Je² cjoa⁴ˀma³-ve⁴ je² Cristo xi³ ti¹jna³jin³ ni⁴ma⁴-no³. Coi³ nca³ sˀe⁴-no³ je² cjoa⁴je³ya³ xi³ ti³cho³ya²-lao⁴³.

2 Timoteo 1:14

Xi³ to⁴tˀa³tsˀe⁴ je² Espíritu Santo xi³ ti¹jna³jin³ ni⁴ma⁴-na¹, nta³ tˀe²jna³tjoai²³ je² xi³ qui³cha³ni²-li².

1 Juan 2:27

To⁴nca³ je² Espíritu Santo xi³ jon² qui³tsˀai²-no³ jo³-ni³ si²ti⁴ xi³ qui³no²njon³ yao³-no³, ti¹jna³jin³ntsjai² ni⁴ma⁴-no³. Li²ˀya³ xi³ ma³chjen¹-no³ xi³ coi⁴tso⁴ya³-no³. Ti⁴je²-ni³ Espíritu Santo xi³ tso²ya³-no³ nca³yi³je³ cjoa⁴. Je² xi³ tjin¹-le⁴ cjoa⁴qui²xi⁴ li²coi³ nti³so³. Jo³-sˀin² nca³ qui³tso²ya³-no³, cˀoa⁴-sˀin² ti⁴yo³cjao³ntsjao²³ cao⁴ Cristo.

1 Juan 3:24

Je² xi³ si¹cji³tjo³son² cjoa⁴te¹xo³ma³-le⁴, ti¹jna³cao⁴ Ni³na¹, cˀoa⁴ Ni³na¹ ti¹jna³cao⁴ nca³ je². Cˀoi⁴-sˀin² ˀya³nia¹ nca³ Ni³na¹ ti¹jna³jin³ntsjai² ni⁴ma⁴-na¹, nca⁴ qui³tsjoa³-na¹ je² Espíritu Santo.

1 Juan 4:4

Jon² nio¹³, ˀnti¹xti³-na⁴, tsˀe⁴ Ni³na¹ nio¹³, cˀoa⁴ qui³ni²qui³njen³-lao⁴³ je² xi³ nchja⁴ya³ cjoa⁴nti³so³, nca⁴ je² xi³ ti¹jna³jin³ ni⁴ma⁴-no³ nqui²sa⁴ ncˀa³ ti¹jna³ cao⁴-ni³ tsa² je² nai⁴² xi³ tso²ˀva³ i⁴ son³ˀnte³-vi⁴.

1 Juan 4:6

To⁴nca³ ña¹ tsˀe⁴ Ni³na¹ nia¹. Je² xi³ ña³qui³ nta³ ve³ Ni³na¹, nčhˀoe¹-na¹. Je² xi³ tsi² tsˀe⁴ Ni³na¹, li²coi³ nčhˀoe¹-na¹. Coi³ cjoa⁴ nca³ ˀya³-nia¹ je² espíritu xi³ cjoa⁴qui²xi⁴ cˀoa⁴ je² espíritu xi³ nti³so³.

1 Juan 5:7

Jan² ma³-ni³ xi³ si¹qui²xi⁴ya³ en¹ ya⁴ ncˀa³jmi³, je² Nˀai³-na¹, je² en¹ xi³ ti⁴je²-ni³ Cristo, cao⁴ je² Espíritu Santo. To⁴ña³qui³ jnco³ ma³ nca³ jan²-ve⁴.

Apocalipsis 2:17

Je² xi³ tjin¹ xo⁴ño³, ca²ti³ncha²ño³-le⁴ jo³ tso²-le⁴ je² na⁴xi⁴na³nta¹-le⁴ Cristo je² Espíritu Santo. Je² xi³ si⁴²qui³njen³, si³cjen²³ nio⁴xti²la⁴ maná xi³ ti¹jna³ˀma³, cˀoa⁴ tsjoa³-le⁴ jnco³ la⁴jao⁴ˀnti¹ xi³ čhoa³ cji³. Cˀoa⁴ tji¹tˀa³ jnco³ jan³ˀain¹ la⁴jao⁴-ve⁴, jña³-le⁴ xi³ ni⁴ˀya³-jin² xi³ ve³, to⁴je² xi³ cjoe¹.